100 غرام زيتون ...100 غرام فرماج...ايترا لبن....بففف انوثة في خطر

[لاجودان شاف]

• السلام عليكم ورحمة الله وبركاته

اهلا بجمييع ناس اللمة الناس ملاح وان شاء الله تكونو بخير

اليوم حبيت نحكيلكم على ظاهرة ومشكل حساس رانا نعانيو منو في مجتمعنا
وبداية هاذ الموضوع بدات من موقف مقرف شفتو قدام عينيا
من أيام وقت 12.00 رحت نقضي من عند لاليمونتاسيو - حانوت مواد غذائية - ومول الحانو صاحبي قضيت وقعدت شوي نقصر معاه
وحنا نقصرو دخلو 3 نسا زوج يبانو دي دام يعني مزوجات ووحدة
شابة صغيرة منظنش لكان مزوجة
مع دخلو سلمو على مول لحانوت وبداو يقصرو معاه شوي ...معريفة قديمة
بعدها قالهم مول الحانوت واش اليوم ثاني كي لعادة
قالولو لا اليوم راح نبدلو شوي ..لازم التغيير:sheer:
اليوم ماندييييوش الكاشير :sad:
شوف ديرلنا 100 غرام زيتون اسود
و200 غرام فرماج وزيدلنا زوج بايط تاع طون
وزيدلنا زوج خبزات طايبين
وهو بدا راح يسربيلهم نطقت وحدة قاتلهم مالا اسناو هنا نقفز للبيتزريا
نجيب gالات بيتزا ونجي
نطقت الشابة لخرى قاتلهم يوخاه والله غير سخفت على شوي بن - لبن-
نطقت وحدة قاتلها والله صح انا كل يوم نقول نهبط البيدونة نحطها في البيرو
باه كي نسخفو نشريو شوي
مالا مول لحانوت نظملهم امورهم ومسكين قالولومركي وراحو....
لما خرجو سقسيتو قتلو واش الgاز راهو يروح هنا في هاذ الوقت
قالي لا علاه ...قتلو نظن ماطيبوش لغدا راهم ماديين دي روبا فروا
هههههههه ضحك عليا وقالي لالا هاذو لخدمات
هاذو هوما زعما المرأة العاملة
قالي يخدمو في الادارة لي هنا في الحي وعندهم غير ساعة برك ما يقدروش يروحو
علابالكم لما شفتهم وش تفكرت ..تفكرت الماصو تاعنا بكري
عمي الطيب ايييييه لما كنا نروحو نطلو عليه وقت لغدا وهو في الشونطي
يقولنا تعيشو جيبولي شوي زيتون وفرماج نتغدا
ويهز قرعة تاع ماء يغسلها ويجيب فيها شوي قازوز
سقسيت مول لحانوت قتلو تعرفهم مليح راك تقصر معاهم ..قالي هيه
قتلو كاشما فتحت معاهم موضوع الخدمة هاذي وعلاه عليهم هاذ الشقا
قالي هيه
-قالي وحدة قاتلي حابة ندير اباغتومون تاعي باسمي
راجلي مايتامنش
-وحدة قاتلي حابة نخرج ATOS ندور بيها في la ville
لثم قلت صح
عليها رانا نشوفو في الرجال يطايشو في المطاعم ولي بيتزريا
يعني نزوج ب 70 مليون ونزيد ناكل برا
وعليها جيل ذرك تاع لولاد عادو كامل مش متربيين
وكامل يهدرو غير الهدرة الزينة لي تعلموها من لاكراش
هزوها من عند طاطا سوسو المربية زعما تاع دار لحظانة
منين تدخل وهي مدايرة لكيت وتهدر ولي يدير لحس من لولاد
تهدرلو عذب الكلام
هيا مليح بصح وش راح نعملو الله غالب
وشي هو حبيت برك نوجه رسالة معاشر النساء من القلب
حبيت نقولهم بلي اجمل حاجة في المرأة هي الانوثة تاعها
وممكن حتى تتغلب على الجمال الفيزيائي تاعها
ومن بين الامور لي تخلي انوثة المرأة تزداد جمال
هي حشمتها وحيائها ...وضعفها وقلة حيلتها وقلة جهدها
وحاجتها للقوة من عند الغير وتسترها على الناس
حتى في امورها العادية كأكلها وشربها وكلامها
يعني في رايكم هاذي انوثة... 3 نسا وحدة هازة شكارة تاع فرماج وزيتون
ولخرا هازة شكارة تاع بن -لبن -
ووحدة تجري بgالات بيتزا وراييحن حاكمين الطريق والشمس ولقوايل
وغير يزربو باه يوصلو للبيرو ويديرو ديسوندويتش زيتون
قبل ما توصل 13.00 وقت الدوام الثاني ؟؟؟؟
انا لو سقساوني نقولهم والله ماي انوثة هاذي
انا هكذا تبالي منعرف راني صح ولا غير نلبز​

