ضيفتنا الثانية في كوزينة جزائرية

[nada242008]

بسم الله الرحمان الرحيم

اولا اهنئكم بحلول شهر رمضان الفضيل
وان شاء الله تصوموه بالصحة والهنا
*
*
*
كما وعدناكم من قبل سنقوم باستظافة عضوات المطبخ الجزائري
كل يوم ضيفة تشاركنا مائدتها واطباقها
نتقرب ونتعرف عليها اكثر
من خلال بعض الاسئلة
ضيفتنا في اول يوم من رمضان
هي الاخت الغالية والطيبة

فوفة 2011

المتميزة بردودها ومواضيعها واطباقها
واشكر لها قبول الاستضافة
*
*
*
الاسئلة ستكون في مجال الطبخ
بمعني بطنك تحت المجهر
مائدتك الرمضانية وسينية السهرة
مع بعض الاسئلة عن حياتها الشخصية
*
*
*
سافتتح قائمة الاسئلة
بانتظار باقي البنات
ان شاء الله تكون خفيفة عليك

1- بطاقتك الشخصية اسمك وسنك ومستواك الدراسي
2- سبب اختيارك لاسمك المستعار
3 -هواياتك
4-مثلك الاعلى
5-حكمتك في الحياة
6-صفي نفسك في كلمتين
7- طبقك المفضل
8-الاكلة التي تجيدين طبخها بشهادة الاهل او الاصدقاء
9- الاكلة التي لا تودين طبخها ابدا
10- موقف طريف في المطبخ
11-برامج الطبخ التلفزيونية المفضلة عندك
12-كم وجبة رئيسية تاكلين باليوم
13-هل تاكلين بين الوجبات
14-هل تحبين اكل البيت ام المطاعم
15-عضوة تتمنين ان تاكلين معها
16-افضل مشروب عندك
17-كم كان عمرك حين طبختي اول مرة
18-ماهو اول طبق طبختيه
19-هل انت من النوعية التي تغامر بتجريب الوصفات​

 

[روعة2005]

- بطاقتك الشخصية اسمك وسنك ومستواك الدراسي
اسمي عفاف/29 سنة/شهادة ليسانس في الحقوق
2- سبب اختيارك لاسمك المستعار
غالبية لي يعرفوني يدلعوني فوفة
3 -هواياتك
كانت عندي هواية الرسم على الحرير بصح من تزوجت حبستها
بزيادة الطبخ/نحب نقرا الكتب والقصص الدينية
4-مثلك الاعلى
والدي
5-حكمتك في الحياة
الدنيا ثلاث...امل...الم...اجر فعش بالاولى وتحمل الثانية لاجل الثالثة
6-صفي نفسك في كلمتين
طيبة ومزاجية
7- طبقك المفضل
شخشوخة الوالدة امممم
8-الاكلة التي تجيدين طبخها بشهادة الاهل او الاصدقاء
بزاف حوايج ههه بوزلوف بزاف يطلبوه مني
9- الاكلة التي لا تودين طبخها ابدا
نكره نطيب الدوارة تاع الخروف بصح نحب ناكلها


10- موقف طريف في المطبخ
مرة عمرت البراس ودرت البن ومادرتش الماء كانت اطول مدة ممكن يستغرقها طياب قهوة حتان قالي راجلي واش وقيلة القهوة تاعكك اليوم با اللحم....وطبعا البراس تحرق من الداخل هو و البن هههه

