استاذ الاجتماعيات يقولي راكي شابة و تعجبيني ...

[وردة رمال الصحرا]

السلام عليكم و رحمة الله و بركاته
مساء الخير :re_gards:
كيفكم ...ان شاء الله ملاح ؟؟
حبيت نحكي معاكم ف موضوع بزاف قاهرني
لي هو** تصرفات الأساتذة مع التلاميذ و بالأخص التلميذات **
عندي ختيتي تقرا ف السيام ،يعني صغيرة و ف مرحلة خطيرة ..
الحمد لله اني مداصرتها و نقوللها تحكيلي كل لي يصرا معاها في المتوسطة تاعها ...ولو اني نغيب على الدار بزاف بصح الحمد لله وسائل الاتصال متوفرة ..
المهم ،كي تحكيلي على الأساتذة تاوعها يطلعلي الضغط:
تقولي بلي أستاذ الاجتماعيات دايما يقولها راكي شابة و تعجبيني _o:
و أستاذ ال sport يستنى غي باش اطيح كاش طفلة و يجيها يجري و يعمل دور البطل و طبعا مع الحركات البايخة تاعهم _o:
و أستاذ الموسيقى (واش فادتنا هذيك الموسيقى غي تنقاص المعدلات ) يقول كلام ما نقدرش نكتبو للبنات لما يلاقيهم يهدرو ولا ... =زعما راه يربي=
و أستاذ الرسم ... و استاذ الفيزياء و .........
و ياما حكاتلي على مواقف صراتلها مع هذو الأساتذة و تقولي ننصحها كيفاش تتصرف
الحمد لله هذي اختي و مربيينها انها تحكي و تقول كل لي يصرالها مع عباد كيما هذو
بصح كاين بنات يصراولهم بزاف حوايج ويخافو يحكو لأي سبب من الأسباب ...=و خوفهم نعتبروه منطقي= ..و كي ما يحكوش هنا المشكلة الكبيرة
درك الحل كيفاش ؟؟؟ كنا نخافوا على البنات من الاولاد لي يقراو معاهم ... ف طلع خوفنا ما يتقارنش مع (الأساتذة) لي راهم زعما يقروهم !!
حابة نعرف آراءكم ف هذا الموضوع و كيفاش نقدروا نحطو حلول لهذي المشكلة
يا ريت ما نكونش ثقلت عليكم
تحياتي ​

 

[** غزال الصحراء **]

و عليكم السلام , و ماشي خطرة ولا زوج نسمعو بأستاذ خرجوه من المنصب تاعو بسبة حاجة كيــما هاذي !
و ماشي غيــر الأساتذة , وين يكون إنسان فاسد مش راح يدير الخير , مهما كان مدير , مراقب ..إلخ

و عدنا ما سمعنا بحكايات صراو في الليسيات و السيـــام
ربي يعافي خواتاتنا و بناتنا .

 

[ساجيدة]

وي خيتي هدي الامور كاينة منها وبي البزاف تاني
ولا يقولك استاد باش نبلعاك خورجي معايا
ربي يهدي ماخلق شكرا خيتو على الموضوع

 

[zagane]

السلام عليكم

هده هما مربي الأجيال

 

[مابقاش بزاف.Dz]

salamouuuuuuuuu ya3tik saha khti 3la le sujet
des fois tesra mais bzf f les cem w les lycées

 

[مرام التيبازية]

سلام ايه رانا نشوفوا العجب والله لا بزاف بصح واش نقولوا ربي يهديهم هدا ماكان
سلامي

 

[touffik]

ونسيتى جامعة
بش يزيده نقط ركى تعرفى ؟؟؟؟؟

الله يهديهم ويديهم

 

[virus2015]

أستاذ ال sport.............​

و أستاذ الموسيقى .............
و أستاذ الرسم ... و استاذ الفيزياء و .........
الحمد لله هذي اختي و مربيينها انها تحكي و تقول كل لي يصرالها مع عباد كيما هذو​

