رمضان الشاب الجزائري !!!

[بودبوز]

السلام عليكم ورحمة الله وبركاته

واش راكم خاوتي انشاء الله بخير الحمد لله كي تكونو ملاح انا نكون مليح
خاوتي اليوم جبتلكم موضوع كيعاد غدوا رمضان وهو رمضان عند الشاب الجزائري
كيفاه يعقب النهار المهم ندخل صلب الموضوع الشاب الجزايري في كل الولايات
يسهر حتى لصحور يصحر ويرقد وماينوضش حتى ال 12 ولا 1 ويقلك راني صايم
واشمن صيام ترقد ل12 وتوقول راني صايم خليك ربي يهديك وكي ينوض واش يدير
يعني اللي عندو النت يدخل للفايسبوك ويريح يشاتي ومن بعد يضربها بدوش مع لعشية
ويخرج يدو هو وصحابو مايروحش حتى ياذن يفطر ويعاود يخرج يروح للقهوة يريح
يضرب فيها قهوة ويزيدلها الدخان ومن بعد يروح يلعب الديمينو و ديما هكا كل يوم في رمضان هكا سبحان الله شعب فنيان لدرجة ماتصوروهاش ربي يهدينا ويهدي ماخلق
ايا نخليكم على خير انشاء الله يكون عجبكم الموضوع

:yahoo:انتظر ردودكم ونقاشاتكم:yahoo:
​

 

[صغراوي]

للاسف هذو هوما يمات الشاب في رمضان

 

[Jeune Sghir Mc]

واه كاينة باه نصلو ونعبدو ربي
خابطينها بركلة
ربي يهدينا
سلام
.
.
​

 

[3abdo-18]

النوم تاني عندو الأجر نتاعو نوم الصائم عبادة كاين ناس صح متقدرش و هادا لي يصوم يصلي و لا ميصليش ياك اقام الصلاة اتاء الزكاة
صوم رمضان

 

[nassim007]

هدي هيا لمعيشة


انا وحد من ناس نرقد حتا ل 12 نورمال علاه تشوف فيا رقدت ييوم كامل حتا للعصر ولا معرررف


شكراااا


​

 

[♥بنت عنابة♥]

كاين لي مايقدرش وكيما نسهر للصحور لازم نريكيبيري و نرجع نرقد في الصباح
حتى ل12 انا والله هادا وين نضت مافيها حتى شي
ومافتتنا حتى صلاة كي نرقدو حتى ل12

وصح عندك الحق تفنين تاعنا مرض
وشكرا على الموضوع وصحا رمضانك​

 

[fufa22]

الله غالبـــــــــــــــــــــــــــــــــ
​

 

[makour]

ايا كي متكونش نتا منهم قاع لاباس هههه
صح خويا عندك الحق هادا مايعتبرش صيام مي وش تحب هادي حالة العرب كامل ماشي غير حنا
صح رمضانكم

 

[star boky]

ربي يهدينا ان شاء الله

شهر الاجتهاد في العبادة احنا خلصوه فالرقاد