يرحم باباكم فهموني.وشي هادا ؟؟؟؟

[♥بنت عنابة♥]

السلام عليكم ورحمة الله وبركاته
وشراكم لاباس رمضان راه جايننا ان شا الله نصوموه بالصحة والهنا

المهم مانطولش عليكم حابة نعرف حاجة وحدة برك وعلاه البخل هكا عند الاغنياء
يا بن عمي خلي نحكيلكم زوج حكايات صراولي صح نشوفهم بعيني

هادي لولة

قالك واحد هدا لاباس بيه الله يبارك عندو الباي قالك جاه صاحبو وكي جا جاب لولاد هاد السيد حوايج تاع ولاد يلعبوا ماعلينا قاذعدو يحيكو حتى نطق هاد الريشار الغني قالو هيا نروحو نشربو قهوة يعني عرضو
دخلو للقهوة الراجل دومندا كاس تاي و قرعة صغيرة تاع ايفري قالو صاحبو وهادو لشكون
قالو نتقاسموهم هههههههههههههههههههههههههه



هادي الثانية
بابا عندو صاحبو الله يبارك ربي يزيدلو في خيرو جا لعندنا اليوم قتلو بابا راهو غايب قالي كي يعيط قولو يعيطلي واحد 23 خطرة ويقلي هكدا
انا على نيتي قتلو نعطيك النيمرو ايدا محتاجو قالي لا راو عندي بالصح خاصوني ديزينيتي هههههههه
وواحد الطونوبيل يسوق فيها عينيك يخرجو



ربي يهديهم الناس كيما هادو
راني نهرف بزاف تعبتكم معايا خيرلي نسكت
هيا تبقاو على خير ​

 

[ماكانش]

ههههههههه
أهلا بيك بنت عنابة
يعطيك الصحة على الموضوع الباهي
حكايات البخل راهي غير عندنا حنا الباتنية مع جماعة الذهب
يقولولهم الجبايلية ...
أيا نحكيلك هذي
مرة كنت قاعد مع واحد في الطاكسيفون تاعو أيا دخل "الصالح كوبا" هذا ماكانش ألي مايعرفوش في الجزاير كامل من كثرة الدراهم
أيا فليكسا فاميل صاحبي هذا حكم عليه 21 ألف
نطق الصالح هذا قالو وعلاه ألف فرنك خوك موالف يحكم عليا 20 ألف برك ؟؟؟
وهذا واقيلا دراهم مايتحسبوش ...
وحكايات بزاف
ملاحظة:
كاين البخل وكاين الشح
البخل انو الإنسان يبخل غيرو ولكن يصرف على روحو
والشح انو الإنسان يبخل نفسو يالطييييف

ا​

 

[N@riM@N]

هههههههههههههههههههههه واش نقلك لبخل صفه ورائيه يتوارثها الاجيال في الجزائر
ياااازح نحن شعب نمووووت ع دوروووو ني مولا شكاره ني زوالي قاع كيفكيف
يعطيك الصحه
​

 

[الخجولة]

ههههههههههههههههههههههه راكي ضحكتينا سيرتو القصة التانية بصح ماعليش المرة الجاي كي يجي صاح باباك قوليلو نعطيلك باش تفليكسي الى ماعندكش ههههههههههههههههههههههههه
تسلمي على الموضوع

 

[adel-mz]

البخل ضد الكرم ودليل على قلة العقل وسوء التدبير
اللهم إني أعوذُ بك من الهَم والحَزَنِ، والعَجْزِ والكسَل، والبُخْلِ والجبنِ، وضلع الدّين، وغَلَبَة الرجَالِ.
مشكورة الاخت

 

[هدى]

ماشاء الله كثرت حكايات البخل والشح في المنتدى هذا واش باين عليكم مقيوسين بزاف
انا لافيريتي جامي طحت في موقف كيما هك
بصح مع الايام ممكن نصادف هذا الموقف وتما نجي نحكيلكم عليه
​

 

[zaho1994]

