تبهدايل نتاع اليتيمة ...

[إشراقة حب]

السلام عليكم ورحمة الله تعالى وبركاته

واش راكم جماعة الخير غلبكم رمضان

ماخلا فيكم والو وقيل ... :shiny:

اليوم جيت نفرغ قلبي شوية معاكم على تبهدايل اللي نتاع اليتيمة وان صح التعبير

تبهدايل نتاع المخرجين :sadwalk:

راح الحياء وماعدش كاين

يا عجابة زعما االجمعي فاميلي شكرناه وقلنا هذا مسلسل هاااايل ينحي على الخاطر

بصح يزيد التبهدايل من الفوق

يا عجابة 3 ايام وهما يهدروا غير على خديجة تحب أمين
وأمين يحب خديجة

خديجة ماحبتش تتزوج ...بابا مازال مافهمتش علااه

ماما مافهمتيش علاااه

السي ارسطو بدا يشرح ان الحب والعمى ومانعرف :shay: تبهديلة كبيرة

سورتوا كي تكونوا دايرين كامل على المايدة رجال ونساء
والله وجهي طاح من الحشمة ... عيب

مايعطوش كامل قيمة للمتفرج وماعادوش يديروا قيمة الاسرة الجزائرية المحافظة

انا مافهتمش اذا هما تجيبهم نورمال يقعدوا يقولوا فلانة تحب فلان وماحبتش تتزوج عندهم نورمال يقولوها قدام باباهم ولا خوهم عااادي

رانا في 2011 واش بيك الناس راهي الطير وانت مازلتي حاصلة في هذي :schmoll:

مي تبقى كاين حاجة يسموها ... احترام مشاعر المشاهدين

الله يهدينا وخلاص ...لأنه برامج اليتيمة مابقاتش برامج

البرامج اللي نهار كامل وهم يهدروا على الحب والبح والعمى مابقات برامج تبث في وقت تكون فيه الاسرة الجزائرية ملمية كامل وتتفرج

البرامج صارت تفرق الاسرة عن المايدة ...رايح يرجع مسلسل رومنسي امين وخديجة ماشي سكاتش نتاع الضحك

الله يهديهم ...كان الامل في جمعي فاميلي مي خلاااص

صح اليتيمة ماعندهاش برامج تقدمهم لمشاهديها

صح فطوركم وصح سحوركم


​

 

[نسيم الربيع]

صح مايصلحش طول تتفرجو العايله مع بعضها
انا عندين ولا 3ماشفتوش كيعاد التريسيتي يروح فوقتو
بصح هاذ الجزء كارثه تاع الصح
من الحكايه للتصوير لكلشي
مارسي عليك​

 

[نسيم الربيع]

وانا نقولكم الحلقة الأخيرة كيفاه راح تكون
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
سامي يلقى ذيك الجيهة

سلام
.
.
.
​

هههههه الحلقه كامل راحت فبغيت نروح لذيك الجيهه هات برك يروح ياخي ياخي​

 

[{مُدَلَّلَتُهُ}]

wah khti wlh ghi 3andek el 7a9 7na ga3 melmoumine nefatrou w houma tay7ine 3liha 7oub fi ba3dahoum

lah yehdi ma khla9

sa7a ftorkoum

 

[βĨЬỔũ]

انـ،ـآ عَنْ{ ... نفســيـ

ذآبـَ لَحْمُ وَجــهٍـيـْ

فتــبآً لــَهُمـ،ـــْ

وَ بآرَكـ اللهُ فيــكـ،ِ
​

 

[adel-mz]

اليتيمة قريب تولي mbc 4 غير ماتخافيش
الله يجيب الخير
شكرا على المودوع.

