السلام عليكم خاوتي كيراكم نتمنى تكونو غاية ليوم جيتكم بسوجي هايل و نتمى تفهموه الي هو
Les Adverbes Pronominaux (en, y)
دابور واش معنهم
هادو زودج يستعملوهم بزاف في اللغة الفرنسية سيرتو في الهدرة والكثير منا ما يعرفش كيفاش يوضفهم
ماعليناش نبداو ب En بصح انطونسيون مانيش غادي نهدر عليها مين تكون Préposition أي حرف جر راني نقول عندما تكون Adverbe Pronominal
نقدرو نروبلاسيوها بالاسم التابع لحرف جر de واللي يحتوي على تعابير خاصة بالكمية ما دوخش دروك نفهمك مثلا تسقسي صاحبك تقولو
As-tu besoin d’argent?
ولا تعاودلو تقولو
En as-tu besoin?
اللي راني مسطر عليه هادا يسميواه في الفرونسي لوبجي تاع البريبوزيسيون دو(l’objet de la préposition de)
الوغ هاد Le nom اللي قلنا عليه بانو (l’objet de la préposition de) نروبلاسيواه ب En ويليق نديروها في البداية مثل
· ? As-tu besoin d'argen هل تحتاج إلى بعض النقود
· ? => En as-tu besoin هل تحتاج أو هل تحتاج إليهم
· J'ai quatre livres. لدي أربعة كتب
· => J'en ai quatre. لدي أربعة أو لدي أربعة منهم
· J'ai trois jeux. لدي ثلاثة العاب
· => J'en ai trois. = لدي ثلاثة أو لدي ثلاثة منهم
· Elle parle tout le temps de son travail. تتكلم كل الوقت عن عملها
· => Elle en parle tout le temps. تتكلم كل الوقت عنه
· Elle vient de Barcelone. هي قادمة من برشلونة
· => Elle en vient. هي قادمة من هناك
· J'ai besoin de patience. لقد كنت محتاج لصبر
· => J'en ai besoin. كنت محتاج أليه
دروك نروحو ل adverbe Pronominal Y
هاد L’adverbe Pronominal عموما يستعمل للاشارة الى مكان معين عندما نقولو
- Nous y allons. = إننا ذاهبون إلى هناك
- Vous y êtes. = أنت هناك
- J'y suis arrivé. = لقد وصلت إلى هناك
نستعملوه تاني كي نبغيو نروبلاسيواه ب Preposition à أي حرف جر à بصح لازم هاد الحرف جر à يكون متبوع بإسم يدل او يشير الى مكان او شيء اخر
بصح كاين حاجة يليق تفهمها مانرومبلاسيواهش ديراكت في بلاست à والاسم تاعو ماتقولش
On va y لالا ديرو Y قبل الفعل مثل
- On va à Paris. نحن ذاهبون إلى باريس
- => On y va. نحن ذاهبون إلى هناك
- Je vais à la bibliothèque. أنا ذاهب إلى المكتبة
- => J'y vais. أنا ذاهب إلى هناك
اذا كان عندك زودج تاع الافعال متابعين دير Y بيناتهم لانو تابع للتاني مثل
- On devrait obéir à la loi. ينبغي للمرء أن يلتزم بالقانون
- => On devrait y obéir. ينبغي للمرء أن يلتزم به
نستعملوه تاني كي نبغيو نروبلاسيوو بحروف الجر لخرى اللي دل عل المكان ولا دل عل الحركة أي التنقل والسفر وراني مسطر عليهم مثل
- Le livre est sur la table. => Le livre y est.
- Elle part en France. => Elle y va.
