ضيفتنا الرابعة في كوزينة جزائرية

[nada242008]

بسم الله الرحمان الرحيم

اولا اهنئكم بحلول شهر رمضان الفضيل
وان شاء الله تصوموه بالصحة والهنا
*
*
*
كما وعدناكم من قبل سنقوم باستظافة عضوات المطبخ الجزائري
كل يوم ضيفة تشاركنا مائدتها واطباقها
نتقرب ونتعرف عليها اكثر
من خلال بعض الاسئلة
ضيفتنا
هي الاخت الغالية والطيبة

meriem hessi

المتميزة بردودها ومواضيعها واطباقها
واشكر لها قبول الاستضافة
*
*
*
الاسئلة ستكون في مجال الطبخ
بمعني بطنك تحت المجهر
مائدتك الرمضانية وسينية السهرة
مع بعض الاسئلة عن حياتها الشخصية
*
*
*
سافتتح قائمة الاسئلة
بانتظار باقي البنات
ان شاء الله تكون خفيفة عليك

1- بطاقتك الشخصيةاسمك وسنك ومستواك الدراسي
2- سبب اختيارك لاسمك المستعار
3 -هواياتك
4-مثلك الاعلى
5-حكمتك في الحياة
6-صفي نفسك في كلمتين
7- طبقك المفضل
8-الاكلة التي تجيدين طبخها بشهادة الاهل او الاصدقاء
9- الاكلة التي لا تودين طبخها ابدا
10- موقف طريف في المطبخ
11-برامج الطبخ التلفزيونية المفضلة عندك
12-كم وجبة رئيسية تاكلين باليوم
13-هل تاكلين بين الوجبات
14-هل تحبين اكل البيت ام المطاعم
15-عضوة تتمنين ان تاكلين معها
16-افضل مشروب عندك
17-كم كان عمرك حين طبختي اول مرة
18-ماهو اول طبق طبختيه
19-هل انت من النوعية التي تغامر بتجريب الوصفات​

 

[merieme hassi]

السلام عليكم
قبل الاجابة اقول لك اختي الكريمة بارك الله فيك و اكثر من امثالك
شكرااا علي الاستضافة الطيبة
ربي يدومها محبة في الله ​

 

[merieme hassi]

- بطاقتك الشخصيةاسمك وسنك ومستواك الدراسي
جزائرية متزوجة ام لبنتين متحصلة علي ليسانس في المالية و البنوك
2- سبب اختيارك لاسمك المستعار
اسم ابنتي

3 -هواياتك
علم النفس و الطبخ و المطالعة
4-مثلك الاعلى
والدي و زوجي
5-حكمتك في الحياة
كن كالسماء ينظر الناس اليها ولا تكن كالارض يدوس الناس عليها


6-صفي نفسك في كلمتين
الحنونة الخجولة
7- طبقك المفضل
السمك بكل انواعه
8-الاكلة التي تجيدين طبخها بشهادة الاهل او الاصدقاء
الكسكسي
9- الاكلة التي لا تودين طبخها ابدا
الدوارة
10- موقف طريف في المطبخ
البارحة كنت اسال ام دودو و ادا بالطبخة احترقت
11-برامج الطبخ التلفزيونية المفضلة عندك
حورية المطبخ
12-كم وجبة رئيسية تاكلين باليوم
وجبتين
13-هل تاكلين بين الوجبات
قهوة تاي
14-هل تحبين اكل البيت ام المطاعم
اكيد البيت خصوصا ادا كان من يدي امي
15-عضوة تتمنين ان تاكلين معها
كامل فحلات المنتدي بدون استثناء
16-افضل مشروب عندك
حليب بالشكولاطة الساخن
17-كم كان عمرك حين طبختي اول مرة
10سنوات
18-ماهو اول طبق طبختيه
الارز بالدجاج
19-هل انت من النوعية التي تغامر بتجريب الوصفات
كثيييييييييييييييييييير

 

[mina87]

صباح الخير
مرحبا بيك مريم في كوزينة
مدامك راكي ضيفة ما رانيش رايحة نكثر عليك
قولينا
كي تزوجتي كنتي تعرفي تطيبي
واش حابة تديري ليوم للفطور

