((لـــــــــيـــــــكـــــــــ ـادو و التـــــــــاوســــــــــات)) لعراس،،السوابع،،الطهارات

[بنـ MaPa ـت]

السلام عليكم ورحمة الله وبركاته

واش راكم خاوتي انتيك؟؟ لاباس؟؟
الحــــــــــــــمــــــــــــد لله

اليوم حبيت نحكيلكم شوية على التاوسات وليكادو تع لعراس والطهارات والسوابع....الخ

*يحكولي قالك وحدة دات بليغة تع نيلون (حشاكم) لوحدة تزوجت.....وهادي بنت عمتي جابولها في باطة تع صباط (حاشاكم) 2 بيبرون واحد زرق وواحد غوز دوخوني تع صح :cra_zy:....
*وهادي وحدة جابولها طابلية تع شغل......والكبيرة هادي عمتي حكاتهالي وحدة دارولها كادو 2 حجر في باطة وغلفوهم :scared: والله يا خاوتي كااااارثة سارفيس ولا حاجة مليحة يعزوها ويشحاحو عليها؟؟؟ وبعدا يتوسو بعشة آلاف؟؟...ياو كاين لي يشطحو حتى يشبعو ويمنشرو في العروسة بلا حساب ويرهجو وكي يخلاص العرس قال مبروك عليهم وربي يهنيهم ويقلعو هكداك بلاش لصحاب العرس _o:.......

وفي الطهارات كاين عباد ما يحشموش يمدو بالعشرة آلاف وكاين لي ألفين.....و في السوابع المزيود هاداك يحطولو تحت جناحو الفين فراك وكاين لي خمسة آلاف :sad: ماشي عيب هاد الشي....وقولولي هادو ناس؟؟؟......كاين لي مساكن ماعندهمش هادوك ماقلنا والو مايدوش معليش قال ماعندهمش جايزة مي الناس لي لاباس عليهم الله يبارك يدو حاجة تبهدل؟؟ واش يفهموها صحاب السبة هاديك يقولك راهم يطيحو بينا ويستهزاو علينا.......وكاين الحكايات بزاااااااااف والعجب المعجب عطيتكم مثال برك...

:: ربي يهديهم ::

قولولي سمعتو بهاد الشي؟؟ عندكم عباد عاملين هكدا؟؟؟

\\كل واحد يحكيلنا واش سمع ولا شاف\\

الـــــــــــــــــــيــــــــــــــــــكـــــــــــــــــــم الــــــــــــــــــــخــــــــــــــــــــط

كنتم مع العضوة بنت ماماها وباباها :shiny:

سلامو
:re_gards:
​

 

[** غزال الصحراء **]

و عليكم السلام و الله صح!
و الله صح عيــب , يعني اللي يلحق لمناسبة و يحط 20 دينار , Il faut mieux ما يروحش قاع
و لا كي يروح ما يحط والو //

و ليكادو عندك ما تشوف لعجب , كاين اللي يغلفلك حاجة قديمة عندو , , يديرهالك كادو عادي
ناس مشحاحة تموت و تخليهم

ربي يصلح لحوال
سلام .

 

[chouchou rose]

كاين اللي يغلفلك حاجة قديمة عندو

هيييييييييييييييييه سورتو هاذي تصرى بزاااااف

 

[DARINE05]

ايييييييييي اسكتي برك يجيو يرهجو ويشطحو وعلى اللخر تقلك اسمحيلي مسلكش راجلي وزيد تجيبلك معها ولدها يديرو الحرج يخي عباد يخي الوحد يمشي بوجهو ويدير كادو مليح ميش حكاك برك مرسيييييييييي

 

[عربية6]

صحيتي على الموضوع يا بنت باباها و ماماها

وي مام احنا تلقاي عندنا هاد لعقلية ....تارمو تاع قهوة مكسرة....سارفيس تاع عام 1900 قديم و محكوك....