11-برامج الطبخ التلفزيونية المفضلة عندك
حورية المطبخ/وعباسيات
12-كم وجبة رئيسية تاكلين باليوم
وجبتين واحيانا وجبة الغداء برك
13-هل تاكلين بين الوجبات
لا نشرب سوائل ممكن..قهوة/شاي/عصيرات...
14-هل تحبين اكل البيت ام المطاعم
اكل البيت بصح كي نسافر برا الجزائر نتفنى على اكل المطاعم /نعاف واحنا اغلب مطاعمنا (لاعلاقة بنظافة) الا من رحم ربي
15-عضوة تتمنين ان تاكلين معها
نتمنى لو نقدر نجتمع با الكثير من حباباتي في اللمة وعلى بالي مش راح ناكلو راح نقعدو غير نقصرو
16-افضل مشروب عندك
نقاوس...نموت عليه
17-كم كان عمرك حين طبختي اول مرة
حوالي 10 او11 بصح واش من طبخ هههه
18-ماهو اول طبق طبختيه
الخبز لي نحطوه في البيض والحليب ومبعد نقليوه ونسكروه /كنت كل ما تسمحلي ماما نجري نطيبو وناكل حتى التخمة
19-هل انت من النوعية التي تغامر بتجريب الوصفات

ايييييييييييييييييييييييه حدث ولا حرج

 

[روعة2005]

راني نستنى في اسئلتكم وينكم ......................ماتحشموش​

 

[l'algeroise]

صباح الخير أختي فوفة أنا حبيت نعرف من أي ولاية أنتي وبما أنك قلتي عندك ليسانس في الحقوق هل خدمتي ولا حبستي الخدمة بإرادتك ولا بطلب من زوجك ؟؟؟؟


كاشما يجيوني أسئلة راني نولو ولا كان سؤالي محرجمعليش ماجاوبيش​

 

[صفـاء و نقـاء]

مرحبا فوفة2011

أتمنى لك اقامة طيبة هنا

_كم طبخة طبختيها واحترقت هههه قولى برك نورمال

_ول كتاب طبخ اعتمدتي عليه ؟؟

_من قدوتك بالمطبخ ؟؟

_ تحبي يساعدوك وأنت تطبخين ولا تحبى تطبخى وحدك ؟؟

_نصحيه توجهيها لكل من تحب الطبخ كيما أنا ههه ؟

ان شاء الله أسئلتى خفيفة عليك

سلام
​

 

[nada242008]

كيف هي علاقتك مع حماتك
حين حصول سوء فهم او مشكل كيف تتصرفين ....//انت اللي قلتي زيدوني:showoff:
هل تخبرين زوجك وهل يتدخل في هذا النزاع ههههه:bored:
ماهي اخر هدية حصلتي عليها:luve_2:
كم صديقة لديك
هل يساعدك زوجك في اعمال التنظيف او المطبخ هههه غير قولي مانحسدوكشi-o:i-o:
هل تراقبين موبايل زوجك...هههه_o:
هل تنزعجين من النصائح التي تقدمها حماتك ...قولي الحقيقة وبعدي على الدبلوماسية :angel::yaw:
اذا كنتي في عزومة وماعجباتكش الماكلة كيفاه تتصرفي
واذا كانت عندك عزومة وتحرقلك الاكل واش تديري
اين تخزنين اسرارك
هل تبكين بسرعة
كم هو وزنك الحالي

اليك الخط عزيزتي فوفة

 

[روعة2005]

صباح الخير أختي فوفة أنا حبيت نعرف من أي ولاية أنتي وبما أنك قلتي عندك ليسانس في الحقوق هل خدمتي ولا حبستي الخدمة بإرادتك ولا بطلب من زوجك ؟؟؟؟


كاشما يجيوني أسئلة راني نولو ولا كان سؤالي محرجمعليش ماجاوبيش​

هذو اسئلة في الحياة العامة هنا غير الطبخ والمطبخ الجيغواز بصح ماعليش ضرك نجاوبك في رسالة خاصة

 

[nada242008]

فوفة اي سؤال محرج تقدري ماتجاوبيش عليه

 

[l'algeroise]

désolée فوفة عندك الحق بصح الولاية تاني حاجة خاصة ؟؟؟؟؟​

 

[روعة2005]

مرحبا فوفة2011​

أتمنى لك اقامة طيبة هنا
مرحبا بيك حنونة​

​

_كم طبخة طبختيها واحترقت هههه قولى برك نورمال
محرقتش بزاف مرة ولازوج​

_ول كتاب طبخ اعتمدتي عليه ؟؟
امي
ومبعد كتاب قسنطينة الاحمر لكبير ههه​

_من قدوتك بالمطبخ ؟؟
الوالدة​

_ تحبي يساعدوك وأنت تطبخين ولا تحبى تطبخى وحدك ؟؟
نحب نخدم وحدي بصح الماعن مانا بيا يعاونوني فيهم ههه​