بصح كاين بنات يصراولهم بزاف حوايج ويخافو يحكو لأي سبب من الأسباب

الله يستر، ماكاين حتى واحد فيهم يصلح i-o: ​

هادي فيها " إن " واخواتها وبنات عمها :santa_1:

صح ختك راكي تعرفيها مربية ماشاء الله وكامل، كيما كاين بنات متربيات يروحو للمدرسة غير باش يقراو، بصح اسمحيلي ما نغطيوش عين الشمس بالغربال

:showoff: :showoff: :showoff:
كاين بنات في الليسي وحتى السيام ربي يستر منهم، تقولي رايحين لعرس ولا لكاستينغ تاع فيلم استعراضي :sheer: :sheer: :sheer:
والنهاية راكو تعرفوها :re_gards: ​

 

[kazawa]

موضوع حساس و خطير العباد كيما هادوا يستغلوا المنصب تاعهم اللي يشفوهم يقول هدا مربي وهو لا علاقة بالتريبة

ولا بالاخلاق ربي يستر منهم .

 

[وردة رمال الصحرا]

و عليكم السلام , و ماشي خطرة ولا زوج نسمعو بأستاذ خرجوه من المنصب تاعو بسبة حاجة كيــما هاذي !
و ماشي غيــر الأساتذة , وين يكون إنسان فاسد مش راح يدير الخير , مهما كان مدير , مراقب ..إلخ

و عدنا ما سمعنا بحكايات صراو في الليسيات و السيـــام
ربي يعافي خواتاتنا و بناتنا .

ايه صح
ولات مراكز التربية مراكز تخويف على أعراض الناس
الله المستعان
شكرا ليك اخي​

 

[═♥.ЈŪšť_ màn.♥═]

..
بين قوسينــ _ نخافوا على البناتــ من الولاد الي راهمــ يقراو معاهمــ_
....
نرجعـــ لموضوعكــ : .. كيما قلتــ .. و الله حاجــة بيزااااااااار و راني نشوفوا و الله
يااااما صراو حوادثــ و مداهماتـــ هههههههه .. لكن لا حياة لمن تنادي
... البناااااااات هبلوا .. و الاياتذة بشر و ربي يهديهمــ
..
اممممم دكا نولي للعبارة الي بين قوسينــ :
اولا .. : فتنة الشباب هي الاناث .. لوكان كل طفلة كاحمة روحها .. و طريقة لبسها و الخ .. و الله غير رانا الاز .. من الله غالب لاحياة لمن تنادي ..
تحيااااااتي
:re_gards:​

 

[وردة رمال الصحرا]

وي خيتي هدي الامور كاينة منها وبي البزاف تاني
ولا يقولك استاد باش نبلعاك خورجي معايا
ربي يهدي ماخلق شكرا خيتو على الموضوع

اييييه والله مشكلة كبيرة
نورمالمو نفتحو مراكز لتربية الأساتذة ...هكذا باش يولو مؤهلين للتدريس و التربية
شكرا اختي ​

 

[وردة رمال الصحرا]

السلام عليكم

هده هما مربي الأجيال

و عليكم السلام
يربو رواحهم قبل= حاشا لي ما يستاهلش= ...ما قلنالهمش يربو ...حابينهم يقرو برك
شكرا ليك​

 

[وردة رمال الصحرا]

salamouuuuuuuuu ya3tik saha khti 3la le sujet
des fois tesra mais bzf f les cem w les lycées

ايه تصرا ف السيام و الليسي ...بصح انا نشوف بلي بنات السيام صغار و خطيرة عليهم امور كيما هذي ...
الله يعيننا... مرسي على المشاركة ​

 

[وردة رمال الصحرا]

سلام ايه رانا نشوفوا العجب والله لا بزاف بصح واش نقولوا ربي يهديهم هدا ماكان
سلامي

