تقلي يما واش راهي تحمل النسا في الديار ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
أيا عندي واحد اليومين كنت نمشي رايح نصلي التراويح أيا فت على واحد الراجل الله لاتشوفكم نعرفو بلوجه
الله غالب عليه قصير وكرشو خارجة وعينيه مقفولين ووجهو طويل وشوي محروق ولابس سروال كوستيم مطلعو لصدرو وتريكو ديباردار مرخوف تحت يديه وقبيح يرهج يعيط على ولدو الصغير ...
أيا شفت معاه وقتل مسكينة مرتو كيفاش راهي عايشة معاه وحاملاتو
وتفكرت واش تقلي يما تقلي مساكن النسا واش راهم حاملين في الديار هههههه يعني عندهم مصايب وصابرين هههه
أيا قلت غير مايقنعوناشض بحكاية انو لبنات والنسا مايهمهمش الزين وووو مانعرف واش
لالا ماكانش منها هذ لحكاية
وبديت نحسب ونقول بلاك زوالية بلاك هيا كيفو بلاك كذا ووو
بصح علابالي لقطات كيما هذو الواحد يشوف نساهم يحير ربي بارك
حرت قلت وعلاه تغبن روحها ولا يغبنو رواحهم هكذا
ولا بلاك فاتهم اللاج تاع الزواج ؟؟؟ لالا راهم صغيرات ورجالتهم يالطيف ...
غير فهومنا هل صح لمرا ماتشرطش الأمور الخارجية والمظاهر و لالا ؟؟؟

الملاحظة:
مانا نتكلمو على حتى شخص بعينو ولا نمنشرو ولا نضحكو على خلق الله ...
ثانيا:

صحا فطوركم ...
​

 

[لاجودان شاف]

السلام عليكم
قالك الراجل عيبو في جيبو برك هههههه​

 

[lebien]

و الله ا علبالي خيا عجائب و غرائب الله يهدينا

 

[touffik]

راجل ميتعيبش خويا​

 

[مابقاش بزاف.Dz]

حتى الزين و العقلية يمشوا مالgري درك لا زين لا عقلية
صـــــــح كيما قلت كيما النسوان هادوما يمكن فاتهم اللاج تاع الزواج مي حاجا لكان غير تروح تغبنروحها كتر مما راهي فيه ماكان لاه تريح في pلاستها خير
اما عن سؤالكــــ
غير فهومنا هل صح لمرا ماتشرطش الأمور الخارجية والمظاهر و لالا ؟؟؟
ولاوا يشرطوا تقول عليهم ماعرف منين جاوا مع انو الراجل ما يهمش المهم يكون لاباس بيه من النواحي الهامة
شكرا على الموضوع
سلام

 

[عاصفة الورود]

مايهمش الزين تهم العقلية والدين
الراجل زينو في دينو وفي كلمتو والمظهر مع الوقت يتغير
مرسي ليك ​

 

[إيمان قلب]

محجووووووز ولي عودة

 

[Toufik.dz]

كاين نسا ربي يكون في عونهم يطيحو بيهم رجاله الله لا يشوفك وهوما الله غالب لازملهم باش يتحملو لعدة اسباب ممكن يكونو والدليهم متوفيين وما عندهم وين يبقاو وممكن تولي دار ولديهم معمرة بالغاشي ولافامي نتاع خاوتهم وممكن ماشي متفاهمين مع اهلهم وكاين بزاف اسباب لي تحتم عليهم باش يصبرو.. وكاين لي تقلك ممكن راجلي يهديه ربي ويسـgـم.. وكاين رجالة البرا شيطان وكي يروح لدارو يهفت وماعلابالوش بمرتو
وكاين النسا لي ما يتحملوش والدليل النسبة الكبيرة نتاع
الطلاق في مجتمعنا
مارسي لك على الموضوع يعطيك الصحة
تحياتي
​

 

[SAFA-94]

المخلوقة بلاك محتوم عليها ولا عندها مشاكل تقلك نزوج احسن من الي راني قاعدة ومانعرف
وشكرا على الموضوع
وصحا فطوركم​

​

 

[دنيا البسمة]

والله ما نكذب عليك يا خويا
انا نحب الزين
مي اذا ربي كتبلها هاذاك وين راحا تهرب

وبالاك خير من واحد شباب المهم يكون فاهم
كيما يقولو اعطيني الفاهم لاهلا قرا

وربي يكون في عون المراة حبت معا واحد شباب ولا ماشي شباب

ياك راجل المهم​

 

