شكون يقرا الكتابات؟؟؟

[أم راضية ~_]

السلام و عليكم و رحمة الله تعالى و بركاته

إن شاء الله راكم بخير ؟

يا جماعة حابة نعرف موقفكم لما تشوفو واحد قاعد يقرا في كاش كتاب ،واش رح تقولو بينكم و بين روحكم؟ تضحك عليه ؟ تتمسخر بيه ؟ ولا ديرونجيه ؟
ما تستغربوش هكدا يديرو الناس الجهالة :sad:

و هادي صراتلي ليا في المسيد لما يكون عندنا ساعة فراغ ولا يغيب كاش أستاذ في عوض ما نهدر هدرة فارغة ولا نسمع كلام ما يعجبنيش نجبد كتابي و راني نقرا فيه و الله غير ننسى روحي عالم آخر ، :luve_2:
صح ما غلطش اللي قال : ''خير جليس في الأنام كتاب'':luve_2:
حتى يجيك جاهل و جاهلة و يقولولك تلعبيها تقراي ، زعمة تحبي القراية :sad: :schmoll: ça me fait mal
و الله حسيت روحي في بلاد العجائب !!! !!! :cra_zy: :scared: :sad:
قولولي شحال عندكم من سوايع يروحو هكداك بآاطل بلا فايدة ؟ داخل الBUS ,فالصالة عند الطبيب ,.. إلخ
و شحال مليح كي تجوزوهم في حاجة مليحة تنورلكم عقولكم و تنفعكم و تبعدكم عن الأمور اللي ممكن تحملكم ذنوب و معاصي ...:sadwalk:و إدا قدرتو وعلاش لالا تقراو في كتاب الله ''القرآن'' يكون أحسن و أحسن
الكتاب لمن يعرف قيمة الكتاب هو الماء والهواء ..

أتمنى أن تعود أمة " إقرأ " للقراءة وتقرأ ...

بصراحة واحد ما رح يفهم حبي للكتاب إلاّ إدا كان هو مولع به :shay:

شكرا لكم للإصغاء و المتابعة و الرّد و التقييم :shiny: :shay: ​

 

[أم راضية ~_]

شكرا لإعتماد الموضوع

 

[hicham500]

موضوع في الصميم اختي الكريمة بارك الله فيك
فعلا ما قلتيه عين الصواب
المشكل هو انه حتى في المدرسة والثانوية والجامعة يرى الى من يقرأ كتابا بطريقة غريبة
وكأنه يفعل شيئا ضد تقاليد المجتمع والدين فمجتمعنا تربى وتعود على ان الدراسة هي من اجل الدراسة فقط والامتحانات داخل الصفوف في المدارس والجامعات او في البيت فقط اما بالنسبة للشارع او الساحات العامة فأكيد ان نظرة معظم الناس ستكون بعين الريبة للذي يطالع الكتب وكأنه يقوم بجرم
وثقافة المطالعة تكاد تكون منعدمة في بلادنا وفي معظم البلدان العربية كذلك للامانة ​

 

[adel-mz]

سلام
اختي والله لوكان تبعي كلام ونظرة الناس يخرجوك من عقلك
انت راكي ديري في الصح انو تملاي الفراغ بالمطالعة .
والاغبياء والجهلة هادي خدمتهم الاستهزاء والتمسخير
عوض يغتانمو غياب الاستاذ في مناقشة شىء مفيد
لالا
عند بالهم لي يجمع مع البنات والاولاد ويقعدو يحكو على الفيلم الاخير والالبوم الاخير نتاع المغني الفلاني واخر طراز الموبايل والسيارة
هي الفايدة باش يقولو عليه والله غير قافز وفايق .
الله يصلح الاحوال.

​

 

[ماكانش]

يعطيك الصحة يلديز
نفس الهدرة تتقال
مام انا كي نشوف واحد يقرا تجيني في بالي بلي راهو يلعب فيها ؟؟؟
مانعرف منين ورثنا العقلية هذي
بلاك صادفنا حالات تاع ناس تلعب فيها ايا ولينا نعممو
يعطيك الصحة​

 

[minattou]

والله غير عندك الحق اختي انا شحال من مرة تصرالي يضحكو عليا كي نقرا

وتاني شحال من مرة نسمع مثلا زوج بنات يقولو هاديك دات المعدل 18 باين فيها الليل طول وهي تقرا ويضحكو عليها

وتاني انا عندي بنت عمي عايشة في انجلترا وتجي تعقب العطلة فالصيف

مرة جات رايحة لانجلترا وهي في المطار شافت واحد يقرا في كتاب

حارت / قالت هدا سور ماشي جزايري

باسكو ماموالفاش بالجزايريين يقراو فالكتاب

 

[عالي الحمدي]

موضوع قيم وهادف يستحق التشجيع ...+++

بورك فيك اختي ..

وامة اقرأ .... لا تقرأ .

