سفرتي لثالث ايام رمضان من عند نهااااااااد

[جزائرية واعشق بلدي]

السلام عليكم ورحمة الله تعالى وبركاته
سفرتنا لثالث ايام رمضان كانت عبارة عن شوربة وطاجين حلو وخمير وبوراك وهادو كامل حطيتهم في الموضوع الاول
اما الطبق الرئيسي فدرت كباب والطبق الجانبي درت بيتزا بشكل جديد
وهيا نبدا فيالطريقة اولا لكباب
في طنيجرة سكرفجت لبصل زدتلو لحميصة +طراف لحم + فلفل اكحل + قرفة +ملح+زبدة

وحطيتهم على النار مع شوية ما باش يتكتكو

وفي هاذاك الوقت قشرت البطاطا قطعتها وقليتها

وفي هاذاك الوقت روحت حضرت العجينة انتاع البيتزا
استعملت عجينة 10 دقائق تاع طاطا ام ندى
وكونت وريت الطريقة في موضوعي الثاني

ورحوت ذوبت شوية زبدة على النار

من بعد حكمت العجينة وقسمتها كويرات

من بعد حكمت كرية وحليتها بهاذ الطريقة

ودهنها بالزبدة وزدت فتحت كرية واحدو اخرى وحطيتها فوقها وهكذا مع gاع الكريات بلا ماننسا في كل مرة ندهن بالزبدة وغطيتها وخليتها ترتاح فيالثلاجة لمدة نص ساعة

وفي هاذاك الوقت رميت البطاطا في الكنيجرة مع لاصوص وعقدتها بالبيض
استووووس من عند نهااااد
احكمي لصفر انتاع البيض اعصريلو شويا قارص من بعد هزي شويا من لاصوص ارميها في لصفر ديالك ودربيها مليح من بعد رجعي كلش في لاصوص هاكذا البيض مايدgدgش
وفي اللخر ارمي شويا معددنوس

 

[جزائرية واعشق بلدي]

بعد نص ساعة جبدت لعجينة ديالي وقسمتها بالموس على زوج بلا ما نعجنها باش تقعد مورقة
حليت النص لول بالحلال من بعد قسمتو مربعات

وفي سنيوة مفرشة فرينة حكمت مربع وقسمتو من الجوانب بالموس بهاذ الطريقة

وحطيت عليه لاصوص والطون تحبي ادري الفرماج في اللول ولا تخلي فاللخر
من بعد تحكمي كل جنت تديه للجنب لوخر بهاذالطريقة

من بعد ادهنيها بالبيض وخليها ترتاح شوية من بعد دخليها للفور

وبهاذ الطريقة تكون سفرتي جاهزة لثالث ايام رمضان المبارك
وصح فطوركم

اختكم ولا بنتكم كيما حبيتو (نهووووووووووودة)

 

[mina87]

ماشاء الله عليك
اكثر من حرة
ولله سخفت يعني شهيتيني
بلاك نجي ندير عندك سطاج هههه
سلام

 

[حكيك]

يعطيك الصحة بنتي نهودة نتكل عليك بصحتكم

 

[المتفائلة خيرا]

السلام عليكم
عجبني وا طيبتي ,,,,,,, يعطييك الصحة

 

[جزائرية واعشق بلدي]

ماشاء الله عليك
اكثر من حرة
ولله سخفت يعني شهيتيني
بلاك نجي ندير عندك سطاج هههه
سلام

الله يسلمك حبوبة
ايه ارواحي بلا ما تقسي مرحبا بيك
هههههه كل شي بحقو السطاج بالدراهم

يعطيك الصحة بنتي نهودة نتكل عليك بصحتكم

الله يسلمك طاطا نورتي مرحبا بيك

السلام عليكم
عجبني وا طيبتي ,,,,,,, يعطييك الصحة

الله يسلمك اختي مرحبا بيك

 

[{مُدَلَّلَتُهُ}]

lah ybarek makeltek tchahi ya3tik el sa7a

sa7a ftorkoum

 

[جزائرية واعشق بلدي]

الله يسلمك حبوبة وانتي زادة صح فطورك

 

[nada242008]

يعطيك الصحة نهودة البيتزا خرجتلك هايلة والكباب ماعندي مانقول بصحتكم

 

[rima29]

واااااااااااااااااااااو
خموس عليك حنونة
يعطيك الصحة
فطوركم يشهي​

 

[كوكة27]

البيتزا جاتك تهبل مشكووورة على مشاركتنا

 

[جزائرية واعشق بلدي]

يعطيك الصحة نهودة البيتزا خرجتلك هايلة والكباب ماعندي مانقول بصحتكم

الله يسلمك طاطا منك نتعلم شكرا على المرور

واااااااااااااااااااااو
خموس عليك حنونة
يعطيك الصحة
فطوركم يشهي​

الله يسلمك حنونة ربي يخليك

البيتزا جاتك تهبل مشكووورة على مشاركتنا

العفو حبيبتي ونورتي موضوعي اهلا وسهلا

 

[جزائرية واعشق بلدي]

شكرا على مروركن جميعا وانتظرو المزيد

 

[ام ابتسام]

يعطيك الصحة بنتي تسلم ايدك يالفحلة

 

[جزائرية واعشق بلدي]

يعطيك الصحة بنتي تسلم ايدك يالفحلة

الله يسلمك طاطا مرحبا بيك
شكرا على مرورك المشجع

 

[جزائرية واعشق بلدي]

شكرا على مروركن نورتو

 

[hayota]

mra w nos tbarik allah 3lik

 

[*/نهال/*]

شكرااااااااااااااااااا

 

[جزائرية واعشق بلدي]

العفو حبيباتي اهلا وسهلا نورتو

 

[عشقي الامارات]

merci okhtah