ضيفتنا الواحدوالعشرين في كوزينة جزائرية

[ibtesem]

بسم الله الرحمان الرحيم​

***
ضيفتنا اليوم
هي الاخت الغالية والطيبة
نور*خ​

المتميزة بردودها ومواضيعها واطباقها
واشكر لها قبول الاستضافة
*
*
*
الاسئلة ستكون في مجال الطبخ
بمعني بطنك تحت المجهر
مائدتك الرمضانية وسينية السهرة
مع بعض الاسئلة عن حياتها الشخصية
*
*
*
سافتتح قائمة الاسئلة
بانتظار باقي البنات
ان شاء الله تكون خفيفة عليك​

1- بطاقتك الشخصيةاسمك وسنك ومستواك الدراسي
2- سبب اختيارك لاسمك المستعار
3 -هواياتك
4-مثلك الاعلى
5-حكمتك في الحياة
6-صفي نفسك في كلمتين
7- طبقك المفضل​

8-الاكلة التي تجيدين طبخها بشهادة الاهل او الاصدقاء
9- الاكلة التي لا تودين طبخها ابدا
10- موقف طريف في المطبخ
11-برامج الطبخ التلفزيونية المفضلة عندك
12-كم وجبة رئيسية تاكلين باليوم
13-هل تاكلين بين الوجبات
14-هل تحبين اكل البيت ام المطاعم
15-عضوة تتمنين ان تاكلين معها
16-افضل مشروب عندك
17-كم كان عمرك حين طبختي اول مرة
18-ماهو اول طبق طبختيه
19-هل انت من النوعية التي تغامر بتجريب الوصفات​

 

[{مُدَلَّلَتُهُ}]

السلام عليكم

مشكورة حبيبتي على الإستضافة هادا شرف لي

 

[أم دودو]

أهلا بيكي نور ليا عودة
​

 

[{مُدَلَّلَتُهُ}]

1- بطاقتك الشخصيةاسمك وسنك ومستواك الدراسي

نور الهدى 17 سنة هاد العام ان شاء الله نفوت الباك ( ربي يوفقني )

2- سبب اختيارك لاسمك المستعار

نور ديته من اسمي و خ صحبتي تعيطلي بوحد الإسم ههه ديت غير الحرف الأول منه :shiny:

3 -هواياتك

النت . مرات المطالعة مي مانيش مداومة عليها . التقاط الصور . و كل يوم تضرب في راسي هواية جديدة

4-مثلك الاعلى

امي ربي يخليهالي


5-حكمتك في الحياة

من فقد الله ماذا وجد و من وجد الله ماذا فقد


6-صفي نفسك في كلمتين

خجولة متواضعة

7- طبقك المفضل

اممم كاين بزاف الأكثرية البوراك و المحاجب





8-الاكلة التي تجيدين طبخها بشهادة الاهل او الاصدقاء

المعجنات . الكوكا .....

9- الاكلة التي لا تودين طبخها ابدا

الخرشف و السلق ( السبانخ ) الله غالب ما نبغيهمش :shay:

10- موقف طريف في المطبخ

مرة راحت ماما و خلاتني في الدار مع بابا طيبتله الشوربة لاول مرة مي كترت فيها الزرودية ( الجزر ) جات حلوة ههههه

11-برامج الطبخ التلفزيونية المفضلة عندك

شميشة . مع اسامة اطيب . متعة المائدة


12-كم وجبة رئيسية تاكلين باليوم

2

13-هل تاكلين بين الوجبات

مرات مي حاجة خفيفة برك


14-هل تحبين اكل البيت ام المطاعم

يعجبني اكل البيت


15-عضوة تتمنين ان تاكلين معها

صديقاتي الي في المنتدى


16-افضل مشروب عندك

عصير الفراولة . كوكاكولا


17-كم كان عمرك حين طبختي اول مرة

12 سنة

18-ماهو اول طبق طبختيه

طاجين الجلبانة جا بنين ههه ( حوحو يشكر روحو )


19-هل انت من النوعية التي تغامر بتجريب الوصفات

واه بزاااااااااف نبغي نجرب الوصفات

شكرا على الأسئلة :sheer:​

 

[{مُدَلَّلَتُهُ}]

أهلا بيكي نور ليا عودة​

الله يسلمك بانتظار اسئلتك

 

[ايمان التلمسانية]

اهلا بيكي نور راكي منورة
هاهوما اسئلتي :
واش هو الموقف الي صرالك في حياتك وجامي تنسايه ؟
كلمة صداقة واش تعنيلك؟
راكي خايفة هاد العام من الباك ولا نورمال ؟
هادو هوما الاسئلة ومن بعد نوليلك
​

 

[{مُدَلَّلَتُهُ}]

