قلتلها الراجل جامي ما يتعييب....

[sissi-jijlya]

السلام عليكم و رحمة الله تعالى و بركااته:

وشراكم جماعة انشاء الله الحمد لله اليوم حبيت نشارككم في موضوعي تاع اليوم على بنت عمتي المهم ندخل في صلب الموضوع هادي بنت عمتي جاوها بزاااف الخطابة لكن حتى واحد ما قبلت بيه اييه مالا جات عندي اليوم لدار بدينا نحكيو حتى قلتلها نتيا مهبولة لي يجي تحاوزيه دوك تشوفي نهار يبطلوا ما يزيدوش يشوفو فيك حتى نلقاها قالتلي ما عجبونيش :scared: أنا قلت في قلبي لالا نجيبولك مهند بلاك تقبلي بيه
المهم قلتلها لالا لاباس بيهم و خدامين و ..و..و. ..قالتلي لالا ما عجبنيش الزين ديالهم يبهدلو..و..و..
عييت نفهم فيها و هي تقولي لالا لازم واحد شباب آآآآآآآآآيوااا بدات طلعلي ف لي نير قلتلها ماشي المهم في الزين المهم التربية و الاخلاق و العقلية كيفاش خادمة و هي تقولي لالا هادا الوقت نحوسو على الزين و على الدراهم شحاال يجيب _o:
قلتلها لالا ختيوا أنا التربية و الاخلاق هادا ماكان واش يهموني لكن باش نقبل المال بلا حب لااالاا
راكو تشوفو فقراء و بلا مشاكل و لي عندو الدراهم راهو مغبون
وانا حبيت نفهمها بلي الرااجل جامي ما يتعيب ما لازمش نشوفو ف الزين برك ولا راني غالطة؟؟
و لا أنا مانيش نشوف مليح بلي البنات تاع اليوم يحوسو على الزين و الدراهم؟؟ ماشكيتش كامل هاكدا

راني نستنا في الردود ديالكم انااث و ذكور جاوبوني بصراحة حالةالبنات ديانا اليوم
أرجو تقبل الموضوع
في أمان الله:re_gards:

 

[ماكانش]

أهلا بيك سيسي
يعطيك الصحة على الموضوع الباهي
ماعنديش بزاف درت موضوع بنفس الفكرة "واش حاملة النسا في الديار "
انا راني شوي مع بنت عمك هذي
لأنو الأخلاق والرجل يكون مايشبه لوالو شوي صعيبة خاصة في الوقت هذا ولبنات راهم طالقين عينيهم لبرا وفي المسلسلات وووو
مليح شوي شوي
يعني ماتشرطش الزين وهوا ماشي متخلق
لالا لازم الأخلاق والتربية ومن حقها تزيد تطلب الزين والدراهم
هذا رايي باختصار
يعطيك الصحة ...​

 

[ziassia]

عندكـ الحق أختي في واش قلتي أنو الراجل ميتعيبش
ولكن كيما قال خويا مكانش اذا كان الراجل ميشبه لوالوو رااه يجي النهار و وين تكرهي منو
مي في حالة بنت عمتك كثررت مابين هاذوا ألي جاوها كااامل ملقاتش واحد شباب شوياا
المهم ربي يجيبلها المكتوب و للبنات كاااامل
و مرسي على الموضوع​

 

[adel-mz]

يا ختي الله يهديها
قوليلها الراجل ماشي في زينو ولا في مالو قوليها الراجل في قلبو وفعايلو اذا كان قلبو حنين ومتقي ربي ويخاف على مولات بيتو وولادو هاديك هي المعيشة الهنيئة ،والرسول (ص) قال : ؛؛ من جاءكم ترضون دينه وخلقه فزوجوه ؛؛
ما قالش لازم يكون شباب .
ومام حنا الرجال لوكان نتبعو الزين برك متفراش .
؛؛الزين في زين الفعايل كيما يقولو؛؛
بارك الله فيك
​

 

[sissi-jijlya]

أهلا بيك سيسي
يعطيك الصحة على الموضوع الباهي
ماعنديش بزاف درت موضوع بنفس الفكرة "واش حاملة النسا في الديار "
انا راني شوي مع بنت عمك هذي
لأنو الأخلاق والرجل يكون مايشبه لوالو شوي صعيبة خاصة في الوقت هذا ولبنات راهم طالقين عينيهم لبرا وفي المسلسلات وووو
مليح شوي شوي
يعني ماتشرطش الزين وهوا ماشي متخلق
لالا لازم الأخلاق والتربية ومن حقها تزيد تطلب الزين والدراهم
هذا رايي باختصار
يعطيك الصحة ...​

صح عندك الحق خويا سفيان
أنا حبيت نقصد ماشي غير المال و الزين لي يهمو
يعطيك الصحة أخي و شكرا على الرد

 

[sissi-jijlya]

عندكـ الحق أختي في واش قلتي أنو الراجل ميتعيبش
ولكن كيما قال خويا مكانش اذا كان الراجل ميشبه لوالوو رااه يجي النهار و وين تكرهي منو
مي في حالة بنت عمتك كثررت مابين هاذوا ألي جاوها كااامل ملقاتش واحد شباب شوياا
المهم ربي يجيبلها المكتوب و للبنات كاااامل
و مرسي على الموضوع​

شكرا اختي لكن حبيت نسقسيكم برك مالا الراجل لي ما يشبه لوالو ما يتزوجش هههههه
شكرا على الرد أختي العزيزة صح عندك الحق

 

[sissi-jijlya]