_نصحيه توجهيها لكل من تحب الطبخ كيما أنا ههه ؟
حبي الطبخ واعشقيه والله يعود طيابك بنين بزاف لانو الطبخ نفس​

ان شاء الله أسئلتى خفيفة عليك ​

سلام
​

شكرا اسئلة باهية وخفيفة​

 

[روعة2005]

désolée فوفة عندك الحق بصح الولاية تاني حاجة خاصة ؟؟؟؟؟​

[
رغم اني جاوبتك في الخاص بصح?????????????????????????????????????????????????????

بريكة​

 

[l'algeroise]

خيار الناس كتبت الرد قبل ماتوصل الرسالة شكرا على الرد فيما يخص الطبخ ماعندي حتى سؤال أم ندى تطرقت لكلش​

 

[روعة2005]

كيف هي علاقتك مع حماتك
عااااااااااااااااااااادية جدا
حين حصول سوء فهم او مشكل كيف تتصرفين ....//انت اللي قلتي زيدوني:showoff:
اغلب الاحيان انا لي نعدل الموقف بصح ساعات نخشن راسي
هل تخبرين زوجك وهل يتدخل في هذا النزاع ههههه:bored:
لالا هو دايما يكون طرف حيادي ويتفرج من بعيد:santa_1:
ماهي اخر هدية حصلتي عليها:luve_2:
معندهاش سمانة جابلي زوجي (بزايد من تقرعيج هههههه)
كم صديقة لديك
صديقة صدوقة وحدة برك
هل يساعدك زوجك في اعمال التنظيف او المطبخ هههه غير قولي مانحسدوكشi-o:i-o:
والله كي نموت وتخرج روحي قدامو هههه غير احسدوني بالاك تتعكس
هل تراقبين موبايل زوجك...هههه_o:
لالا مش طبعي
هل تنزعجين من النصائح التي تقدمها حماتك ...قولي الحقيقة وبعدي على الدبلوماسية :angel::yaw:
كي تكون غير حابة دبر تاع الصح مانشتيش بصح كي تكون عندها الحق والله نسمع كلامها
اذا كنتي في عزومة وماعجباتكش الماكلة كيفاه تتصرفي
نحتمو بسيف على كرشي هههههه ونزيد نقلهم امم يهبل
واذا كانت عندك عزومة وتحرقلك الاكل واش تديري
جامي سراتلي وياربي متصراليش
بصح تبالي نولي نقلهم ارواحو غدوة
اين تخزنين اسرارك
في قلبي
هل تبكين بسرعة
على حاجة تستاهل نبكي وبغزاارة
كم هو وزنك الحالي
مباعد نقلك وحدك ههههههههه

اليك الخط عزيزتي فوفة
شكرا عفوفة:sheer:

 

[روعة2005]

فوفة اي سؤال محرج تقدري ماتجاوبيش عليه

عادي اختك قلبها كبير وسمين هههههه

 

[nada242008]

عادي اختك قلبها كبير وسمين هههههه

شكراا فوفة على سعة قلبك وعلى اجوبتك الصريحة
راني حسدتك على الكادو هههه كون قلتي يغسل الماعن خير

جبتلك معايا هدية هههه عبارة عن مجموعة من الاسئلة
كيف هو رمضان لهاته السنة ؟

ماهو احلى شي برمضان ؟


هل جرحتي شخص غالي و ندمتي ؟

متى تنزل دموعك ؟

ماهو اكثر موقف اثر فيك هذه السنة ؟

اكثر مكان تحبي تقعدي فيه ؟

اكثر صفة تحبينها ؟

اكثر صفة تكرهينها ؟

احلى صدفه بحياتك ؟

اوصفي لي طفولتك بكام كلمة ؟

شيء تحلمين فيه من صغرك و ما صار؟

 