وارضاء الناس غاية لا تدرك .. الحاجة المليحة الواحد يديرها وامبعدا ما يهموا في الناس..

شكرا لك ..

 

[hiba14]

انعم نقراهم و الماكلة فوق الغز و انا نقرا

 

[chemssou007]

بسم الله الرحمن الرحيم
تحية أخوية
صراحة اعتبر المطالعة منذ كنت صغيرا صديقي الوفي الذي يؤنسني و يرافقني أينما حللت في الحافلة في المسجد و الملهى و الشارع.....
منذ اتذكر chemssou007 و هو يطالع و يطالع و بعدما يفرغ من المطالعة ماذا يفعل؟؟ يطالع كذلك
احب المطالعة و لا اقتصر على كتب محدودة و انما المجلدات الاسلامية و السياسية و الاقتصادية و كتيبات السياحة و كتب الالحاد و التشيع و الشيوعة و حتى الطبخ ههههههه كلما اجد امامي فهو قابل للقراءة
لا شك ان المطالعة تنمي الفكر و تجعل الانسان مثقفا و "مقيوما'' لدىـ الناس
لذا فسبب حماقة و بلادة الكثير من التلاميذ الحاليين هو عزوفهم عن المطالعة
تحيـاتي لك و ان كنت استطيع مساعدتك في بحثك عن أي كتاب فتفضل

تحيـاتي​

 

[مسلمة وافتخر باسلامى]

جامى واحد قالى راكى تلعبى فيها ومعلاباليش بالناس
حاجة طبيعية ونورمال

 

[fufa22]

حتى هادي مليحة في بلاصة ما راكي فالميكروو تفوتي الوقت شدي كاش كتاب خير

 

[Sẻl Mā]

هههههههه
اممم
انا منقراش من يخرج الاستاذ وحنا نهدرو
ياو هايلة
ههههههه
و هاذي { راكي تلعبي فيها تقراي}
شكون لي قالها
ومنين ورث هادي العقلية
هه
مشكورة على الموضوع

 

[أم راضية ~_]

موضوع في الصميم اختي الكريمة بارك الله فيك
فعلا ما قلتيه عين الصواب
المشكل هو انه حتى في المدرسة والثانوية والجامعة يرى الى من يقرأ كتابا بطريقة غريبة
وكأنه يفعل شيئا ضد تقاليد المجتمع والدين فمجتمعنا تربى وتعود على ان الدراسة هي من اجل الدراسة فقط والامتحانات داخل الصفوف في المدارس والجامعات او في البيت فقط اما بالنسبة للشارع او الساحات العامة فأكيد ان نظرة معظم الناس ستكون بعين الريبة للذي يطالع الكتب وكأنه يقوم بجرم
وثقافة المطالعة تكاد تكون منعدمة في بلادنا وفي معظم البلدان العربية كذلك للامانة ​

و فيك بارك
للأسف كل إنسان يقرا في كتاب خارج مجال الدراسة يشوفوه غريب ولا يقولولو حاط روحك من جماعة المثقفين اللي يلبسو الكلاسيك و يديرو النواظر :cra_zy:
و لهذا كتبت الموضوع هادا باش ما تزولش و ما تروحش قيمة المطالعة
شكرا ليك أخي الكريم
على مرورك السخّي

 

[أم راضية ~_]

سلام
اختي والله لوكان تبعي كلام ونظرة الناس يخرجوك من عقلك
انت راكي ديري في الصح انو تملاي الفراغ بالمطالعة .
والاغبياء والجهلة هادي خدمتهم الاستهزاء والتمسخير
عوض يغتانمو غياب الاستاذ في مناقشة شىء مفيد
لالا
عند بالهم لي يجمع مع البنات والاولاد ويقعدو يحكو على الفيلم الاخير والالبوم الاخير نتاع المغني الفلاني واخر طراز الموبايل والسيارة
هي الفايدة باش يقولو عليه والله غير قافز وفايق .
الله يصلح الاحوال.

​

المشكل ماهمش فايقين بالوقت اللي يضيع فالتفاهات :sad:

طلعتلي المورال :shiny: هدرتهم غير في الفراغ مادامني عارفة أني على صواب
صحيت خويا على كلامك و على مرورك
و الله يصلح أحوال المسلمين

 

[أم راضية ~_]

يعطيك الصحة يلديز
نفس الهدرة تتقال
مام انا كي نشوف واحد يقرا تجيني في بالي بلي راهو يلعب فيها ؟؟؟
مانعرف منين ورثنا العقلية هذي
بلاك صادفنا حالات تاع ناس تلعب فيها ايا ولينا نعممو
يعطيك الصحة​

الله يسلمك ''ماكانش'' :shiny:
بلاك إحتمال وارد i-o:
بصح مادابينا كل واحد عندو هاد التفكير يغيرو ; و يولي هو تاني يقرا
شكرا على ردك و مرورك

