ما سلكناش في لعلاج عن قرب حبو يطبقوا العلاج عن بعد في الجزائر

[zagane]

سلام عليكم

ما سلكناش في لعلاج عن قرب حبو يطبقوا العلاج عن بعد في الجزائر
الجزائر العلاج عن بعد

أكد وزير الصحة و السكان و إصلاح المستشفيات جمال ولد عباس خلال إشرافه رفقة وزير البريد و تكنولوجيات الإعلام و الاتصال موسى بن حمادي على انطلاق عملية العلاج عن بعد اليوم في مرحلتها الأولى، أكد أن هذه العملية تهدف كذلك إلى تحسين نوعية العلاج.
وأوضح وزير الصحة أن هذه العملية التي ستربط بين خمس مستشفيات جامعية من شمال البلاد و ثلاثة عشر مستشفى من مناطق الجنوب و الهضاب العليا تندرج في إطار الاتفاقية الموقعة بين دائرته و وزارة البريد و تكنولوجيات الإعلام والاتصال في 3 جويلية الفارط.

وأكد أن سكان مناطق الجنوب و الهضاب العليا في أمس الحاجة لتقنية العلاج عن بعد في انتظار انجاز ثلاثة مستشفيات جامعية جديدة بكل من الأغواط وبشار وورقلة.

وأشار ولد عباس إلى أن الجزائر تمتلك كفاءات طبية عالية و تتوفر على تجهيزات متطورة و يبقى على مسؤولي القطاع الصحي السهر على التنظيم والتنسيق حتى يستفيد سكان المناطق المذكورة من تقنية العلاج عن بعد.

الجزائر العلاج عن قرب

المعرفة و البيروقراطية و مصيبة الإستقبال و الإهمال هده كلهم و الطبيب و الممرضين أمام عينيك حتى مرة تحب تخنق واحد
واقيلا في العلاج عن بعد ما تقدر تخنق والو راحو بعيد الحال الواحد تقصر الميكرو

و زيد بي زيادة تخيل راك تعالج عن بعد كي حلوك في عملية جراحية راح الكونيكشن ولا الكهرباء راهي كل يوم تسرى وش تستنى و أنت مفتوح

 

[aneshabib]

شوفت خويا يتمسخرو على الشعب مسكين والله غير شبعت ضحك عليهم كي شوفتها في التليفيزيون حابيبين يوليو كيما لي زالمون وهوما ما صلحوش حتى انقطاع التيار الكهربائي تاعهم وزيد الاخطاء اللي يديروها الطبا البياطرة تاوعنا عند قرب وباغيين يديرو اوبيراسيون عن بعد ههههههه يا خي بلاد ياخي هم يضحك وهم يبكي الله يهجرنا ويبعدنا قووول اميين
صح فطورك وشكرا على الموضوع

 

[لاجودان شاف]

ههههههه راح يقتلو الناس يا الله

شكرا خويا​

 

[adel-mz]

مفهمش كيفاش العلاج عند بعد هاد
زعمة واحد في الصحرا وحاب يدير سيروم يبعتولو التيو نتا ع الصيروم من العاصمة ولا كيفاش
ولا يبرونشيوه في التيو نتاع الغاز ولا موندا في البوسطا
ههه ياو فهموني
​

 

[zagane]

سلام عليكم
رايحين يربطه ب شبكة مياه الصالحة لي السيروم و تلقى ساعة ساعة تويو يرشح في طريق تاع السيروم

 

[SAFA-94]

مليحة هادي ههه​

 

[لاجودان شاف]

مفهمش كيفاش العلاج عند بعد هاد

زعمة واحد في الصحرا وحاب يدير سيروم يبعتولو التيو نتا ع الصيروم من العاصمة ولا كيفاش
ولا يبرونشيوه في التيو نتاع الغاز ولا موندا في البوسطا
ههه ياو فهموني ​

والله ماتحشم هذا وين شفت ردك قريب طحت من الكرسي
هههههههههههههههههههه هههه
هههههههههههههههه
هههههههههههههههههههههه
اها قالك يبعثوه بار بلوووووتوث خويا
لا
انا تبالي القضية هي انو يديرو عمليات جراحية par réseau
يعني الجراح في مكان والمريض في مكان ويديرلو عملية جراحية بآلات يتحكمو فيهم
عبر شبكات خاصة
بصح لازملهم ناس خامجلهم انفورماتيك لانو المشكل كامل في كيف راح يحميو الريزو هذا
من الاختراق هذا هو الصعيب
وزيد ياخي تعرف الجزايريين كامل دي بيرات
تسما ربحت غير قول مات الشعب
انا العفسة هاذي سمعت بيها بصح في المانيا مش هنا​

 

[AHLEM1992]

شوفي اختي الكريمة
في المستشفيات الكبيرة تلقاي دكاترة و دي بروفيسور كبار
و العلاج عن بعد متلا كي يديرو لواحد اوبيراسيون يكون البث عن بعد لاحد المستشفيات و بروفيسور متمكن
يـgـيديهم و يوريلهم على حساب واش شفت من قبل في شريط وثائقي
و شفتها خطرة في النشرة تاع الثمينة كي كنت صغيرة و نية و نتبع اليتيمة
بارك الله فيك ختي
ربي يجيب الخير برك ههه​

 

[meriem150491]

ههههههههههههههههههههههههههههههههه

الناس في دزاير مازالو يموتو من العمليات الصغار هوما بغاو يديرو العلاج عن بعد ههههههه ضحكتوني

هدي مليح تصلح نكتة

 

[DARINE05]

ههههههههههههههههههه الطب في بلادي راح

 

[AdNan31]

hhhhhhhhhhhhhh walah ghir t7ir