مشاركة merieme hassi في مسابقة المائدة الرمضانية الاسبوع الاول

[merieme hassi]

السلام عليكم
رمضان كريم و كل عام وانتم بخير
هده اول مائدة رمضانية اشارك بها في المسابقة
التمر و الحليب

​

مائدة الفطور مع التحلية​

​

ابدا علي بركة الله بتقديم الاطباق
طبق الحريرة :

​

قلي اللحم مليح في الزيت و زيديلو البصل و الجزر و حبات حمص وطماطم و قليهم مليح ثم تبليهم لفلفل احمر فلفل اسود زنجبيل كروية قرفة راس الحانوت زريعة البسباس

ثم مرقي بالماء السخون و زيدي القصبر مع الكرافس و خليها تغلي علي نار هادية

من بعد ما تغلي طحنيها وزديلها راس الحانوت و الطماطم المصبرة و راس ثوم مطحون و خليها تغلي مليح
و في الاخير حضري ملعقتين فرينة مع الماء و فافل احمر و خلطيهم مليح و قومي باظافتهم للمزيج و خليها تغلي علي نار هادية ​

طبق المعقودة :

بعد بتبخير البطاطا تبليها مليح بفلفل احمر و فلفل اسود راس الحانوت زنجبيل كمون ثم زيديلها المعدنوس و الثوم و الكفتة و لميها مليح
​

ثم عمليها كويرات

​

و رمديها في البيض و قليها ​

طبق البوراك:
معروووف كثير هدا الطبق عندنا

انا الكفتة نحرج عليها مليح بالبصل و الثوم و التواابل و نخليها علي نار هادية و كي نجي نخدم البوراك نزيدلو الفرماج
​

​

طبق السلاطة :

​

طبق الفلفل المشوي:
بعد ما شويت الفلفل و نقيتو زدتلو الثوم و الملح و الفلفل اسود و خليتو يتقلي علي نار هادية

طبق الطاجين الحلو:
قليت اللحم مع البصل في الزيت و تبلتهم بالقرفة و الفلفل اسود فلفل احمر و زنجبيل و خليته يغلي

بخرت البرقوق و الزبيب بالفانيلا

ثم زدتهم المرقة كي طابت و زدت ملعقتين سكر و خليتهم يغليو
غليت اللوز و قشرتو و قليتو في الزيت

خبز الدار:​

وهدا طبق ابنتي مريم:

و بالتوفيق للجميع
كل عام وانتم بخير
منتدي اللمة الجزائرية​