كفتة بطريقة جديدة من مطبخي

[nada242008]

المكونات
لحم مرحي
صدر دجاج او اسكالوب مرحي
3 بيضات
ملح وفلفل اكحل
ومرقة بيضا بالدجاج والزيتون والفطر

الطريقة
نرحي الدجاج في الميكسور مع اضافة البيض وملح وفلفل كحل وملعقة كبيرة شابلير

نخلط اللحم المرحي مع البيض والملح وفلفل اكحل

نفرش ورق الالمنيوم وفوقو بلاستيك غذائي
نحط طبقة من الدجاج المرحي

وطبقة من اللحم

ونلفها

-
نلف عليها البلاستيك الغذائي باحكام مع مراعاة غلق الجوانب مليح باش مايخرجش الحشو

ومن بعد نلف عليه ورق الالمنيوم

نضغط على الجوانب باحكام

نحط مول واسع فيه ماء بعد مايبدا يغلي نحط فيه الرولو

ونغليه لمدة تترواح بيم 40 الى 45 دقيقة واذا نقص الماء نزيد

في الاخير نخليه يبرد

ونقطعو دوائر

ويقدم

 

[روعة2005]

بارك الله فيكي عفاف جاك هايل جعلها الله في ميزان حسناتك
احنا نسموه قالب الضرة/كيعاد اللحم والجاج زعمة ضرايرههه/
ونخدمو بنفس طريقتك انا برك نحمرو في الاخير اما باقي الخطوات فهي نفسها لي سبق ودرتها في الحربوش تاع الدجاج ...........مشكورة

 

[السلطانة]

​

عفسة جديدة تاع الكفتة يمممممممممم
يعطيك الصحة ام ندى ديما تجيبيلنا الجديد
بصحتكم

 

[nada242008]

بارك الله فيكي عفاف جاك هايل جعلها الله في ميزان حسناتك
احنا نسموه قالب الضرة/كيعاد اللحم والجاج زعمة ضرايرههه/
ونخدمو بنفس طريقتك انا برك نحمرو في الاخير اما باقي الخطوات فهي نفسها لي سبق ودرتها في الحربوش تاع الدجاج ...........مشكورة

هي نفسها طريقة حربوش الدجاج بالخضار اللي قدمتيهولنا
بصح باللحم جا شكلها مغري اكثرههههه
مالا الحكاية فيها الضراير المرة الجاية نزديلها الفيلي تاع الحوت مرحي ..الضرة الثالثة:scared:
كيما قتلك شفتها في عرس وطبقتها ..عجبني الديكور تاعها
شكراا فوفة على المرور تسلمي:sheer:

 

[°/°مبدعة اللمة°/°]

صحة فطورك ختي ام ندوشة
هاااايل وطريقة جديدة شكرا​

 

[merieme hassi]

يعطيك الصحة حنونة
نفس طريقتي في الاعدااد
ما شاء الله عليك يا الحبيبة

 

[nada242008]

عفسة جديدة تاع الكفتة يمممممممممم
يعطيك الصحة ام ندى ديما تجيبيلنا الجديد
بصحتكم

الله يسلمك شوشو وصح فطورك انتي ثاني
نشوف حاجة جديدة نكابتيها هههه ونطبقها ونجيبها للاستفادة
شكرااا

 

[عاشقة الوردة]

مشكورة على الوصفة

 

[nada242008]

صحة فطورك ختي ام ندوشة
هاااايل وطريقة جديدة شكرا​

يعطيك الصحة حنونة
نفس طريقتي في الاعدااد
ما شاء الله عليك يا الحبيبة

صح فطوركم مريومة وضحى
بارك الله فيكم

 

[nada242008]

مشكورة على الوصفة

الله يسلمك اختي

 

[روعة2005]

هي نفسها طريقة حربوش الدجاج بالخضار اللي قدمتيهولنا
حاشة حبيبتي والله ماقصدت انو نفس طريقتي ولا لانو تقريبا الفيلي بكل يطيبو بنفس الطريقة
بصح باللحم جا شكلها مغري اكثرههههه
اكيد....اكيد واش جاب اللحم في اللحم للخضار هههه
مالا الحكاية فيها الضراير المرة الجاية نزديلها الفيلي تاع الحوت مرحي ..الضرة الثالثة:scared:
كيما قتلك شفتها في عرس وطبقتها ..عجبني الديكور تاعها
والله غير هكا يسموه منعرف علاه انا حللتها برك قلت كيعاد نوعين من اللحم الاحمر والبيض بصح لا زاد دخل فيها الحوت والله تعود قضية تعدد الزوجات ونولي في الشروعات ههههه

