النجدة..........

[زهيرة]

:sheer:مرحبا من فضلكم اريدطريقة مثلى في استخدام طلاء الحلويات خاصة الشكولاطة :re_gards:

 

[اسيل 16]

علاه واش فيه حاجة واعرة ساااهل .. لم افهم بالضبط شو بدك اسفة

 

[حكيك]

:sheer:مرحبا من فضلكم اريدطريقة مثلى في استخدام طلاء الحلويات خاصة الشكولاطة :re_gards:

250غ سكر ناعم + 50غ زبدة + 3معالق حلييب +2معالق كاكاو
اعمليهم في وعاء على حمام مائي على نار واخلطيهم تتحصليين على شوكولاطة
بالتوفيق

 

[زهيرة]

صحيتي ختي vraiment وصح فطورك وصح عيدك مسبقا

 

[زهيرة]

:re_gards::re_gar

علاه واش فيه حاجة واعرة ساااهل .. لم افهم بالضبط شو بدك اسفة

انا نفهمك وليت كي نشري باطة تع قلاصاج شيكولة ونجي نستعملها ما تصدقليش يجي ثقيل واذا خففتو بالحليب تسماط ويتبدل اللون...انا مبتدئة تقريبا على بيها نشوفو حاجة كبيرة وواعرة.على كل حال شكرا لاهنمامك::shay:shiny::shiny:*

 

[meriem104]

سلام اختي هاذي طريقه مثلى ليك و لبنات
هاذي طريقة باه تذوبو الشكلاطه :
نقولكم انا فلول كيفاه كنت نذوبها كنت نديرها فطبسي فحمام مائي و لا نديرها فكسرونه و كنت نخدم غير حبات و نعاود نرجع للفورنو نذوبها و نظل رايحا جايه:cursing::cursing: بلا لماعن نوسخهم و الا درتها فالكسرونه تلصق :du_nno:منجي نكمل لقاطو و كامل لحبات حتى نكره حياتي:busted_red::surrender::b usted_red:
--
--
--
درك لالا رجعت نذوبها هكذا : تجيبي كسرونه ديري فيها لماء و تحطيها فوق الفورنو و تخلي الماء يغلي متعمريهاش
جيبي باطا نتاع زبدة نتاع صول مثلا نتاع 500 ولا نتاع 250 غ تكون فارغه دخلي فيها لعلبه نتاع الشكلاطه و حطيهم فوق الكسرونه ، ردي بالك تخلي الما يدخللها راح تخسرلك و ميجيكش قلاصاج شباب ، و خلي حتى تذوب شكلاطه امبعد نحيها من فوق النار و خدمي كي تكملي اغلقي العلبة نتاعك و خليها تبرد و رديها لثلاجة حتى تعاودي تخدمي بيها لمره الجايه
هكذا تكملي تخدمي قلاصاج نتاع القاطو نتاعك فدقيقه :shiny: و متوسخيش الماعن تاوعك

و اذا حبيتي تقدري تزيدي معا تالي ملعقة زيت

 

[زهيرة]

ربي يخليييييييييييييييييييييييك.مارسي

 

[أمونة المتألقة]

وأنا عندي سؤال على الشيكولا البيضاء جامي صلحتلي
دايما تتسكر وتولي حبات حبات وماتصلحش طول وخاصة في التزيين تاع الخطوط
نذوبها في حمام مائي بصح ماتجيش مليحة
شكرا لكم وان شاء الله تجاوبوني

 

[meriem104]

وأنا عندي سؤال على الشيكولا البيضاء جامي صلحتلي
دايما تتسكر وتولي حبات حبات وماتصلحش طول وخاصة في التزيين تاع الخطوط
نذوبها في حمام مائي بصح ماتجيش مليحة
شكرا لكم وان شاء الله تجاوبوني

اعمليها بنفس الطريقة لي قلتها لأختي زهيره سواء شكلاطه بيضاء ولا سوداء و تشوفي كيفاه راح تخدم بلا متعبك و لخطوط يجوك هايلين

 

[أمونة المتألقة]

اعمليها بنفس الطريقة لي قلتها لأختي زهيره سواء شكلاطه بيضاء ولا سوداء و تشوفي كيفاه راح تخدم بلا متعبك و لخطوط يجوك هايلين

مرسي حنونتي ربي مايحرمناش منك
ضرك نجربها ونشوف

 

[meriem5]

رد: النجدة..........

لازم نتقبلو الاسئلة تاع بعضنا البعض بكل تواضع لانو فينا مبتدئات وفينا فنانات

 

[meriem5]

رد: النجدة..........

السلام عليكم مريم حتى انا عندى مشكل في تذويب الشكلاطة نحطها في حمام مائي على نار هادئة لكن دائما تلصق ولا تجمد ومنحبش نضيفلها الحليب لكن قوليلي اختي الكريمة واش هو السر في العلبة نتاع المرغرين وشكرا