روز بالفرماج لذيييييذ من مطبخي

[أم نيفين]

​

هذا الروز موالفة نديرو بصح اليوم بدلت فيه بزاف حوايج
و جا ممممممممم جربوه و ردولي الخبر​

التحضير:
أولا الكمية لي تسحقيها من الروز ،أنا استعملت الأرز البسماتي
غسلتو مليح و خليتو فالماء حوالي نصف ساعة و من بعد غليتو نص طياب و فورتو حتان كمل الطياب و ريحتو بشوية لابال و خليتو بجيه​

من جهة اخرى وجدت لاصوص بلونش (la sauce blanche) السر فالبنة نتاع لاصوص هو كي تحمري اللحم وحدو من بعد تزيدي حبة بصلة+سنات ثوم+ملح+فلفل اسود+معدنوس بعد ما يتحمر اللحم او الجاج تخرج وحد الريحة مممممممم طيبة جدا و نخليها تتقلى مليح
(نسيت الفطر تحمريه مع الجاج من بعد ضيفي البصل)
و فالاخير نلوحو شوية جلبانة و نمرقو حتان وين يوصل الجاج (ماشي بزاف) و نسكر la cocote حتان يطيب الجاج و الجلبانة...تنحي الجاج و تقطعيه مربعات
لاصوص نزيدولها فرماج (أنا درت 8 حبات لافاش كيري) و نحطها تغلي شوية حتان يذوب الفرماج
الان نخلط كلش في حاجة كبيرة
الروز+مربعات الجاج+لاصوص و نخلطو مليح+حبات فرماج مقطعين او فرماج رابي و نكب الكل في بلاطو
اللمسة الاخيرة درتها من عندي
في كسرونة درت 8 حبات فرماج+شوية حليب+ م ص لابال و هرستها فوق النار حتان ولات صوص عاقدة و نسكبها فوق الروز نتاعنا
و هنا الصور توضح أكثر​

​

​

​

​

​

​

​

​

و بصحتكم
واي استفسار انا فالخدمة​

لا تبخلوني بردودكم و تقييماتكم​

 

[rima29]

يممممممممممم باين بنين
يسلموا ايديك عزيزتي
​

 

[قطورة الندى]

يعطيك الصحة باين بنين جاري التطبيق
​

 

[ibtesem]

اممممممممممممممممم شهتيني ام نفين مشاء الله انا هدا واش احبو البناتي
بصحتك اختي

 

[ام ايناس وفاروق]

تاكلوه بالصحة حبيبتي ايمان دايما متالقة في مواضيعك طريقة سهله
شكررررررررررررررررررررررررررررررررررررا

 

[nada242008]

امممممممممممممممم روعة روعة .. نجربوا ان شاء الله في اقرب فرصة
تسلم الايادي :sheer:

 

[@نور البيضية@]

يممممممممم تسلم إيديكـ أختي
بآين بنين وسرتو منين فيه الفرمآآآج أمم
الله يعطيكـ الصحة +تقيييييم​

 

[ام ايناس]

مشكوووورة ام نيفين في اقرب وقت نجربو انشا الله

 

[*RAHMA]

مممم
المرة الجاية متنسايش تعرضينا
يعطيك الصحة ختي

 

[NaNouS]

اممممم تشهيي الله يبارك يعطيك الصحة​

 

[عاشقة الوردة]

اممممممممممممممممممممممم
يشهي
جاري التجريب

 

[هــــيلدا]

حالياً الأعضاء النشيطين الذين يشاهدون هذا الموضوع : 1033 (1 عضو و 1032 ضيف) ‏°Wishes°


الله الله يا ام نيفين، اول مرة نشوف هاذ العدد الهائل في موضوع طبخ،
جاك هايل يعطيك الصحة

 

[anissa 13]

مممممممممممم تشهي
شكرا لك وصفة مميزة​

 

[مونيا غنية]

شكرا يبان لذيذ ويشهي اممم والله شهتني رايحة انجربواا

 

[narjes81]

ووااااااااااااااااااااوووو يعطيك الصحة نجربو ان شاء الله

 

[merieme hassi]

تبارك الله عليك حنونة

 

[سمكة البحر]

شهيتيني شكرااااااااااااااااااااا

 

[نور الهدايات]

باين بنين من طريقة التحظير يا ام نيفين يعطيك الصحة راح نجربو على الاكيد​

 

[كوثر الوهرانية]

وصفة هايلة اختي ام نفين اله يعطيك الصحة و الف شكر على الوصفة

 

[أم نيفين]

ألف شكر على الردود العطرة
نورتم موضوعي