[فرح الجزائرية]

السلام عليكم اختي فوفة
انا معنديش اسأل برك استنجت من خلال اجوبتك
انك بنت فاميلة وطيبة وقلبك كبير
اتمنى ليك السعادة والهناء في اسرتك وربي يوفقك دوما

 

[ام سامي]

السلام عليكم و رحمة الله و بركاته


صدقيني أختي فوفة

منذ زمان و انا حبيت نهدر و نحكي معاك


دخلتي قلبي بدون أن أراكي



و أنتهز الفرصة لأقول لكي


يعطيك الصحة


و ربي يحفظك و يعطيك ما تتمناي


الأسئلة راهم الأخوات كفاو ووفاو


ما خلاوليش أسئلة


هههههههههههه



عند طفلة عندها 9سنوات راني حباتها تولي تعشق الطبخ و المطبخ


فماذا تنصحينني ؟؟؟؟؟



لوكان نعرضك عندي في داري واش تفضلي تاكلي عندي ؟؟؟؟؟




في الأعياد ما هي الحلوى المفضلة عندك؟؟؟؟؟؟؟



أكتفي بهاذ القدر من الأسئلة


رمضان كريم أختي

 

[روز]

اهلين وسهلين بعفوفتنا الغالية الفحلة
راني نشوف في ام ندى مارحمتكش ههه ايه يا ام ندى وتسقسيني علاه؟ ههههه
ايا عفوفة نسقسيك

لو نفرضو وحدة تحبك بزاف وعرضاتك وحطتلك ماكلة تكرهيها...تكرهييييها وش تعملي وهي من الصباح توجد وتعاود

وش هو اكبر احلامك بعد الزواج

لحد الآن اي سنة كانت من اجمل سنين حياتك قبل الزواج وبعدو

وش الحاجة لي تقلقك وتخليك ماتثقيش من الشخص لي مقابلك كملي هادوم حتى نرجعلك

 

[روعة2005]

كيف هو رمضان لهاته السنة ؟
اولا نحمد ربي لي بلغني رمضان وربي يقبل منا صالح الاعمال
رمضان عادي كل واحد قافل على روحو دارو راحت صلة الرحم والكرم صراحة نحس روح رمضان عادت غير موجود

ماهو احلى شي برمضان ؟
التراويح نموت على صوت التجواد خسارة ملي تزوجت معدتش نروح نصلي التراويح........اااه على بكري

هل جرحتي شخص غالي و ندمتي ؟
من طبعي منجرحش العكس انا دايما مجروحة ومنبينش

متى تنزل دموعك ؟
عندما نسمع صوت عبد الباسط عبد الصمد

ماهو اكثر موقف اثر فيك هذه السنة ؟
موت الاخ المشرف ايوب ربي يغفرله رغم اني مانعرفوش بصح حز في نفسي كثير والبارح كي كنت صايمة تفكرت اهلو قلت يادرى والديه كيفاش يجيهم رمضان بلا بيه/انا لله وانا اليه راجعون ربي يغفرله
اكثر مكان تحبي تقعدي فيه ؟
النت
اكثر صفة تحبينها ؟
الصدق

اكثر صفة تكرهينها ؟
الخيانة

احلى صدفه بحياتك ؟
الي جمعتني بزوجي حبيبي الله لا يحرمني منه
اوصفي لي طفولتك بكام كلمة ؟
طفولة حقيقة...لعب... طوايش..زهو....ايام لا تعوض

شيء تحلمين فيه من صغرك و ما صار؟
والله نتمنى من اعماق قلبي نزور بيت ربي الكعبة الشريفة



شكرا على هديتك والله رجعتني لعالم ثاني با اسئلتك

 

[روعة2005]

السلام عليكم اختي فوفة
انا معنديش اسأل برك استنجت من خلال اجوبتك
انك بنت فاميلة وطيبة وقلبك كبير
اتمنى ليك السعادة والهناء في اسرتك وربي يوفقك دوما

وعليكي السلام وشكرا على الدعوة الطيبة ولكي با المثل اختي فرح