ياسمين عنابة ومحمد.م وحوار بين البيض والسمر ( فكرتنا من التراث )

[ياسمين عنابة]

روح لاقيلك شغلة تفيدك واترك المعنّى لأسيادك

أنا ستك ياسمين ومابريدك لو تجيب الدهبنّا​

 

[محمد.م]

لو لا السمرة ماعرفناكي ولا وقفنا نتحداكي

والظاهر جوابي بكاكي والبيضة مارح تتهنّا​

 

[ياسمين عنابة]

محمد.م تهدى تهدى هي شغلتنا ومالك قدها

واذا على ياسمين تتعدى بتسلط عليك الجِنّا​

 

[محمد.م]

باين عليك قوية ورح تنهيني مع العضوية

إنسية ولاجنيّة جوابك عمّا نستنّا
​

 

[ياسمين عنابة]

عليّ صوتك لاتخفيه وعطيني المعنّى واحكيه

لو عندك شي رح تبديه احكي يلّلا وخلصنّا​

 

[محمد.م]

أنا كفيت ووفيت وتمعنيت وما خليت

قولي شو وجعك ياخيت لاتخلينا نمرضنّا​

 

[ياسمين عنابة]

والبيضة غيمة مطارة ومعرفة وكلها شطارة

والسمرة بنت غدارة وأجدب من يأمنهنّا​

 

[محمد.م]

والسمرة تحب وتنحب ساوتني عاشق وصب

والبيضة تروح وتنضب وتعرف حجمها وقيمتهنّا​

 

[ياسمين عنابة]

بالميدان محمد.م بدك تصليح وترميم

بدّك دورات وتعليم حتى تقابل ياسمينتنا​

 

[محمد.م]

ياسمين عنابة على راسي هي خلقي وهي ناسي

رح أستسلم ومالي ناسي يللي ياخدك رح يتهنّى​

 

[ياسمين عنابة]

محمد.م الله يصونك ويسلم راسك وعيونك

كلهم يودوك ويحبّونك أوعى تترك وتغادرنّا​

 

[محمد.م]

بنسأل ناس اللّماوية يحلولنا هالقضية

يقولوا الأحلى مين هيّ الفلّة ولا التمر حنّة
​

 

[ياسمين عنابة]

البيضة والسمرة خوات هنن نجوم وقمرات

لاتصدقوا الحكي اللي فات كلنا والله بنحبكنّا​

 

[محمد.م]

والسمرة يانور عيوني والبيضة قلبها حنوني

جنس حوا جننوني وكذاب اللي مايحبهنّا​

 

[ياسمين عنابة]

يجعل النبي جوارك شو فرحت كتير بحوارك

الله يحفظ ناسك ودارك ويديمك باللمة معنا​

 

[محمد.م]

ربي يعليلك مقامك شو طيبة وحلو كلامك

والخير معك وقدامك وأهلي فيك تشرفنّا
​

 

[ياسمين عنابة]

رح ننهي هاد الكلام بالصلاة والسلام

على النّبي مسك الختام ربي معو يجمعنّا​

 

[محمد.م]

الصلاة مع السلام عليك يابدر التمام

ياسمين عنابة والشام نجتمع هون وبالجنّة​

 

[ياسمين عنابة]

واسمعوا واش قال المعنّى محمد.م معانا غنّى

واسمعوا واش قال المعنى مع ياسمين احلو المعنّى

مع محمد احلو المعنّى​

 

[محمد.م]

واسمعوا واش قال المعنّى ياسمين تغني وتتمعنى

واسمعوا واش قال المعنى مع محمد احلو المعنّى

مع ياسمين احلو المعنّى​