والله حكاية تضحك هههههههههههههههههههههههههههه
حنا في بلادنا قاتلنا غير البخل والله غير تحيرو
ربي يهديهم قولو اميييييييييييييييييييييييييين
مشكورة اختي

 

[hannsg]

ههههههههه حكايات الجاحظ ههههه

 

[♥بنت عنابة♥]

ههههههههه
أهلا بيك بنت عنابة
يعطيك الصحة على الموضوع الباهي
حكايات البخل راهي غير عندنا حنا الباتنية مع جماعة الذهب
يقولولهم الجبايلية ...
أيا نحكيلك هذي
مرة كنت قاعد مع واحد في الطاكسيفون تاعو أيا دخل "الصالح كوبا" هذا ماكانش ألي مايعرفوش في الجزاير كامل من كثرة الدراهم
أيا فليكسا فاميل صاحبي هذا حكم عليه 21 ألف
نطق الصالح هذا قالو وعلاه ألف فرنك خوك موالف يحكم عليا 20 ألف برك ؟؟؟
وهذا واقيلا دراهم مايتحسبوش ...
وحكايات بزاف
ملاحظة:
كاين البخل وكاين الشح
البخل انو الإنسان يبخل غيرو ولكن يصرف على روحو
والشح انو الإنسان يبخل نفسو يالطييييف

ا​

وبيك خويا انا صح عنابية بالصح نموووت على باتنة وناس باتنة يعجبوني بزاف
عندنا لافامي لتم
الصالح كوبا هادا ههههههههه مشحاح تاع الصح حتى في الف فرنك

 

[♥بنت عنابة♥]

هههههههههههههههههههههه واش نقلك لبخل صفه ورائيه يتوارثها الاجيال في الجزائر
ياااازح نحن شعب نمووووت ع دوروووو ني مولا شكاره ني زوالي قاع كيفكيف
يعطيك الصحه
​

عجبتني هادي تاع صفة وراثية هههههههههههههههههه​

 

[♥بنت عنابة♥]

ههههههههههههههههههههههه راكي ضحكتينا سيرتو القصة التانية بصح ماعليش المرة الجاي كي يجي صاح باباك قوليلو نعطيلك باش تفليكسي الى ماعندكش ههههههههههههههههههههههههه
تسلمي على الموضوع

والله تقول صح تالمو من شدة الدهشة ماعرفتش وش نقولو ههههههه

 

[♥بنت عنابة♥]

البخل ضد الكرم ودليل على قلة العقل وسوء التدبير
اللهم إني أعوذُ بك من الهَم والحَزَنِ، والعَجْزِ والكسَل، والبُخْلِ والجبنِ، وضلع الدّين، وغَلَبَة الرجَالِ.
مشكورة الاخت

آميييييييييييييييييييييين​

​

 

[MiSs Sisi StyLe]

ههههههههههههه موضوع يقتل بالضحك عيش تشوف صح بصح لخرا اديا تاع معنديش les unitè تقتل العبد بقلبوووووووووووووووووووووووووووو
مرسيــــــــــت حنونة مازال مشفتيش عباد يعيو صح هادو والو

 

[07 _H@yThm]

وعليكم السلاام مانفهمي مادوخي
كلش عادي
​

 

[chiva.]

مترفهين قوحطية مسامير 24 تحير ياو يسقلها الوراث

اللهم اجعلها في ايدينا ولا تجعلها في قلوبنا

زوالي وفحشوش :shiny:

 

[♥بنت عنابة♥]

مترفهين قوحطية مسامير 24 تحير ياو يسقلها الوراث

اللهم اجعلها في ايدينا ولا تجعلها في قلوبنا

زوالي وفحشوش :shiny:

اميييييييييييين ربي يزقنا مما رزقهم​

​

 

[ابوندى]

الي فيه ن3ة عمرو مايتن3ى ولو يكسب اموال الدنيا ..

اهلا جارتي منورة المنتدى
​

 

[fufa22]

ربي يهديهم
​

 

[Jeune Sghir Mc]

تقولي راح يدوهم معاهم للقبر
استغفر الله
ربي يهدي
​

 

[meriem150491]

خايفين مساكن يفقرو هههههههه
​