يامــات الطفولــة ..ماتوليش !!

[ايملي]

بسم الله الرحمان الرحيم

السلام عليكم


تتفكروا ياجمــاعــة كي كنــا ذراري ..كيفاش كنــا نلعبوا..كنــا فور ماعلابالنــاش بالدنيا :yaw:وهمومهــا

تتفكروا هذيك اللعبـة تاع "نقولك حاجــة وماتقولش والله"

ومبعد يولي يسقسي فيك ..ويدوخ فيك ..

ومع الآخــر يوصلك لسؤال :cra_zy:

كي تجي جاوبوا يقولك راك تكذب ...ماكانش منهــا
ونت على نيتك تقول ..والله صح

ههههه يولي يضحك عليك ويقولك ...قلت"والله " :laugh::laugh:
زعمــا لعبهالك

وهذيك اللعبـة تاع "قوووووول"

يقولك قول الطوبــة ...يماك مخطوبـة

قول التشيـنـة ...يماك سمينــة

قوول الكوشــة ..يمـاك كحلوشـة

قول وي ..وي ...تاكل فار مشوي


واللعبـة تاع " الغُميضــة "

يتقارعوا واللي تجي فيه يغمضولوا عينيه بحاجــة باش مايشوف والو ...ويقعد يحوس على اصحابو ...لازم كي يلقـى واحد يحكمو ويعرفو شكون ..باش تولي الدالــة ليـه ههه واللعبــة ماشيــة


المهم كاينــين بزاف ألعاب ..لعبناهم كي كبرنــا نسيانهــم ..
ساعات كي نلقى خاوتي وخواتاتي الصغار يلعبوا
نسخف نلعب معاهم مــي يولوا يضحكوا عليــا ههههه يقولولي "احشمي راكي كبيرة"

ههه نقعد غير نتفرج معاهم
ونتحسر على "يامات الطفولــة اللي ماتوليش"

​

 

[lamia-constantine]

هههههههه ايه صح
اللي يسمع يقول في عمرك 100سنة مازالت عندك فرصة العبي و ازهاي
ما زلتي صغيرة ههه​

 

[wafa peace 2011]

walah ghir foooooooooooooooooor ya layeta tofola ta3odo yawman

 

[adel-mz]

ااااااااااااااه ياصغري
ليت الصغر يعود يوما واحكي له مافعل بي الشباب .
هههههههه
وهدا القاطو مازلتو تتفكروه؟؟

​

 

[fufa22]

 

[نور الهدى22]

هههههههه ماكانش كيما الصغر
لوكان يرجعوني نرجع​

 

[مرام التيبازية]

سلام موضوع شباب ربي يسترك ويخليك
اواه انتما كبرتوا بصح انا مازلني صغيرة نلعب مع اختي مين داك مالقري اختي كبيرة عليا وكي نروح لعند عمي نلعب مع بنات عمي في الدار بويسك هوما صغار عليا
سيفري مكاش كيما الطفولة
سلام

 

[tear of angel]

اااااه يالصغر
توحشت اياماتو

 

[إيمان قلب]

هههههههه والله أيامات روووعة شحال نحنلها
تعجبني تاع قول طوبى يماك مخطوبة
قول فار صباطك طار فالسبيطار هههههههههه
اييييييه ياالأيامات الحلوين
يعطيك الصحة خيتو فكرتينا في ايامات حلوين

 

[═♥.ЈŪšť_ màn.♥═]

[font=ae_dimnah]...[/font]
[font=ae_dimnah]ايامــ الطفولــة ...حلمــ .. لن نحلم به مرة اخرى [/font]
[font=ae_dimnah]تحياتي ليكــ اختي [/font]
[font=ae_dimnah]..... [/font]
​

 

[Sẻl Mā]

هههههههه​

والله من نتفكر ايام الطفولة نبكي​

افضل سن هو سن الطفولة​

ههههه​

صحيتي ختي​

 

[ايملي]

يا الله على هذه الطلة البهيجة
نورتوا صفحتي بردودكم العطرة
بارك الله فيكم و جزاكم الجنة
تحياتي لكم يا غوالي:re_gards:
شكراااااااا

​

 

[مابقاش بزاف.Dz]

ايه الحمد لله مازالي صغيرة ههههه

 

[أم راضية ~_]

سلااااموووو
فعلا يامات حلوة و ما راحش تولي :sad:

نتفكر كنت نجري و نلعب و نشري للجيران و كانو يعطوني الدراهم ولا حلوى و أنا ما كنتش نشدها عليهم :shay: :shay: :shay:، من بعد يامات يشرولي كاش حاجة و يجيبوها لماما :shiny: :shiny: :shay:
إييييييه كي كنت نلعب و كانو يحقروني و كي نروح نبكي للدار :heh:
ماما تقلي أشطاري كي يضربوك أضربي :cra_zy:
و كي كنت بالكيكينات في شعري و الظفاير الله الله :ans_flw: :heh:
و الله أيام يا محلاها

 

[*NoOoR*]

يااااااااااااه يا ايام الطفولة
و الله كانت احلى ايام
عايشين نلعبو نضحكو معلابالناش بالدنيا و همومها
بصح عادي علاه متلعبيش
هههههههههههههههه
انا مرات كي نسخف نلعب نورمال :shay:
متقولوش جايحة i-o:
مرسي ع الموضوع النايس حنونة
فكرتينا بالماضي الجميل :shiny:

 

[N@riM@N]

وووووووووووواه تاع الصح
يعطيك الصحه تنزيل www.ietype.com/f.php?F

​

 

[ايملي]

مشكورين على المرور و على هذه الردود الرائعة

بارك الله فيكم و اثابكم الجنة

​

 

[radiaimene]

c'est vrai mais nhar ikoun 3andek drari takdri tal3bi m3ahom.

En chaque personne adulte y a petit un enfant qu'on le ressent intèrieurement à travers nos geste surtout quand on pleure.

 

[ايملي]

شكراااااااااااااا
​

 

[براءة مسروقة]

هههههههههه والله