عقلية الايمو emo

مايا الجزائرية

مايا الجزائرية

:: عضو بارز ::
أحباب اللمة
إنضم
6 أوت 2010
المشاركات
1,605
نقاط التفاعل
915
النقاط
51
السلام عليكم ورحمة الله وبركاته
واش راكم صافا ياخي؟؟ان شاء الله لاباس عليكم؟
رمضان راه قرب نقولكم تجوزوه بالصحا والهنا ok ما نطولش عليكم اليوم حبيت نطرح وحد الموضوع والي هو حاضر بشدة عقلية جديدة يقولولها الايمو راني قريت عليها من زمان في النت قالو منتشرة في امريكا وما نعرف مي ضكا راني نشوف فيها قدام عينيا :sadwalk:والله المراهقين راهم طبقو الايمو وحتى في تفاصليها هادي الايمو هيا عقلية كيما الراب و الهيب هوب هاكدا ...يلبسو لكحل والغوز برك قالك toujour مكتئبين وحزنانين المهم تانيك يحبو يسمعو موسيقى حزن وحياتهم قاع حزن mais الشي الي حيريني هو يجرحو رواحهم كي يزعفو بزاف ..ديجا مرة خرجت حتى لقيت طفلة دايرة قصة ايمو ولابسة كحل وواش تاني جارحة روحها في ذراعها بزاف مخليينلها السيكاتريز راها تبهدل تحسب كاش واحد اعتدا عليها والله رجع عجب مي نقولو راها هادا الايمو يتماشى مع الذوق نتاعها مي كي يرجعو يجرحو حتى ارواحهم هادي حاجة مش مليحة خلاص ..يشوهو جسمهم والله عجب ...المهم راهم المراهقين مرتبطين بهادا الي يسموه الايمو ستيل ايمو وكلشي ايمو ..شكون فيكم يحب هادي العقلية ..وحاب يكون كيفهم ...وعلاش حتى يكون ايمو ..؟؟ok انا نقولكم تهلاو في رواحكم وما دا بيا نسمع اراكم مرسي بوكو على قراة موضوعي ..بقاو على خير:shiny:
​
 
سلااام

إإإيييمو

تابع ل الروك نوع من الروك وعندهم ستيل يتبعوه طبعا

كاين لي يتبع ستيل تعهم كفاه يلبسو وهدي كل وحد اوو كفاااه

مي باه يجرح روووحو بالذمة يا لطييف

شكرااا موضوع عجبني
​
 
الراب ماشي ايمو انا نبغي الراب
الراب يفهم الناس ويوريلهم الطريق الصح

اما هاذي الايمو عقلية فارغة
مام انا فيا بعض صفات الايمو بصح من عند ربي ماشي انا لي اكتاسبتها

سلام
​
 
هاني انا نلبس الروز و لكحل
يا حوشي وليت منهم وانا ماعلاباليش ههههه
انا خاطيني لحمي عزيز عليا بزاف ماهبلتش حتى ندير كيفهم
ربي يهدي ماخلق​
​
 
إيمو" "emo" اتت من مصطلح "emotional" بما معناه حساس أو عاطفي ذو مشاعر متهيجة أو حساسة و هذه الجماعة تتبع نظام لبس معين و موسيقى معينة و تسريحة شعر معينة و أخذت الظاهرة في الانتشار بين الشباب المراهقين أعمارهم ما بين 12-17 و من تعدى سن 17 ستخلى عن هذه الجماعة لأنه ليس بالسن المطلوب و هي مرحلة من مراحل تحويل الشباب الى عبدة للشيطان حيث صممت الجماعة للمراهقين هدفها نشر اليأس و الحزن و الانطواء في قلوب المراهقين و اجبارهم على التقيد بلباس أسود مليئ برموز الشياطين و الجماجم و عمل تسريحة بالشعر تظهر عين واحدة و تخفي الأخرى :
هذى قضية خطيرة خطيرة بزااااف واحنا ولادنا غير يقلدو بلا ما يفهمو
انا قالهالى مرا خويا الصغير وحوست عليها وقريت شوية وهادى ماهيش مضاهر ناس مسلمين
لازم تنبهو كامل اللى تعرفوهم واللى صغار ميفهموش مش مليح التقليد الاعمى
 
كانت في الروايات نتاع ديكانز والمدارس الفرنسية هوما كانو يخدموها بالاحساس والقلم والشعب نتعنا باللبسة والتمهبيل

عقلية من كل النواحي ماتخرجش
عيش simple تلقا روحك
شكرا ​
 
كانت في الروايات نتاع ديكانز والمدارس الفرنسية هوما كانو يخدموها بالاحساس والقلم والشعب نتعنا باللبسة والتمهبيل

عقلية من كل النواحي ماتخرجش
عيش simple تلقا روحك
شكرا
 
الحمد لله انا مزالني قديموا c pas ايمو ا
مزال نلسبو القندورة والشاش .ههه
الله يهدي هذا نوع من الشباب الى الطريق الصواب.
مارسي الاخت.
 