[ماكانش]

السلام عليكم​

قالك الراجل عيبو في جيبو برك هههههه​

وعليكم السلام
الراجل النورمال ماشي الموصيبة هههه​

 

[Sẻl Mā]

ههههههه
كن جا راجلي كن راني قلبتو يشعل
سيف عليه
هههههه
مغسي على الموضوع

 

[ماكانش]

و الله ا علبالي خيا عجائب و غرائب الله يهدينا

امييييييييييين
ضحكتني عجائب وغرائب هههه هذا صح غريبة ...​

راجل ميتعيبش خويا​

اواه ياخويا يتعاب ...​

حتى الزين و العقلية يمشوا مالgري درك لا زين لا عقلية
صـــــــح كيما قلت كيما النسوان هادوما يمكن فاتهم اللاج تاع الزواج مي حاجا لكان غير تروح تغبنروحها كتر مما راهي فيه ماكان لاه تريح في pلاستها خير
اما عن سؤالكــــ
غير فهومنا هل صح لمرا ماتشرطش الأمور الخارجية والمظاهر و لالا ؟؟؟
ولاوا يشرطوا تقول عليهم ماعرف منين جاوا مع انو الراجل ما يهمش المهم يكون لاباس بيه من النواحي الهامة
شكرا على الموضوع
سلام

أهلا بيك مابقاش بزاف
يعطيك الصحة على الهدرة الزينونة
صح تروح تزيد تتغبن وتهمم ماكان لاه راهي في دار باباها خير ...
والتشراط كيما قلتي تكون الأمور الهامة ومن كل حاجة شوي إلا التربية والأخلاق لازم بزاف ...
يعطيك الصحة
​

 

[NICHA03]

هههههههههههه
اهلا سفيان تقعد تقعد و تجيبلنا موضوع فور
فكرتني في ماما تحكيلي قاتلي مالفا تتلاقلى بواحد هواا و مرتواا كي تكون رايحة تخدم المهم قالتك المرا ة تشوفها الله يبارك الزين و الهدرة كيفاش و راجلها مسكين قصير و كشرو خارجة و راسو كبير و مبهلل شويا
شوف سبحان الله والله متدري المكتوب
مرسي على الموضوع​

 

[احساس طفلة]

في وقتنا هادا ..الزين شويا والعقلية بزااااف
صح يكذب عليك كي يقولك العقلية هي الصح ..المظهر تاني يلعب دور كبييييير

يعططيك الصححة خوويا مكاانش ..
ملاحظة كيما تقول نت ههههه; مواضيعك لاكلااااس دايما نحب نقراهم
​

 

[لاجودان شاف]

يبارك الزين و الهدرة كيفاش و راجلها مسكين قصير و كشرو خارجة و راسو كبير و مبهلل شويا

​

ههههههه
وكيفاه ذرك لي راسو كبير وكرشو خارجة وقصير معندوش حظ في هاذ الدنيا:sad:
معندوش حق يتمتع ويدي وحدة باهية
وكيفاه مساكن ؟؟؟؟​

 

[ماكانش]

مايهمش الزين تهم العقلية والدين
الراجل زينو في دينو وفي كلمتو والمظهر مع الوقت يتغير ​

مرسي ليك

يعطيك الصحة عاصفة
صح راني معاك ولكن هذا كاريثة كبيرة وأمثالو بزاااااااااف ..
ولوجه مايتغيرش بالطول والوقت ...
​

محجووووووز ولي عودة

مرحبا بيك​

كاين نسا ربي يكون في عونهم يطيحو بيهم رجاله الله لا يشوفك وهوما الله غالب لازملهم باش يتحملو لعدة اسباب ممكن يكونو والدليهم متوفيين وما عندهم وين يبقاو وممكن تولي دار ولديهم معمرة بالغاشي ولافامي نتاع خاوتهم وممكن ماشي متفاهمين مع اهلهم وكاين بزاف اسباب لي تحتم عليهم باش يصبرو.. وكاين لي تقلك ممكن راجلي يهديه ربي ويسـgـم.. وكاين رجالة البرا شيطان وكي يروح لدارو يهفت وماعلابالوش بمرتو

وكاين النسا لي ما يتحملوش والدليل النسبة الكبيرة نتاع
الطلاق في مجتمعنا
مارسي لك على الموضوع يعطيك الصحة
تحياتي​

يعطيك الصحة خويا لعزيز وفيت وكفيت
حتى الناس هذو تعرف شكون تقصد
يقصدو الزوالية ولا اليتيمة ولا الي بدا يفوتها وقت الزواج
تالي والله وحدة لا تقبل بيه ...

