وينها ليام المحبوبة كي كان السعد مستقام ..الجيل المبدع

[لاجودان شاف]

السلام عليكم ورحمة الله وبركاته​

اهلا بجميع أعضاء اللمة الكرام الناس ملاح ان شاء الله راكم بخير​

وجايببن رواحكم مع رمضان مابقاش بزاف 10 ايام وخلاص يحل علينا لي اجتهد اجتهد ولي عوق عوق​

المهم اليوم حبيت نحكيلكم على واحد القضية هي مفاضلة بين ​

اطفال الجيل هذا كيف عايشين وأطفال الجيل لي فات ​

شكون كاين عايش مليح وشكون لي كان سعيد كثر​

شكون لي سوفرا في صغرو وعانا وشكون لي لقاها ساهلة وحلوة​

شكون لي لقا كلش متوفر ومع ذالك صامطتلو معيشتو صغرو​

وشكون لي كان تصنع افراحو حوايج بسيطة خلاص​

الفكرة جاتني من زيارتي لبيت وحدة بنت خالتي اول مرة نروح لبيتها ​

كانت عندي قضية مع زوجها فرحت معاه للبيت لأول مرة​

واستقبلتني هي كثر خيرها وفرحت بيا وحلفت تنعتلي المنزل تاعها وحابة ​

زعما تاخذ رايي في بعض الامور تاع التنظيم تاعو ​

المهم نعتتلي اماكن بزاف هاو المطبخ هاو كذا هاو كذا ​

هيا من بعد قاتلي هيا نعتلك لاشومبغ تاع لي قاغصون ​

- الذر زعما -​

هيا طلينا عليها بفففف بشاشة كبيرة ثاني كل حيط بلون زي​

واحد جون كناري لي مقابلو موووف لاخر بوردو ولا خر نسيتو ههه​

كل واحد زعما وسريرو وكل واحد وكيفاه مداير لغطا تاعو ​

واحد مداير سبيدرمان ولاخر مداير ناروتو ​

ولا شومبغ كااااااااالم ونظيفة ومنظمة وعندهم ميكرو تاعهم وحدهم​

قاتلي راني دخلتلهم الانترنت قتلها علاه قاتلي​

قالولي ماما نحتجوها في ​

ليزيكسبوزي :scared:قتلها هيه لحت عيني لقيت الميكرو شاعل ​

قربت شوي درت فيها توقيبة لقيت ولدها حال لفايس بوك ومسمي روحو ​

شيكو :sheer:​

لانو اسمو شكيب ونسيت نقولوكم حقا ولادها زوج واحد اسمو شكيب ​

ولاخر وسمو انيس يا عمري بوووووويض وخدودهم حومر :shay:​

ويديهم ورجليهم بويض ثلج ونظاف مع شافوني ضحكو معايا وقالولي ​

صحا طونطو انا ربي ضربت واحد قتلو طونطو تاع وجهك تحسب فيا قد باباك راني جون على روحي جاي للدنيا ​