ونتوما قولولنا وش رايكم ​

​

 

[الجزائري05]

شوف يالشايب والله نلقاك نخلصلك قهوة على الميضوع هذا

صحيت في كل ما قلتو

و اذا كانت العقلية هكذا راني براسي خير

ولا واش قالو
​

 

[***بنت الوادي***]

شوف اخي يعني يمكن معك حق في معظم كلامك انو المرأة لازم يكون عندها حياء وحشمة والاخلاق وهذا شي ضروري .. وهن اكيد غالطات في طريقه تصرفهم مثلا مع موله الحانوت صاحبك (يقصرو معاه) ولوخرى راحت تشري في البيتزا (على حد علمي البيتزيريا للشباب) الله يهديهم .. مي كاينه نساء تخدم باه تعاون راجلها او يمكن باه اتوكل وتشرب اطفالها في حاله أبوهم متوفي أو معاق أو مش قادر ويكونوا طبعا مكتسبين صفه الحياء وهادم لازم نتقبل وضعهم ونتقبل خدمتهم ومانقولوش بلي لازم تقعد في دار طيب لراجلها (عليها رانا نشوفو في الرجال يطايشو في المطاعم ولي بيتزريا
يعني نزوج ب 70 مليون ونزيد ناكل برا)
... مع اني انا من جهة نشوف المجال الانسب للمرا هو ميدان الصحه او التعليم فقط احسن من الجهة الشركات والمكاتب

 

[لاجودان شاف]

شوف يالشايب والله نلقاك نخلصلك قهوة على الميضوع هذا ​

صحيت في كل ما قلتو​

و اذا كانت العقلية هكذا راني براسي خير ​

ولا واش قالو​

ههههه خلاص خويا قهوتك مشروبة
مليح علابالي بلي راك توجور معايا في العقلية
وهي كيما قلت مليح نريحو برويسنا خير
بصح الحنان منين راح ندبروه
مشكور خويا
:re_gards:​

 

[أم راضية ~_]

سلااااموووو
يا خويا يعطيك آلصحة جبتها و عندك الحق في كلش، ::thumb_up2:ماهمش نسا :schmoll:
أنآ طفلة و مادابيا لوكان نخدم بصح juste pour le plaisire ولا باش نعاون الراجل :shay:،ماشي باش ندير دار ولا نزوخ و نبين روحي بالطونوبيل :sadwalk:
أنا نقول هاد النوع من النسا حابين برك الخرجات و الدخلات و الماكلة بلا تعب كلش من الحانوت:sad:

إيييييييييه وين راهم نسا تآع بكري أنوثة في العمل ،الطبخ ، اللبسة ، الهدرة، .......... الله يكون في عون الرجال هههه:shiny:
والله يكون في عون النسا تاع الصح الي طاحو في رجال طماعين :sad:
''و الله يهدي ما خلق ''
موضوعك مليح و يستاهل تقييم ++ :thumb_up1: :thumb_up2:
و كلامك حلو يسستاهل كل التقدير و التشجيع بارك الله فيك :thumb_up1: :lolo:

 

[اجمل زهرة]

