تبهديلة في رمضان وحالات ومظاهر في موقف السيارات

[naGam]

السلام عليكم

وصحا رمضانكم ياجماعة
والله كاين واحد الظواهر غريبة في رمضان جدا
ايا البارح في الليل كلمتني مرت خالي وقاتلي تعيشي ايمان تجيني توصيليني بالطومبيل في سهرة نروحوا للمـgـــــــازات باه تشري قش العيد لبنتها
ايا قلتلها ماعليهش استنايني 9.30هكا نلقاك واجدة
ايا روحتلها ورفدتها وروحنا وماجيت نحوس على كاش بلاصة مانـgــــاري فيها الطوموبيل غير بالطلوع الروح
ايا لقيت بلاصة وحبست الطوموبيل
ايا جاني واحد السيد قالي راني حاط القش وبعدي الطومبيل شويا حطيها ملهيه
ايا قلت عندوا الحق ايا بعدتها جاني واحد السيد اخر قالي ارفدي الطوموبيل وروحي من هنا ماتقاريش بحذا الحانوت نتاعي
قتلوا راح حانوتك قافل وزيد تاني راهي بعيدة عليك
وهذاك السيد بدا يعلي في صوتك ويعيط وماخلاش كلمة ماقالهاش وماتسالينيش ومنا وكذا.........
ايا ياسيدي قتلوا وهاذي الكومبيل اللي مـــــgاريها مولاها هنا علاه ماقتلوهش يبعدها قالي ماعندك مادخلك ومنا

ايا واش هوما حسبين بلي الطريق انتاع باباهم ولا ملكهم ياخي الواحد يـــــــgــــاري وين يحب المهيم ماشي في نص الطريق ومن بعد ياك الحانوت ديالوا قافل وعلاه المنكر ويحوسوا المشاكل
ليسونسيال كرهت حياتي وقلت لمرت خالي شوفي ارواحي نرجعك لدارك انا كرهت من هاذوا لمشاكل لهنا
ومن بعد شفتها غاضتني ايا قلت نوسع بالي ونشوف كاش بلاصة اخرى
ايا قارينا في بلاصة بعيدة شويا ونزلنا مشينا ودورنا في هاذيك المــــــــgــــازات والله مافيها ماربي يقبل
معناها روحنا خسارة وزيد تاني دابزت مع واحد تاني هكاك

وزيد بزيادة قبل مانوصل للدار الطوموبيل حبستلي في الرامبوان طاحتلي اومبان
ودرت ازمة سير في هذاك الليل جاني الشرطي وقالي واش بيك واش كاين قتلوا والله معمبالي بيها وكي جيت نشوف ياترى واش لقيت بيها







































ليسونس خلص منها وكاين جماعة ربي يقدرلهم الخير عاونوني وجبدوها معايا من على جنب وبعث واحد ثما جابلي ليسونس ومن بعد ديمارينا
ايا تبهديلة صراتلي لبارحة نتع الصح
وزيد تاني بلافايدة


ياجماعة واش رايكم كون يصرالكم الموقف كيما هذا
ومع شخص كيما هاذاك

​

 

[** غزال الصحراء **]

و عليكم السلام , صحا فطوركم

صح , نورمالمو الطوميبيلات في دزاير ما يgاروش , يعني يبقاو غير يدورو
أنا صراتلي قداه من خطرة , ديفوا نحط الوالد في لابوست , و نبقى نحوم كاش ما نلقى بلاصة وين نحبس .. ما نجي نلقى بلاصة نلقاه فرى شغلو و يعيطلي في التيليفون

و ديما كي تgاري , يجيك واحد يديرلك كاش هم , و إلا ما جاكش مشكل , يجيك طفيل يقول pاركينg
المهم حالة و خلاص

الإنسان لازم يكبر بالو , و يعامل الناس كي شغل مهابل و ربيــ يفتحها و خلاص
سلام .

 

[عاصفة الورود]

ربي يجيب الصبر وطولة البال مع عباد كيما هاذو
وربي يهديهم ويهدينا يعطيك الصحة حنونة وصح فطورك ​

 

[winrar]

انا معنديش طومبيل تتهنيت عندي moto نgاريها وين حبيت بلا مشاكل ربي معاك ختيتو ديما عبي ليسانس

 

[khalil hip hop]

كاين اشخاص يحبو يتمسخرو بي النساء اللي يسوقو الطونوبيلات

اما الرجال مايقدروش يتمسخروا بيهم

احنا كون جينا في هاد الموقف نورمال

اذا كان فيه جن فينا 10

من كلمة الى كلمة مايقدرش يكمل هدرته

لأننا رجال عندنا الكلام


​

 

[لاجودان شاف]

السلام عليكم
صح كاين منها مشكل كبير هذا تاع كثرة السيارات وقلة ليباركينغ
تبالي عدد السيارات ولا كثر من عدد لعباد
وزيدي سياسة التقسيط هاذي ولا اي واحد يخرج فيها سيارة ببلاش
ربي يستر​

 

[بيكهام]

ربي يجيب الخير برك
تحياتي لك وشكرا جزيلا

​

 

[H@teM]

كلش قلتيه مقبول
الا تاع ليسونس تسوقي
بلا ما تشوفي الطابلوا دبور
الحق مش فيك الحق فلي عطاك البارمي
ههههههه
​

 

[chiva.]