وفي الشوكة منهيه عندهم تلفزيون صغير تحتو بلايستايشن ​

قاتلي يتفرجو فيها ويلعبو كي يحبو يلعبو لا بلاي ​

وحنا هكذا واحد فيهم قال لخوه هيا نديرو فيها بارتية زعما ماتش​

هيا نقزو للكراسة وشعلو لابلاي وبداو يلعبو ​

واحد فيهم قالي انا نخير الباغصا كيعاد نحب ميسي:showoff:​

لاخر قالي انا نخير غيال مدغيد كيعاد نحب كغيستيانو بزاف بزاف ​

قتلهم ايه وش عليه العبو يا لي زونفو العبو برك​

ولثم رجع بيا التخمام لجيل بكري وممكن نكون انا منهم كيفاه تربينا​

وكيفاه عشنا وكيفاه قرينا وكيفاه لعبنا وكيفاوكيفاه ...​

الجيل لي دفعو الفراغ والفيد لي كان في البيت للخارج ​

فابدع وتفنن في صنع التسلية واللهو والفرحة تاعو​

لانو ماعندو ولا وسيلة تسلية في البيت​

الجيل المبدع​

​

جيل الالعاب الشعبية المشهورة لي كان في كل يوم يخترع لعبة جديدة​

من مكانش ويفرح بيها ويبقى يلعب فيها ​

وجيل اليوم كشما سمعنا بيهم اخترعو لعبة جديدة يلعبوها في الشارع​

والله والو كثر خير konami لي راهي تخرجلهم وش يلعبو​

الجيل لي كان يحكم شكارة يعبها وراقي وكتاتن ويعملها كرة ويلعب بيها في الطريق بالحفى فخرج منهم بلومي وماجر وولكيب تاع 82 لي فرحو الجزائر واطاحو باسطورة الالمان​

الجيل لي اخترع لعبة الغمايضة وكانت تسليه بزاف ​

البنات لي تلقاهم جماعات جماعات دايرين يلعبو في لامارين وعاجبتهم وزاهيين ​

الجيل لي خترع – التاربولات او التيربولة - واخترع الموطو تاع يوم المولد وكان يجمع لباشن تاع القراعي تاع القازوز باه يلعب بيهم​

لعبة الباشن المحبوبة ​

وفي الليل خلاص لما طيح الظلمة يدخلو للبيوت ويروحو للمائدة يحطو كراريسهم ويبداو يديرو في الواجبات تاعهم قبل ما تجيهم مهم وتقولوهم هيا فرغولنا المايدة راح نتعشاو هههههه:schmoll:​

وفي الليل كي يجي وقت الرقاد تجي الام وتفرش فراش كبييييييير​

فوق لرض ودير فوقو سع طرف كبير تاع النيلو:shay: باه لي راح يسقي الازهار في الليل ما يمسخش الفراش ​

وايا وينامو كامل واحد قدام خوه كي السيلونة تاع الحبس ​

بصح توجور كانت البسمة والفرحة ماتتنحاش من الوجه ​

علابالي طولت عليكم بصح لازم باه نوصولو شوي الفكرة​

هيا ونتوما قولولي وش رايكم عندي الحق ولا لا ؟؟؟
----------
وكشما نسيت كاش لعبة كنا نلعبوها بكري فكرونا بيها​

 

[ياقوتة الصحراء]

هههههههههههه
وصف دقيق جدا
..................

الجيل نتاع درك لقاو كل حاجة واجدة وساهلة على خاطر الوالدين مش حابين ولادهم يعانو كيفهم والحاجة لي كانت ناقصتهم يعوضوها في اولادهم
بصح هد الجيل مش رايح يعرف قيمة الاشياء لانو ما تعبش عليها وما عرفش التميزيير
وزيد الطفل مع التلفزيون والنت والبلاي ستايشن يكون خيالو محدود وما يقدرش يجيب الجديد
والله توحشت لامرين والغميضة و الحبل و الpوpي لي كنا نخيطولها لبسة بيدينا .......

يعطيك الصحة خويا وصح فطورك

​

 

[معاك يا الخضراء]

ههههههههههههه ضحكتني
انا مع الجبل الجديد
ههه

اني نولي مبعد
​

 

[احساس طفلة]

هههههههههه عجبتني برك هاديك تاع النيلو لي تحطو على الفراش هههههه
صح والله الجيل تبدل قع ماولاوش كيما بكري
ياحصراه على هادوك اليامات ..
دوكة مكانش قع الدراري لي تشوفهم يلعبو برا الغنيضة وقريدة ولاماغين .وو..
يعطيك الصحة خويا
​

 

[لاجودان شاف]

هههههههههههه ​

وصف دقيق جدا
..................​

الجيل نتاع درك لقاو كل حاجة واجدة وساهلة على خاطر الوالدين مش حابين ولادهم يعانو كيفهم والحاجة لي كانت ناقصتهم يعوضوها في اولادهم
بصح هد الجيل مش رايح يعرف قيمة الاشياء لانو ما تعبش عليها وما عرفش التميزيير
وزيد الطفل مع التلفزيون والنت والبلاي ستايشن يكون خيالو محدود وما يقدرش يجيب الجديد
والله توحشت لامرين والغميضة و الحبل و الpوpي لي كنا نخيطولها لبسة بيدينا .......​