 

[أم راضية ~_]

والله غير عندك الحق اختي انا شحال من مرة تصرالي يضحكو عليا كي نقرا

وتاني شحال من مرة نسمع مثلا زوج بنات يقولو هاديك دات المعدل 18 باين فيها الليل طول وهي تقرا ويضحكو عليها

وتاني انا عندي بنت عمي عايشة في انجلترا وتجي تعقب العطلة فالصيف

مرة جات رايحة لانجلترا وهي في المطار شافت واحد يقرا في كتاب

حارت / قالت هدا سور ماشي جزايري

باسكو ماموالفاش بالجزايريين يقراو فالكتاب

هادا فاش شاطرين غير يعسو ,هادا شحال جاب و واش عندو :cra_zy:

إيه صح حنا الجزايرين ما عندناش هاد الطبيعة و ماناش موالفين بيها :sad:
بصح في وقت فات مانيش عارفة وقتاش ، تحكيلي ماما قاتلي: زمان كانو يقراو وين دوري تشوفي واحد حاكم كتاب صغير و حاط عينيه فيه ماشي يسكاني الرايح و الجاي :shiny:
و دوك تبدلت العقلية :schmoll:
صحيتي ختي على ردك و سلميلنا على فاميلتك
و بلاكي تخلي القراية و الكتاب :shiny: :shiny:
شكرا ليك

 

[إيمان قلب]

السلام عليكم
موضوعك رااائع اختي يالدز ربي يبارك فيك
صح كاينة هاذ الطبيعة بزاف فالليسي كيما قلتي كي يخرج
استاذ وتحكمي كتاب ماتلهايش بالهدرة الزايدة يشوفها ظاهرة غريبة وتبانلهم معقد
مام فالجامعة وعند الناس لكبار اللي زعما مثقفين تعرفي كاينة واحد المكتبة روووووووووووووووعة قمـــة , وفيها واحد الكتب اروع بالصح صدقيني غي كي تدخلي تلقايها شبه فارغة زوج من الناس ولا ثلاثة ,ماعندهاش بزاف شفت في أخبار mbc قالك نسبة المقروءية فالجزائر 7 بالمئة منعرف وين رايحين بهاذ العقلية
زيد كيما قلتي الواحد كي يكون في bus ولا فارغ شغل علاش مش يهز كتاب معاه يقراه أحسن له
مايهمش واش يقولو الناس مدامك مش ادير في حاجة تخالف امر ربي
يعني كون يشوفو واحد حاط كيتمان وداير غنا تبانلهم نورمال اما انك تقرى كتاب حاجة بيزار الله يهدي ماخلق
معذرة على الإطالة وألف شكر على الموضوع القيم + تقييم
تحياتــي​

 

[أم راضية ~_]

موضوع قيم وهادف يستحق التشجيع ...+++

بورك فيك اختي ..

وامة اقرأ .... لا تقرأ .

وارضاء الناس غاية لا تدرك .. الحاجة المليحة الواحد يديرها وامبعدا ما يهموا في الناس..

شكرا لك ..

شكرا لك على التشجيع :shay: :shay: :shay:
و فيك بارك أخي
:sad:
صح معك حق
بالفعل طالما حنا متيقنين أنو عملنا صواب ما راحلنا فالناس الهدارة :shiny: :shiny:
الشكر كله ليك

 

[أم راضية ~_]

انعم نقراهم و الماكلة فوق الغز و انا نقرا

مليح عندنا اللي يقرا :shiny:
ربي يحفظك ختي

 

[أم راضية ~_]

بسم الله الرحمن الرحيم
تحية أخوية
صراحة اعتبر المطالعة منذ كنت صغيرا صديقي الوفي الذي يؤنسني و يرافقني أينما حللت في الحافلة في المسجد و الملهى و الشارع.....
منذ اتذكر chemssou007 و هو يطالع و يطالع و بعدما يفرغ من المطالعة ماذا يفعل؟؟ يطالع كذلك
احب المطالعة و لا اقتصر على كتب محدودة و انما المجلدات الاسلامية و السياسية و الاقتصادية و كتيبات السياحة و كتب الالحاد و التشيع و الشيوعة و حتى الطبخ ههههههه كلما اجد امامي فهو قابل للقراءة
لا شك ان المطالعة تنمي الفكر و تجعل الانسان مثقفا و "مقيوما'' لدىـ الناس
لذا فسبب حماقة و بلادة الكثير من التلاميذ الحاليين هو عزوفهم عن المطالعة
تحيـاتي لك و ان كنت استطيع مساعدتك في بحثك عن أي كتاب فتفضل

تحيـاتي​

:re_gards:
والله ردك طمأنني
مازال شباب واعي :sheer:
يحب يقرا و يواظب على المطالعة
مشكور بكل عبارات الشكر و التقدير
شكرا لردك القيّم أخي
و دمت صديقا وفيا للكتاب