لقــــــــاء الامنيات بالتقاء الوردتان شجون الروح وأمينة16

[شجـ الروح ـون]

السلام عليكم
بعد تردد كبير وحساسيات وبروتوكولات زايدة:shay:
كلمت امونة حبيبتي "امينة 16 "
وخبرتها انو ليا زيارة للعاصمة في نهاية الاسبوع
اذا سمحت ظروفها انو حبيت نتلاقاها وامنيتي نشوفها

وكانت اجابتها بالقبول كيف العادة
عمرها ماترد اي انسان:shay:
وتفاهمنا تلاقاو نهار الخميس وانا طايرة من الفرحة
يوم الاربعاء كلمتني امونتي

​

امينة: واش فيها غدوة ؟؟؟
سامية: oui b1 sur
وينتا نتلاقاو صباح ولا عشية ؟؟؟؟
امينة: (واش بيها المخلوقة هدي الناس يتفاهمو عالبلاصة وهي تسقسي وقتاه ؟؟؟ )_o:
ماش صباح بكري وماش عشية باش يكون الواحد الاز
وزيد قوليلي وين قبل ممبعد الوقت ساهل

سامية :ههههه وين حبيتي امونتي تحبي تجيني تحبي نجيك
امينة :ماتقوليليش وين حبيتي شوفي واش يخرج عليك
سامية: هههه خلاص بطلت مانجيش:scared:
خيري انتي امونة البلاصة اللي تخرج عليك
امينة :تعرفي الشمونوناف ؟؟؟
سامية: وي نعرفها نتلاقاو لتم ؟؟؟:shiny:
امينة :تعرفي ساحة الشهدا ؟؟؟
نتلاقاو لتم
امينة :الفوارة نتاع الشوموناف تعرفيها؟؟؟
سامية :فوارة ؟؟؟؟؟؟:mellow:

امينة: لالالالالا سمسوم مرانيش حابة نتلفهالك
سامية :هههههه
امينة :ريحي وين راكي وانا نجيك
سامية: اوك عمري نستناك جوايه 11

واخيرا تفاهمنا عالمكان والزمان
​

لحق الخميس ورحت وين تفاهمنا نتلاقاو

لالة مولاتي حصلت فالسيركيلاسيون ههههه
لطعتني ساعة وانا نبرونزي هههه

وانا قاعدة الbus اللي يحبس

نديرلو سكانار واللي تنزل نشوف معاها
​

زعمة هدي امونة ؟؟ لالا ماشكيتش ؟؟:no_no:
زعمة هدي نو ماش هي هههههi-o:
واخيرا صونا البورتابل وخبرتني امونة انها وصلت
ووصفتلي بلاصتها ولبستها

ومن الشر اللي فيها وقفت في وسط 500 بنادم هههه

واخيرا لقيت امونة تلاقينا ودرنا دومي جورني باهييية صدعتها بالكلام ههه راحت راسها يوجع
وجبناها من اللمة للاعضاء

الخضر الحمر الغوز الموف حتي القري ما خطيناهمش هههه
كلمنا بشبش هبلناها شوية ودوخناها مسكينة مافهمت والو هههه
:like_1::like_1:
المهم حبيت نقوللكم كان احلى يوم جوزتو
مع انو امونة ماقدرتش تركب شجون الروح على سامية فالواقع :du_nno:i-o:
ماركبولهاش مع بعض ههههه
مالا جيت نبيعلكم على امينة هههه

بزيادة على طيبتها وقلبها الابيض واخويتها مع الجميع فهي انسانة ماشااااااااء الله
ادب واخلاق ودين وجمال روح وسعة خاطر و ....:luve_2::luve_2::luve_1:.. هههههه
نخاف تزعف هههه:yaw:
تشرفت بمعرفتك امونتي
وجوزت معاك احلى وقت ابدا ماحسيتش انها اول مرة نشوفك على العكس
والوقت معاك فاتت بالخف:crying_1:
ربي يحميك عمري ويوفقك ويهنيك ويعطيك حساب قلبك الطيب يا طيبة
قبل ماننسى