و عليكم السلام
ايه مليح ندعو بالهداية .... لكن لازم نلقاو حل لمشاكل كيما هذي
شكرا ليك اختي​

 

[الأمير الجزائري]

نعم وللأسف ما تقولينه صحيح

هذا الأستاذ من هذا المجتمع . لم يسلم من الفتن لا معلم ولا إمام ولا ناسك عابد
أحيانا أرجع هذه الأمور لعقلية بعض الأساتذة وصغر سنهم او بسبب مراهقة متأخرة أو حرمان أو كبت أو غيره
وأحيانا يعود للطالبات حيث ترتدي بعضهن ملابس مغرية تجعل الإمام يسقط

قولي لأختك تهتم بدراستها وماتعطيهش مجال يتكلم معها وتحاول إخفاء جمالها لأننا بشر .
والله يستر على المسلمين أجمعين ​

 

[وردة رمال الصحرا]

ونسيتى جامعة
بش يزيده نقط ركى تعرفى ؟؟؟؟؟

الله يهديهم ويديهم

اه الجامعة حدث ولا حرج .... و مسألة النقاط خليها مغطية برك
بصح هكذاك و بنات الجامعة كبار ...يعني لي دارت حاجة دارتها بكامل عقلها ... و هي المسؤولة الأولى
أما لي راني نحكي عليهم فئة حساسة بزااف
شكرا كثيير ​

 

[virus2015]

..​

اولا .. : فتنة الشباب هي الاناث .. لوكان كل طفلة كاحمة روحها .. و طريقة لبسها و الخ .. و الله غير رانا الاز ..

صحيت خويا، نحيتهالي من فمي،

خطرات يجو البنات اللي يقراو معاك في واحد الحالة، أنت تولي تحشم تهدر معاهم، وهوما نورمال تلقى السبة باش تجي تهدر معاك وتبلق في عينيها لا حشمة لا حيا
هذا بلا ما نهدرو كيفاش يديرو مع الشيوخا،
صح كاين اللي ربي يهديهم، مي والله غيرتلقى وحدوخرين في جهاد نفس
ربي يسترنا ويهدينا جميع​

​

 

[وردة رمال الصحرا]

الله يستر، ماكاين حتى واحد فيهم يصلح i-o: ​

هادي فيها " إن " واخواتها وبنات عمها :santa_1: ​

صح ختك راكي تعرفيها مربية ماشاء الله وكامل، كيما كاين بنات متربيات يروحو للمدرسة غير باش يقراو، بصح اسمحيلي ما نغطيوش عين الشمس بالغربال

:showoff: :showoff: :showoff:

كاين بنات في الليسي وحتى السيام ربي يستر منهم، تقولي رايحين لعرس ولا لكاستينغ تاع فيلم استعراضي :sheer: :sheer: :sheer:
والنهاية راكو تعرفوها :re_gards: ​

وجهة نظرك صحيحة
و صح هذا سبب كبير ف المشاكل لي رانا نشوفوها و نسمعوا بيها
بصح راني نهدر على أستاذ ... مش اولاد يقراو معاها
يعني الأستاذ ما لازمش يعمل هذو الحماقات .
هو صح ممكن يغلط بصح غلطة عن غلطة تفرق .... و غلطة الأستاذ مش كيما غلطة جاية من واحد ثاني ...
وانا قصدت بنات السيام ..لخاطر صغار ...مساكن ما يعرفوش مليح ...لي جات تحركهم ... الله المستعان
شكرا على إبداء الرأي ​

 

[وردة رمال الصحرا]

موضوع حساس و خطير العباد كيما هادوا يستغلوا المنصب تاعهم اللي يشفوهم يقول هدا مربي وهو لا علاقة بالتريبة

ولا بالاخلاق ربي يستر منهم .

ايه جبتيها اختي
بحكم منصبهم يديرو واش حبو
والله حرام عليهم هكا
الله يهدي الجميع
شكرا اختي ​