 

[merieme hassi]

صباح الخير
صباح الانوار علي فحلات اللمة
مرحبا بيك مريم في كوزينة
اهلاااا حنونة
مدامك راكي ضيفة ما رانيش رايحة نكثر عليك
الله يخليك
قولينا
كي تزوجتي كنتي تعرفي تطيبي
ايه كنت نعرف اساسيا ت الطبخ

واش حابة تديري ليوم للفطور
عولت علي شربة فريك كيش بالدجاج بطاطا في الفرن فلفل بقالي من البارح و سلاطة

الله يدومها محبة
شكراااا

 

[nada242008]

اني رجعتلك يا .... هههه اسمك الحقيقي ماهو
علبالي عندك مريم واسيا قداه اعمارهم
قداه عندي وانت متزوجة
هل انت عاملة ام ماكثة بالبيت
كيف تنظمين وقتك
كيف هي علاقتك مع اهل زوجك
ما هو الطبق الذي طبختيه لهم في اول عزومة
هل زوجك يبدي اعجابه بطبخك
وكيف يتصرف اذا لم يعجبه الاكل
كم من صديقة لديك
من يحفظ اسرارك
هل يساعدك زوجك في المطبخ
هل يجيد الطبخ

هههه نخلي الدالة للبنات ونزيد نطل عليك من بعد :showoff:

 

[روز]

اه يا ام ندى اتاريكي مش سهلة اسئلة تنشف الريق ههههههه

اهلا بيك مريم الطيوبة لي دخلت قلبي من اول 3مشاركات^^

هل صرالك موقف محرج في اخر دقيقة ونتي عارضة ضياف..؟وماهو

اولادك كي يكبرو وش متمنيتهم يكونو
وش هي احلى اكلة طيبتيها ومازلتي متفكرتيها وعجبت الناس الكل ووقتاه
كي يكون عندك وقت فراغ وش تعملي
شكون دلك على منتدى اللمة وياترى تعرفتي على بنت من بنات اللمة خراج اللمة وشكونهم
وش اهم حاجة تحرصي تعمليها الصباح كي تنوضي
وش هي احلامك واهدافك في الحياة...
كمليهم وراااااجعة نروح كاش مانخدملك قاطو

 

[روز]

ونتي يا ام ندى وقتاش تتحطي على الكرسي

هههههه

 

[merieme hassi]

اني رجعتلك يا .... هههه
اهلاااا بالغالية
اسمك الحقيقي ماهو
نفيسة
علبالي عندك مريم واسيا قداه اعمارهم
مريم 4سنوات و اسيا عام و شهرين
قداه عندي وانت متزوجة
7سنوات
هل انت عاملة ام ماكثة بالبيت
كنت استادة الفيزياء ثم مستشارة نفسانية و الان عطلة لمدة عام كامل حتي استقر
كيف تنظمين وقتك
في فترة العمل كنت اقوم لالاعمال المنزلية ليلا و كان وقتي جد ضيق
اما في العطلة صباحاا الميناج و الطبخ و الحلويات و مسااءا اتتبع حورية الطبخ و العب مع بناتي و ادرس مريم ثم ياتي زوجي نخرج قليلا ثم المطالعة و النوم
كيف هي علاقتك مع اهل زوجك
جيدة
ما هو الطبق الذي طبختيه لهم في اول عزومة
كنت ساكنة معاهم في البداية ثم بدات بالسفر مع زوجي معناه اول طبق اعددته لهم هو الكسكسي و اعجبهم كثيرااا
هل زوجك يبدي اعجابه بطبخك
كثيرااا الحمد لله
وكيف يتصرف اذا لم يعجبه الاكل
ميبينش و لكن يبدا باعطاء النصائح و يكمل مقولته بالحمد لله
كم من صديقة لديك
اثنين
من يحفظ اسرارك
زوجي
هل يساعدك زوجك في المطبخ
احيانا و ليس كثيرااا و لكن يحكم عليا البنات
هل يجيد الطبخ
نعم فهو طباخ ماهر

هههه نخلي الدالة للبنات ونزيد نطل عليك من بعد :showoff:

ربي يحفظك حنونة

 

[nada242008]

ونتي يا ام ندى وقتاش تتحطي على الكرسي

هههههه

تعرفي كل يوم نخمم شكون الضيفة وانت اول واحد تجي في بالي
خسااارة :sadwalk: غير قبيل قلت نزيد نعاود نبعثلك كشما يهديك ربي هههه
انا اخر واحدة باش تتحماو فيا مليح هههه

 

[merieme hassi]

اه يا ام ندى اتاريكي مش سهلة اسئلة تنشف الريق ههههههه

اهلا بيك مريم الطيوبة لي دخلت قلبي من اول 3مشاركات^^
ربي يحفظك حنونة

هل صرالك موقف محرج في اخر دقيقة ونتي عارضة ضياف..؟وماهو
ايه فكرتيني كنت عارضة ضياف و كي جاوني بديت نتقيا حشاكم و محملتش ريحتهم و انا كنت في الوحم و انا لا خبر
حتي الان وانا حشمانة منهم

اولادك كي يكبرو وش متمنيتهم يكونو
مريم طبيبة اسنان و اسيا صيدلانية
وش هي احلى اكلة طيبتيها ومازلتي متفكرتيها وعجبت الناس الكل ووقتاه
انا معروفة باطباق السمك مرة كنت عروسة جديدة و طبخت طبق السمك بالروز و عجبتهم بزاااف
حتي مكتريث المديح كامل النهار وجهي احمر من الخجل
كي يكون عندك وقت فراغ وش تعملي
انا مهتمة بعلم النفس كثير و كلما كان عندي وقت ابحث في هدا المجال
شكون دلك على منتدى اللمة وياترى تعرفتي على بنت من بنات اللمة خراج اللمة وشكونهم
الصدفة هي الي دلتني باللمة
للاسف لم اتعرف علي اي فحلة من فحلات اللمة خارجا
وش اهم حاجة تحرصي تعمليها الصباح كي تنوضي
بعد الصلاة الفجر اتصل بامي
وش هي احلامك واهدافك في الحياة...
كان عندي بزااف احلام و اهداف و لكن الان اهم هدف و حلم الاستقرار و تربية البنات
كمليهم وراااااجعة نروح كاش مانخدملك قاطو

ربي يهنيك حنونة

 

[nada242008]

الله يبارك يا مريومة قصدي نفيسة على اجوبتك
راني رجعتلك هههه هات ماتندميش على قبول الاستضافة برك
قلتي بلي راجلك طباخ ماهر ..ماهي افضل طبخة يجيدها
واذا جات سامطة ولا مالحة في مرة من المرات واش تقوليلو هل تصارحيه ولا تخافي على مشاعرو :shay:
هل حماتك طباخة ماهرة كي ولدها ولالا ههه قولي الصراحة
وهل زوجك يبدي اعجابه بطبخ امه
وهل تخيرينه بين طبخك وطبخ امه هههه كثرت عليك علبالي:schmoll:
هل بعض تصرفات بناتك تزعجك
وكيف تعلمينهم الابتعاد عن تلك التصرفات
هل تحدثين زوجك عن متاعب العمل وهل يسمعك ويساعدك
ماهي اخر هدية حصلتي عليها وممن
ماهي اخر هدية قمتي باهدائها وفي اي مناسبة

راجعتلك بعد قليل:sheer:

 

[nada242008]

ونتي يا ام ندى وقتاش تتحطي على الكرسي

هههههه

ههههههه عجبتني رجلو اللي راهو يحرك فيها
اني نتوحم يا روز حرام عليك نعود نجيب هاذ الفوقيرة:scared:

 

[روز]

شوفي هاذي يا ام ندى جابهالي راجلي وانا نتوحم لاصقهالي في كل بلاصة خاف لنجيب واحد يشبه للهنودا نظل نصبح بيهم الصباح هههه بني خرج يشبهلو سبحان الله
جربي بالاك تصدق معاك

 

[merieme hassi]

