واش انا الوحيد الي لاحظ هادا و لا كاملين

[bombardino]

السلام عليكم
اليوم بغيت نحكي على المجتمع الغريب الي عندنا
و نحكي على نوعية الناس الي رانا عايشين معاها

انا بالنسبة ليا نقسم الشعب كيما هاك

الي كان عندهم 10 سنين عام 1960/1970 شعب التورة يموتو على البلاد و يحوسو يرجعوها لاياماتها +نية بزاف +النيف حاضر يقوة ... رجولة

الي كان عنهم 10 سنين في 1970/1990 شعب متعلق بالفرنسيين (التبعية)يشوفو فرانسا كانها الجنة + ما سيمى بوقت الغفلة (الماصو يخدم طبيب . الكسول ولى مدير تاع شريكة . السراق يشد البونكة .... etc ) وهو الي رانا نعانيو منوا درك ما حبوش ياخدو تقاعد و يديرو في المشاكل

الي كان عنهم 10 سنين 1990/2000 جيل تاع عشرية السوداء 90% منهم غير تاع دعاوي الشر هلكوا البلاد بالخيانة و التخلف و يخافو من كل الناس (ماكانش الثقة)

و جيل 2000/الى يومنا هدا جيل لاباس بيه يحاول يغير في البلاد و يقارنوا انفسهم ديما بالغرب
و لو كان يخطونا صحاب المعرفة و الخيانة نولو فور باسكو عندنا الامكانيات و نغيرو على البلاد

الميكروفون ليكم

اسئلة نقاش :
واش رايكم في الترتيب (موافق و لا معارض)
اعطي ترتيبك للناس
رايك في جيل 2000/الي يومنا هدا (جيل الشباب)

​

 

[لاجودان شاف]

السلام عليكم
منظنش يا حبيبي لكان هذا الجيل راح يخدم بلادو
تبالي لازم حتان ليجون يطلعو سراولهم وينحيو اللون الوردي
والبنات يولي يبانو بنات مش ذكور
شكرا​

 

[nawal 88]

كيما قالها خويا الباتني
مانظنش ليجان تاع هذا الوقت يسgم لبلاد
شكرا لطرح الموضوع​

 

[maram17]

و الله يا خويا مانيش معاك في هاد الترتيب
كل جيل و فيه المليح و الحاير
كيما جيل بكري فيه المجاهد و الحركي ...كيا تع الثمانينات فيهم المليح و الحاير
و كي نوصو لجيل تاعنا مانهدروش ...مازال مابانش مليح مي اللي راهو يبان ربي يستر
جيل متربي بالدلال و التفنيين ..إلا من رحم ربي
سلام

 

[DARINE05]

مشكيتش يبنيو البلاد سروالو طايح يبني البلاد

 

[sisou023]

كون غير جات في سروالو طايح ويبني البلاد معليش بصح ني ذيك ني ذيك تبانلي جيل 2000 حتى لذوك فنيانين ويحبو كل حاجة جيهم ساهلة راني شايفتها من ولاد خواتي ومن شي ناس الله يحفظ ويستر وكل جيل فيه المليح وفيه الدوني

 

[عاشقة مجهول]

عجبني التحليل تاعك تاع ناس بكري بصح تاع ناس ال 2000 راه غالط 10000000000000/100
واول مرة نسمع واحد يقول الهدرة هاذي ...........انا درك نقولك ...........
هذا الجيل صح قاري ومتعلم ونيفوا زعمى ويفهموا للانترنات ويعرفوا اللغات وووووووووووو.....بصح طموح عقليتوا ماشي جزائرية 100/100 عقلية بيزار شويا الهوا اللي يجي يديه ..........مربوطين بالعقلية تاع لامود والحطة والمظاهر وووووووبزاف حوايج .........والاكثر من هذا البعد عن الدين

قولي كاش واحد درك حافظ حزب ولا سورة من القرآن الكريم قد واش حافض الاغاني تاع افريل سارة وريحانة وووووووووجماعتهم ..............
سامحني نقولك كان كاين ناس كيما راك تحكي عليهم بلاك انت وشويا معاك علابيها راك تقول هكذا .............
احترامي ليك


وتقبل ردي​

 

[عاشقة مجهول]

السلام عليكم

منظنش يا حبيبي لكان هذا الجيل راح يخدم بلادو
تبالي لازم حتان ليجون يطلعو سراولهم وينحيو اللون الوردي
والبنات يولي يبانو بنات مش ذكور

شكرا​

:re_gards::re_gards::re_gards::re_gards:

 

[adel-mz]

يتسما حنا صنفتينا من الناس لي متعلقين بفرنسا هاكا ماعليه.
-
-
-
-
-
-
-
-
-
-
-
-
-
--

--

--
-

ياو تقييم منزعفش نورمال ههههههههههه
​

 

[bombardino]

ههه
على كل انا حبيت نتفءل برك

عارف واش كاين
ولد تاع 5 سنين يهرب من الروضة (الحضانة) + ويسمعك واحد الكلام ... الله الله

C'est L'Algerie.!!!ù
​

 

[sisou023]

تفائلوا خيرا تجدوه ان شاء اللللللللللله

 

[lakhdar29]

نورمالموا mais je suis vrai arabienne et vrai algerienne​

 

[شيماء39]

لي كان عنهم 10 سنين 1990/2000 جيل تاع عشرية السوداء 90% منهم غير تاع دعاوي الشر هلكوا البلاد بالخيانة و التخلف و يخافو من كل الناس (ماكانش الثقة)


لااااااااااااااااااااا راك غالط 1000/100

مكاش منها هذا الحديث ياو الخيانة في كل وقت وفي كل زمان والدعاوي الشر رانا مدينها من العدو قبل العشرية السوداء

ياو لوكان هذا الجيل ماتحياش لبلاد كامل

راك طامع في جيل هذا زمان ..؟؟؟؟؟؟؟؟؟؟؟؟؟؟؟؟؟؟......................

 

[تلمسانية جزائرية]

مشي غير الي داير سروال راجل

 

[احلامdz]

جيل ذرك كي يرفد سروالو ثم يطور لبلاد

 

[hiba14]

علابالك دايمن نقولهم الجيل تاع دروك خير من جيل تاع السبعينا و امزيا اللي صبت كيفي مالغري ماهومش يديرو في حاجة تدل على هاد الشي بصح ماعلابليش يبانلي فيه الخير

 

[Toufik.dz]

ها مخلطة وربي يجيب الخير
​

 

[blàck rOse from 14]

2000 جيل الإزعاج​

 

[رضوة الجزائرية]

التصنف الاول صحيح نتاع بكير بصح صحاب 2000غالط صح حابين يخرجو لبلاد بصح حتى يخرجو هما من غقلية الغرب عاد يخرجوها الولد يلبس نصف السروال والشعر واقف ويلبس لخواتم والسناسل والبينت هي ولد ماشي بنت وتلبس الضيق المفضوح والستر غير من فوق والتحت مكشوف وين رايحين بهد العقلية حتى نخرجو لبلاد عمرها ماتخرج غير ادا غيرنانفسنا​