- إنضم
- 30 أفريل 2010
- المشاركات
- 1,776
- نقاط التفاعل
- 117
- نقاط الجوائز
- 459
بسم الله الرحمان الرحيم
صح عيدكم وتعيدو وتزيدو بالصحة والهناء ان شاء الله
ميضوع جديد و ان شاء الله متجدد اذا لقى الترحيب المناسب
[ أخاه عاملوني برك وقولو آو مليح ] هههه
العنوان :
[ في رمضان صوم وصلي و 11 شهر ؟؟انسى كلشي ]
نخليكم مع علجية والعلجي
هو: ها علجية ها مراااا ياخي وينك انتي ؟؟ايجي ايجي نقلكـ
هي: هاه هالعلجي هاه هاك تنوح ليل ليل والناس راقدين ؟
هو: ياخي غدو رمضان ؟ نا قلت واش رايك نسحر ضرك بش مبعد ماتنوضينيش والا وش رايك ؟
هي: لالا ألعلجي آو رمضان ماتقولليش مشك راح تصلي الصبح في الجامع لازمك تنوض أراجل ؟
هو: ايه ايه فكرتيني يخلي دارك:scared:
الجيران كل ضرك يروحو يصلو عيب حتى منهم مانكونش معاهم في الجامع
هيييييه مالا ماتنسيش تنوضيني :sheer:
هي: خاف من الجيران وماتخافش من ربي ياخي منافق ياخي
هو: ها مخلوقة وش تقولي ؟؟
هي : والو والو تسمع بالدوبل و الا ؟؟
-----
هي : ايه آو يذن الصبح ننوض نصلي ....... اييه تو نوض العلجي يصلي هاو في رمضان صلاه كامل في الجامع
---
أراجل هالعلجي ماتسمعش ولا ؟ نوض نوض تصلي آو ذن الصبح
هو : آه امرا وش تقولي أنا نقول جنيتي ؟؟ لاش تنوضي فيا على صباح ربي ؟
هي : انا قلت كيما صليتي رمضان في الجامع تو تتعود وتولي دايما تصلي في الجامع
هو : نا نقول جنيتي خلاس؟
_o:ننوض نصلي آه آوجه الهم؟؟
مالا روحي راكي مطلقة
_o:_o:و خلي نرقد ضرك ..هاه ياخي نتي لي حبيتيها لروحك مشني نا
----------
حبيت نهدر على الي يصليو رمضان كامل ويصومو ويصدقو و يديرو لخير و يتوبو توبة تاع الصح و في الصبح هوما الأولين في الجامع مي كي يفوت عمو رمضان والو خلاس كي شغل نتوبو شهر و11 شهر نغرقو في الذنوب
هذي شايعة بزااااااااف وأكيد في كل لبلايص
قولولي واش رايكم فيها وفي الناس لي يديرو هكا ؟
[ آه..ماتنساوش تردو ]
وتاني راح نسلف من عند خويا ماكانش ملاحظاتو ونقولكم
ملاحظة : وعلاه كي تشوفو عبد معروف في اللمة كيما نقولو شخصية و الا مشرف يتعمر موضوعو ردود وكي يكون تاع عضو زوالي مسكين مايبانش [ كي حالتي احم احم ] واحد ما يرد ؟؟
هههههههه
أيا نخليكم طولت الهدرة بزاف
سلاااااااااااااامو
