اللي فاهم جماعة العلوم الاجتماعيه واش يخدمو يجي يفهمني....

[نسيم الربيع]

السلام عليكم ورحمة الله تعالى وبركاته
ياجماعة انا عطاوني علوم اجتماعيه بصح مافهمتش واش معناها
قالولي واش يقراو بصح مافهمتش واش يخدمو من بعد؟؟
قالولي يخدمو نفسانيين فالسبيطارات يشجعو المرضى ولا فالسجون هاذ المناصب مكانش فبلادنا.............
وقالولي تاني يديرو ملتقيات خارج ولاية الدراسه كاين منها ولالا
جاوبوني بارك الله فيكم راني مخلطه​

 

[Autumn leaves]

وعليكم السلام..
هلا اختي..
تقصدين خدمة اجتماعية ..
أو علوم أجتماعية وانسانية بصفة عامة؟!وأنتِ تختارين منها..
أنا ما اعرف غير الخدمة الاجتماعية،، ويمكن أفيدك شوي..
لكن لو تقصدين شي ثاني..
أتمنى يجي غيري ويساعدك_^..
سلامي..​

 

[نسيم الربيع]

وعليكم السلام..
هلا اختي..
تقصدين خدمة اجتماعية ..
أو علوم أجتماعية وانسانية بصفة عامة؟!وأنتِ تختارين منها..
أنا ما اعرف غير الخدمة الاجتماعية،، ويمكن أفيدك شوي..
لكن لو تقصدين شي ثاني..
أتمنى يجي غيري ويساعدك_^..
سلامي..​

اهلا بيك ختي
نقصد علم الاجتماع
شكرا ختي​

 

[rattouielle]

السلام عليكم ورحمة الله تعالى وبركاته
ياجماعة انا عطاوني علوم اجتماعيه بصح مافهمتش واش معناها
قالولي واش يقراو بصح مافهمتش واش يخدمو من بعد؟؟
قالولي يخدمو نفسانيين فالسبيطارات يشجعو المرضى ولا فالسجون هاذ المناصب مكانش فبلادنا.............
وقالولي تاني يديرو ملتقيات خارج ولاية الدراسه كاين منها ولالا
جاوبوني بارك الله فيكم راني مخلطه

​

والله يا نسيم الربيع .......أنا خريجة علم الإجتماع واش معناها ممممم منقدرش نقولك prsk أنا و مافهمتهاش...:sadwalk:..والخدمة طلبي ربي برك هي صح روحت لسبيطار مي ماشجعتهمش هم شجعوني و لحباس ماحصليش الشرف و زرتها ...أما الملقيات خارج الولاية ماشكيتش ما درناهاش حتى فالولاية .....:shiny:..و لكن ممكن تكون خارج الوطن علاش لا :sheer:
(والله فلياغ شابة برك مازال مدرولهاش قيمة في بلادنا بالتوفيق نشالله:ax_flw:و فيها شوية لموفمو :lolo

 

[مهدية 11]

السلام عليكم ختي
انا درست علوم اجتماعية ....و انشاء الله نفهمك ....شوفي كي تدخلي سنة اولى علوم اجتماعية تقراي مقاييس خاصة بعلم النفس و مقاييس خاصة بعلم الاجتماع ....و من بعد في اخر العام تختاري سوا علم النفس او علم الاجتماع
فالسنة التانية تقراي التخصصص لي خيرتيه و فاخر العام تختاري تخصص فعلم النفس كاين ( تربية خاصة .علم النفس الاكلينيكي .علم النفس عمل و تنظيم .ارطفونيا .) اما علم اجتماع واقيل كاين (جريمة .علاقات ) فالسنة تقراي التخصص لي خيرتيه
اما الخدمة فتخدمي ادا خيرتي علم النفس فسبيطارات و لا سجون و مركز اعادة التربية و لا مركز ذوي الحاجات الخاصة و تاع علم الاجتماع تخدمي مرشدة اجتماعية و لا فلابوليس ادا كانت عندك المعرفة
...اما الملتقيات فتقدري ديريهم ادا كملتي قرايتك يعني ماستر ودكتورا
انشاء الله نكون افدتك ....تقبلي مروري

 

[جاك المرسول]

و عليكم السلام و رحمة الله
انا قريت علم الإجتماع تخصص تنظيم وعمل ...كاينة حاجة انا ندمت على النهار اللي قريت فيه صوصيو ...ما يكذبوش عليك ماكان والو صحيح يهقه اونقلي ولا فرونسي خير و اذا قريتيها لازم تخرجي ماجور دو برومو في 4 سنين باش تفوت ماجيستار بلا كونكور
انا راني حابس مصبتش خدمة ..مي درك انولي انصمر الصبابط بالديبلوم التاعي
ربي يقدرك ان شاء الله او بون كوراج​