السلام عليكم و رحمة الله و بركاته
وشراكم ناس اللمة ... واش اخباركم ؟؟ ان شاء الله لاباس
شفت الناس قع راهي تشارك واش كاين في قلوبهم هنايا و حتى لو ملقاوش الحلول الفضفضة احيانا تعاون و تخفف صح ولا لا ؟
امالي حبيت انا تاني نحكيلكم شوية و نفضفضلكم على واش كاين في قلبي .....:shay:
انا يا سادة يا كرام تالفتلي .. انا عمري 23 سنة و راكم عارفين الطفلة كي تلحق هاد السن و ما فوق تبدا حكايات الزواج و الخطابة داخلين خارجين ..سيرتو اذا كانت مكملة قراية مكاش حجة ...
عندي وليد عمتي يفوتني بعام و يحبني ملي كنا صغار و دوكا ولات الحكاية سيغيو و حب يخطبني و انا مرا نقلو ايه مرة نقلو لالا ..و متاكدة بلي ماما ماشي رايحة تقبل بيه لو انطبقت السما على الارض
هو قال لدارهم ليماه الي هي عمتي و خواتاتو ..تقريبا العايلة كامل علابالها ..حتى كي قتلو لا بقا يستنى فيا نبدل رايي
المرة التالية كي تلاقيت بيه و حسيتو يحاول ينسا ..حسيت قلبي يتقطع و بكيت .. ممباعد رجع و بينلي بلي مانساش و راهو يستنى
في نفس الوقت
كاين واحد كنت نعرفه في الجامعة و كنا اصدقاء لا اكثر ولا اقل
ممكن تقولو مكاش صداقة بين الرجل و المراة لانه دائما تصرا حاجة بيناتهم ولو من طرف واحد لكن هذا كنت نحكيله على مشروع الزواج بيني و بين وليد عمتي و قتله حتى كي عولت نقول لا لا و ناقشني في الحكاية و كان يقلي دايما فكري مليح قبل ما تقولي لا
المهم بعد ما تخرجنا و سمع بلي مازال ماتخطبتش قال لي بلي يحبني و حاب يجي يخطبني و ماما سمعت بالحكاية عن طريق اختي لانها تعرفه و عجبها ..ومتخيلوش الضغط الي وليت فيه
و طبعا مكاش منها نقرر قرار مصيري كيما هذا يتعلق بحياتي الا اذا كنت واثقة من روحي مليون بالمئة ...
قلت لهم خلوني نفكر براحتي باسكو ماما لوكان تعرف بلي راني نخمم في وليد عمتي تقتلي لا محالة ..
دوكا راهي تالفتلي بين عقلي و قلبي
قلبي ..يقلي وليد عمتي لكن في نفس الوقت نتفكر واش ممكن يصير كون نختارو ..اولا و الحاجة الاكيدة ماما رايحة تخيرني بينها و بينه
و لا يمكن تقبل بيه و تعتبرها حقرة ..زعما انا حقرتها ولا اهانة ولا معلاباليش واش ؟؟ حتى وهو لاباس بيه متربي و عاقل و خدام بصح زواج لافامي مرفوض رفض تام
و ممكن نتخاسرو مع عمتي هي عمتي العزيزة كامل في عماتي
عقلي ... يقلي اختاري الثاني ..متربي و عاقل و يحبني و يحترمني حتى خلاص و يعرف قيمتي و يشوفني مثالية حتى الصوالح الي ماشي مليحة فيا عاجباتو
واذا على الحب ..الحب يجي بعد الزواج
و بالعكس الحب الي يجي بعد الزواج هو الي يدوم
وخطرات نحس بلي حتى لو كان بابا الله يرحمه حي مايقبلش بوليد عمتي باش مايصراش حساسية في العايلة راكم عارفين ..
