كي ما تعاونونيش نتوما شكون يعاوني

[دنيا البسمة]

يا جماعة الخير وجماعة اللمة صحا فطوركم كامل
بلا ما نطول بزاف ندخل ديراكت في الموضوع اللي ما هواش موضوع
هو طلب فقط
ايه قالك اليوم ماكانتش دالتي فالكوزينة واللي طيبو قالولهم عندم 9 من عشرة
يعني ربحو 9 نقط
والبروبلام الكبير غدوة دالتي
ايا امالان اشطارو وقولولي واش نطيبلهم باش يقولولي 10 على 10
راني نستنى فيكم يا بنات اللمة
دبرو راسكم معايا
ونتوما ثاني خاوتي واش تحبو تاكلو
وبا ما تقولوش مجحاحة اتفضلو معايا

 

[السلطانة]

صحا فطورك
لي طيبو اليوم هوما عرايسكم صح؟ ههه
لازمك غدوة تغلبيهم
طيبي شربة وبوراك على كارهم
ودوزيام بلا ديري حاجة في الفور تتكل خيرمن لمراقي
مثلا بيضنجان كوش بكوش
او بطاطا مقطعة كوش بكوش
وكثريلهم لفروماج راpي درك تعجبهم وتدي 10/10 ههه
كاشما يزيدو يعاونوك لبنات
ولاروحي لكوزينة ام ندى تلقاي اكلات طيبوهم يشهيو كاشما تدي منهم
تحياتي
وغدوة متنسايش تقوليلنا واش قالولك وقداش عطاوك من نقطة

​

 

[السلطانة]

انا ديت حبة قاطو ههه
التاي منشربوش

​

 

[دنيا البسمة]

صحا فطورك

لي طيبو اليوم هوما عرايسكم صح؟ ههه
لازمك غدوة تغلبيهم
طيبي شربة وبوراك على كارهم
ودوزيام بلا ديري حاجة في الفور تتكل خيرمن لمراقي
مثلا بيضنجان كوش بكوش
او بطاطا مقطعة كوش بكوش
وكثريلهم لفروماج راpي درك تعجبهم وتدي 10/10 ههه
كاشما يزيدو يعاونوك لبنات
ولاروحي لكوزينة ام ندى تلقاي اكلات طيبوهم يشهيو كاشما تدي منهم
تحياتي
وغدوة متنسايش تقوليلنا واش قالولك وقداش عطاوك من نقطة ​

ايييييييييييييييييه يا اختي صح عرايسنا وغدوة دالتي انا والعروسة اللي بقات
والبروبلام دارو حاجة فالفور
يقولك التكرار
مرسي عليك ختيتي
ايا راني نزيد نخمم

 

[السلطانة]

ايييييييييييييييييه يا اختي صح عرايسنا وغدوة دالتي انا والعروسة اللي بقات
والبروبلام دارو حاجة فالفور
يقولك التكرار
مرسي عليك ختيتي
ايا راني نزيد نخمم

:sheer:اضربيلهم ا لكسكسي
ياكلو يتنفخو ميقدروش يشركو فمهم خلاه هه

 

[أمينة16]

صح فطوووورك دنياااا
ايه الفطور
شوفي كيما قتالك شوشو
ديري شربة تكون بنينة وعليها لكلام
وبيانسور البوراك
انا خممتلك في كباب معلبليش اسكو ديروه ولا لالا
باسكو بلا خفيف وبنين وتاع صيف
وزيدي لي سلاد انتي وشطارتك في تزيينهم
وريلهم حنة يديك حبوبتي
ماشي حاجة واعرة
ربي يكون في العون
ومرسي ليم على القاتو واتاي
صح سحووووووووووووورك
ومتخميش دوك يدخلو لبنات كل واحدة تفيدم بحاجة
​

 

[دنيا البسمة]

صح فطوووورك دنياااا

ايه الفطور
شوفي كيما قتالك شوشو
ديري شربة تكون بنينة وعليها لكلام
وبيانسور البوراك
انا خممتلك في كباب معلبليش اسكو ديروه ولا لالا
باسكو بلا خفيف وبنين وتاع صيف
وزيدي لي سلاد انتي وشطارتك في تزيينهم
وريلهم حنة يديك حبوبتي
ماشي حاجة واعرة
ربي يكون في العون
ومرسي ليم على القاتو واتاي
صح سحووووووووووووورك
ومتخميش دوك يدخلو لبنات كل واحدة تفيدم بحاجة​

صباح الخير عليكم
وصحا صحوركم وربي يقبل صلاتكم
يعطيك الصحة اختي
انتي قلتي الكباب انا نعرف حاجة اسمها كباب مي ماعلاباليش اسكو نفسو اللي راكي تحكي عليه ولا لالا
شكرا

 

[عازفة الاحزان]

سلالالالالالالالالالالالام حنونة أنا من الاحسن مننصحكش لأني نخاف ندبر عليك تخسري
هههههههههههه
حنونة أنوي نية طيبة برك وطيبي واش تعرفي سم باسم الله أكيد
أكييييييييييييييييييييييد
راح يجي فطور ولا أحسن
و راح يعطوك 20/10​

 

[زهرة الندى]

سلاام اختي دنيا

كي قالولك البنات ديري الشربة فريك والبوراك واذا درتو بوراك لبارح بالحم المرحي انتي غيري الحشو

اما البلا 2

شوفي عند ام ندى كيما قالتك شوشو وفي موضوع مطبخك في رمضان وشوفي لنات واش دارو في الفطور كشما تدي افكار

اكيد راح يعطوك 10 / 10 ونزيدك 5 من عندي هههههه​

 

[دنيا البسمة]

صحا فطوركم كااااااااااااااااااامل

ومرسي عليكم
راني وجدتلهم الفطور اليوم على بالي عجبهم
درتلهم الشربة
السوفلي او السمبوسة كيما تحبو والبوراك
درتلهم تاني المثوم
سلاطة نتاع الخس كيما يسموها
وسلاطة وحدو خرا بالبطاطا المغلية والزرودية والبيطراف و و و الشباح ديالها
والليموناد بلى ما ننساه

مي معليش مازالت ترجع دالتي راه رمضان فيه 30 يوم
كاش ما جا في بالكم زيدو قولولي
باي باي
​