يعطيك الصحة ، من أروع المواضيع ما زدتش شفت موضوع كيما هذا من يامات 2008 يا حسراااه
هاذوك الخدامات زعما ( ماشي كامل كيف كيف على كل حال )
بصح الأغلبية ماهمش قايمين بواجبهم لا مع ولادهم لا مع دارهم
همهم غير الدراهم و التقلاش و التحواس ....
الله يهديهم
بصح كاين لي الحمد لله والله غير ماشاء الله قايمين و ما يخص ديارهم والو
و ولادهم ماشي طيش برك لي عندها يماها مازالت تقدر تديهم عند يماها
هوما راهي عاجبتهم حياتهم هنيني نهنيك و خلاص
​

 

[hiba14]

شت كيفاش هادي اللي دايمن نقولها

 

[إيمان قلب]

السلام عليكم
واش نقولك موضوعك طويل بالصح هايل هايل هايل
في هاذ الوضع نتخيل ولادها وين راهم وواش راهم ياكلو ورجالهم تاني
دارهم كيفاش راهي دايرة .... كامل هذو في حالة
وكي نقولو المرة كي تكون متزوجة غير تبعد الخدمة يقولك لالا تقدر توفق بيناتهم
مكاش كيما وحدة تتربع على عرش الانوثة في دارها ويجيو ولادها من ليكول يلقاو الفطور سخون
وراجلها يجي تعبان يلقى مرة تقوم بيه , نزيدك حاجة كاينين نساء كيما والفو الماكلة تاع برا قاع كي يكونو فاكونس
ومايطيبوش فالدار وهذه مرة خدامة قالتهالي
الله يستر
يعطيك الصحة + تقييم​

 

[لاجودان شاف]

للمرا هو ميدان الصحه او التعليم فقط احسن من الجهة الشركات والمكاتب

شوفي ختي راني معاك في كامل وش قلتي
صح لي محتاجة صح وعندها ممكن ولاد تصرف عليهم هاذيك باينة خارجة موضوعنا
ولا ممكن راهي تتعاون هي وزوجها باه يديرو بيت لانهم غلبو من الكراء
راني معاك
وكيما قلتي المجال الوحيد للعمل تاع النسا هو الطب النسائي برك
مشكوووورة
:re_gards:​

 

[ماكانش]

اهلا بيك يا الشيخ
مواضيعك طوال لخصنا شوي ههههههه
كيفاش حابين تغبنو النسا في الديار ولا واش ؟؟؟ هههههه
يقلك لمرا تلقى غير خدمتها
انا نلوم الراجل الطحان ألي يقبل بمرتو تخدم وهوا يروح يقلي زوج عضمات وينصب البرمة للعشا ء، علابالك علماتو كيفاش ينصب البرمة تاع الماكلة ...​

 

[لاجودان شاف]

سلااااموووو
يا خويا يعطيك آلصحة جبتها و عندك الحق في كلش، ::thumb_up2:ماهمش نسا :schmoll:
أنآ طفلة و مادابيا لوكان نخدم بصح juste pour le plaisire ولا باش نعاون الراجل :shay:،ماشي باش ندير دار ولا نزوخ و نبين روحي بالطونوبيل :sadwalk:
أنا نقول هاد النوع من النسا حابين برك الخرجات و الدخلات و الماكلة بلا تعب كلش من الحانوت:sad:

إيييييييييه وين راهم نسا تآع بكري أنوثة في العمل ،الطبخ ، اللبسة ، الهدرة، .......... الله يكون في عون الرجال هههه:shiny:
والله يكون في عون النسا تاع الصح الي طاحو في رجال طماعين :sad:
''و الله يهدي ما خلق ''
موضوعك مليح و يستاهل تقييم ++ :thumb_up1: :thumb_up2:
و كلامك حلو يسستاهل كل التقدير و التشجيع بارك الله فيك :thumb_up1: :lolo:

صحيحة ختي
هاذ النسا حابين غير يدخلو ويخرجو برك
دوخوهم المصريات بحكاية - زهآنة من أعدة البيت - هههههه
بصح حاجة مفهمتهاش
قلتي انوثة في العمل والطبخ والهدرة واللبسة ...كيفاه
في اللبسة والهدرة ممكن راني معاك
بصح في الطبخ كيفاه
زعما لي دير دي بلا ملاح ومودارن انثى
ولي دير لوبيا وعدس ناقصة انوثة .هههههههههههه....رجلة :santa_1:
منعرف
المهم شكرا
:re_gards:​

