الجمعي فــــــــاميلي !!!!

[قَطٌر❀ الٌنَـدَى]

السلام عليكم و رحمة الله تعلى وبركاته


صحاا فطوركم تولموند


حبيت نشاركمـ اليوم بواحد الموضوع دارلي ????




للي هو سيت كوم جمعي فاميلي ⊙︿⊙


vrément مفهمتش واقتاش اليتيمة رايحة تفوقلها وطور روحها شوي

يعني الصراحة مسلسل كيما جمعي يدير القلقة

مثلا من الحلقة 1 حتي لليوم وهوماا يمشو و يمشو ويمشو في طونوبيل ومزال موصلوش للطهارة زعتر وليد السبتي _o:

زيد اليوم حميد عاشوري عيطتلو نسيبتو قالها واش زادلي طفل و لا ولد ...شحال عمرو ؟

وقالها ليمن يشبه قاتلو يشبه للدار :cra_zy: قولولي يرحم والديكم كيفاش جايةة هذي

والحاجة لخري للي تزيد تاكدلى بلي niveau نتاع الفن الجزائري bas هو التصوير المونتاج و الفوطو شوب داير حالة سيرتو كي كان حميد عاشوري فوق الموطو :shay:


.

ويبقى السؤال مطروح واش هو السبب للي يخلي للاسف قناتنا اليتيمة بعيدة عن قافلة الابداع والتميز

ضعف الامكانيات والماديات

ام نقص في المواهب ام هو استخفاف بعقل المواطن الجزائري

انا عييت من التفسير

اليكم الكلمة

و صحا سحوركم​

 

[lakhdar29]

عائلة نتاع جمعي فاميلي كبرت فطريق ههههههههههههههه امالا يتيمة نتاعنا يساعفوني يقلعوها مافيها والوا ولي سكاتش لي راهم يديروهم مراهمش يلحقوا meme pas 5دقائق والمنتجين راهم غير يرنكوا وقوليلهم يروحوا يشوفوا كاش خدمة اخرى​

 

[الغامضة]

عائلة نتاع جمعي فاميلي كبرت فطريق ههههههههههههههه امالا يتيمة نتاعنا يساعفوني يقلعوها مافيها والوا ولي سكاتش لي راهم يديروهم مراهمش يلحقوا meme pas 5دقائق والمنتجين راهم غير يرنكوا وقوليلهم يروحوا يشوفوا كاش خدمة اخرى​

هههههههههههههههههههههههههههههههههههههههه
والله راني معاك في كلامك

 

[الحق سلاحي]

هههههههههههه وتالمو قصير حفضناه
​

 

[POLIYANA]

القناة الجزائرية اليتيمة ديما الهدف تاعها باه تضحك المواطن الجزائري سواء انو يضحك كي يضحكو السكاتش ولا يضحك عليها وعلى الزبايل الي ديرهم هههههههههه يعني ضاحكين ضاحكين فالنهاية _o::sheer::showoff:
​

 

[°/°مبدعة اللمة°/°]

شفتي يا ختي ملي بدا هو فالطريق تقول طالعين لقبرص
اااو اذي ماهي سماطة
شوي شوي عاد لهذ الدرجة؟
شكرا على الموضوع ​

 

[houhou_islam]

ويبقى السؤال مطروح واش هو السبب للي يخلي للاسف قناتنا اليتيمة بعيدة عن قافلة الابداع والتميز


هو التخلف (كلمة عكسها التقدم)

 

[maya31]

انا الحاجة الي شدتني سي كو جمعي فاميلي تمتل قمة اشهار في الجزائر

الطوموبيلات قاع نيسان
وسام تاكل غير شيبس
بشرى تشرب غير اكتيفيا
و قاع عندهم موبيليس
بزااااف زعما حنا رانا نتفرجو سيت كوم ما شي اشهار
مي هو اللولمن ناحية الاجابية هو لمليح بارابور لخرين
​

 

[الخجولة]

عذرا انا مرانيش معاك في سكاتش تاع فاملي جمعي تالمو قصير بصح يضحك مقارنة معا سكاتشات لخرين وفي مايخص القناة اليتيمة هي يتيييييييييييييييييمة بل مقطوعة من شجرة
اااه وبلا مننسى فاملي جمعي خير من دوك الخريط ودفيش الي راهم يديروه مراه
وشكرا تحياتي

 

[♥بنت عنابة♥]

هههههههههههههههههه مازالك تبعوا في اليتيمة ايييه خلوكم منها قاعدين يتمصخروا
انا مانحطهاش خلاص
ديجا شفت الحلقة لولة برك باينة سماطة في سماطة​

​

 

[makour]

هههه ملي بدا الفيلم او هوما فالطونوبيل او زيد السرقة تاني غير لخلايع ...يعيوا
ماكاين حتى حاجة مسقمة حتى الفن او هرب منا

 