يعطيك الصحة خويا وصح فطورك ​

ههههه صحيحة ختي
جيل ذرك بالملاين وعياو يفرحوهم
وتاع بطري يخرج للشارع يلقى قصديرة مطايشة يدير بيها لعبة
وكيما قلتي وين راهم يامات البوبيات والعشايش
وين راه ابداع البنات الصغار في خياطة ملابس البوبيات
مشكورة
:re_gards:​

 

[لاجودان شاف]

ههههههههههههه ضحكتني

انا مع الجبل الجديد
ههه​

اني نولي مبعد​

هههه مليح
يعني حياة البلايستيشن والفايس والبورتابل وابعثلي ميساج نبيبيلك
خير من لامارين والعشايش وجيبون وجيبون ماgاليا تيليفون:sheer:
منظنش
على راحتك ختي مشكورة​

 

[لاجودان شاف]

هههههههههه عجبتني برك هاديك تاع النيلو لي تحطو على الفراش هههههه

صح والله الجيل تبدل قع ماولاوش كيما بكري
ياحصراه على هادوك اليامات ..
دوكة مكانش قع الدراري لي تشوفهم يلعبو برا الغنيضة وقريدة ولاماغين .وو..
يعطيك الصحة خويا ​

ههههههه آآو لازم يا ختي
المطارح راهم نظاف وراح تخبيهم لبنتها لكبيرة باه كي تزوج تديهم معاها
وراكي تعرفي لولاد الصغر وles fuite:shay:
+
الغميضة نعرفها ولامارين ثاني بصح قريدة لا وشي هي ؟؟؟؟؟؟؟؟؟؟
مشكووووووورة​

 

[programmeur]

واش ياخويا كل جيل و وقتو و اللي فات وقتو مايطمع في وقت الناس

حنا تربينا في التسعينات على الموس و الرصاص و الحمد لله
و كانت في عيوننا البراءة و الطفولة

ورغم كل المشاكل كانت الدنيا زاهية و كان الواحد هاني ويلعب و يضحك وكأن لم يكن في امر شيء

 

[DARINE05]

هههههههههههههه وي انا ثاني الشومبرة وحدي والغلاف باربي ههههههههههههههه والله معيشة بكري حلوة خير مرسييييييييييييييييييييييييي

 

[إيمان قلب]

السلام عليكم
ههههههه قولي ياخويا بلاك البارح كنت معانا هههه
والله غير البارح فالصحور انا وخاوتي جبدنا هاذ الموضوع بالذات
عندي خويا صغير من هاذ الجيل الله غالب وقتو بلايستيشن والميكرو والدعوة مخلطة
ياسيدي هذا ناض فالصحور قال لخويا يعيشك ماتنساليش السيدي والله ماعلباليش كيفاش سماهولو
هاسم مخلط قبالي راني كملت قاع لي سطاج تاع السيديات اللي عندي
ياااااااااعمري انا قول مزية خويا الكبير كان سباطو " حشاك " حذاه رفدها وقاسها فيه قالو اتلف من وجهي قالو سيدي
ههههههههه ومنها جبدنا الموضوع على احنا بكري كيفاش كنا نلعبوا قالي خويا كنت نجيب واحد السللك ويدورو ويعملو مقود تاع سيارة زعما ونروحو نديرو سباق ولا يصنعو بندقيات باللوح والسلوكا ويديرو حرب هههههه قالي وخينا دوركا غير بالمانات وخصو سيدي جديد
والله ياحلاوة بكري ماترجع راني نخرج نطل من البالكون مام الذراري وماتلقاهمش يلعبو برا واش يخرجو يديرو كل المتطلبات كاينة فالدار , ربي يحفظك خويا فكرتني في لامارين والعرايس اللي كنا نصنعوهم بالكتان يااااااه
يعطيك الصحة خويا على الموضوع الهايل
واسمحلي طولت عليك فالرد​

