مالكم كيف تحكمون ؟

[وصال]

السلام عليكم يا اهل لمتنا كيف الاحوال ان شاء الله الكل بخير

اليوم وما اصعب قول هذه الكلمة في هذا الزمن الذي اصبح فيه الحكم للجاهل والماسك في دينه كالماسك على الجمر نقول فيها وقلبي يتقطع من داخل والله وا اسفاه :sad::sad::sad: سمعت نقاشا عقيما وجدالا عريضا بين اناس عالمهم جاهل وجاهلهم حدث ولا حرج كنت راح ندخل في سخافاتهم بصح استحظرني قول الشافعي جادلت العالم غلبته وجادلت الجاهل غلبني وراني عارفة اذا قلت وحتى وان كان كلام حق راح يقولوا راهي تفتي علينا واحدة تسقسي في واحدة قوليلي انت تسمعي الغنا قاتلها ايه قاتلها هكذا نتفاهموا منحبش لي يلعبوها مدينين وميسمعوش الغنا و....و.....و......والله غير حرت صح مرنيش حاكمة في ديني كيما يلزم بصح عمري ولا جاني لي مدين وملتزم يلعب فيها بالعكس نتشها فيهم ونحب نكون كيما هوما جازت عليهم واحدة دايرة حجاب شرعي ماشاء الله قمة في الروعة وجازت عليهم واحدة متبرجة منحكيلكمش واش تقوللها شحال راكي شابة بزاف فور ولي دايرة حجاب علاش تغبني في روحك وانت صغيرة اه:scared::scared::scared: عجب دوقة ولينا بالعكس واش بيكم يا ناس كيفاش تحكموا ..... ‼والحكاية لوكان نبدى نحكي ميكفيني والو بصح المهم ان شاء الله الفكرة وصلت على هادوا لي يجرحوا في ناس ربما يكونوا احسن منهم ويتهموهم ويحبطولهم المرال ويخليوهم يحسوا رواحهم غرباء في وسطهم وكانهم هوما لي على حق ولكن حقيقة حتى وان خليهم يقولوا ...قولولي انتومه برك واش رايكم في هادي الفئة نورمال تجيكم؟

 

[ماكانش]

أهل بيك وصال
انا في مثل هذه المواقف نتفكر اواخر سورة المطففين
" إن المجرمين كانو من الذين آمنو يضحكون، وإذا مرو بهم يتغامزون، وإذا انقلبو إلا اهلهم انقلبو فاكهين، وإذا رأوهم قالو إن هؤلاء لضالون ..." الأيات
هذو جهال جهل مركب، لنو يجهلو بلي راهم جاهلين
وقادر يوصل بيهم الإستهزاء إلى الكفر إذا كان الإستهزاء بأمر معلومم من الدين بالضرورة كالحجاب
قال تعالى " آبالله وأياته ورسوله كنتم تستهزؤون، قد كفرتم بعد ايمانكم ..."
يعطيك الصحة وصال​

 

[القطة الزهرية]

سلالالالالالالالالالالامو ختي نتمنى تكوني لاباس :thumb_up2:
بالنسبة للموضوع نقولو ربي يهديهم:sadwalk: حتى انا نهار تحجبت قالولي غبنتي روحك وشعرك مانعرف واش رطب وعلاه تخبي فيه وانا درت الخيمار غير كي عاد شعري حرش:scared:_o:_o: ووووووو ايا انا مانسمع بحتى واحد ندير الي في راسي او واحد مادخلو على خاطراش ارضاء الناس غاية لاتدرك :thumb_down::closedeyes:

 

[adel-mz]

سلام
بيان سير ماشي نورمال هادي الفئة
هادو المستهزؤون بالناس وهم الجهال
يجعلون الحق باطلا والباطل حق .
الله يهديهم ويهدينا
بارك الله فيك اختي
​

 

[kadysom]

دعاة جهنم
ربي يهدينا

 

[***بنت الوادي***]

[هم فاسدين ويحبو يفسدوا العباد معاهم .. وش هالفئة الغريبة هادي .. الله يكفينا شرهم /size]

 

[★ ميمي dz ★]

الله يهدينا
مشكووورة ع الموضوع

 

[سلفي والحمد لله]

أهل بيك وصال

انا في مثل هذه المواقف نتفكر اواخر سورة المطففين
" إن المجرمين كانو من الذين آمنو يضحكون، وإذا مرو بهم يستهزؤون، وإذا انقلبو إلا اهلهم انقلبو فاكهين، وإذا رأوهم قالو إن هؤلاء لضالون ..." الأيات

​

وشبيك يا سفيان وإذا مروا بهم يتغامزون ماوش يستهزؤون
يخي حابس يخي ههههه
و بارك الله فيكم اختي الكريمة صاحبة الموضوع
صراحة دايمن نسمعوا لحكايات هاذو تاع اللحية منافقين تاع الجلباب منافقات يديرو حوايج الرحمةفي المتبرجات وغير ذلك من الشتائم بصح نهار طيح بيهم مايلقاو غير تاع اللحية وتاع الجلباب لي يثيقو فيهم ويجيو يحاولو هاذيك الساعة
نسال الله الثبات على الحق وان يتوفانا مسلمين
​

 

[ماكانش]

راني صصحتها يا السلفي خويا
ياخي علابالك مادام مازلت مانيش مزوج مانيش راح نتريقلا ههههههه

 

[حنان18]

سلام أختي ان شاء الله تكوني مليحة موضوع ممتاز صح هاد الفئة من الناس جايحين صح كي ديري الحجاب يهبلوك بسخافة التعهوم راه كي درتيه أنت شابة بلا حجاب وكيفاه خبيتي شعرك و الله معلبلهومش بلي الحجاب ربي أوصانا بيه.

 

[***سوسن الجزائرية]

السلام عليكم

موضوع في القمة شكرا على طرحه

على بالك انا نهار لي درت حجاب شرعي هو العام الأول ديالي فالليسي داك العام طاحو فيا أساتدة قاع متبرجات و التلميدات كيف كيف كنت أنا المستورة فيهم هوما يقولولي كيفاه راكي حاملة قاع هد الميترا تع الخمار ؟

وياويلهن لي غلطت معايا كنت ديما نتكلم معاهم على دين و هوما يغالبوا زعما فور عليا كاين لحد الآن لي هداها ربي و كاين لي مزالها تلعب في هواها بصح معليهش الانسان مليح يكون يمشي مع راسو برك ومكانش لي يدبر عليه ويلزم ديما يتفكر بلي جاء لهد الدنيا باه يرضي الله و رسوله عليه الصلاة و السلام هدا مكان.

وشــكـرا.

 

[minattou]

والله العظيم غير طحت في هادو المواقف بزاااف

بصح واش نديرو ؟ نطلبو ربي يهديهم هادا ماكان