لي بعثوهم لـ المدرسة العليا للأساتذة يدخلو

[Kynda]

السلام عليكم و رحمة الله


أولا مبروك عليكـــم :sheer: ان شاء الله التوجيهات كانت موفقة

حبيت ندير الموضوع هذا لطلبة المدرسة العليا للأساتذة باش أي استفسار بخصوص مسابقات الإلتحاق
بالنسبة للي فوتو المسابقة

حبيتكم تقولولي كيفاش كانت طبيعة الأسئلة لي سألوكم ؟

في انتظار مساعدتكم :sad:
​

 

[سهام1992]

انا فوتها نورمال
يسقسوك عادي

 

[mayss]

نسيت نقولك حاجة
لاقدر ربي و رفضوكم يا لي راح تديرو في قسنطينة ديرو حسابكم
خمو من ضرك ف لي شوا لي بقاولكم على خاطر هوما يعاودو يوجهوكم من ثم ويغصبوكم وبلاك حتى ما يكلفوش ارواحهم يعاودو يذكرولكم لي شوا
والله لحد الان مارانيش مصدقة بلي رفضوني والمشكلة ماهي واحد ماهي زوج والله غير صال كومبلي مرفوضين وخاصة من العلوم التجريبية
ربي وكيلهم الواحد شقا حتى لثما وخاصة البعاد مساكن
اتخيلو يا خاوتي كاين لي قلعو من الدار عال1 تاع الليل والله غير خرجت ع4 تاع العشية وخليتهم يستناو في دالتهم باه يشوفو لي شوا يعني مرفوضضين
بالتوفيق كثرو من الدعاء
والله غير فور خلاص لاعادت 14 و15ماتدير والو معلم ابتدائي وماتصحلكش

 

[biya]

اناا الحمد الله فوتو نورمال ، ديجاا موطولتش بزااف عندهم ،سيرتو انا حااطة تعليم تانوي انفورماتيك دوزيام شواا

مي كيما قالت mayss رفضوووو بزاااف ، اماجيني وحدة بـ 16 وحاوزوهاا

برك كوني واتقة من روخك وجااوبي نورماال ، وديري في بالك راكي ناجحة ،

بوون شوونص

 

[Kynda]

نسيت نقولك حاجة
لاقدر ربي و رفضوكم يا لي راح تديرو في قسنطينة ديرو حسابكم
خمو من ضرك ف لي شوا لي بقاولكم على خاطر هوما يعاودو يوجهوكم من ثم ويغصبوكم وبلاك حتى ما يكلفوش ارواحهم يعاودو يذكرولكم لي شوا
والله لحد الان مارانيش مصدقة بلي رفضوني والمشكلة ماهي واحد ماهي زوج والله غير صال كومبلي مرفوضين وخاصة من العلوم التجريبية
ربي وكيلهم الواحد شقا حتى لثما وخاصة البعاد مساكن
اتخيلو يا خاوتي كاين لي قلعو من الدار عال1 تاع الليل والله غير خرجت ع4 تاع العشية وخليتهم يستناو في دالتهم باه يشوفو لي شوا يعني مرفوضضين
بالتوفيق كثرو من الدعاء
والله غير فور خلاص لاعادت 14 و15ماتدير والو معلم ابتدائي وماتصحلكش

انتي رفضوك ؟ و مبعد واش درتي اعادة توجيه لوين ؟ ما تقوليليش جامعة اخرى :scared:
هكذاك راو صاير في بوزريعة واش نقولك الفرونسي يجوزوك على صراط مع اللخر واش يقبلو في ميزك ؟ يقبلو هاذوك القبايليات المتبرجات و الله غير مخك يحبس وحدة طويلة ميترة و عشرة سنتم استغفر الله مانيش نعايب فيها جاية ضاربة الحطة قبلةها و وحدة قدها من مستغانم ما قبلوهاش وعلاش ؟ انتي ماشي طويلة يا بنتي روحي ارجعي لطرف الدنيا لي جيتي منها ديري علوم انسانية

أنا الفرونسي ما قبلونيش دورتها معارف تعرفي عيطولي من بين 200 وحدة باش ندخل جوزت عربية و قبلوني و رايحة نبدل زكارة فيهم نرجع للفرونسي هذا واش يوالمهم

ما تتقلقيش اختي ان شاء الله لي فيه الخير يقدمولك ربي
​

 

[Kynda]

اناا الحمد الله فوتو نورمال ، ديجاا موطولتش بزااف عندهم ،سيرتو انا حااطة تعليم تانوي انفورماتيك دوزيام شواا

