مشكلتي مع ختي

[tawba dz]

للاسف عندي اختي عصبية بزاف و تعيط على ماما و تسبها و متباليش بدينها و تضربني بلا سبة ولهدا قررت منهدرش معاها و عندي 4 سنوات مهدرناش بسبها منحسش بطعم العيد و بطعم رمضان للاسف اريد ان اسالكم هل توجد حالة مثل حالتنا

 

[Ghizlane.dz]

السلام عليكم

أختي ..عند بالك الوالدة تاعك راهي فرحانة بيكم وانتوما ما تهدروش مع بعضكم ؟؟ ...4سنوات راهي بزاف.. الرسول صلى الله عليه وسلم قال:لا يحل لمسلم أن يهجر أخاه فوق ثلاث...شوفي أختي الخصام مشي حل ..تصالحي انتي وأختك علابالي راح تجيك شوية صعيبة بصح ماكانش حل آخر..ومادام راه بشرنا رمضان ادعي ربي يصلح الحال

ويكدب عليك اللي يقولك عمره ما تخاصم مع خوه ولا اخته ​

 

[ziassia]

حاولي تتنازلي من حقكـ شوي مدام راه جا رمضان و أيام مباركة هدى
راهي ختك من لحمك و دمكـ​

 

[طيف الامل]

السلام عليكم اختي انا ننصحك ترجعي تهدري مع اختك ولما تبادري انت رايحة تربحيها مع ربي مهما واش تكون نوع الخصومة في الاخير تبقى اختك خير المتخاصمين هو الذي يبدأ بالسلام ، كما أخبر الرسول صلى الله عليه وسلم "وخيرهما الذي يبدأ بالسلام .
وهده الحالة كاينة في جميع العائلات تقريبا ربي يصلح بينكم.

 

[HAMOUDI2000]

4سنين والله غير ياسر هذي تبقى اختك وعايشة معاك لازم كوراج وصالحيها ولمو الشمل

 

[dahman kz]

الناس الكل عندها مشاكل وفي كل دار كاينة في كل العائلات.
لازمك انت تبادري وتنقصي من روحك شوي .والمشكل هدا لازمة يفظ.وتكبرو وكل وحدة تروح لدارها وتبقى ليام دكريات.

 

[ملاك الصمت]

كيفاش راكم صابرين على هاذ المقاطعة........... 4 سنين عايشين مع بعض وما تهدروش مع بعض؟؟ ربي يهديكم
حتى لو كانت ختك غالطة وعاقة لماماك مايلزمش تقاطعوها بلعكس لازم تكلموها وتنصحوها وتوجهوها وكلما لقاتكم حنان عليها وحست بحبكم ليها تتبدل نحو الاحسن و تلين وما تزيدش تقلقكم ولا تعاديكم
ارجعيلها ختي مهما كان راهي من دمك ولحمك واقطعي الشر وكوني جريئة واكثر قوة وصبر منها
الصراحة انا ثاني كي القط والفار مع ختي مي كي نتقلقو من بعض لماكسيموم ما نهدروش مع بعض نهار ومبعد نرجعو لبعضانا وهاذو حوايج يصراو

 

[nassim007]

المسامح كريم
​

 

[nina love]

ربي يهديها

أنا نتعجب أنو كاين ناس بهادي العقلية

 

[السلطانة]

وعليكم السلام اختي
علبالك شوكيتيني

شوفي انا معنديش اختي
ومتتصوريش شحال تمنيت تكون عندي وحدة

والله روحي سامحيها واهدرو مع بعضاكم
لانو الانسان ميحسش بالشي غير لاعاد معندوش

​

 

[hiba14]

السلام عليكم
و الله غي بزاف 4 سنين اختي بزاف على اللي بعقلو فمابلك الحالة اللي راكم فيها دباز و قاع نقولك انتم غلطتو من الاول كي تنايفتو مانيش نقولك لا لازم دايمن ملاح حتى انا و اختي نتناشعو على 8 بصح 8 و 10 د نهدرو مع بعضانا تقعدو خواتات و تفوتوش بعضاكم روحي عندها و هدري معاها مافيها حتى عيب بالعكس هي تحشم من روحها و ربي يجيب الخير
في لامان

 

[Sẻl Mā]

السلام عليكم
مام انا عندي خويا منهدرش معاه
عدنا 3 سنين مناش نهدرو مع بعضانا
وديما انا نتنازل على حقي مي والو
راسو خشيين​

 

[مروة 95]

سلاااام ختي
مهما يكون نوع الخصام لي بيناتكم
تبقى اختك
و وين تروحي ماتلقايش لي تحبك من قلبها
و لي تخاف عليك
قد اختك
بالك تديرلك حوايج مش ملاح
مي تبقى اختك تخاف عليك
و تعزك و انتي عندها بالدنيا
و بادري بالسماح
خير ليكم لزوز
تربحي رضا والديك و ربك
و تتصلح بنك و بين ختك
لانو تدوري تدوري تلقاي غير ختك


سلااام ​

 

[دعاء19]

4 سنين بزاف اختي صالحيها وعذريها راها عصبية بزاف كيما قلتي انا عندي خوتاتي ومتزوجات بعاد عليا ونتمنى فينتا غير اجيو في العطلة باش نهدروا ونخرجوا مع بعضياتنا بان ليا بجوجات عصبيات وراسككم قاسح من 4 سنين مهدرتوش بمتكونوش قاسحات وتصالحوا و المسامح كريم

 

[om djawad]

.................................................

 

[بنت الجسور المعلقة]

كون تشوفي انا وختي كي لقط ولفار ذالين نتواكل والله مي جي ساعة ونولو نهدرو مع بعضانا هدو هوما لخوتات والله القلب حنين أما الفم برك لي يهدر
خمي غير لبيعد كون يجي مكتوب ولا فرح ولا اي حاجا شكون لي توقف حذاك وتفرحلك
أرجعو تهدرو مع بعاض وختك هادي الله يهديها ا وربي يكون معاك أ مآ لعزيزة ​

 

[THE GNAWIE]

سلام اختي
هاذ المشاكل يصراو...مي ماشي لدرجة 4 سنين ما تهدريش مع اختك
كوني انت المبادرة للخير و اهدري معاها
و ربي يصفي القلوب​