ممكن تساعدوني - كيفاه تتخدم لاكرام فراش ؟؟

[إشراقة حب]

السلام عليكم اخواتي العزيزات

حبيت تساعدوني

قولولي كيفاه تتخدم لاكرام فراش ..

ولا تتشري

انا حبيت اللي عندها الطريقة كيفاه تتخدم تعطيهالي

وشكرا جزيلا لكن حبيباتي

صح رمضانكم وشدوا كروشكم ماتخلوهمش يغلبوكم :shiny:
​

 

[nice.girl]

حبيبتي la créme fréche على حساب ما نعرف تتباع غبرة وانت تخلطيها بالماء البارد او الحليب البارد بالخلاط الكهربائي و كاين تاني لي تتباع سائلة معليك غير تخلطيها
نتمنى نكون عاونتك شوية وصح فطورك​

 

[اطمئنان]

راهي تنباع غبرة في اغلب المحلات تظربيها بالباتور

شكرا

 

[رآج ـية العفو]

وعليكم السلآم ورحمة الله
ختي اشراقة الكريم فريش تتبآع هي كآين أنوآع
كآين كريمة تجي كي الحليب وهي ثقيلة شوية
وكآين اللي تجي ثقيلة بزآآف أمآ تآع الغبرة هي
كرآم شآنتيي والكرآم فرآش مآ تتخدمش في الدآر
نتمنى اني أفدتكي​

 

[nada242008]

حبيبتي la créme fréche على حساب ما نعرف تتباع غبرة وانت تخلطيها بالماء البارد او الحليب البارد بالخلاط الكهربائي و كاين تاني لي تتباع سائلة معليك غير تخلطيها
نتمنى نكون عاونتك شوية وصح فطورك​

اللي تتباع غبرة هي كرام شانتيي
--
كيما قاتلك الاخت راجية العفو
الكرام فراش ماتتخدمش في الدار تتباع فقط
وراهي متوفرة في المحلات واذا حبيتي اشري محلية الصنع بثمن معقول وفي المتناول

 

[the summer]

كيمكا سبق وقالولك الغبرة هي كرام شونتيي ولازملها الماء بارد وا الحليب يكون بارد طلعيها بيه
اما كرم فراش تجي علب تتباع فالحوانت المخصصة للحلويات

 

[katia48]

ختي اشراقة حب لاكرام فراش تتباع في علب
وتكون سائلة وخاثرة ماشي غبرة
وانا نشيريها وماعلاباليش اذا تتخدم في الدار ولا لالا

 

[fille unique]

la creme fraiche ماتتباعش غبرو و تجي في des boites صغار و لا une grande boite
علا حسا بماتبغي انتي
و ماكلتها تجي بنينة
نتمنى انكون افدتك صحا فطورك