سيركيلاسيو دايرة طريق سيرتو قبل الافطار بدقائق ناس تجري لحافظ ياربي

 

[khalil hip hop]

كلش قلتيه مقبول
الا تاع ليسونس تسوقي
بلا ما تشوفي الطابلوا دبور
الحق مش فيك الحق فلي عطاك البارمي
ههههههه
​

هههههههههههههههه

علاه عليك تحشم فيها

بصح هاذي غلطة كبيرة نتاع ليسونس

كيفاه مخللاتش نظرة على طابل دوبور

شيئ محييييير
​

 

[programmeur]

ليسونس كمل ؟؟؟؟ هههههههههههههههههههههه

 

[programmeur]

وماديريش على العباد
لوكان جا كاش واحد بهلول كيما انا لوكان راه دخل لحانوته يمسح في عينيه



قاري وين تحبي يا اختي هدا ادا سمح القانون واللي ماعجيوش الحال يموت
يعني وين كاين ممنوع الوقوف ما تقاريش برك

كاين وحد البوهيوف يحبو يلعبوها على البنات بصح كي تجبديله على اشارة ممنوع الوقوف راح يبلع فمه
وادا ماحبش قوليله روح جيب la police

 

[Amoula ALG]

هههههههه والله تبهديلة لي طاحت عليك
الحمد لله الدنيا مزال فيها ناس الخير
يعطيك الصحة حنونة راكي صبرتي
كون جيت انا راني فسدتها معاه هذاك السيد لي بقى ياكل في روحو ونخليه يندم
واش دخلو هو ؟؟؟؟؟
مي والله ربي يهدي هذا مكان
مغسي ختيتو​

 

[MA§§!N!§§A]

لازم ديما تنتبهي للريزارفوار

هههههه
السيد هذاك يكون عجبتيه مالا تعقد
ههه


سلام
​

 

[killua0555]

ههههههههههههههه مع الول نقولك بلى تعرضتى للمحاولة حقرة و تطفار فيك نتى سعفى تعرفى غاشينا ........مع اللخرة شح فيك جبتيها للروحك

...
.
.
..
.
.
.
.
.
.
..
.
.
..
.
.
.
.
..

..
.
.
.
..
.
..
.
.نضحك معاك برك مرا جاية دى معاك بيدون ايسونس ههههههه

 

[naGam]

و عليكم السلام , صحا فطوركم

صح , نورمالمو الطوميبيلات في دزاير ما يgاروش , يعني يبقاو غير يدورو
أنا صراتلي قداه من خطرة , ديفوا نحط الوالد في لابوست , و نبقى نحوم كاش ما نلقى بلاصة وين نحبس .. ما نجي نلقى بلاصة نلقاه فرى شغلو و يعيطلي في التيليفون

و ديما كي تgاري , يجيك واحد يديرلك كاش هم , و إلا ما جاكش مشكل , يجيك طفيل يقول pاركينg
المهم حالة و خلاص

الإنسان لازم يكبر بالو , و يعامل الناس كي شغل مهابل و ربيــ يفتحها و خلاص
سلام .

وعليكم السلام وصح فطورك اخي
والله هاذي هي حالة الجزائر كل شي بالمقلوب كي العباد كي لبلاد وزيد تاني على اي حاجة تافهة يقولك راني صايم واش علبالوا بلي راهوا صايم لينا احنا
وزيد تاني انتاع الباركينك لازم يقولك الف ولا الفين
ربي يهدي هاذوا لعباد
وشكرا لك اخي ولمرورك الكريم نورت

 

[naGam]

ربي يجيب الصبر وطولة البال مع عباد كيما هاذو
وربي يهديهم ويهدينا يعطيك الصحة حنونة وصح فطورك ​

امين اختي
وشكرا لمرورك نورتي وصح فطورك انتي تاني
​

 

[naGam]

انا معنديش طومبيل تتهنيت عندي moto نgاريها وين حبيت بلا مشاكل ربي معاك ختيتو ديما عبي ليسانس

انت تهنيت بالموطو تقاري وين تحب وتدخل بيها وين تحب
وان شاء الله لمرة لجاية نعمرلها ليسونس
وشكرا لمرورك ونصيحتك نورت
​

 

[naGam]

كاين اشخاص يحبو يتمسخرو بي النساء اللي يسوقو الطونوبيلات
صحيح اخي عندك لحق كاين منها
اما الرجال مايقدروش يتمسخروا بيهم
ياخي علبالو كون يتمسخر بكاش راجل يفسدلوا وجهو
احنا كون جينا في هاد الموقف نورمال

اذا كان فيه جن فينا 10

من كلمة الى كلمة مايقدرش يكمل هدرته

لأننا رجال عندنا الكلام

واحنا الله غالب بنات ماعندنا غير ربي سبحانو
​

شكرا ليك اخي على مرورك الطيب نورت

 

[naGam]

السلام عليكم
وعليكم السلام ورحمة الله وتعالى وبركاته
صح كاين منها مشكل كبير هذا تاع كثرة السيارات وقلة ليباركينغ
سياسة
تبالي عدد السيارات ولا كثر من عدد لعباد
لازمنا كيما اليابان نديروا نهار سبيسيال للمشي على الاقدام
وزيدي سياسة التقسيط هاذي ولا اي واحد يخرج فيها سيارة ببلاش
ياحسراه على التقصيد ولى كالزوالي كي اللي عندوا وكي الصغير كي لكبير كاملين عندهم الطموبيلات
ربي يستر
امين
​

شكرا لك اخي ولمرورك الكريم نورت