اهلا بيكي نور راكي منورة

النور نورك حنونتي


هاهوما اسئلتي :
واش هو الموقف الي صرالك في حياتك وجامي تنسايه ؟

امممم مرة وحدة عزيزة عليا بزاف قاتلي هدرة كتلتني بيها مشي غي جرحتني مي مبعد طلبت السماح و b1 sur سامحت

كلمة صداقة واش تعنيلك؟

الصداقة هي اهم حاجة عندي

الصداقة كصحة الإنسان لا تشعر بقيمتها النادرة الا عندما تفقدها

راكي خايفة هاد العام من الباك ولا نورمال ؟

راني ميتة مشي خايفة و برك مي ربي يجيب الخير ان شاء الله

هادو هوما الاسئلة ومن بعد نوليلك ​

مشكورة على الأسئلة مرحبا بيك في كل وقت حنونة

 

[وصال تسنيم]

ااهلا بيك اختي نور
بدون مقدمات ههههه
اليك الاسئلة
*الاكلة المفضلةلديك ولي كون تصيبي تكليها دائما .
*وصفة شفتيها في اللمة وطبقتيها .
*احب عضوة ليك في المنتدى .
*اكيد تاعوني امك في رمضان ........واش ديري (الاكلات..حلويات .....)
*الباك واش يمثل بالنسبة ليك .
*شحال راكي معولة جيبيه .
نتمنى يكونو اسئلتي خفااااف عليك .بانتظار اجوبتك .
​

 

[{مُدَلَّلَتُهُ}]

ااهلا بيك اختي نور ​

اهلا بيك حنونة ​

بدون مقدمات ههههه​

هههههههههه ​

اليك الاسئلة
*الاكلة المفضلةلديك ولي كون تصيبي تكليها دائما .​

البوراك و الفريت و المحاجب

​

*وصفة شفتيها في اللمة وطبقتيها .​

كاين بزاف gاطويات . وصفات تاع لحم . بيتزا ... ​

*احب عضوة ليك في المنتدى .​

اممم كاين بزاف : ايمان . سارة . خولة . زهور . ضحى . مروة . ريمة . امونة ( ختي الصغيرة ) بصح في الوقت الحالي اقرب وحدة دمعة اشتياق ( ميساء ) ​

*اكيد تاعوني امك في رمضان ........واش ديري (الاكلات..حلويات .....)​

نعاونها في الأكلات و كي يولي وقت صنع الgاطو تاني نبغي نعاونها فيه ​

*الباك واش يمثل بالنسبة ليك .​

الباك لحد الآن راه اهم حاجة نسعي ليها ربي يوفقنا ​

*شحال راكي معولة جيبيه .​

راني نحوس نجيبه بمعدل الي نقدر ندير بيه الطب ان شاء الله ​

نتمنى يكونو اسئلتي خفااااف عليك .بانتظار اجوبتك .​

اسئلتك كي العسل حنونة راني جاوبتك

بانتظار باقي العضوات

 

[أم دودو]

أهلا بيك نور مرة أخرى
أسئلتي كالتالي
- واش هي الأكلة اللي تحبي تاكليها غير من يدين ماماك
- هل عانيت في يوم من الأيام خيانة من أحد الصديقات ؟ واش كان ردة فعلك
- كي تطبخي حاجة و تعجب داركم و يبدو يشكرو فيك واش يكون شعورك
- موقف حدثلك و أحرجك و ما تقدريش تنسايه
إن شاء الله تكون أسئلتي خفيفة على قلبك و ربي ينجحك في الباك و بتفوق
​

 

[{مُدَلَّلَتُهُ}]

أهلا بيك نور مرة أخرى

اهلا بيك حبيبتي

أسئلتي كالتالي
- واش هي الأكلة اللي تحبي تاكليها غير من يدين ماماك

الحريرة

- هل عانيت في يوم من الأيام خيانة من أحد الصديقات ؟ واش كان ردة فعلك

واه . قتلها خسارة عليك و زعفت منها مبعد كي طلبت مني السماح سامحتها

- كي تطبخي حاجة و تعجب داركم و يبدو يشكرو فيك واش يكون شعورك

ياااا حي نأمن روحي gااااع و نفرح هههه :shiny:

- موقف حدثلك و أحرجك و ما تقدريش تنسايه

خطرة طحت في الليسي صراتلي تبهديلة ههههههه :shay: ما ننساهاش gاااع

إن شاء الله تكون أسئلتي خفيفة على قلبك و ربي ينجحك في الباك و بتفوق
​

اسئلتك هاااااااايلة حبيبتي مشكووورة

امين يا رب

صحا فطورك

 

[{مُدَلَّلَتُهُ}]

صح فطوركم

واش كملو الأسئلة هههههههه ؟

 

[ibtesem]

ما هي درجتك من العبقرية ؟؟

هل انت صادقة مع نفسك ؟

هل انت اكثر شجاعة مما تظنين ؟

الخوف ..كيف تسيطرين عليه ؟

هل انت سيد ةاعصاابك؟
ما هي درجة توترك ؟

هل لكي ارادة وعزيمة ؟

هل تجري ورااء السراااب؟
هل انتيي خجول ؟؟
هل تحب كسب المال ؟
هل يستلطفكي الاخرون ؟
هل انت مزعجة ؟
مامدى شعبيتكي؟