و تلقاي تاني تاع 10 الاف و الفين هههه...عجب و الله .........مش عارفة كي راهم يخمو

ربي يهدينا

صحيتي خيتو
​

 

[نجـStarــمة]

والله تشوفي لعجب صح ..مرة وحدة باه تروح تهني لمزيود كانت عندها 20الف راحت صرفتها باه تولي 10ألاف و مدتها ...وهي لاباس عليها ايا واش تقولي فيها هادي :schmoll:
كيما يقولك عيش تشوف وعيش تسمع راه رجع كلش بالمقلوب
هكا الناس راهم دايرين يخافو على الدورو كتر ما يخافو على رواحهم ساعات.. وحاشى عباد ما يستاهلوش
ذنبهم انهم ما عندهمش وفرات يروحو في جرة القبيح الله غالب عليهم
كاين وكاين حوايج خرى تصرا بزاااف... ربي يهدي ما خلق
شكراااا ليك على الموضوع حبوبة
تحيآآآآآتي...+...تقييم

​

 

[برنســ اللمة ـيسة]

سلامو مروتي
واش راكي؟؟
و الله نقولك الصح جامي شفت هاد المظاهر و الله لا يشوفني فيهم
ربي يعين اللي طاح في عباد كيما هكدا
+تقيـــــــــيم​

 

[iméne09]

السلام عليكم ورحمة الله وبركاته

وعليكم السلام حنونة
واش راكم خاوتي انتيك؟؟ لاباس؟؟
الحــــــــــــــمــــــــــــد لله
الحمد الله سوال غير عليك زينة هدي غيبة مراكيش تسقسي
اليوم حبيت نحكيلكم شوية على التاوسات وليكادو تع لعراس والطهارات والسوابع....الخ
يخااااااااااا خلاونا ليكادو كل يوم عرس:surrender: ​

*يحكولي قالك وحدة دات بليغة تع نيلون (حشاكم) لوحدة تزوجت.....وهادي بنت عمتي جابولها في باطة تع صباط (حاشاكم) 2 بيبرون واحد زرق وواحد غوز دوخوني تع صح :cra_zy:....
ههههههههههههه هدي وحدها قاتلهم ارقدو مافهتش واش دير بلبيبرون سير يكون تاع بلاستيك ماشي تاع زجاج :tongue_1:

وهادي وحدة جابولها طابلية تع شغل......والكبيرة هادي عمتي حكاتهالي وحدة دارولها كادو 2 حجر في باطة وغلفوهم :scared:
ههههههههه هدي كاينة منها سمعت بيها وقالك مرة دارو لوحدة باطة كبيرة كي فتحتها لقات حبة زيتون شبعو ضحك على تمصخير
والله يا خاوتي كااااارثة سارفيس ولا حاجة مليحة يعزوها ويشحاحو عليها؟؟؟ وبعدا يتوسو بعشة آلاف؟؟...
بعدااااااااااااااا ديميل يتوسو بيها هدي تبهديلة ديجا vـاميل مراهيش
تـgـزيزتي
ياو كاين لي يشطحو حتى يشبعو ويمنشرو في العروسة بلا حساب ويرهجو وكي يخلاص العرس قال مبروك عليهم وربي يهنيهم ويقلعو هكداك بلاش لصحاب العرس _o:.......
هدي راني معاك فيها 100 وصرات في عرس بنت خالي جارتهم جات سمانة كاملة تشطح وتاكل وتدي في حقها مع تالي سلت خيوطها كيشغل كانت مكومـpـيا

​

وفي الطهارات كاين عباد ما يحشموش يمدو بالعشرة آلاف وكاين لي ألفين.....و في السوابع المزيود هاداك يحطولو تحت جناحو الفين فراك وكاين لي خمسة آلاف :sad:
هههههههههههههه هدي وحدها كتروها الفين واش يدير بيها تشقي روحها مامـpـا ماتخلصش واش كلات كون ماتجيش سي ميو
ماشي عيب هاد الشي....وقولولي هادو ناس؟؟؟......كاين لي مساكن ماعندهمش هادوك ماقلنا والو مايدوش معليش قال ماعندهمش جايزة مي الناس لي لاباس عليهم الله يبارك يدو حاجة تبهدل؟؟ واش يفهموها صحاب السبة هاديك يقولك راهم يطيحو بينا ويستهزاو علينا.......وكاين الحكايات بزاااااااااف والعجب المعجب عطيتكم مثال برك...
تاع الصح تبهديلة بروبلام تلقاي لي معندهمش يعرفو يديرو ليكادو خير وحدة نعرفها لاباس بيها رحنا لعرس صحبتنا داتلها ليـgــارنتــuـغ واحد وكادو كبير
ليسونسيال ديفوا نديرولهم كادوات ملاح وهوما يرجعولنا كادوات مهناهمش مالا واش معناها ماشي تاع وجهم انا عليا نقطعوهم خير
مالا هكدا ولات عندنا عقلية مولات عرس تحكم باب ودير وحدة معاها تكتبلها كل كادو شكون جابتو هكدا باش لابروشان فوا كي دير لوخرا عرس ترجعلها كيما جابتلها
طولت عليك مزالو لحكيات اسمحيلي يعطيك الصحة حنونة ع
ســuـجي حنون
​