 

[ملكة جمال اللمة]

و الله عندك الحق انا نحشم و نهبط راسي تبهدايل كامل نكونو مع السكاتش حتى يجيبو دوك اللقطات تاع لحشومة و الله تحيري صح فطوركم
​

 

[قناص الغرام]

مزية كاين البارابول
الجزائر راحت بكري​

 

[هدى]

يا سوسو بالشوية برك
يقلك إذا أحسست يوما بالقهر امسح على رأس يتيم
وأنتي وشبيك تحقري فيها كي عادت يتيمة
قال الله تعالى << وأما اليتيم فلا تقهر >>
أرفعيلها معنوياتها شوي هديك ال a3
زعما باش تشوف روحها فور
هههههههههههه والله راكي قتلتيني ضحك
أنا الحمدلله ما نتبع لا جمعي فاميلي لا حاجة وحدة أخرى متهنية في الحقيقة ماعدناش تيليفيزيون ههههههه
ياك احنا خاطينا الفن السابع رانا غير ندخلو في رواحنا وخلاص
ماعدنا لامخرجين يساهلو ولا ممثلين
حاشا البعض
مالا حنونتي ما تقلقيش روحك واخطيك من الجمعي فاميلي على خاطر عاد الجمعي تاع لي كوبل ماش جمعي تاع فامي
ايا في أمان الله حنونة وصحا فطورك
​

 

[ماكانش]

الحمد لله تهنيت من جد اليتيمة ولا تيلي كامل ...
ماعنديش حاجة في التفراج خلااص

 

[خفيف الروح]

عندك الحق اختي ما يحترموا ولا واحد يعفسوا وفرات "اذا لم تستح فاصنع ماشئت."
صح فطورك.

 

[روح الوفاء]

وعليكم السلام ورحمة الله وبركاته
واش راكي الزوييييييييييييييييييينه تاعي لاباس؟؟؟


اييييييييييييييه...راكي تهدري
على كارثة الكوارث
"مسلسل جمعي فاملي"
والله مالقيت مانقول عليه
غير
"نهاية فاشلة لمسلسل ناجح"



حقا...واش رايك بالشاراك
زعمى يلقى اللي تقبل بيه
والبمهر تاعو....."جنان تاع الشاراك...خخخ"


اييييييه سمسومتي
تسمعي مني
كي بيدا الجمعي
ديرو سبايس تون.....الكوميك ارحم منهم...ههه



مشكوووووووووووره ع الموضوع
وصحا فطوووووووووووووووووركم
​

 

[روح الوفاء]

هااااااااااااااااااااااااااااااااااااااااااي
وين راكي يامولات الموضوع
حطيتيه ونسيتي عليه؟؟؟

















واقيلا دوخك الصيام...خخخ
​

 

[ما فهمت والو]

هدي هي الجزائر من قبل هكدا مش غير من اليوم

 

[DARINE05]

Yatima mchi khlas 3ychine thnxxxxxxxxxxxxxxxxxxxxxxxx

 

[AHLEM1992]

علا هديك سماوها اليتيمة و بناتها
واش دارو في الجمعي في 15 حلقة يعني قريب 7 ولا 8 ساعات من البث شوي action ههه ، شوي دراما ، و لي فومبير
شفناه في توايلايت في مامبا ساعتين​

 

[مينة آلاء الْقُدُّوس]

اهلا سمسومة اليتيمة راهي دايرة فيك عمايل

هههه

المهم ختيتي ديري كيما انا نديباراسي الطابلة ونروح نغسل لماعن هههه

امبعد راكي علابالك وين نروحو منشوف بليس منسمي منو

وزيد ماشي غير ليتيمة كامل لي شان كامل خردة يلحق رمضان يحبو يكلبو علينا

سلام ختيتي وصحة فطورك جبتلك وصفة تاع البوراك تاكلي صوابك موراها

ههههههه

تحيااااتي اختي​

 

[meriem150491]

انا منتفرجهاش خلاص ومنديرهاش كيعاد ميش قناة اسم على مسمى ياخي نتفرج اليمن ولا هوما
​