علوم المادة؟ساعدوني...

[سارة.م]

السلام عليكم ورحمة الله وبركاته

عاونوني الله يستركم


اليوم كملنا التسجيلات وعطاوني علوم المادة في جامعة هواري بومدين Alger بالرغم أني كنت دايرتها الاختيار الخامس
أنا راهي عاجبتني والحمد لله
....مي أبي، محبش نقرا في Alger بسبب البعد و المسافة وفقط ، وش نديييييييييير مع أبي ؟؟؟
هل معه حق؟؟ بالمناسبة أنا نسكن في البرج...BBA

وقوقولي أسكو كاين علوم المادة في جامعة فرحات عباس،سطيف، ؟؟؟ وفي جامعة قسنطينة ؟

وما الفرق بين الجامعات الثلاثـــــة ؟؟


في انتظار ردودكم رجوكـــــــــــــــــــــم
لا تبخلـــوا علي
أتوسل إليكم
​

 

[Iman89]

شعبة علوم المادة هي من الشعب التكنولوجية
أما التخصصات التي أعلم بوجودها في قسنطينة فعلى ما أظن فيزياء وكيمياء تختارين إحداهما في السنة الثانية بعد دراسة السنة الاولى جدع مشترك
في السنة ال3 تنقسم كل واحدة منهما
حيث الفيزياء بها الفيزياء التطبيقية .النظرية .optique.ربما بجامعة الجزائر فيزياء نووية
والبعض الآخر نسيته طبعا تبقى هده التخصصات هي المدخل الواسع لدراسة علم الفلك
أما الكيمياء
فهي كيمياء عضوية .لاعضوية .نظرية وكيمياء الصيدلة
في المجمل هده الشعبة ستمح لك بالدخول الى جميع التخصصات الفيزيائية والكيميائية التي تريدينها خاصة بعد شهادة الليسانس
للأمانة...منقول​

 

[Iman89]

اختي التخصصات اللي قتلك عليهم في جامعة قسنطينة وكيما معروف جامعة قسنطينة حاجة مليحة بزاف
اختي روحي اقراي وربي معاك ووعسى ان تكرهوا شيئا وهو خير لكم...بالتوفيق​

 

[*منار*]

ختي كاين هاد التخصص في جامعة سطيف
جارنا بعتوه علوم المادة لسطيف
ختي ممكن تقوليلي المعدل تاعك

 

[N@riM@N]

ادا كانت كاينه في سطيف ديري طرونسفار
وخطاك بلااك كي عاد عليها الضغط بعتوك لالجي
والبعد ياختي عندو لحق باباك
​

 

[سارة.م]

شعبة علوم المادة هي من الشعب التكنولوجية
أما التخصصات التي أعلم بوجودها في قسنطينة فعلى ما أظن فيزياء وكيمياء تختارين إحداهما في السنة الثانية بعد دراسة السنة الاولى جدع مشترك
في السنة ال3 تنقسم كل واحدة منهما
حيث الفيزياء بها الفيزياء التطبيقية .النظرية .optique.ربما بجامعة الجزائر فيزياء نووية
والبعض الآخر نسيته طبعا تبقى هده التخصصات هي المدخل الواسع لدراسة علم الفلك
أما الكيمياء
فهي كيمياء عضوية .لاعضوية .نظرية وكيمياء الصيدلة
في المجمل هده الشعبة ستمح لك بالدخول الى جميع التخصصات الفيزيائية والكيميائية التي تريدينها خاصة بعد شهادة الليسانس
للأمانة...منقول​

بارك الله فيك أختي ربي يحفظك ان شاء الله

 

[سارة.م]

ختي كاين هاد التخصص في جامعة سطيف
جارنا بعتوه علوم المادة لسطيف
ختي ممكن تقوليلي المعدل تاعك

نعم كاين في سطيف مي راني حابا نعرف اسكو كاين نفس التخصصات كيما لي كاين في ألجي
أما معدلي 13.41

شكـــــــراااا

 

[سارة.م]

ادا كانت كاينه في سطيف ديري طرونسفار
وخطاك بلااك كي عاد عليها الضغط بعتوك لالجي
والبعد ياختي عندو لحق باباك
​

وي كاينة في سطيف
باك الله فيك نريمان
والبعد راه هلكنا هاد الساعة المشكل الاكبـــــــــــــــــر

 

[سارة.م]

اختي التخصصات اللي قتلك عليهم في جامعة قسنطينة وكيما معروف جامعة قسنطينة حاجة مليحة بزاف
اختي روحي اقراي وربي معاك ووعسى ان تكرهوا شيئا وهو خير لكم...بالتوفيق​

ربي يسهل ان شاء الله
بارك الله فيك
ادعيلي اختي ربي يعيشك

 

[sami19280]

السلام عليكم انا وضعت ضمن اختياراتي علوم المادة تاع هواري بومدين عن قناعة والحمد لله تحصلت عليها نتمنى نتوفق فيها برك.شوفي انا من ولاية سطيف يعني قادر نقراها في سطيف بسهولة لكن الفرق انو جامعة هواري بومدين جامعة مركزية تاع عاصمة المستوى يكون اعلى +التخصصات اوسع بزاف تخصصات مكاش هنا في سطيف ابرزها على حد علمي تخصص كيمياء صيدلانية.............