الله يبارك يا مريومة قصدي نفيسة على اجوبتك
ربي يخليك حنونة
راني رجعتلك هههه هات ماتندميش على قبول الاستضافة برك
هههههههههههههههه
قلتي بلي راجلك طباخ ماهر ..ماهي افضل طبخة يجيدها
طاجين الجلبانة
واذا جات سامطة ولا مالحة في مرة من المرات واش تقوليلو هل تصارحيه ولا تخافي على مشاعرو :shay:
كي تجيني سامطة نزيد الملح و كي تجي مالحة نغلق فمي و نشرب الماء بزااف نخاف نجرحو
هل حماتك طباخة ماهرة كي ولدها ولالا ههه قولي الصراحة
لا للاسف حماتي تعرف غير طاجين البطاطا و لا الحلو راني صريحة
وهل زوجك يبدي اعجابه بطبخ امه
بكل تاكيد
وهل تخيرينه بين طبخك وطبخ امه هههه كثرت عليك علبالي:schmoll:
لا لا اتجرا و لكن احيانا يفضل طبخي
هل بعض تصرفات بناتك تزعجك
الحمد لله بناتي عاقلين و حتي الان لم اشتكي منهن
وكيف تعلمينهم الابتعاد عن تلك التصرفات
بالهداوة و الرزانة
هل تحدثين زوجك عن متاعب العمل وهل يسمعك ويساعدك
نعم و هو يساعدني كثيرااا
ماهي اخر هدية حصلتي عليها وممن
من زوجي و هي خاتم من دهب بمناسبة عيد زواجنا في 7جويلية
ماهي اخر هدية قمتي باهدائها وفي اي مناسبة
طاجين تقليدي بمناسبة زواج ابن عم زوجي

راجعتلك بعد قليل:sheer:

الله يهنيك

 

[mina87]

ربي يحفضلك بناتك و زوجك ان شاء الله
مريم انتي قولتي بلي راكي ليسانس في مالية و بنوك
قدرتي تكوني استادة فزياء
واش تحبي تاكلي في السهرة وباه تسحروا
كي تديري عرضة

 

[mina87]

كي تديري عرضة شكون لي يعاونك تنوعي في الاطباق ولا ديري برك
تروحي تصلي تراويح ولالالالا
هيا حبيبتي دمتي في رعاية الله و حفظه

 

[merieme hassi]

ربي يحفضلك بناتك و زوجك ان شاء الله
ربي يخليك حنونة
مريم انتي قولتي بلي راكي ليسانس في مالية و بنوك
قدرتي تكوني استادة فزياء
مدير المتوسطة شافلي نقاط الباك و كي شاف علامة الفيزياء 18 و الرياضيات 17 قرر نكون في فوج الفيزياء و انا نحب بزااف الفيزياء و الرياضيات
واش تحبي تاكلي في السهرة وباه تسحروا
كي تديري عرضة
انا كي نفطر منزيدتش ناكل بصح نحضر لزوجي و مريم اتاي صحراوي و ديسير يحبوهم بزااف
و السحور سفة و تمر و حليب

الله يهنيك

 

[merieme hassi]

كي تديري عرضة شكون لي يعاونك تنوعي في الاطباق ولا ديري برك
كي تكون عندي عرضة نقول لزوجي يحكملي البنات و نوع في الماكولات حتي نكرمو الضيف
تروحي تصلي تراويح ولالالالا
نصلي التراويح مع زوجي في البيت و راني في الحزب 13
هيا حبيبتي دمتي في رعاية الله و حفظه

الله يهنيك حنونة

 

[nada242008]

والله يا روز كون ماجيتش نعرفك نامنك هههه واش عطانا ربي الحمد لله نعمة
بصح مانحطوش في التواقيع برك ههههه
---
يعطيك الصحة مريومة اجوبة رائعة تدل على طيبتك وثقافتك وكرم اخلاقك
هههه على هذيك قلت نزيدك شوي
لماذا اخترتي تخصص البنوك والمالية
الصفة التي تودين تغييرها في شخصيتك
ماهي البرامج التي تتبعها بناتك وكيف تنظمين وقتهم
كيف تعاقبينهم
من اي ولاية انت واين تقيمين حاليا
قلتي انك في عطلة لمدة عام ..هل تندمين احيانا على انك عاملة وتتمنين انك بجانب بناتك طول اليوم