أنا نكره أي شيئ خارج عن الفطرة السوية و الدين الاسلامي
 
ثقافة الايمو انتشرت بزاف سيرتو مع الافلام تع المريكان
بصح نحب نقولك بلي الايمو ماشي هيب هوب ولا راب هي قريبة للروك
وعلى التقليد من المفروض كل واحد يعيش ثقافتو لاه حنا برك نقلدوهم
علاه هوما مايقلدوش لبستنا ولا ثقافتنا ؟
مشكورة ختي على الموضوع

​
 
هادي الظاهرة منتشرة بزاف كيما قلتي ايمو حياتهم كامل حزن توجور حزنين وكي يتقلقو ولا يبكووووو يجرحو رواحهم وتلاقايهم ثاقبين يلبسوووووووووو noir يسمعوووو لاغاني band rock يعني ستيل نتاعهم روك
مرسي
 
ايه كيما قلتي عندهم لبس مميز يعني تقريبا حياتهم كامل مميزة مختالفا معانا
يا لطيف نوصل روحي لهذيك الحالة ونجرح روحي بلا سبة واش هذا
وحنا عندنا يقلدو برك كون تروحي ليهم وتسقسيهم علاه دايرين لرواحهم هكذا يقلك عقلية بصح مش عارف وعلاه سموها هكذا ومنين جات وعلاش حتى يديرو هكذا
بلاك هذو صحاب الايمو تاع الصح يعني تاع الهيه عندهم سبب علاه يديروها بصح حنا عندنا يقلدو برك
والله يهدي ما خلق ويصلح الجميع​
 
هادي الجماعة ماهيش منتشرة بزاف في الجزائر تلقاي حبة في المليوووووووووون لكن منتشرة بكثرة في دول عربية اخرى مثل السعودية و دول الخليج لانهم يتاشرة بالعقلية الامريكية اكثر منا حنا
 
emo


ظاهرة انتشرت بزاف وبدات تلحقنا تانى

وهذوا لى يتبعوها تلقاى عندهم مشاكل نفســية

​
 
آخر تعديل:
يعبدو الشيــــطان
الله يعفينا
​
 
قال مسلمة وافتخر باسلامى:
إيمو" "emo" اتت من مصطلح "emotional" بما معناه حساس أو عاطفي ذو مشاعر متهيجة أو حساسة و هذه الجماعة تتبع نظام لبس معين و موسيقى معينة و تسريحة شعر معينة و أخذت الظاهرة في الانتشار بين الشباب المراهقين أعمارهم ما بين 12-17 و من تعدى سن 17 ستخلى عن هذه الجماعة لأنه ليس بالسن المطلوب و هي مرحلة من مراحل تحويل الشباب الى عبدة للشيطان حيث صممت الجماعة للمراهقين هدفها نشر اليأس و الحزن و الانطواء في قلوب المراهقين و اجبارهم على التقيد بلباس أسود مليئ برموز الشياطين و الجماجم و عمل تسريحة بالشعر تظهر عين واحدة و تخفي الأخرى :
هذى قضية خطيرة خطيرة بزااااف واحنا ولادنا غير يقلدو بلا ما يفهمو
انا قالهالى مرا خويا الصغير وحوست عليها وقريت شوية وهادى ماهيش مضاهر ناس مسلمين
لازم تنبهو كامل اللى تعرفوهم واللى صغار ميفهموش مش مليح التقليد الاعمى
إضغط للتوسيع...
معاك 100/100 المشكل في الوالدين ثاني .. . .. :re_gards:
​
 
|| هدا سبابو vide و ضعف
الشخصية
يدير حاجـــة باش يبرز
فيها نفسه
نظــــن ماعدها حتى مرجعــ ديني
او شيء من عاداتنا
فقط التباعية للغربـــ
في كل
شيء حتىـــــ التمهبيلـــ ’’’’
​
 
الطفلة لي دير هكا ما عندهاش لي يحكم فيها و الطفل ربي يهديه حنا عندنا ستيل واحد الحجاب و الصلاة هدا هو تاع المسلمين برك
 
يا لطيف اللطف اشحال نكره هاذ النوع من الناس عايشين في لكحل انا تاني انحب لكحل مي دايمن كاين كولور معاه ماشي هكذا و انتاوعنا ولاو غير يقلدو يا ربي احفظنا و استرنا يا رب
 
العودة
Top