 

[سلفي والحمد لله]

يعطيك الصحة
ماراكش تشوف في باتنة معبية بالبيتزيريات
في كل شوكة تلقى بيتزيريا
سليم نسيبك لعزيز ....خليل...... بوليار...... الصالح .....بوبو
رود الماكلة الكوزينة الاخ الميgري الروتيسري تاع الصالح خو ميلودة..... كريوط هههه صابر شاكر لي ملاخسو هههههههه
​

 

[لاجودان شاف]

اهلا بيك يا الشيخ

مواضيعك طوال لخصنا شوي ههههههه
كيفاش حابين تغبنو النسا في الديار ولا واش ؟؟؟ هههههه
يقلك لمرا تلقى غير خدمتها

انا نلوم الراجل الطحان ألي يقبل بمرتو تخدم وهوا يروح يقلي زوج عضمات وينصب البرمة للعشا ء، علابالك علماتو كيفاش ينصب البرمة تاع الماكلة ...​

هههههههههههه
هههههههههههههههه
ههههههههههههههه
خخخخخخخخخخخخخخ
خخخخخخخخخخخخخخخخ
خخخخخخخخخخخخخخخخخخخ
خقخقخقخقخقخقخقخقخقخقخقخقخقخقخقخقخ
هاي هاي هاي هاي هاي هاي هاي هاي هاي
خخخخخخخخخخخخخخخخخخخخخخخخخخخخخخخخخخخخخخخخخ
اسمحلولي برك يا الاعضاء نسوطي برك للرد هاذا لانو مزرورب
ياوخذي سب رجال الجزاير كامل ياوخذي ليوم ينحيوك هههههه
كيفاه علماتو ينصب لبرمة هههههههههههههههههههه
وهو وش علمها كيفاه دير السنتورة في السروال
وتسيرج صباطها وتخرج تهز فرووووووود
هههههههه​

 

[لاجودان شاف]

يعطيك الصحة ، من أروع المواضيع ما زدتش شفت موضوع كيما هذا من يامات 2008 يا حسراااه
هاذوك الخدامات زعما ( ماشي كامل كيف كيف على كل حال )
بصح الأغلبية ماهمش قايمين بواجبهم لا مع ولادهم لا مع دارهم
همهم غير الدراهم و التقلاش و التحواس ....
الله يهديهم
بصح كاين لي الحمد لله والله غير ماشاء الله قايمين و ما يخص ديارهم والو
و ولادهم ماشي طيش برك لي عندها يماها مازالت تقدر تديهم عند يماها
هوما راهي عاجبتهم حياتهم هنيني نهنيك و خلاص ​

شكرا ختي هذا من لطفك:shay:
صحيحة في وش قلتي
كان لي هملو بيوتهم خلاص وهوما لي رانا نهدرو عليهم
وكاين لي قدر يوفقو بصح بشق الانفس
لانها مهمها كان هي ثاني تبقى عبد وتحتاج شوي راحة
واي خدمة تعيي
مشكوووووورة
:re_gards:​

 

[ماكانش]

هههههههههههه

هههههههههههههههه
ههههههههههههههه
خخخخخخخخخخخخخخ
خخخخخخخخخخخخخخخخ
خخخخخخخخخخخخخخخخخخخ
خقخقخقخقخقخقخقخقخقخقخقخقخقخقخقخقخ
هاي هاي هاي هاي هاي هاي هاي هاي هاي
خخخخخخخخخخخخخخخخخخخخخخخخخخخخخخخخخخخخخخخخخ
اسمحلولي برك يا الاعضاء نسوطي برك للرد هاذا لانو مزرورب
ياوخذي سب رجال الجزاير كامل ياوخذي ليوم ينحيوك هههههه
كيفاه علماتو ينصب لبرمة هههههههههههههههههههه
وهو وش علمها كيفاه دير السنتورة في السروال
وتسيرج صباطها وتخرج تهز فرووووووود