هل انت لبقة ؟


هل تعتقدي بالخراافات؟؟
هل انت امراة كامل الشخصية ؟
ماهو سبب سعادتك ؟
ماذا يتحدث الناس عنكي ؟

هل الالوان تكشف شخصيتك ؟

صح فطورك ​

 

[{مُدَلَّلَتُهُ}]

صح فطورك

اسئلتك واااااااعرين ههههههههه نجاوب على حساب شا بانتلي

ما هي درجتك من العبقرية ؟؟

امم ما نعرف متوسطة
​

هل انت صادقة مع نفسك ؟

واه بزاف
​

هل انت اكثر شجاعة مما تظنين ؟

على الأغلب نعم
​

الخوف ..كيف تسيطرين عليه ؟

الخوف : اممممم ندعي ربي كي نخاف ما نقدر ندير حتى حاجة اخرى
​

هل انت سيد ةاعصاابك؟

مرات ايه مي خطرات ما نعرف واش يصرى

ما هي درجة توترك ؟

كل خطرة و كيفاه على حساب الموقف
​

هل لكي ارادة وعزيمة ؟

نعم ارادة كبيرة الحمد الله
​

هل تجري ورااء السراااب؟

مش دايما نادرا

هل انتيي خجول ؟؟

واه بزاف

هل تحب كسب المال ؟

في حدود المعقول

هل يستلطفكي الاخرون ؟

نعم :shay:

هل انت مزعجة ؟

لا ما نظنش

مامدى شعبيتكي؟

امممممم normalement عادية
​

هل انت لبقة ؟

على الأغلب نعم
​

هل تعتقدي بالخراافات؟؟

كاين شي خرافات نامن بيهم ههههه

هل انت امراة كامل الشخصية ؟

كلنا كالقمر له جانب مظلم

ماهو سبب سعادتك ؟

سعادة من حولي

ماذا يتحدث الناس عنكي ؟

ها ما علاباليش :schmoll:
​

هل الالوان تكشف شخصيتك ؟

تقريبا نعم
​

صح فطورك ​

الله يسلمك صح فطورك نتي تاني مشكورة على الأسئلة

 

[ibtesem]

ربي اوفقك نور
مشاء الله عليك
مقلتيش واش من شعبة راكي تقراي

 

[{مُدَلَّلَتُهُ}]

ربي اوفقك نور
مشاء الله عليك
مقلتيش واش من شعبة راكي تقراي

امين يا رب

شعبة علوم طبيعية

 

[nada242008]

لي عودة اختي نور:sheer::sheer: صحا فطورك

 

[{مُدَلَّلَتُهُ}]

لي عودة اختي نور:sheer::sheer: صحا فطورك

الله يسلمك طاطا ندى صح فطوركم بانتظار عودتك

 

[ibtesem]

1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟

6-أجمل سنوات مرت عليك؟

7-البرامج المفضلة؟

8-شخصيتك ( عصبي ، رومانسي ، ....... )؟

9-اجمل بلد زرتها ؟

10-ماهو لونك المفضل ؟

11-من هو مثلك الاعلى ؟

باش نتحسيش بالملل
انا قلت يفطرو يفطنو زادو رقدو
رانا انا وياك نتسلو نور ​

 

[{مُدَلَّلَتُهُ}]

1-اسمك المستعار ؟

نور * خ

2-سبب اختيارك لهذاالاسم ؟

نور اسمي ( نور الهدى ) و خ صحبتي تعيطلي باسم ديت منه الحرف اللول برك ههههه


3-الهوايات ؟

النت . المطالعة بصح مش ديما . و كل خطرة تضرب في راسي حاجة جديدة ههههه في قلبي نتعلم العزف على gيتار


4-افضل شهـر بالسنه والسبب ؟

أوت على خاطر زايدة فيه هههههههه

و في الأشهر الهجرية رمضان لأنه شهر المغفرة و التوبة .....


5-حلمك في الحياة؟

نولي طبيبة اطفال نحجج والديا و نردلهم الخير مع اني لوكان نفوت حياتي كاملة ما نوفيش 1%

6-أجمل سنوات مرت عليك؟

الطفولة

7-البرامج المفضلة؟

الأفلام . مرات برامج الطبخ . .......

8-شخصيتك ( عصبي ، رومانسي ، ....... )؟

خجولة . عصبية مرات

9-اجمل بلد زرتها ؟

ما خرجتش من الجزائر ههههههههههه


10-ماهو لونك المفضل ؟

الأزرق


11-من هو مثلك الاعلى ؟

والدتي و محمد صلى الله عليه و سلم

مشكورة على الأسئلة