هذا كلام عقلي
هبلوني عقلي و قلبي ومحبوش يتفاهمو ..واش ندير ؟؟
مانيش عارفة
اسمحولي خاوتي طولت في الهدرة مي نحيت على خاطري شوية
ادعولي و ربي يسهل لينا كامل
وشراكم ناس اللمة ... واش اخباركم ؟؟ ان شاء الله لاباس
شفت الناس قع راهي تشارك واش كاين في قلوبهم هنايا و حتى لو ملقاوش الحلول الفضفضة احيانا تعاون و تخفف صح ولا لا ؟
امالي حبيت انا تاني نحكيلكم شوية و نفضفضلكم على واش كاين في قلبي .....:shay:
انا يا سادة يا كرام تالفتلي .. انا عمري 23 سنة و راكم عارفين الطفلة كي تلحق هاد السن و ما فوق تبدا حكايات الزواج و الخطابة داخلين خارجين ..سيرتو اذا كانت مكملة قراية مكاش حجة ...
عندي وليد عمتي يفوتني بعام و يحبني ملي كنا صغار و دوكا ولات الحكاية سيغيو و حب يخطبني و انا مرا نقلو ايه مرة نقلو لالا ..و متاكدة بلي ماما ماشي رايحة تقبل بيه لو انطبقت السما على الارض
هو قال لدارهم ليماه الي هي عمتي و خواتاتو ..تقريبا العايلة كامل علابالها ..حتى كي قتلو لا بقا يستنى فيا نبدل رايي
المرة التالية كي تلاقيت بيه و حسيتو يحاول ينسا ..حسيت قلبي يتقطع و بكيت .. ممباعد رجع و بينلي بلي مانساش و راهو يستنى
في نفس الوقت
كاين واحد كنت نعرفه في الجامعة و كنا اصدقاء لا اكثر ولا اقل
ممكن تقولو مكاش صداقة بين الرجل و المراة لانه دائما تصرا حاجة بيناتهم ولو من طرف واحد لكن هذا كنت نحكيله على مشروع الزواج بيني و بين وليد عمتي و قتله حتى كي عولت نقول لا لا و ناقشني في الحكاية و كان يقلي دايما فكري مليح قبل ما تقولي لا
المهم بعد ما تخرجنا و سمع بلي مازال ماتخطبتش قال لي بلي يحبني و حاب يجي يخطبني و ماما سمعت بالحكاية عن طريق اختي لانها تعرفه و عجبها ..ومتخيلوش الضغط الي وليت فيه
و طبعا مكاش منها نقرر قرار مصيري كيما هذا يتعلق بحياتي الا اذا كنت واثقة من روحي مليون بالمئة ...
قلت لهم خلوني نفكر براحتي باسكو ماما لوكان تعرف بلي راني نخمم في وليد عمتي تقتلي لا محالة ..
دوكا راهي تالفتلي بين عقلي و قلبي
قلبي ..يقلي وليد عمتي لكن في نفس الوقت نتفكر واش ممكن يصير كون نختارو ..اولا و الحاجة الاكيدة ماما رايحة تخيرني بينها و بينه
و لا يمكن تقبل بيه و تعتبرها حقرة ..زعما انا حقرتها ولا اهانة ولا معلاباليش واش ؟؟ حتى وهو لاباس بيه متربي و عاقل و خدام بصح زواج لافامي مرفوض رفض تام
و ممكن نتخاسرو مع عمتي هي عمتي العزيزة كامل في عماتي
عقلي ... يقلي اختاري الثاني ..متربي و عاقل و يحبني و يحترمني حتى خلاص و يعرف قيمتي و يشوفني مثالية حتى الصوالح الي ماشي مليحة فيا عاجباتو
واذا على الحب ..الحب يجي بعد الزواج
و بالعكس الحب الي يجي بعد الزواج هو الي يدوم
وخطرات نحس بلي حتى لو كان بابا الله يرحمه حي مايقبلش بوليد عمتي باش مايصراش حساسية في العايلة راكم عارفين ..
هذا كلام عقلي
هبلوني عقلي و قلبي ومحبوش يتفاهمو ..واش ندير ؟؟
مانيش عارفة
اسمحولي خاوتي طولت في الهدرة مي نحيت على خاطري شوية
ادعولي و ربي يسهل لينا كامل
