عاجل صديقتي بل اختي.........ادخلوا

[ملكة جمال اللمة]

السلام عليكم و صح عيدكم و ينعاد علينا بالخير انشاء الله بلامانطول عليكم اليوم قلبي راه معمررررررررررر بزااااف و جيت نفرغ شوية

المهم انا عندي صديقتي انتيم قرات معايا فالسنة 1 ثانوي و فالسنة 2 الله غالب مطاحتش معايا فالقسم مي قعدنا صحابات نروح عندها للدار و الصباح نروحو كيفكيف نقراو المهم متفرقناش و الله كنت دايرتها اكثر من اختي و وقفت معاها فالمحاين و عاونتها و كنت ندير فيها الخير بزاااااف و على فكرة هي تسكن قريب ليا نقدر نقول جارتي المهم كي قربنا نكملو العام خطبها وليد عمها و الله انا فرحتلها و انا الاولى لي خبرتني :sheer::sheer::sheer::sheer::shiny::shiny::shiny: المهم قاتلي دوك ندير لكمال ديالي في الصيف ايا تعوشرنا و تلاقيتها قاتلي اخرت لكمال حتى مور العيد المهم انا درت في بالي تعرضني راني اكثر من اختها و كي نخطبت حسيتها تبدلت و جبدت مني المهم انا قلت بالاك راني غالطة جات عندي صحبتي ايمان نهار العيد و خبرتني بلي عندها لكمال نهار الجمعة و انا معرضتنيش و عرضت صحاباتها لي مشي قراب ليها بزاف و انا هادي عامين وانا دايرتها كي اختي معرضتنيش و الله بقات فخاطري بزاااااااف و قالت لايمان مصبتش كيفاش نعرض سارة و هي كل يوم تفوت قدام دارنا نورمالمو تجي تعرضني راني مشوكيا انا كنت دايرتها اكثر من اختي و الله قلت كي نتلقاها نقولها واش راه في قلبي و نقطع العلاقة معاها نهائيا مي راني خايها تحسب رانب غايرة منها انا و الله فرحت من اعماق قلبي الله يحفضكم عاونوني و قولولي كيفاه نتصرف منقدرش نخبي في قلبي راني نستنى ردودكم بفارغ الصبر و دمتم في رعاية الله
​

 

[Estrella]

مديرش في بالك حنونة هادو هوما الناس نتاع ضرك .
يلا عرضاتك روحي نورمال كيلي ماصرا والو ويلا معرضاتكش نورمال
ويلا تلاقيتيها بوركيلها عادي وبينيلها بلي انتي خير منهاااااااا
ومكان لاه يغيضك الحال من الناس نتاع هاد زمان توقعي منهم اي حاجة
وربي يعطيك على حساب نيتك ختي
سلام
​

 

[Estrella]

ونزييييييييييييدك حاجة غدوا كي تتزوجي نتي تاني متعرضيهاش هدا مكااااااااااان يا شابة
قتلييييييييييييها غير بالبارد​

 

[mimi-ba]

لالا أختي
راكي قلتي دايرتها كي ختك وهي تاني أكيد دايرتك كتر من ختها
تسمى كاين عرضة بين الاخواتات ؟؟
أكيد لالا ممكن هي هكا تخمم قالت بلي هديك أختي وماتحتاجش عرضة و ممكن حاطة بلي لوكان تعرضك تزعفي منها
و الا كيما قلتي بلاك صح جبدت منك و اذا لقيتيها هكاك نتي تاني اجبدي منها مي ماتقطعيش صلتك بيها خليك نتي لكبيرة ونتي لفاهمة وديري لخير ونسايه تسمى ماتهبطيش عقليتك انك تديريلها واش تتوقع خليها تتشوكا فيك اختي
آه طولت لهدرة ههه ربي يعاونك ختي لعزيزة وماتديريش في بالك​

 

[EL General]

الله يصبرك خيتو

و حاولي تعرفي أسباب كل شيئ يقع لك

بالتوفيق
​

 

[ماكانش]

أهلا ملكة جمال الله
واش راح نقلك هذ العفسات يصراو بزاف
نتي مادامك صافية وعلابالك مادرتي والو ماتعمريش راسك بزاف وأعرفي بلي الدنيا هكذا مدايرة
قليل ألي تكون كيما ختك صح وقلبها صافي كي قلبك ..
شوفي ماتروحيلها ماتقوليلها وعلاه ماعرضتينيش وووو، لنو كي تقوليلها هكذاك تعرف بلي كي ماعرضاتكش قاساتك ووصلت لواش حبت
مالا ماتقولي ماوالو وكلش في قلبك وزيدي شوفي تصرفاتها ونتي أي باين ثقلي عليها حتى تفهم روحها وحدها
هذا رايي ...​