 

[hichem21]

اختي الا ديري برايي متروحيش خير انا نقرا لتم و راهم دايرين فينا رايهم و بالنسبة للفرق ماكان حتى فرق في هواري بومدين كاين ثلاث فروع و الجامعات لخرين اثنان هدا هو الفرق و فيها بزاف الغاشي هدا العام عاودو 60% من الطلبة قتلونا و انت و شطارتك في القراية و زيد الاقامة راكي تعرفي و انت و رايك بتوفيق اختي

 

[hayet bicho]

اختي الا ديري برايي متروحيش خير انا نقرا لتم و راهم دايرين فينا رايهم و بالنسبة للفرق ماكان حتى فرق في هواري بومدين كاين ثلاث فروع و الجامعات لخرين اثنان هدا هو الفرق و فيها بزاف الغاشي هدا العام عاودو 60% من الطلبة قتلونا و انت و شطارتك في القراية و زيد الاقامة راكي تعرفي و انت و رايك بتوفيق اختي

الأخ هشام علاه عاودو 60% صعيبة بزاف هذه الشعبة ولا كيفاه

 

[Iman89]

https://www.4algeria.com/vb/showthread.php?t=291969

 

[sami19280]

اختي الا ديري برايي متروحيش خير انا نقرا لتم و راهم دايرين فينا رايهم و بالنسبة للفرق ماكان حتى فرق في هواري بومدين كاين ثلاث فروع و الجامعات لخرين اثنان هدا هو الفرق و فيها بزاف الغاشي هدا العام عاودو 60% من الطلبة قتلونا و انت و شطارتك في القراية و زيد الاقامة راكي تعرفي و انت و رايك بتوفيق اختي

ياخويا علاه راك تصعب فيها هكذا اللي يسمع يقول رانا ندرسو في علم الله انشتاين مايقدرلوش اي حاجة فيها التعب وفيها المجهود+ اذا كتبلك ربي تنجح تنجح واذا لالا الله غالب ماشي نهاية العلم مي ماشي نصعبوها لهاذ الدرجة.............

 

[AHLEM1992]

اختي مستوى جامعة العلوم و التكنولوجيا افضل من باقي الجامعات
تخصصا ت كتيييييييرة و فرص اكبر لاكمال الدراسة
باسكو ادا حبيتي تقراي في البرج و تكملي متلا ماستر في باب الزوار لازمك تكوني بمعدل 14 و طلع
هدا ادا صحتلك
و قضية البعد راهم يقراو معايا بزاف من البرج و ماراهيش بعيدة بزاف 4 ساعات تكوني في آلجي
انا صحبتي من البيض و تقرا معايا مالغري تدير فواياج 12 ساعة
مع الاول تكرهي شوي من بعد سايي​

 

[AHLEM1992]

الأخ هشام علاه عاودو 60% صعيبة بزاف هذه الشعبة ولا كيفاه

كاين بزاااف اسباب
-كاين ناس العائق تاعها هو اللغة بشكل كبيييير
نهار ليكزاما ما تفهمش التمرين تاع الفيزيك على من يحكي
- القراية مزيرة لازمك تقراي
- ما يحضروش لي كور
حنا كان عندنا بروف تاع شيمي يحضرو عندو 10 برك
- جماعة البوكار و الدومينو وين تدوري تلقايهم ( بيان سور ما يجيبوش العام)
- دروس بزاف و كاين الي يخلي حتى مع تالي باه يولي يريفيزي
سيرتو المات
ابار سا تتعبي تدي حقك قريت و اديت دينوت ماكنتش نديهم حتى في الليسي
النقاط تدي واش تعبتي من 0 حتى 18.5 تلقاي كلشي

​

 

[سارة.م]

اختي الا ديري برايي متروحيش خير انا نقرا لتم و راهم دايرين فينا رايهم و بالنسبة للفرق ماكان حتى فرق في هواري بومدين كاين ثلاث فروع و الجامعات لخرين اثنان هدا هو الفرق و فيها بزاف الغاشي هدا العام عاودو 60% من الطلبة قتلونا و انت و شطارتك في القراية و زيد الاقامة راكي تعرفي و انت و رايك بتوفيق اختي

علاه زعما واعرة خويا ؟؟

 

[سارة.م]

اختي مستوى جامعة العلوم و التكنولوجيا افضل من باقي الجامعات
تخصصا ت كتيييييييرة و فرص اكبر لاكمال الدراسة
باسكو ادا حبيتي تقراي في البرج و تكملي متلا ماستر في باب الزوار لازمك تكوني بمعدل 14 و طلع
هدا ادا صحتلك
و قضية البعد راهم يقراو معايا بزاف من البرج و ماراهيش بعيدة بزاف 4 ساعات تكوني في آلجي
انا صحبتي من البيض و تقرا معايا مالغري تدير فواياج 12 ساعة
مع الاول تكرهي شوي من بعد سايي​

شكرا اختي يرحم والديك

 

[سارة.م]

كاين بزاااف اسباب
-كاين ناس العائق تاعها هو اللغة بشكل كبيييير
نهار ليكزاما ما تفهمش التمرين تاع الفيزيك على من يحكي
- القراية مزيرة لازمك تقراي
- ما يحضروش لي كور
حنا كان عندنا بروف تاع شيمي يحضرو عندو 10 برك
- جماعة البوكار و الدومينو وين تدوري تلقايهم ( بيان سور ما يجيبوش العام)
- دروس بزاف و كاين الي يخلي حتى مع تالي باه يولي يريفيزي
سيرتو المات
ابار سا تتعبي تدي حقك قريت و اديت دينوت ماكنتش نديهم حتى في الليسي
النقاط تدي واش تعبتي من 0 حتى 18.5 تلقاي كلشي

​

شكرا لك ربي يحفظك
صح ربي يسهل علينا كامل
مي راهم كامل يخوفوني بهاد لكلام تاع جماعة البوكار و ... واللغة وليكزامان ممممم
والله غير خفت صراحة

 

[dayana-dado]

سلام عليكم
انا من قسنطينة بعتوني علوم المادة
جامعة منتوري هنا عندنا حاجة مليحة بزاف و بتوفيق انشاء الله