ان شاء الله تتزوجي قبل العيد ههههه:like_1::music_whistling:
.
.
تحياتي للجميع​

 

[ماكانش]

كلشي مبروك لقاء رائع بين رائعتين
احم ربي بارك
واقيلا نخطبو من العاصيمة ونتهناو ؟؟؟ ههههههههه
ههههههه​

 

[SAFA-94]

ربي يخليكم لبعض ​

 

[مرام التيبازية]

سلام
مبروك عليك ربي يكمل ويهنيك بصح تعرضيني.
المهم مليح كي تلاقيتوا ربي يدومها وانا تاني نتمنى تلاقا بيكم كامل ياربي.
تحياتي ليكم

 

[هــــيلدا]

ربي يخليكم لبعض ويعيد جمعتكم يآرب،
أكيد مكانش حآجة أحلى من اللقاء، انا تلاقيت أكثر من 20 عضو(ة) هنا في اللمة، ومتتصوريش فرحتي كل ما نحب نتلاقى واحد، وضرك ولينا اخوة نتاع الصح،
ربي يجمع لمتكم ونشالله نتلاقاو منو هكذا معاكم حنا ثاني

 

[iméne09]

ربي يدوم لمتكموربي يخليكم لبعض
وبصحكتم جورني​

 

[شجـ الروح ـون]

تم اعتماد الموضوع واخيرا بعد
29 ســـــــــــــاعة...
حتى قريب تلاقينا مرة اخرى ههه
شكـــــــــــــرا
​

 

[إيمان قلب]

يالموصيبة اصبري تشوفي حطيتي الموضوع خليلي هاذ البلاصة حتى نرجع
وبلاجدك ق اديري زيارة لتيارت وانتي مش باقية ههههه

 

[إيمان قلب]

اولا اللي يسمعك تقولي تبرونزيتي يحسبك انتي بيضاء حيييييييرة
والزاوجة يامقلوعة فيا انا ماكانش لكريدي ياااااك معليهش فضحتي روحك
والثالثة قوليلي واش قطعتي فيا
والرابعة أحم أحم خليني بلاك نعرف نهدر
لقاااء رائع لأروع وردتين حتى وكاينة وردة خير من الأخرى اللي هي امونة اكيد بالصح معليهش هههههه
ربي يدوم المحبة ياااااارب ومايحرمني منكما انتوما زوج
ماتنسايش وعدك ليا ياك قلتيلي اني نجيك هههههه والله نكوبي الرسالة ونحطها هنا ههههههههههههه
ايا زينونتي صحيتي على اللقاء كون جا مصور خير ههههه
ورااجعة نعلق علبالي دوك تبداي فالكذب ونقارعو لامونة تشرف الصفحة باش تقوللنا
كيفاش كانت سامية نهار الخميس​

 

[شجـ الروح ـون]

كلشي مبروك لقاء رائع بين رائعتين
احم ربي بارك
واقيلا نخطبو من العاصيمة ونتهناو ؟؟؟ ههههههههه
ههههههه​

ربي يبارك في عمرك خيي
برك حبيت نسقسيك
كيفاش تدير باش تكون اول واحد يكتب رد في كل المواضيع ههههه
عييت نفهم ههه
هههههه وي مكاش كيف بنات العاصمة i-o:
خلاص المرة الجاية وين مانكون راح نتلاقى عضوة نخبرك
باش تجي معايا ههههههه
ادا تروح دير دوموند كتابي هنا ههه
شكرا عالمرور الطيب خيي
تحياتي
:re_gards:
​

 

[ISMA.dz]

صحا يا أمونة يالزلاية

هاذي لي تعيطيلي نتلاقاو؟؟؟:schmoll::schmoll:

دوماج كنت خدامة سينو رجلي على رجلكم نلصق فالرودة :showoff:

ماعليه المهم زهيتو وحوستو بصحتكم

وبصحتك البرونزاج هههههههه


سلام

​

 

[nada242008]

ما شاء الله وما اجمله من لقاء .. انت تحكي وانا نتفكر كيفاه تلاقيت مع احلى عضوات في اللمة
ربي يدوم محبتكم ويجمعكم دنيا واخرة ان شاء الله

 

[شجـ الروح ـون]

ربي يخليكم لبعض ​

اللهم امين
ويخليك اختي
ربي يحفظك
​

 

[شجـ الروح ـون]

سلام
مبروك عليك ربي يكمل ويهنيك بصح تعرضيني.
المهم مليح كي تلاقيتوا ربي يدومها وانا تاني نتمنى تلاقا بيكم كامل ياربي.
تحياتي ليكم

وعليك السلام مرمورة
يبارك في عمرك حبيبتي
تسلميلي حنونة
ان شاء الله اختي ربي يجمعنا في ساعو الخير
ونتلاقاو كلنا
واطيب تحية ليك يا طيبة
​

 

[إيمان قلب]

ربي يبارك في عمرك خيي
برك حبيت نسقسيك
كيفاش تدير باش تكون اول واحد يكتب رد في كل المواضيع ههههه
عييت نفهم ههه
هههههه وي مكاش كيف بنات العاصمة i-o:
خلاص المرة الجاية وين مانكون راح نتلاقى عضوة نخبرك
باش تجي معايا ههههههه
ادا تروح دير دوموند كتابي هنا ههه
شكرا عالمرور الطيب خيي
تحياتي
:re_gards:
​

هههههههههههههه هذه اللي حيراتك وا ههههه مخبوطة تاع الصح
اسمعي نروح معاكم معليهش ياك مركيتيني فالكرني ولا بطلتي ؟​

 

[ISMA.dz]

هههههه وي مكاش كيف بنات العاصمة i-o:

:re_gards:
​

عجيتني هاذي

ربي يحفظك ::sheer::shay::sheer::sheer:​

 

[شجـ الروح ـون]

ربي يخليكم لبعض ويعيد جمعتكم يآرب،
أكيد مكانش حآجة أحلى من اللقاء، انا تلاقيت أكثر من 20 عضو(ة) هنا في اللمة، ومتتصوريش فرحتي كل ما نحب نتلاقى واحد، وضرك ولينا اخوة نتاع الصح،
ربي يجمع لمتكم ونشالله نتلاقاو منو هكذا معاكم حنا ثاني

ويخليك اسرا
شكرا حبوبة
والله صحيح حلاوة اللقاء مافيش احلى منها
وخاصة وقت تتلاقاي بناس حبيتيهم من ورا ليكرون برك
اكيد الفرحة تكبر وقت تكتمل الصورة وتشوفيهم فالواقع
ان شاء الله تتلاقاو الكل
وربي يجمعنا في ساعة الخير يارب
سلامي اختي
​

 

[شجـ الروح ـون]

ربي يدوم لمتكموربي يخليكم لبعض
وبصحكتم جورني​

اللهم امين
شكرا ايمان حبيبتي
ربي ينورك حنونة
​

 

[ALEXIS SANCHEZ]

ثم انتهى اللقاء بعودة كل منهما الى البيت
خخخخخخخخخ

ربي يدوم المحبة ويبقي الستر وسيرتو سيرتو يبعد العين

​

 

[Houda Chaouienne DZ]

يا المصايب تلاقاااااو .. هههههه
قوليلي برك امينة سمينة ولالا ؟
هههههههههههههههههه
ربي يدومها ان شاء الله
...
لقاء شيق تمنيت كون جيت معاكم ههه
المهم .. ان شاء الله ما يكونش آخر لقاء
مارسي سمسم
​