يا ختي الله يهديها
قوليلها الراجل ماشي في زينو ولا في مالو قوليها الراجل في قلبو وفعايلو اذا كان قلبو حنين ومتقي ربي ويخاف على مولات بيتو وولادو هاديك هي المعيشة الهنيئة ،والرسول (ص) قال : ؛؛ من جاءكم ترضون دينه وخلقه فزوجوه ؛؛
ما قالش لازم يكون شباب .
ومام حنا الرجال لوكان نتبعو الزين برك متفراش .
؛؛الزين في زين الفعايل كيما يقولو؛؛
بارك الله فيك
​

و فيك بركة أخي شكرا على الرد و شكرا على تذكيرك بحديث نبينا الكريم صلى الله عليه و سلم
جزاك الله خيرا

 

[DARINE05]

والله صح الراجل عمرو ما يتعيب مرسييييييييييييييي

 

[Amoula ALG]

هههههههه خليها مسكينة حياتها وحرة فيها
انتي نصحتيها وخلاص
المهم راجل شكلو وزينو مقبول وخدام ولاباس عليه ويصلي ويصوم ويخاف ربي
هدا مكان
ختي وكل واحد ومكتوبو خليها
راح يجيها مكتوبها
مغسييييييي​

 

[الزنبقة السوداء]

خليها تعيش في الاحلام بصح انا مذبية يكون زين وعندو اخلاق عندو الدراهم هههه

 

[Sẻl Mā]

ههههههههه
كيما بنت عمي
الله يبارك عليها
جاها شحال من خطاب محبتش تقبل { علاجال الشكل}
حابتو عينيه خضر وابيض
ههههههه
والله انا المهم يكون يحبني وخلاص + خدام
هذا مكان
هههه
شكرا على الموضوع

 

[zahya]

يا اختي الزمان لي كان الراجل ما يتعيبش .....لانو كان راجل بمعنى الكلمة ....اما في وقتنا هدا الراجل كثرت عيوبو ..... ومن حقها تختار الانسان لي تشوفو مناسب ليها بغض النظر عن الجمال ......لانو الرجولة قلت في وقتنا الحاضر ....

 

[olympo]

يا اختي الزمان لي كان الراجل ما يتعيبش .....لانو كان راجل بمعنى الكلمة ....اما في وقتنا هدا الراجل كثرت عيوبو ..... ومن حقها تختار الانسان لي تشوفو مناسب ليها بغض النظر عن الجمال ......لانو الرجولة قلت في وقتنا الحاضر ....

حسنا و هل مزال هناك نساء بحق؟ صرنا نسمع كثيرا من النساء يقلن قلت الرجولة ... فهلا رجاء ينظرن لجنسهن كيف صار؟
اذا كان الراجل فيه عيوب فالنسا كما صرنا نرى اصبحن العيب بحد ذاته!!
و اصلا ما هذا الا دليل على التفاهة التي وصل اليها عقل نساء اليوم و تأثرهن بتفاهة المسلسلات

 

[olympo]

ههههههههه
كيما بنت عمي
الله يبارك عليها
جاها شحال من خطاب محبتش تقبل { علاجال الشكل}
حابتو عينيه خضر وابيض
ههههههه
والله انا المهم يكون يحبني وخلاص + خدام
هذا مكان
هههه
شكرا على الموضوع

و هل هي بيضاء و ذات عيون خضراء؟!
ربما تكون توأم انجيلينا جولي!!

 

[olympo]

في النهاية من تبحث عن زوج صالح الاخلاق ان شاء الله ترزق به و الطيبون للطيبات و من تبحث عن شكله فلن يدوم و من تبحث عن ماله فالمال لا يدوم و تبقى الاخلاق فكما قال خير الخلق ان جائكم من ترضون دينه و خلقه فزوجوه
لا اذكر انه قال من ترظون وسامته فزوجوه
بل حتى في المرأة فان خير امراة هي ذات الخلق و الدين لا ذات الجمال فبلا خلق يذهب كل جمال

 

[Estrella]

الراجل عيبو جيبو وزينو ذراعو ...
هادي يلا قعدت تحوس على راجل بلا عيب غادي تقعد في دار باباها بلا شك ...
يعطيك الصحة
​

 

[ALEXIS SANCHEZ]

الراجل مايقولولوش شباب ولا ماشي شباب
الراجل يقولو عليه راجل ولا ماشي راجل
يعني الانثى هي لي تتقاس بجمالها
اما الذكر يتقاس برجولتو
​

 

[حنان18]

صح أختي عندك الحق الزين جامي ليبني قصر صح الاهم و المهم التربية و الخبزة حلايلية.

 

[احلامdz]

ايييييييه صح لبنات تع هادا الوقت حاشا البعض يحبو الدراهم والزين برك :scared:

 

[sissi-jijlya]

في النهاية من تبحث عن زوج صالح الاخلاق ان شاء الله ترزق به و الطيبون للطيبات و من تبحث عن شكله فلن يدوم و من تبحث عن ماله فالمال لا يدوم و تبقى الاخلاق فكما قال خير الخلق ان جائكم من ترضون دينه و خلقه فزوجوه
لا اذكر انه قال من ترظون وسامته فزوجوه
بل حتى في المرأة فان خير امراة هي ذات الخلق و الدين لا ذات الجمال فبلا خلق يذهب كل جمال

يعطيك الصحة خوياا هادا هو المفهوم لي حبيت نوصلو الراجل راجل ماشي ب زين و دراهم المهم الاخلاق و التربية