صبر آراء: الأمر مهم للغاية ؟ ؟ ؟ رجاء أدخلوا

[faido]

في ظل التغيرات السياسية ، وتعدد المحطات في عمليات البناء
الإجتماعي و السياسي و الإقتصادي التي شهدتها
الجزائر منذ أحداث أكتوبر 1988، يتوجب أن
نطرح للنقاش السؤال التالي:
هل تفضل أن يحكم البلاد رجل سياسي مدني
أو عسكري من لب المؤسسة العسكرية..
المقصود من هو الرجل الأقدر على مسؤولية الرقي
بالجزائر الحبيبة إلى مصاف الدول المتطورة،
أو على الأقل الخروج بها من مستنقع الفساد.

 

[dz-mon-amour]

رد: صبر آراء: الأمر مهم للغاية ؟ ؟ ؟ رجاء أدخلوا

خويا أسمحلي السيايه مشني قدها
وبارك الله فيك​

 

[faido]

رد: صبر آراء: الأمر مهم للغاية ؟ ؟ ؟ رجاء أدخلوا

بالصح تقدر تقول رايك،
هاذي دولتنا ، واحنا عايشين في خيرها،
ok؟.

 

[المالك الحزين]

رد: صبر آراء: الأمر مهم للغاية ؟ ؟ ؟ رجاء أدخلوا

خلوني انفكر و امبعد انقول
​

 

[اسير الحزن]

رد: صبر آراء: الأمر مهم للغاية ؟ ؟ ؟ رجاء أدخلوا

انا اظن ان يحكمها رجل عسكري او مجاهد
تكون عندو الروح الوطنية

 

[taibatigeneral]

رد: صبر آراء: الأمر مهم للغاية ؟ ؟ ؟ رجاء أدخلوا

كزون تجي تشوف على ما اظن لا العسكرية ولا المدنية انا هو اللى نصلح رئيس
ههههههههههههههههههههههههههههههههههههههههههههههههههههههه

 

[hamza1300]

رد: صبر آراء: الأمر مهم للغاية ؟ ؟ ؟ رجاء أدخلوا

الجزائر يحكمها عسكري او سياسي كيفكيف خصنا واحد شينوي

 

[ضحية صمت]

رد: صبر آراء: الأمر مهم للغاية ؟ ؟ ؟ رجاء أدخلوا

السلام عليكم ..
المشكلة ليست فيمن يحكمها ..
لو أردت لبلادنا أن تستقر فطلب من شعبها أن يصحو من غفلته ..
فالمشكلة لن تنحل إلا اذا انحلت من جميع جوانبها ..
و مشكلتنا ليست فقط سياسية بل هي اجتماعية و دينية ..
فالأولى لنا أن نحل المشكلة الدينية ثم الإجتماعية ثم السياسية ..

وكل واحد منا يعلم ما أقصده ..
هذا رأيي ..
تقبل مروري ..

 

[خالد13]

رد: صبر آراء: الأمر مهم للغاية ؟ ؟ ؟ رجاء أدخلوا

السؤال هل يمكن لجزائري نظيف ان يحكم الجزائر

تحياتي

 

[جزائري_حر]

رد: صبر آراء: الأمر مهم للغاية ؟ ؟ ؟ رجاء أدخلوا

بسم الله
الرجل العسكري للجيش وعمرو ما كان للسياسة
وللسياسة ناس مشي اي واحد يجي يقول انا سياسي وفرات
براي الي لازم يحكم البلاد رجل سياسي متعلم يعني دكتوراه في العلو السياسية ومتدين باش يخاف ربي قبل ما يخاف العبد ويخدم البلاد قبل ما يخرب البلاد
والكل يعلم الصحابة الكرام واقصد الخلفاء الراشدين لكا حكمو الدولة الاسلامية واش دارو فيها
والله يهدي ما خلق
وما ننساوش هناك بعض الاستثناءات
بالمختصر الي لازم يحكم البلاد لازم يفكر في اخرتو قبل دنيتو و لازم تكون دزاير تجري في دمو مشي يخممو على السيارات والفيلات وووووو والموسطاش خير دليل على ذلك الله يرحمو ويوسع عليه

 

[karimrayo]

رد: صبر آراء: الأمر مهم للغاية ؟ ؟ ؟ رجاء أدخلوا

كي تقول انت ولا انا كلمتك ولا كلمتي عندها قيمة شكون يسمعها
وراك مصر انا نقول لازم يروحوقاع لازم يجيولنا واحد جديد ما زال ما رضع من قسوة العسكر ولا من تحيريم السياسيين ولا يكون ادا منهم في زوج شرط لازم يكون جرب الميزيرية وخرج من الغرقة