شكراا فوفة على المرور تسلمي:sheer:

انت لي شكرا والله دايما نتعلمو ونستفادو منك حتى وانت تدحري وصايمة.....منسيتناش وصورتي ربي يجازيك ويرزقك الذرية الصالحة

 

[بنت الجسور المعلقة]

فووووووووووووووووووووووووور يعطيك الصحة مي نتا ذكية يا ام ندى عرفتي كيفاه تخدمت كون جيت انا نقعد غير نطلع ونهبط كيفاه داورها هه
يعطيك الصحة حنونة جآآري التطبيق

 

[اسمه_ان]

بارك الله فيك اختي ندى على الفكرة الرائعة

 

[nada242008]

انت لي شكرا والله دايما نتعلمو ونستفادو منك حتى وانت تدحري وصايمة.....منسيتناش وصورتي ربي يجازيك ويرزقك الذرية الصالحة

تامني بربي غير نلوي فيها في المنيوم وصورة الحربوش بين عينيا هههه
وزدت كي صورت المول تفكرت المول تاعك هههه
رانا نستفادو من بعضانا وكل واحدة تمدلنا فكرة وعلى هذيك لمتنا ديما فيها الفايدة
شكراا فوفة على الدعوات الغالية ولك بالمثل

فووووووووووووووووووووووووور يعطيك الصحة مي نتا ذكية يا ام ندى عرفتي كيفاه تخدمت كون جيت انا نقعد غير نطلع ونهبط كيفاه داورها هه
يعطيك الصحة حنونة جآآري التطبيق

ربي يخليك يا بنت قسنطينة
كيما قلت لفوفة الفكرة ككل مش جديدة غير كي تلاقا الدجاج مع اللحم برك هههه
صح فطوركم

بارك الله فيك اختي ندى على الفكرة الرائعة

شكراا اختي صح فطورك ورمضان كريم

 

[روز]

يعني ما ادخليهش في الفرن ..؟ فوق النار برك..
انا مرة درت الدجاج في الميكسور راحلي الميكسور فسد ...كفاش نعمل..؟

 

[nada242008]

يعني ما ادخليهش في الفرن ..؟ فوق النار برك..
انا مرة درت الدجاج في الميكسور راحلي الميكسور فسد ...كفاش نعمل..؟

مالا راكي بلا ميكسور
حتى عندي واحد كون نرحي بيه كثر من دقيقتين يخرج الدخان هههه
اكيد الماركة مش مليحة
ديري كي المصاروة كي يرحوا اللحم
حطيه في مهراس تاع نحاس واعطيه ضربات حتان يترحى
ولا قولي للجزار يرحيهولك

 

[روز]

لالا شريت واحد آخر جديد:shiny:
والاخر نديه للدزاير يخدموه ويدوه ههه
شريت ماركة مولينكس نظن مليحة!!:scared:
نحربو ندقو وش نعمل مزية راه خفيف ويتمرس بسرعة

 

[تسنيم الهناء]

صح فطورك

يعطيك الصحة ام ندوش ربي يبارك فحلة و نعولو عليك تروحي لعراس تجيبيلنا الجديد:shiny:

ربي يباركلك في صحتك
​

 

[nada242008]

لالا شريت واحد آخر جديد:shiny:
والاخر نديه للدزاير يخدموه ويدوه ههه
شريت ماركة مولينكس نظن مليحة!!:scared:
نحربو ندقو وش نعمل مزية راه خفيف ويتمرس بسرعة

ايا مليح بالبراكة ان شاء الله
مولينكس كينا نتاعي بعد ..جابوهولي كادو في عرسي
عندو قريب 4 سنين قاعد كيماراه
وزيد حوايجو كامل يتباعو
الطاس هذاك كون يتكسر يتباع وحدو والمغطة ثاني
تبانلي الشعب الجزايري كل عندو مولينكس

صح فطورك

يعطيك الصحة ام ندوش ربي يبارك فحلة و نعولو عليك تروحي لعراس تجيبيلنا الجديد:shiny:

ربي يباركلك في صحتك
​

الله يسلمك تسنيمو
هههه ضحكتيني كنت رايحة نصورو وحشمت من اللي قاعدين معايا
ربي يكثر العراس والخرجات مالا
صح فطورك انت ثاني

 

[فرح الجزائرية]

يعطيك الصحة ندى طريقة رائعة ان شاء الله غدا انجربها ونصورها وتشوفي تطبيقي ليها
بارك الله فيك