هههههههه​

هههههههههههههه
ههههههههههههههههههه
هههههههههههههههههههههههه
علماتو كيفاش ينصب وقاتلو الفلفل ماديروش حتى نجي هههههههه
كيما قلتي علمها كيفاش تهز فرود هههههههههه
ههههههه
​

 

[لاجودان شاف]

شت كيفاش هادي اللي دايمن نقولها

هههههه
هاني قلتها
شكرا
:re_gards:​

السلام عليكم​

واش نقولك موضوعك طويل بالصح هايل هايل هايل
في هاذ الوضع نتخيل ولادها وين راهم وواش راهم ياكلو ورجالهم تاني
دارهم كيفاش راهي دايرة .... كامل هذو في حالة
وكي نقولو المرة كي تكون متزوجة غير تبعد الخدمة يقولك لالا تقدر توفق بيناتهم
مكاش كيما وحدة تتربع على عرش الانوثة في دارها ويجيو ولادها من ليكول يلقاو الفطور سخون
وراجلها يجي تعبان يلقى مرة تقوم بيه , نزيدك حاجة كاينين نساء كيما والفو الماكلة تاع برا قاع كي يكونو فاكونس
ومايطيبوش فالدار وهذه مرة خدامة قالتهالي
الله يستر

يعطيك الصحة + تقييم​

هههههه علابالي بلي هايل هايل هايل
وهذا وين تقييمك راهو وصل سخون شكراااااا
انا نقولك وينو راجلها وولادها
راجلها راهو نهار يضرب هومبورغار في البيتزريا نهار يضرب لوبيا عند الطباخ
نهار يتغدي عند يماه ونهار راهو صايم ...حقا قالك نصوم الايام البيض
وولادها لي يقراو في ليكوا تعطيهم 5 الاف للواحد كي يخرجو يشريو شيكولا وحلوة يتغداو بيها
عليها سنيهم كامل رايبين مساكن
والصغار راهم في لاكراش عند سوسو الفرشيطة
سوسو الفرشيطة تحاوزت من السنة الرابعة في الابتدائي
وراهي تربي في الاجيال الصاعدة
+
وكيما قلتي ماكانش قد المرأة تتربع على عرش الانوثة
علاه مايش في البيت والغداء راهو فوق الكوزينيار سخون ونظيف
والدار نظيفة مسيقة ومفححة وكلش منظم
اييييييييييييييييه الزهر
مشكوووووووورة ختي
​

 

[AHLEM1992]

لالا لبنات دوكا لازم يحكمو الدار
و يحبسو القراية و ما يفكروش في الخدمة
هكدا هي الحالة مع الجزايريين
..
ملاحظة خارج موضوعك : الي تقول الصحة احسن مجال للعمل راهي غالطة
كي تولي تحكم لاغارد في الليل تبانلها الخدمة
..
يعطيك الصحة هدرت و بالغت شوي
مانيش عارفة واش دخل الزيتون في الانوثة
.
.
و هدا رأيي​

 

[beautiful -soul]

وعليكم السلام و رحمة الله تعالى و بركاته
​

-قالي وحدة قاتلي حابة ندير اباغتومون تاعي باسمي
راجلي مايتامنش

وي عندها الحق ....الوقت لي رانا عايشين فيه ما بقا حتا واحد يتامن!!!

-وحدة قاتلي حابة نخرج ATOS ندور بيها في la ville

ايه عندها الحق علاش لااا ........!!