 

[ملكة جمال اللمة]

و الله مانقدر نصبر و نخلي فقلبي المهم راها تالفتلي راني مشوكية

 

[ماكانش]

و الله مانقدر نصبر و نخلي فقلبي المهم راها تالفتلي راني مشوكية

اه يا ملكة يعني خليتيها توصل وين حبت ؟؟؟
ماديريش في بالك بزاف ...
إذا بقات في بالك بزاف تقدري تحكي معاها وتبردي قلبك مليح
هكذا يتنحى عليك ...​

 

[Ayoub Napoli]

azewji anti w mat3ardhihach

 

[iktimel]

كي تلقايها قوليلها مبروك عليك و حاولي تفهمي منها واش صرا و علاه دارت كيما هك و هدا ماكان
ياو راهم هادو هوما صحابات تاع ضرك كامل كيف كيف​

 

[Black heart]

صحا عيدكم
شوفي أختي غير قتليها بالبارد كيما تلgايها gوليلها كلش مبروك
وزيد بزيادة نهار الخطبة تاعك عرضيها بينلها بلي أنت أحسن منها هذا مكان
هاذي هي العقلية تاع 2011 البنات في انحراف مستمر
ان شاء الله تقتليها بقلبها هه​

 

[عادلDZ]

ختي الكريمة، ألتامسي الأعذار للصديقة تاعك راكي تقولي كي أختك و اختك لابد تتفهمي الأوضاع تاعها و تساعفيها.
بالاك عندها مشكل، كي تتلاقاي معاها سقسيها بلا عايط و بلا تشناف و بلا زعاف.+ باركيلها قبل كلش.

ربي يخليك لبعض
سلام​

 

[naGam]

اختي اي انسان تحبي تهبليه احقري وديري روحك بلي ماعلبالكش بيه واذا لقيتيها وقاتلك بلي نسيت ماعرضتكش ولا جبدتلك على العرضة
قوليلها اه نسيت ماكنتش كاع مدايرتها في بالي
وكون جيت متفكرة راني جيتك بلا عرضة
يعني لوحيها في ثقيل ودوك تشوفيها كيفاه تتشوكا
​

 

[ايمان التلمسانية]

سارة اختي ما دييش في بالك وايمان اكيييييد ما تهناش حتى تعرضك رانا انا وانتي هي كي لخواتات
وكي تجي تعرضك قوليلنا
اوكي على خاطر من المستحيل ما تعرضكش
​

 

[lamia-constantine]

صح كاينة منها هادو هوما الصحابات تع درك
الله غالب
****​

 

[°~Kenza_02~°]

حتى تفهمي منها باش تقرري سقسيها و بالاك عندها عدر مقنع

 

[hiba14]

تفكري مليح بالاك كاش ما خسرتي معاها افهمني ماشي غي الجانب تاع الغيرة لاخاطر ماشي الرجال تاع دروك اللي تغيرو منهم (ههههههههه هادا قاع علابالنا بيها )
المهم ربي يصلح الاحوال و يعطيك على حساب نيتك

 

[هآجر]

السلام عليكم

وعلاش تتشوكاي اختي نورمال خلاص هذي هي الدنيا
متحطي والوا في بالك هذي مهيش صديقة هذي مجدر زميلة ليك بعد وش دارتلك ​

 

[BARCA232]

السلام عليكم ورحمة الله تعالى وبركاته
تهنيتي من الكــــــــادو الكبير
ان شاء الله تصلح الامور بينكم
ممكن شيء بسيط بالتوفيق والعقوبة ليك انت

​

 

[شذى الإيمان]

من المفروض أختي نقولك التمسي لها 70 عذرا، لكن الواقع يبين
أنو كاين من هذه العينة، كي يكونو في الشدة تكوني أنت السند ديالهم،
وكي يفرج عليهم ربي يرموك ... عفوا ... ينساوك​

ما نخبيش عليك، الضربة كي تجي من عند إنسانة قريبة ليك وعزيزة عليك،
توجع، لكن " لي يبيعك بالفول بيعيه بقشور قشورو" :shiny: :shiny: :shiny:​

تقبلي مروري :sheer: :sheer: :sheer:

رجاء إضغطي على الرابط التالي، هناك مقال جميل حول أنواع الأصدقاء أعجبني، لتعرفي أي صديقة كانت :sadwalk: :sadwalk: :sadwalk:

http://www.ksau.info/vb/showthread.php?t=4653
​