 

[إيمان قلب]

ههههههه آآو لازم يا ختي
المطارح راهم نظاف وراح تخبيهم لبنتها لكبيرة باه كي تزوج تديهم معاها
وراكي تعرفي لولاد الصغر وles fuite:shay:
+
الغميضة نعرفها ولامارين ثاني بصح قريدة لا وشي هي ؟؟؟؟؟؟؟؟؟؟
مشكووووووورة​

هههه انا نقولك واش هي القريدة خمس حجر يجيبهم ويبداو يلعبو
يعني تقيس حجرة وترفد كل حجرة وحدها ومبعد تقيس حجرة وترفد كل زوج مع بعض حتى توصل للخمسة
وكاين اسموات واحد اخرين ههههه وفيها لي ستاج ههههه​

 

[لاجودان شاف]

واش ياخويا كل جيل و وقتو و اللي فات وقتو مايطمع في وقت الناس

حنا تربينا في التسعينات على الموس و الرصاص و الحمد لله
و كانت في عيوننا البراءة و الطفولة

ورغم كل المشاكل كانت الدنيا زاهية و كان الواحد هاني ويلعب و يضحك وكأن لم يكن في امر شيء

صحيحة خويا الجيل تاع العشرية السودة عانا شوي
وماعاشش صغرو مليح
وكيما قلت كانت الدعوة زاهية
مشكور خويا
:re_gards:​

 

[لاجودان شاف]

هههههههههههههه وي انا ثاني الشومبرة وحدي والغلاف باربي ههههههههههههههه والله معيشة بكري حلوة خير مرسييييييييييييييييييييييييي

ههههه باينة لاشومبغ تاع غوز
صح ماكانش قد معيشة بكري
تفرش فوق لكارلاج وتسامي خواتك
تنوض نص ليل تلقا رجلك في فم خوك لي على لادروات وصباعك في عينيه
وختك راقد على لاقوش وتحلم وتهدر وتضحك وهي راقدة
هيا ومن بعد تضرب ريحة l humdité ...باينة فيها فيضان راهو جاي
مشكووووورة ختي
:re_gards:
​

 

[لاجودان شاف]

السلام عليكم​

ههههههه قولي ياخويا بلاك البارح كنت معانا هههه
والله غير البارح فالصحور انا وخاوتي جبدنا هاذ الموضوع بالذات
عندي خويا صغير من هاذ الجيل الله غالب وقتو بلايستيشن والميكرو والدعوة مخلطة
ياسيدي هذا ناض فالصحور قال لخويا يعيشك ماتنساليش السيدي والله ماعلباليش كيفاش سماهولو
هاسم مخلط قبالي راني كملت قاع لي سطاج تاع السيديات اللي عندي
ياااااااااعمري انا قول مزية خويا الكبير كان سباطو " حشاك " حذاه رفدها وقاسها فيه قالو اتلف من وجهي قالو سيدي
ههههههههه ومنها جبدنا الموضوع على احنا بكري كيفاش كنا نلعبوا قالي خويا كنت نجيب واحد السللك ويدورو ويعملو مقود تاع سيارة زعما ونروحو نديرو سباق ولا يصنعو بندقيات باللوح والسلوكا ويديرو حرب هههههه قالي وخينا دوركا غير بالمانات وخصو سيدي جديد
والله ياحلاوة بكري ماترجع راني نخرج نطل من البالكون مام الذراري وماتلقاهمش يلعبو برا واش يخرجو يديرو كل المتطلبات كاينة فالدار , ربي يحفظك خويا فكرتني في لامارين والعرايس اللي كنا نصنعوهم بالكتان يااااااه
يعطيك الصحة خويا على الموضوع الهايل ​