 

[N@riM@N]

ووعليكم السلاام
ياوالله انا نشوف يجيبو اي حاجه خيرمن وحده تبلط من بدايه تاع لعرس وهيا مقابله وجهك يجي وقت ليكادو ماتشوفيش مارتها واش نقلك بلا هادوك لي مازالو يحطو20؟؟؟؟؟ايا هادي واش تشريها كوجاك؟
شعب باخيل يموت ع دورو ليسونسيال بنش منك بلا مايرجع
يعطيك الصحه
​

 

[ماكانش]

احكميلي بلاصة راني جاي ....

 

[NINA_c9]

ههههههههه يخي حالة يخي توصل لدرجة تحط 20 هههههه خلاات وعلاه هادا التمشحيح هادا والله لكان زوالي صح نقولوا معندوش مي واحد الله يبارك ميخصو والوااااا يدي كادو كيما هكدا هههههههه معندنا ما نقوولوا
حكاتلي بنت خالي وحدة جات تبارك منعرف نسيت يا اما وزيادة ولا عرس وعطاتهم 10 الاف ياووووووووو نتاع حديد اوموا نتاع ورق كاغط تعمر العين نتاع الحديد تبهديلة
مرسي

 

[مسلمة وافتخر باسلامى]

احكميلي بلاصة راني جاي ....

هههههه راك جاى تقردش هههههه

 

[مسلمة وافتخر باسلامى]

انا صراحة جامى شفت هكدا يعنى يجيبو حاجات عادية
صراتلى مرة برك كى ربحت الباك وحدة جابتلى طابلية تع شغل هههههههه بصح مخدومة باليد زعما خدمتها هى ههههه مى نورمال مزعفتش نعرفها خياطة وهاديك هى نيتها

 

[Houda Chaouienne DZ]

C'est le geste qui compte
ههههههههههههه
اللي داير هكا عيبو على وجهو
مي ديما ديما الهدية ماتقاسش بقيمتها
المهم 2000 خير من ماكانش
ههههه
مارسي مروة ع الميضوع الباهي كيما نتي
​

 

[Houda Chaouienne DZ]

مي على صباط و حجرة
هاذي كاتاستروف
باين غايرين من العروسة
​

 

[بنـ MaPa ـت]

اسناو نستعفى شوية من الرقاد ونرد عليكم واحد بواحد
​

 

[بنـ MaPa ـت]

و عليكم السلام و الله صح!
و الله صح عيــب , يعني اللي يلحق لمناسبة و يحط 20 دينار , il faut mieux ما يروحش قاع
و لا كي يروح ما يحط والو //

و ليكادو عندك ما تشوف لعجب , كاين اللي يغلفلك حاجة قديمة عندو , , يديرهالك كادو عادي
ناس مشحاحة تموت و تخليهم

ربي يصلح لحوال
سلام .

بعدا هاد النوع غير يسلكو برك
مرسي على المرور خويا هشام نورت
​

كاين اللي يغلفلك حاجة قديمة عندو

هيييييييييييييييييه سورتو هاذي تصرى بزاااااف

الله يهديهم الناس لي يعملو هدا
مرسي على المرور المميز ختيتو نورتي
​

ايييييييييي اسكتي برك يجيو يرهجو ويشطحو وعلى اللخر تقلك اسمحيلي مسلكش راجلي وزيد تجيبلك معها ولدها يديرو الحرج يخي عباد يخي الوحد يمشي بوجهو ويدير كادو مليح ميش حكاك برك مرسيييييييييي

ماشي ولد واحد جيب الكازيرنة تع الدار ترهي كي هي كي هوما
مرسي على المرور ختي دارين نورتي
​

صحيتي على الموضوع يا بنت باباها و ماماها
الله يسلمك :shiny:
وي مام احنا تلقاي عندنا هاد لعقلية ....تارمو تاع قهوة مكسرة....سارفيس تاع عام 1900 قديم و محكوك....

