الاحاجي

[ابو مسلم الخرساني]

السلام عليكم ورحمة الله صحا رمضانكم وكل عام وانتم بالف خير
واش رايكم في رمضان هذا ان شاء الله نطرح عليكم كل ليلة 10احاجي تسهروا عيها
حاجيتك اشراك للملتقي في متعة البحث ولذة الاكتشاف
و لا شك ان نجاح البرنامج سيكون نتيجة بحث دوؤب واعدادجيد وجهد جهيد


ماعليش نبدا الليلة بعد
1
2
3
الاحاجي
1- اذا كنت فاهم وتقدر تشوف واش هو الشي اللي جلدو فوق الصوف
2- مكركبة كركوبة لا فيها لا ريش لا كرعين الجلد جلد واحد واللحم لحمين
3- يا جماعة يا فهمين يا اللي تسمعو في الميدان خبروني على اللي يمشي فوق راسو ويتكلم بلا لسان
4- اذا كنت قاري وفاهم وتقرى حروف اللوح خبرني على اللي يتنفس بلا روح
5- على انثى فازت بالزين خدموها ناس فوهامة تقسم العبد على اثنين ما تخلي هم ما تخلي سامة
6- على اللي اسمو بالقاف يحوم على الفا وين يصيبوا كلمة القاف تديه وكلمة الفا تجيبوا
7 - حي وكارف اذا كنت فاهم نعتلي الطري من الشارف
8- خرس معمر في كاف مسمر
9-ثلاث خاوة واحد ماشي وواحد راشي و واحد يهدر مع الغاشي
10- شجرتنا شجرة كبار ما تيبس ما تخضار

ان شاء الله تكونوا معانا في رمضان هذا والحلول تلقاهم في اليم الموالي قبل ما نطرح الجديد

ارجو ان تكون متعة للجميع و صحا رمضانكم ​

 

[عثمان الجلفاوي]

ابعثولنا الاجابات من فضلكم