تارت على شكل مضمار سباق سيارات من مطبخي

[أم نيفين]

​

البارح خدمت لوليدي أمين تارت على شكل مضمار سباق سيارات
لأنو يحب السيارات بجنون
و الكل حار فيها و عجبتهم بزاف​

نبداو بالمرحلة الأولى:
أنا الحاجة الأولى لي درتها وجدت المكان لي رايحة نحط فيه التارت لأنها كبيرة و ماعنديش بلاطو كبير قدها
قصيت كرطون على شكل مستطيل شوية كبير على التارت باش جي مليحة و تبان و غلفتو بورق الألمنيوم​

​

و من بعد بديت بتحضير الطبقات ..أنا هنا درت 4 طبقات
و الوصفة تلقاوها هنا​

https://www.4algeria.com/vb/showthread.php?t=294332​

لكل طبقة ديرو حق 5 بيض و الباقي شوفو الرابط
و هاذي la plaque نتاع بيسكوي رولي لي خدمت بيها الطبقات​

​

​

​

الكريمة هنا بدلت فيها شوية:
1 لتر حليب+5 بيض كاملين+8 م ك سكر+5 م ك نشاء+ 1 م ص مارغرين + قشور القارس و نخلط كلش جيدا بعيدا عن النار ثم نحطها فوق النار و نحرك من حين لآخر حتى تعقد و نخليها تبرد شوية ثم + 2 م ك كرام شونتيي غبرة و نخفق جيدا بالباتور
و نخليها جانبا
بعد ما حطينا الطبقة الأولى من القاطو ندهنها بالكريمة و نقطع حبة بنان شرائح ​

​

ثم نضع فوقها الطبقة الثانية من القاطو و هكذا حتى نوصل للطبقة الرابعة ​

​

هنا نطلعو حوالي 200 غ كرام شونتيي + 2 كيسان حليب بارد جدا + ملون أخضر باش نخدمو بيه العشب​

​

بعد ذلك نغلف التارت كامل بالشونتيي مليح
و نروح نخدم الطريق..هنا استعملت عجينة التزيين **la pate à décor ** و زدتلها الكاكاو الغامق و عجنتها مليح حتان ولات بني غامق​

​

و حللتها فوق قطعة بلاستيك رقيقة شوية و بالسكين قطعتها على شكل طريق بهذا الشكل​

​

و زينتها بشرائط بيضاء من العجينة **كيما تاع الطريق**
و حطيتها مباشرة فوق التارت
و زينت الوجه كامل بوردات بلابوش آدوي **العشب**​

​

و هنا السباق بدا ​

​

​

​

و هنا كي وليدي أمين يتفرج فالتارت​

​

نتمنى برك نكون وفيت فالشرح وأي سؤال او استفسار أنا فالخدمة​

الموضوع تعبت فيه بزاف فأرجو ألا تبخلوني بردودكم و تقييماتكم​

سلام​

 

[dahbito]

يعطيك الصحة ام نيفين تستاهلي احلى تقييم على الكيكة الرائعة

 

[cherine]

ماشاءالله عليك حنونتي
والله جاتك هايلة بزاااااف​

 

[اماني12]

هايلة ام نيفين يعطيك الصحة وعيد ميلاد سعيد لوليدك امين ولعقوبة 100 سنة
​

 

[randa serine]

mahada el injaz el 3aya3 yartik el saha mra w nas w bashto wlidak w rabi ykhalihomlak nchallah

 

[ام ايناس وفاروق]

يعطيك الصحة ام نيفين ومزيد من العطاء والتالق
التارت هايلة وانت اروع ما شاء الله مراة وعليها الكلام عيد ميلاد سعيد لامين

 

[saida07]

الله يعطيك الصحة ام نيفين
طورطه هايلة
و عيد ميلاد سعيد.

 

[روعة2005]

روعة روعة لاتحرمينا جديدك ام امين
ربي يكبرو في طاعة المولى

 

[حكيك]

الله يعطيك الصحة ام نيفين
طورطه هايلة
و عيد ميلاد سعيد. ​

 

[rima29]

عيد ميلاد سعيد ولعقوبة ل100 سنة
ان شاء الله
ولاتارت ما عندي ما نقول تهبل​

 

[faloussa]

روعة روعة مالقيت واش نقولك يعطيك الصحة اختى وربي يحفضلك وليدك من كل شر
نستناو جديدك حبيبتى

 

[oumniati]

روعة ام نيفين ابدعتي تستاهلي تقييم++ وامين يستاهل بوسة ولاتارت تستاهل تكسيلة فوق لحشيش:sheer:
كون زدتيلها برك عين الفوارة في الوسط ههههههه
ربي يصون

 

[ISMA.dz]

السلام عليكم


والله ياأختي ام نيفين حتى انا حرت خاطر طورطة ولا اروع

ماشاء الله عليك كان جيتي قريبة ليا نصدم عليك نتعلم شوي ههههههه


شكرا​

 

[اميرة الساحل]

ماشاء الله عليك ام نيفين راكي فنانة و تستاهلي تقييم على المجهود الرائع و ربي يشدلك في امين و في ولادك كامل

​

 

[ندى الورود]

تارت رائعة يعطيك الصحة
وعيد ميلاد سعيد لابنك امين
الله يوفقه ويحميه ويا رب تشوفيه من الناجحين
++ تقييم ​

 

[ibtesem]

يعطيك الصحة ام نفين
مشاء الله عليك عيد ميلاد سعيد

 

[assia dz]

عيد ميلاد سعيد لأمين ولعقوبة ل1000 سنة، والتارت روووووووعة تسلمي

 

[imane27]

طورطة رائعة ام نفين يعطيك الصحة وعيد ميلاد سعيد

 

[narjes81]

يعطيك الصحة وربي يخليلك دوك اليدين خموس عليك ماعندي مانقول فيك

 

[أميرة اميرة]

تبارك الله عليك حبيبتي دايما متميزة و مبدعة في وصفاتك كلها ما عندي ما نقول تارت رووووووعة
عيد ميلاد سعيد امين لعقوبة ل 100 عام
ان شاء الله تفرحي فيه و تشوفيه كيما تحبي و تتمناي اختي ام نيفين
الف الف شكر على الوصفة و على كل الوصفات الله يجعلها في ميزان حسناتك و يرزقك الفردوس الاعلى​