مي كيما قالت mayss رفضوووو بزاااف ، اماجيني وحدة بـ 16 وحاوزوهاا

برك كوني واتقة من روخك وجااوبي نورماال ، وديري في بالك راكي ناجحة ،

بوون شوونص

ايه اختي زوج 16 المعدل مرفوضين
و وحدة كي طاحت بيها مسكينة كانت تقرا medcine سنة 2 عاودت الباك مدولها فرونسي رفضووووها :scared: قلتلها كي شفتك انتي مرفوضة ما نبكي ما نندب
الطفلة ولات حايرة واش ادير
يا اختي المشكل ماشي فالإجابة انا جاوبت على كلشي بصح الله غالب تحيري كيفاش يخممو بلا ضمير :cra_zy:
​

 

[mayss]

اختي كيندا كيفاه قبلوك؟ياك كي تفوتي مرة فالمدرسة العليا ماتقدريش تعاودي في نفس العام ؟
انا رفضوني وليت درت انجليزية فالمسيلة ونحوس ندير ترونسفار لسطيف يلا قبلولي
ربي يهديهم ويصلح الامور
لي غاضتني جاوبت مليح وتفائلت بزاف

 

[سهام1992]

اووووووووووووه بزاف والله ربي يعنيهم لي رفضوهم

 

[Kynda]

اختي كيندا كيفاه قبلوك؟ياك كي تفوتي مرة فالمدرسة العليا ماتقدريش تعاودي في نفس العام ؟
انا رفضوني وليت درت انجليزية فالمسيلة ونحوس ندير ترونسفار لسطيف يلا قبلولي
ربي يهديهم ويصلح الامور
لي غاضتني جاوبت مليح وتفائلت بزاف

لالا تقدري يخي كي ما يقبلوكش في مادة يقولولك روحي ديري اعادة توجيه فالانترنت
و يخرجولك لي شوا لي تقدري تدخلي ليهم
يلا كان عندك الحق تدي مادة اخرى ما يمنعوكش
انتي كي رحتي تشوفي بلاك ما لقيتيش على هاذيك
​

 

[Kynda]

اووووووووووووه بزاف والله ربي يعنيهم لي رفضوهم

آمين واش تحبي هاذيك هي
الدنيا بالوجوه و الآخرة بالفعايل
​

 

[mayss]

اختي كيندا والله صقصيت يلا نقدر ندير كونكور وحد اخر فالمدرسة العليا قاتلي وحد المصفارة ثم مستحيل لانو كان باقيلي مع لي شوا

 

[mayss]

اصلا كيفاه دارتنا حنا لي مانجحناش
ياك علابالكم فلي شوا ايمالا اغصبو ماتعطلونيش خيرو واش تقراو ضرك
قلتلها لا نقدر حتى نروح للدار ونخخير وحدي قاتلي لالا ماتقدريش
قلتلها ايمالا لازم نصقصي واش نخير وليت خرجت لبرا وعيطت فالتيليفون
كيفاه قعدت تدير للناس هادوك والله تتشوكاي
ولاو يقولولها ديري برك هادو امالين 14 و 15 زعما لقاو هداك الباك يطايش برا
علابالك والله حتى كاين لي دارو بيولوجي وعلوم المادة يعني كيما تاع صحاب 10
حسبنا الله ونعم الوكيل
شكرا اختي لمشاركتك هموم الاخرين

 

[sandra-sweety]

اما فزت نورمال في قسنطينة بعثوني فرنسية تعليم متوسط المزية لي نجحت برك الحمد لله
بالصح الحق رفضو ياسر معايا
لي بعثوها قسنطينة ماذا بيها تقوللي

 

[سيف القالمي]

نعرف وحدة جابتو 13 قبلوها وكاين الي جابوه 15 مقبلوهمش على حاطر قالتلي ديت معايا كتاف

 

[dina145]

ana rani rchit f l'ens had l3am 4éme année w fraht la 1ére foie kima rakom tefraho mai dok tchoufo lkraya kifah w lhogra w yekloulek hakek f wejhek w t'as pa le droit beh tahdar si non ygolek lcontrat ta3 lkhadma troh . rana 3aychin kima les esclaves. manich nkhawaf fikom mai hadi hia la realité ta3 l'ens w bn chance likom kamel w ay haja tehtajoha w nakdar 3liha rani hna

 

[Kynda]

ana rani rchit f l'ens had l3am 4éme année w fraht la 1ére foie kima rakom tefraho mai dok tchoufo lkraya kifah w lhogra w yekloulek hakek f wejhek w t'as pa le droit beh tahdar si non ygolek lcontrat ta3 lkhadma troh . rana 3aychin kima les esclaves. manich nkhawaf fikom mai hadi hia la realité ta3 l'ens w bn chance likom kamel w ay haja tehtajoha w nakdar 3liha rani hna

اختي ماعليش نسقسيك
انتي واش دايرة ف ens واشم التخصص تقراي؟
تقراي في بوزريعة ياك ؟

 

[dina145]

nn manakrach f bouzeri3a nakra f constantine et j fai anlgais comme spécialité.