واسمحلي طولت عليك فالرد

ههههه هيه كنت معاكم نصنت
كلامك صحيح ختي راهم غير عقاب pro evolution وgta والمشاكل هاذوك
كيما قلتي بكري سيلان تلعب بيه شهر كامل
نشفى على الموطو تاع المولد
باطة تاع طماطم تثقبها وديرلها لوحة فوقها
وتشعل فيها شمعة وتجري بيها وفرحان وتغني زاد النبي وفرحنا بيه عهههه
الصغر يخرف
وصح كانو لاولاد يجمعو اللوح ويخدمو بيهم سلاح زعما
وكي تحكم صاحبك تقولو- اوليمان - ...حياتي كامل عييت نفهمها وش معناها
غير كبرت عرفت بلي جاية من les mains
​

هههه انا نقولك واش هي القريدة خمس حجر يجيبهم ويبداو يلعبو​

​

​

يعني تقيس حجرة وترفد كل حجرة وحدها ومبعد تقيس حجرة وترفد كل زوج مع بعض حتى توصل للخمسة

وكاين اسموات واحد اخرين ههههه وفيها لي ستاج ههههه​

اااااااايييييييييه صاي عرفتها
حنا نسموهل لكرووووووود صح كاينة
وفيها قداه ستاج
نشفى تبالي عليهم شوي
كاين زوج ..وثلث..وربع وسبع ونانا قايدة ههه تبالي
مشكووووووووووورة بزاف
:re_gards:
​

 

[miss meryy]

موضوع متميز شت كيفاه الدنيا تبدلت

 

[adel-mz]

لاجودان احنا من الجيل لي لعب بالتراب بزاف وجال وصال في الصدادات والوديان .
سيرتو صاشي حليب ونعمروها بالكتان باش نخدموها بالوا وديرو فيها ماتش هايل والحلاوة حفيان بلا سباط.
شكون خير ؟؟؟؟؟هنا وهادا الجيل نتاع دانون وفورماج لــ vــــــــاش كيري .هههههه

merci mon Adjudant chef
-

 

[لاجودان شاف]

موضوع متميز شت كيفاه الدنيا تبدلت

صحيحة ختي تبدلت صح
مشكورة
:re_gards:​

 

[لاجودان شاف]

لاجودان احنا من الجيل لي لعب بالتراب بزاف وجال وصال في الصدادات والوديان .
سيرتو صاشي حليب ونعمروها بالكتان باش نخدموها بالوا وديرو فيها ماتش هايل والحلاوة حفيان بلا سباط.
شكون خير ؟؟؟؟؟هنا وهادا الجيل نتاع دانون وفورماج لــ vــــــــاش كيري .هههههه

merci mon Adjudant chef
-

هههههههه صحيحة خويا عادل
الويدان ....الرايات تاع القطار....وساعات الزبابل اكرمك الله ....وعلاه لا الوقت كاين
وكيما قلت ماتش فووت بشكارة تاع حليب
تلعب من الصباح لليل وما تغلبش
ومن بعد جا البالون تاع النيلو لي يخدمو بقايا النفايات تاع البلاستيك
والله تضرب بيه واحد للوجه تشعلو
وزيييييييد وزيييييييييييد
je vous en prie soldat adel
ههههههه
:re_gards:​

 

[DARINE05]

ههههه باينة لاشومبغ تاع غوز
صح ماكانش قد معيشة بكري
تفرش فوق لكارلاج وتسامي خواتك
تنوض نص ليل تلقا رجلك في فم خوك لي على لادروات وصباعك في عينيه
وختك راقد على لاقوش وتحلم وتهدر وتضحك وهي راقدة
هيا ومن بعد تضرب ريحة l humdité ...باينة فيها فيضان راهو جاي
مشكووووورة ختي
:re_gards:
​

ههههههههههههههههههههههه لالا صفرة نحوس نبعاها لكان عندك مشتري
ههههههههههههههههه هيهيي الفيضانات ديما كاينين غند لولاد الصغار

 

[ماكانش]

واش من فامي هذو يا الشيخ هههههه
حنا لاشومبغ تاعنا نرقدو في 5 وبابا معانا
كي تتقلب من فراشك يسعل هههههه​