​

المخلوقة بلاك محتوم عليها ولا عندها مشاكل تقلك نزوج احسن من الي راني قاعدة ومانعرف​

​

وشكرا على الموضوع
وصحا فطوركم​

يعطيك صفصوفة
سير راهي مضطرة للزواج
بصح مهما يكون لازم شوي يكون الرجل مقبول ...
يعطيك الصحة ...​

والله ما نكذب عليك يا خويا

انا نحب الزين
مي اذا ربي كتبلها هاذاك وين راحا تهرب

وبالاك خير من واحد شباب المهم يكون فاهم
كيما يقولو اعطيني الفاهم لاهلا قرا

وربي يكون في عون المراة حبت معا واحد شباب ولا ماشي شباب


ياك راجل المهم
​

يعطيك الصحة دنيا
والله مانقولوش الزين نقولو يكون مقبول برك تبالي حاجة لازمة
خاصة في وقتنا هذا ووقت المسلسلات وفلان وفلان
وكيما قلتي هات يكون راجل وفحل ومتربي برك ...
يعطيك الصحة ...


​

 

[ماكانش]

ههههههه
وكيفاه ذرك لي راسو كبير وكرشو خارجة وقصير معندوش حظ في هاذ الدنيا:sad:
معندوش حق يتمتع ويدي وحدة باهية
وكيفاه مساكن ؟؟؟؟[/center]

ههههههههههه
كرشو خارجة وراسو كبير يحكم قدرو ويدي وحدة كيفو ههههه
​

 

[ماكانش]

ههههههه
كن جا راجلي كن راني قلبتو يشعل
سيف عليه
هههههه
مغسي على الموضوع

ههههههههه
أهلا سلمى
كيفاش راح تكبريلو عينيه وتحشي شوي من راسو ؟؟؟ هههه
ماجاتش في اللبسة ...​

هههههههههههه

اهلا سفيان تقعد تقعد و تجيبلنا موضوع فور
فكرتني في ماما تحكيلي قاتلي مالفا تتلاقلى بواحد هواا و مرتواا كي تكون رايحة تخدم المهم قالتك المرا ة تشوفها الله يبارك الزين و الهدرة كيفاش و راجلها مسكين قصير و كشرو خارجة و راسو كبير و مبهلل شويا
شوف سبحان الله والله متدري المكتوب ​

مرسي على الموضوع

أهلا بيك نيشا
ربي يحفظك ويخليك
شفتي كيفاش هذي هيا ألي تحيرني صح
تلقايه مايشبه لوالو بصح مرتو ونساهم ربي بارك
كيما يقلي بابا مليحتهم لقبيحهم ومليحهم لقبيحتهم
يعني وساعات تلقاي راجل ربي بارك ومرتو الله لاتشوفك هههه
هذي هيا الدني ...
يعطيك الصحة نيشا ...​

في وقتنا هادا ..الزين شويا والعقلية بزااااف

صح يكذب عليك كي يقولك العقلية هي الصح ..المظهر تاني يلعب دور كبييييير ​

يعططيك الصححة خوويا مكاانش ..
ملاحظة كيما تقول نت ههههه; مواضيعك لاكلااااس دايما نحب نقراهم ​

أهلا بيك احساس طفلة
ربي يحفظك ويخليك هذا شرف ليا ...
ايه ماكانش منها المظهر والزين مايهمش وخاصة في الوقت هذا وقت المسلسلات وووو
كيما قلتي من كلش شوي والأخلاق والدين والتربية لازم بزاف
ربي يحفظك ويخليك
يعطيك الصحة ...

​

 

[NICHA03]

ههههههههههه

كرشو خارجة وراسو كبير يحكم قدرو ويدي وحدة كيفو ههههه​

ههههههههههههههه هههههههههههههه والله يا سفيان غير قتلتني بالضحك ​