السلام عليكم ورحمة الله وبركاته
واش راكم لاباس ؟علابالي رمضان ما خلا فيكم والو
جاني في راسي و احد الموضوع دايمن يصونيلي في عقلي
وهو كي تدعي على واحد سيرتو اذا كان غالط معاك انا صرات معايا
بصح مفهمتش ذرك نحكيلكم:shiny:
يا سيدي حنا كنا 4 طلبة نقراو مع بعض جا وقت الامتحانات في واحد المادة فيها الحفظة بزاف تفاهمنا باه كل واحد يحفظ شوي ومبعد كل واحد يوري للاخر راكم عارفين كل الحلول ممكنة في وقت الامتحانات نهار جا وقت الامتحان جينا حنا3 والزميل 4 مجاش تقلقنا عليه المهم فوتنا هذاك الامتحان لي مفهمنا فيه والو زيرونا تاع الصح خرجت انا الاولى فيهم صبت هذاك الزميل 4 برا سقسيتو وعلاه مجيتش قلي جيت روطار رحت فوت في كلاصة وحداخرة معليش
بعد 15 دقيقة خرجو هاذوك الزوج وبدينا نمنشرو في هذاك الاستاذ لي دارنا امتحان صعيب وهذاك الزميل الرابع ولي شاطر نسا روحو بدا يضحك قلنا انا جيت بكري ورحت لكلاصة وحداخرة وعمرت الطابلة وخدمت :scared::cra_zy:
ضربت على عقلي مصبتوش ياو السيد فيقها على روحو بلي كذب بصح غير انا لي فقتلو لخطرش هو كذب عليا غاظتني عمري وعمر زملائي :sad:
حكيت لصحبتي وكنت راجعة لدار وطريق كامل وانا ندعي عليه الله لا تربحو الله لا يشوف الخير الله لا.....الخ وأول مرة ندعي على واحد هكاا
وكي خرجو النتائج هنا كانت المفاجعة
_o:
حنا ثلاثة جبنا فوق 20/10
وهو جاب 20/4 :scared:i-o:
صحبتي قاتلي يااااااااااو دعوتك خرجت والله انخلعت بيناتنا حتى حشمت على روحي قلت في قلبي وقيلا انا بسبتو مداش مليح بصح انا مقتلوش دير الحيلة معانا
بغبت نفهم صح كاينة منها تاع تدعي على واحد ودعوتك تخرج فيه ونتوما واش رايكم ؟؟؟؟
بصح الحاجة لي راني متأكدة منها هي انو دعوة المظلوم متروحش في باطل اسمحولي طولت عليكم نستنى ردودكم وصحا فطووووووووركم
واش راكم لاباس ؟علابالي رمضان ما خلا فيكم والو
جاني في راسي و احد الموضوع دايمن يصونيلي في عقلي
وهو كي تدعي على واحد سيرتو اذا كان غالط معاك انا صرات معايا
بصح مفهمتش ذرك نحكيلكم:shiny:
يا سيدي حنا كنا 4 طلبة نقراو مع بعض جا وقت الامتحانات في واحد المادة فيها الحفظة بزاف تفاهمنا باه كل واحد يحفظ شوي ومبعد كل واحد يوري للاخر راكم عارفين كل الحلول ممكنة في وقت الامتحانات نهار جا وقت الامتحان جينا حنا3 والزميل 4 مجاش تقلقنا عليه المهم فوتنا هذاك الامتحان لي مفهمنا فيه والو زيرونا تاع الصح خرجت انا الاولى فيهم صبت هذاك الزميل 4 برا سقسيتو وعلاه مجيتش قلي جيت روطار رحت فوت في كلاصة وحداخرة معليش
بعد 15 دقيقة خرجو هاذوك الزوج وبدينا نمنشرو في هذاك الاستاذ لي دارنا امتحان صعيب وهذاك الزميل الرابع ولي شاطر نسا روحو بدا يضحك قلنا انا جيت بكري ورحت لكلاصة وحداخرة وعمرت الطابلة وخدمت :scared::cra_zy:
ضربت على عقلي مصبتوش ياو السيد فيقها على روحو بلي كذب بصح غير انا لي فقتلو لخطرش هو كذب عليا غاظتني عمري وعمر زملائي :sad:
حكيت لصحبتي وكنت راجعة لدار وطريق كامل وانا ندعي عليه الله لا تربحو الله لا يشوف الخير الله لا.....الخ وأول مرة ندعي على واحد هكاا
وكي خرجو النتائج هنا كانت المفاجعة
_o:حنا ثلاثة جبنا فوق 20/10
وهو جاب 20/4 :scared:
i-o:صحبتي قاتلي يااااااااااو دعوتك خرجت والله انخلعت بيناتنا حتى حشمت على روحي قلت في قلبي وقيلا انا بسبتو مداش مليح بصح انا مقتلوش دير الحيلة معانا
بغبت نفهم صح كاينة منها تاع تدعي على واحد ودعوتك تخرج فيه ونتوما واش رايكم ؟؟؟؟
بصح الحاجة لي راني متأكدة منها هي انو دعوة المظلوم متروحش في باطل اسمحولي طولت عليكم نستنى ردودكم وصحا فطووووووووركم
