السلام عليكم ورحمة الله
من كثرة المواضيع التي تتكلم عن اللاعبين الذين لا يلبون دعوة المنتخب الوطني ويتم نعتهم بالحركى والخونة ...جالت في خواطري امواج غضب وتخيلتهم امامي وصرخت فيهم قائلا:
واش بيكم... واحد يقول الحركى ولاخر يقول الخونة!!!!!
واش هذا حمومة : وكلتوه ؟، شربتوه؟ ، قريتوه؟ ، علمتوه بالون؟ ، .....واش درتولو؟؟؟ واش دارتلو دزاير؟؟؟ يرحم باباكم....جاوبوني
يا ناس حب الوطن لا يورث ...هو امر يكتسب...باش تحب دزاير لازم تلعب فيها وانت صغير...لازم تبكي...لازم تفرح...لازم تشم هواها...لازم تتألم لمشاكلها...لازم تريح في القهوة....لازم تروح للستاد مرة تفرح ومرة تزعف...لازم يكونوا عندك اصحاب ...لازم تشد الحيط...لازم يصراولك مشاكل وتبكي بصح تقول معليش هذي بلادي ...تتعب ...تتميزر...تمرض...تجري...ادير بالون بالشكاير انتاع لحليب وتلعب بيها ...دزاير هي مك هي باباك هي خاوتك ....ببساطة هي كل شي...
وعليه كيف نطالب حمومة او بن زيمة او ناصري بان يكون وطنيا خاصة اذا مارباوهمش والديهم على حب الوطن كيما دار اب زياني ...ياناس كونو عاقلين...
اذاكان ناس ترباو هنا وكلاو من خير هذا لبلاد وتنكرولها كيفاش نطلبو ممن تربوا في فرنسا ومع الفرنسيين ان يخدمو هذا البلاد وباخلاص ....
بدل من ان نكون لاعبين ونطور البطولة انتاعنا ونخطط ونخدم .....قاعدين نشحتو في اللاعبين ونتسولو ونتوسلو اليهم ...يخي حالة....واش دزاير فرغت ماولاوش فيها الرجال..+الجزائري كرامتو فوق كل شي واذا كان البالون يتوشي كرامتو ...غير ماكان لاه البالون...ماناش حابينو
انتقصنا من قيمة اللاعب المحلي وحقرناه ورحنا كجمهور على خطى اعلامنا التافه (حاشا الرجال) نمجدوا في اي لاعب يظهر في اوربا ونلهثوا وراه ...لاعبين ليس لهم اي علاقة بالجزائر ...يا اخوان اللعب للمنتخب كمن ينضم للجيش الجزائري في معركة ...يكون اللاعب مستعدا للموت من اجل بلده...
عوضا ان تهدروا في صميم مشاكلنا باش نطوروا كرتنا قاعدين غير نتبعوا في هؤلاء اللاعبين
ولكن:
من يهن يسهل الهوان عليه مالجرح بميت ايلام
انا والله لا الومهم بل الوم المسؤولين والومكم انتم لخاطر قاعدين تسبوا فيهم...علاش تسبهم؟؟؟+ماعندك حتى حق باش تسبهم+شكون قالك باباه حركي؟؟؟+وحتى ولوكان باباه حركي واش دخلك في باباه ...يا اخي لا تزر وازرة وزرة اخرى+وانتوما اباؤكم شهداء ؟؟؟ وحتى لوكانو كذلك معندكمش الحق باش تسربيوا صكوك الوطنية ...ورانا شحال من واحد ممن يدعون انهم ابناء شهداء...دمروا هذا لبلاد وعاثوا فيها فسادا ...اعطيلي بن حركي يخدم لبلاد او على الاقل مايآذيهاش خير الف مرة من ابن شهيد باسم باباه يحقر الرجال ويدير المنكر...+قولولي ....واش درتو لدزايرا؟؟؟؟؟؟؟؟؟
قولولي يرحم باباكم انتم اللي كبرتو وتربيتو في دزاير واش درتو لبلادكم؟؟؟؟؟؟؟؟؟؟؟؟؟واحد يجاوبني
وبطلوا علينا اسطوانة الحركى هذي اللي هي جيااااااااااااااااااااحة ...واهتموا قليلا بمشاكلنا الحقيقية
عذرا على الاطالة ونبرة الغضب