و تلقاي تاني تاع 10 الاف و الفين هههه...عجب و الله .........مش عارفة كي راهم يخمو

ربي يهدينا

صحيتي خيتو
​

هادا واش نقولو
مرسي على المرور ختيتو نورتي
​

 

[بنـ MaPa ـت]

والله تشوفي لعجب صح ..مرة وحدة باه تروح تهني لمزيود كانت عندها 20الف راحت صرفتها باه تولي 10ألاف و مدتها ...وهي لاباس عليها ايا واش تقولي فيها هادي :schmoll:
كيما يقولك عيش تشوف وعيش تسمع راه رجع كلش بالمقلوب
هكا الناس راهم دايرين يخافو على الدورو كتر ما يخافو على رواحهم ساعات.. وحاشى عباد ما يستاهلوش
ذنبهم انهم ما عندهمش وفرات يروحو في جرة القبيح الله غالب عليهم
كاين وكاين حوايج خرى تصرا بزاااف... ربي يهدي ما خلق
شكراااا ليك على الموضوع حبوبة
تحيآآآآآتي...+...تقييم

​

هههههه هادي تموت تخبش وكيما راهي دير يندارلها
مرسي على المرور ختيتو وعلى التقييم الحلو :shay:
​

سلامو مروتي
واش راكي؟؟
و الله نقولك الصح جامي شفت هاد المظاهر و الله لا يشوفني فيهم
ربي يعين اللي طاح في عباد كيما هكدا
+تقيـــــــــيم​

اهلا البرنسيسة مبروك عليك :shay:
الله لا يشوفك فيهم خليك راكي مليحة على الهم
مرسي على المرور حبيبتي نورتي
​

وعليكم السلام حنونة
اهلا الزينة
الحمد الله سوال غير عليك زينة هدي غيبة مراكيش تسقسي

الله لا يغيبلك حنونتي

يخااااااااااا خلاونا ليكادو كل يوم عرس:surrender: ​

هههه ماتسلكها غير 20 ميل :shiny:
ههههههههههههه هدي وحدها قاتلهم ارقدو مافهتش واش دير بلبيبرون سير يكون تاع بلاستيك ماشي تاع زجاج :tongue_1:
نتع زجاج بصح مافهمناش واش دير بيهم كيما قلتي بالاك معناتلها كي تولد ودير السابع تعرضها هههه
ههههههههه هدي كاينة منها سمعت بيها وقالك مرة دارو لوحدة باطة كبيرة كي فتحتها لقات حبة زيتون شبعو ضحك على تمصخير
ههههههه وين ديرها هادي في نيفها؟؟؟ ياخي عباد ياخي
بعدااااااااااااااا ديميل يتوسو بيها هدي تبهديلة ديجا vـاميل مراهيش
تـgـزيزتي
وي صح كاين لي تحشم توس ب20 ميل تقولك من 50 ميل وطلع
هدي راني معاك فيها 100 وصرات في عرس بنت خالي جارتهم جات سمانة كاملة تشطح وتاكل وتدي في حقها مع تالي سلت خيوطها كيشغل كانت مكومـpـيا
هههههه والله يحيروك العباد لي هكدا...عسو الخطرة الجاية مادخلوهاش شد مد ههههه
هههههههههههههه هدي وحدها كتروها الفين واش يدير بيها تشقي روحها مامـpـا ماتخلصش واش كلات كون ماتجيش سي ميو
صح تريح ومن بعد نمودلها الكاسات تع العرس تشوفها وهي فرات
تاع الصح تبهديلة بروبلام تلقاي لي معندهمش يعرفو يديرو ليكادو خير وحدة نعرفها لاباس بيها رحنا لعرس صحبتنا داتلها ليـgــارنتــuـغ واحد وكادو كبير
ليسونسيال ديفوا نديرولهم كادوات ملاح وهوما يرجعولنا كادوات مهناهمش مالا واش معناها ماشي تاع وجهم انا عليا نقطعوهم خير
مالا هكدا ولات عندنا عقلية مولات عرس تحكم باب ودير وحدة معاها تكتبلها كل كادو شكون جابتو هكدا باش لابروشان فوا كي دير لوخرا عرس ترجعلها كيما جابتلها
طولت عليك مزالو لحكيات اسمحيلي يعطيك الصحة حنونة ع
ســuـجي حنون
​