[حفيد هواري بومدين]

اه فيه قطعات يضحكو مي في الحقيقة نيفو 0 زيد يجي وراه هو وهو هاداك الجمعي فاميلي كان مليح في التانية والاولى ماش نتاع رمضان هادا
و في مايخص جواب على السؤال حاب نقولك شما عندنا باش نتقدمو؟ كون جا عندنا بلاك

شكرا​

 

[بنـ MaPa ـت]

وعليكم السلاام

الجمعي فاميلي العام لي فات كان فور مانعرف السنة كيفاش حتى هبلو هكدا

هنا في الدزاير ماكانش المواهب بزاف شفتي غير الممثلين المعتادين هوما لي يمثلو و ماتشوفينش وجوه جديدة.......شوفي الاتراك الممثلين نتاوعهم كتر من 150 شخص الله يبارك حنا عندنا قلال بزاف.....
ويمكن ضعف الخبرة عند المخرجين والمساعدين نتاوعو هو سبب صورة الفيلم وكاتب السيناريو تاني ضايعتلو ديفوا يكون السيناريو نتاعو مليح والممثلين مايعرفوش يتعاملوا معاه....
وبعدا الديكووووور تاني يلعب دور كبييير بزاف هو هيئة الفيلم كامل

شفتي فيلم "الملكة الخليجي" ماشاء الله عليهم ديكور وممثلين وسيناريو ديجا مابانش راه في الحلقات اللوالا غير الديور هادوك كي يتورنو فيهم الدنيا ومافيها ههه.........خليني لي فيا يكفيني على الفن الجزائري
السنة قررت نتفرج افلام خليجية وبس ههه ولا افلام الجزائر
نشالله من هاد الجيل الصاعد كاشما ينتجولنا في المستقبل نطلعو النيفو نتاعنا شوية

مرسي على الموضوع ختي
​

 

[kaissoum_elsaker]

صح رغم الأمكانيات الي عندهم ومخرجين وسيناريست وكذا وكذا ولكن الانتاج تحت الصفر
تصوروا انا عندي أصدقائي من ولاية المسيلة يهواو السينما والتصوير صنعو سكاتش رائع جدا والله عجبني بزاف بالرغم انو عندهم كاميرات عادية وبسيطة جدا ورغم نقص الامكانيات مقارنة بمخرجي اليتيمة

السيناريو ماهو سيناريو التصوير ماهو تصوير والتمثيل ما نحكيلكش الاخراج يبهدل المكساج مانهدرش...........
​

 

[Amoula ALG]

هههههههههههه مام انا راني حايرة في الفوتوشوب هذي
علاش ميديروش ولدو يسوق صح في الطوموبيل ولا عاشور في الموطار باينة راهي كذبة ههههههه
مي لحوايج لخرى لي قلتيهم والله مليحة راهم زعما يضحكو فينا
وسرتو تاع شحال عمرو الطفل لي يتولد ضحكتني ياسر هههههه


مرسي ختي​

 

[ghali17]

هذا سموه احتكار خدمة غير في عاصمة وين راهوم ممثلين تع شرق وت ع غرب بل حدود وحرودي

كل شيئ يديور فالغاصمة علبياها طاح نيفو مكانش جديد كل شيئ بل معارف

 

[معاك يا الخضراء]

ههههههههههه كون عيطولي نمثل معاهم ماهوش هادا هو حالهم ضرك ههههههه

او ولله ماني نتفرج في والو تع الجزاير
​

 

[NINA_c9]

والله صح niveau هابط ل00 تحكي على الجمعي فاميلي والله راه يضحك شوي ياو روحي شوفي الحصة هو وهو كي تقارنيها بالجمعي فاملي تقولي الجمعي فاملي حالة فوررررررر هادي الحصة راهي قلبي وجعني منهااااااااا التفاهة التفاهة ميضحك ما يبكي انا في قناة اليتيمة نتفرج جمعي فاميلي لا غير
مرسي اختي

 

[هــــيلدا]

آه موضوعك طاحلي علا قلبي،
البارح زعما قلت والله نردها نشوف كاش سكاتشات، حكمتني الغمة،
مقهمتش واش من وجه عندهم يعرضوه.
أول مرة نتفرجو حرت تاع الصح، مالفة نقرا عليه في الجرائد وحالة حالة، كي شفتو تقول واحد عطاني كف،
بقيت غير نستنى في الحاجة هاذي للي راح نضحك عليها، كيما قلتي قاعدين غير يمشو والخلفية مرة شجر مرة نخل والطريق طويلة متخلصش منعرف وين كاينة هاذي.
​

 

[هــــيلدا]

السنة قررت نتفرج افلام خليجية وبس ههه
​

مننصحكش، العام للي فات تفرجت ثلاث مسلسلات خليجية مع اللخر ماتو الابطال يطلعلك السكر ليلة العيـــــــــــــد
​