لثم قلت صح
عليها رانا نشوفو في الرجال يطايشو في المطاعم ولي بيتزريا
يعني نزوج ب 70 مليون ونزيد ناكل برا
وعليها جيل ذرك تاع لولاد عادو كامل مش متربيين
وكامل يهدرو غير الهدرة الزينة لي تعلموها من لاكراش
هزوها من عند طاطا سوسو المربية زعما تاع دار لحظانة
منين تدخل وهي مدايرة لكيت وتهدر ولي يدير لحس من لولاد
تهدرلو عذب الكلام
هيا مليح بصح وش راح نعملو الله غالب

...ماشي هاديك هي السبة يا اخي لي راك تقول عليها...
الرجال لي يطايشو في المطاعم كيما راك تقول انتا هوما لي داروها بيديهم
...بكل صراحة...
وتاني يا اخي ماتلومش علينا على حالة لولاد لي راهم فيها انتوما تاني مسؤولين عليهم
...وكيما راك تقول لاكراش ...راك غالط انا راني نشوف لاكراش تعلم فيهم الاخلاق و التربية ...ماشي اي كراش لي يجي يدير كراش و خلاص!!! اكيد تحط ولادك في كراش المربية لي فيها ماتتمتعش بالمؤهلات باش تكون مربية اكيد راح يكون الولد ماشي متربي...دركا كاين لي كراش ماشاء الله عليهم...

وشي هو حبيت برك نوجه رسالة معاشر النساء من القلب
حبيت نقولهم بلي اجمل حاجة في المرأة هي الانوثة تاعها
وممكن حتى تتغلب على الجمال الفيزيائي تاعها
ومن بين الامور لي تخلي انوثة المرأة تزداد جمال
هي حشمتها وحيائها ...وضعفها وقلة حيلتها وقلة جهدها
وحاجتها للقوة من عند الغير وتسترها على الناس
حتى في امورها العادية كأكلها وشربها وكلامها
يعني في رايكم هاذي انوثة... 3 نسا وحدة هازة شكارة تاع فرماج وزيتون
ولخرا هازة شكارة تاع بن -لبن -
ووحدة تجري بgالات بيتزا وراييحن حاكمين الطريق والشمس ولقوايل
وغير يزربو باه يوصلو للبيرو ويديرو ديسوندويتش زيتون
قبل ما توصل 13.00 وقت الدوام الثاني ؟؟؟؟
انا لو سقساوني نقولهم والله ماي انوثة هاذي

يكون في علمك خويا المرأة تبقى مرأة سوا كانت عاملة او ربة بيت
و الانوثة و الحشمة و الحياء و قلة الحيلة و .......صفات تقدر تكون و تقدر ماتكونش عند المرأة العاملة او ربة بيت....علاش وش راكم حاسبين المرأة العاملة
المرا لي خرجت تخدم عندها أسبابها ماكاش مرا تحب الشقا ليها
...هادو لي راك تحكي عليهم:
3 نسا وحدة هازة شكارة تاع فرماج وزيتون
ولخرا هازة شكارة تاع بن -لبن -
ووحدة تجري بgالات بيتزا وراييحن حاكمين الطريق والشمس ولقوايل
وغير يزربو باه يوصلو للبيرو ويديرو ديسوندويتش زيتون
قبل ما توصل 13.00 وقت الدوام الثاني ؟؟؟؟
شفت كيفاش عايشين؟؟؟؟...و+ الحياة تبدلت و المعيشة رجعت صعيبة
مابقاش كيما بكري في 10 ولاد ادا تغداو مايتعشاو
يرقدو كامل في شمبرة وحدة ...دركا لازم كل واحد شمبرتو و المالكة كيفاش لازم تكون و التحواس هادي لازمة....و....و........!!!
...ونزيدك خويا كل مرا ادا حبت تخدم عندها الحق
مالا علاش انا قريت و تعبت ...باش نخدم و تكون عندي مكانة في هاد المجتمع
........

انا هكذا تبالي منعرف راني صح ولا غير نلبز

ونتوما قولولنا وش رايكم ​

انتا قلت رايك و انا قلت رايي...
...تقبل تحياتي
سلام!!
​

​

 

[natalie.dz]

مع كل احتراماتي لرأيك, ومع ان سبب عمل هذ النسا غير منطقي مي اسمحلي نقلك لوكان صاح جا الراجل قوام على المراة كما يلزم مالحقناش لهاذ الزمان, ولا واش قلت

 

[naGam]

والله ياخويا ماعندنا مانقولوا راك قلت كلشي
مي واش رايح دير هاذي هي العقلية ادي ولا خلي
​