يعطيك الصحة على المرور ايمانو نورتي
​

ووعليكم السلاام
ياوالله انا نشوف يجيبو اي حاجه خيرمن وحده تبلط من بدايه تاع لعرس وهيا مقابله وجهك يجي وقت ليكادو ماتشوفيش مارتها واش نقلك بلا هادوك لي مازالو يحطو20؟؟؟؟؟ايا هادي واش تشريها كوجاك؟
شعب باخيل يموت ع دورو ليسونسيال بنش منك بلا مايرجع
يعطيك الصحه
​

ياو مايجو لا هوما لا دراهمهم يخطونا الدنيا ومافيها
مرسي على المرور ختيتو نريمان نورتي
​

احكميلي بلاصة راني جاي ....

حكمتلك وماجيتش شدوك علينا ليزافار؟؟

ههههههههه يخي حالة يخي توصل لدرجة تحط 20 هههههه خلاات وعلاه هادا التمشحيح هادا والله لكان زوالي صح نقولوا معندوش مي واحد الله يبارك ميخصو والوااااا يدي كادو كيما هكدا هههههههه معندنا ما نقوولوا
حكاتلي بنت خالي وحدة جات تبارك منعرف نسيت يا اما وزيادة ولا عرس وعطاتهم 10 الاف ياووووووووو نتاع حديد اوموا نتاع ورق كاغط تعمر العين نتاع الحديد تبهديلة
مرسي

هههه بخصت بروحها هادي الله يهديها
مرسي على المرور ختيتو نورتي

انا صراحة جامى شفت هكدا يعنى يجيبو حاجات عادية
صراتلى مرة برك كى ربحت الباك وحدة جابتلى طابلية تع شغل هههههههه بصح مخدومة باليد زعما خدمتها هى ههههه مى نورمال مزعفتش نعرفها خياطة وهاديك هى نيتها

C'est le geste qui compte
ههههههههههههه
اللي داير هكا عيبو على وجهو
مي ديما ديما الهدية ماتقاسش بقيمتها
المهم 2000 خير من ماكانش
ههههه
مارسي مروة ع الميضوع الباهي كيما نتي
​

هاديك هي كاين لي يرهجو ويشلو عينيهم حتى يشبعو ويسلوها كيما قالو الفوق ههه
مرسي على المرور ختي هدى نورتي

مي على صباط و حجرة
هاذي كاتاستروف
باين غايرين من العروسة
​

سي نورمال حاجة باينة يغيرو ولا يطيحو بصحاب العرس
مرسي على المرور اونكور نورتي حبوبة
​

 

[Lili Bent Dz]

انا شفت احالة هادي في عرس بنت خالتي جات واحد الملقوفة هك عندها دراهم حووومر جابت كادو في ربعين صاشية درينا حاجة تصلح مايش حابتها تتكسر حليناها لقيناها مغلفة بجرنال journal و ماشفيتش مليح وش فيها بصح واقيلا قرعة شامبو pـآلموليv هذاك الفايح حاشاكم و قرعة زوآي

اسمحولي على التدخل بصح هاذي الحقيقة في بلادنا

شكرآآ

 

[hiba14]

هههههههههه
احنا جارنا تزوج جابول كوشة وحدة و مغلفة هههههه بصح هادا غي صحابو يزعقو معاه
و خالتي صحبتها جابتلها ليكوش في ولدها قالتان لوكان ما جابتلي والو خير احنا اصلا ما نديروش النصيفة بصح ليكادو نورمال
صحيتي