السلام عليكم و رحمة الله و بركاته
واش راكم سافا انتيك لاباس عليكم قع
ايا نجوزوا للرسمي الي هو الموضوع الي جاني في راسي نحكي عليه
هاداك النهار فالكارطي تاعنا -انا ما كنتش فالدار سما حكاتلي جارتنا هدا ماكان-
من شدة الاسى على حال الناس و الواقع المر لي رانا عايشين فيه صباح مساء
مالا نبداوا
قالك وقعت مناوشات حدانا بسبب واحد الطفلة عدات من تما و هي شابة صغيرة فالعمر و يتيمة الاب سما جاية راجعة لدارهم و يتعرضلها واحد الشاب ماشي من وليدات الحومة بالمعاكسات راكم تعرفوا كي يبداوا فالمرg ديالهم ما يحبسوش و زاد شافها سكتت و حقراتو بدا يطيحلها فالكلام
جا شاب وحد اخر قالو علاه تطيحلها و احشم على عرضك و قادر روحك
و هنا بدات المناوشات الكلامية بين الزوج هادوما
و قالك امتدت للصراع بالايادي و التطياح فالهدرة
و مينداك راح هاداك الي جا يتبلا على الطفلة عيط لصحابو لي كيما هوا و طاحوا في هاداك الي جا يحامي عليها زعما و وقعت تما و بداوا يتهجموا على الشاب و البنت خداتهم حتى شبعت
و الغريب في الامر كي حكاولي واحد ما تحرك و اخدوا موقف المتفرج في الصراع
لوين رايحين بهذه العقلية و الله ظلم و عيب كبير
البنت الي تغيظ بزاف مالقري حاكمة قدرها و انا نعرفها هكدا ناس ملاح و خاطيها و تبلاوا عليها
مي الي اثرت فالغاشي لي حضر تما و سمعوها واش قالت كي نادت تصرخ قالت واشنو هاد الحقرة ما عنديش بابا الي يدافع عليا حتى واحد ما تحرك فيكم
و الله و كان جاوا رجال صح و كان تحلت الارض راهم دخلوا فيها
ممبعد سلوها لديارهم كلي ما صرا والو كي فضوها و علامات الذل بادية على وجوههم
يخي ناس و رجلة زعما يبانوا غير في مواقف ما تسواش و كي ترجع للصح انا خاطيني ما عندو ما دخلني
ربي يحفظ ويستر من دعوة المظلوم
ربي يهدي الجميع امين يا رب العالمين
((تعليقاتكم))
ربي يهدي الجميع قولوا
ا
م
ي
ن
كنت بكري نقول ما بقاش بزاف مي مع تكاثر هذه الظواهر نقول بقا بزاف باه تتسقم العقليات و ترجع الرجلة تاع بكري الي راهي في انقراض
سلام
ما بقاش بزاف
واش راكم سافا انتيك لاباس عليكم قع
ايا نجوزوا للرسمي الي هو الموضوع الي جاني في راسي نحكي عليه
هاداك النهار فالكارطي تاعنا -انا ما كنتش فالدار سما حكاتلي جارتنا هدا ماكان-
من شدة الاسى على حال الناس و الواقع المر لي رانا عايشين فيه صباح مساء
مالا نبداوا
قالك وقعت مناوشات حدانا بسبب واحد الطفلة عدات من تما و هي شابة صغيرة فالعمر و يتيمة الاب سما جاية راجعة لدارهم و يتعرضلها واحد الشاب ماشي من وليدات الحومة بالمعاكسات راكم تعرفوا كي يبداوا فالمرg ديالهم ما يحبسوش و زاد شافها سكتت و حقراتو بدا يطيحلها فالكلام
جا شاب وحد اخر قالو علاه تطيحلها و احشم على عرضك و قادر روحك
و هنا بدات المناوشات الكلامية بين الزوج هادوما
و قالك امتدت للصراع بالايادي و التطياح فالهدرة
و مينداك راح هاداك الي جا يتبلا على الطفلة عيط لصحابو لي كيما هوا و طاحوا في هاداك الي جا يحامي عليها زعما و وقعت تما و بداوا يتهجموا على الشاب و البنت خداتهم حتى شبعت
و الغريب في الامر كي حكاولي واحد ما تحرك و اخدوا موقف المتفرج في الصراع
لوين رايحين بهذه العقلية و الله ظلم و عيب كبير
البنت الي تغيظ بزاف مالقري حاكمة قدرها و انا نعرفها هكدا ناس ملاح و خاطيها و تبلاوا عليها
مي الي اثرت فالغاشي لي حضر تما و سمعوها واش قالت كي نادت تصرخ قالت واشنو هاد الحقرة ما عنديش بابا الي يدافع عليا حتى واحد ما تحرك فيكم
و الله و كان جاوا رجال صح و كان تحلت الارض راهم دخلوا فيها
ممبعد سلوها لديارهم كلي ما صرا والو كي فضوها و علامات الذل بادية على وجوههم
يخي ناس و رجلة زعما يبانوا غير في مواقف ما تسواش و كي ترجع للصح انا خاطيني ما عندو ما دخلني
ربي يحفظ ويستر من دعوة المظلوم
ربي يهدي الجميع امين يا رب العالمين
((تعليقاتكم))
ربي يهدي الجميع قولوا
ا
م
ي
ن
كنت بكري نقول ما بقاش بزاف مي مع تكاثر هذه الظواهر نقول بقا بزاف باه تتسقم العقليات و ترجع الرجلة تاع بكري الي راهي في انقراض
سلام
ما بقاش بزاف
