المادلين وصفة روز الله يجازيها كل خير

[faloussa]

رايحة نحطلكم وصفة المادلين اعطتنى اياها اختى روز الله يحفضها ونقلتها حرفيا كيما اعطتهالي

https://www.4algeria.com/vb/showthread.php?p=3706280#post3706280​

وصفة المادلين خلطي 8ملاعق سكرو3بيضات حتى يولي الخليط أبيض ​

بعدها ديري 8ملاعق زيت وافاني و3ملاعق كاكاو و8ملاعق حليب
مع الخلط الجيد وبعدها8ملاعق فرينة مملوؤة مليح
و2خمارة وخلطي مليح حتى يولي خليط متجانس​

بعدها ديري حتى للربع في كل قالب مادلين
تقريبا ملعقة كبيرة وحدة
ودخليهم يطيبو في الفور
بعدما يطيبو ديري فوقهم نوتيلا والمكسرات
ولا المعجون واللوز ايفيلي ولا اتحفيهم كما حبيتي ..
يجو روووعة نجربهم هذ الاسبوع ان شاءلله ​

 

[رآج ـية العفو]

يع ـطيك الصحة يالحبيبة جآك هآآآيل
تح ـيآتي ,, ~||​

 

[ibtesem]

فلوسة هبلتيلي عيسى من كان عامل حالة على البراونيز راهو دار في حالو
حايب الكاب كيك علاش ديرولي هكا ههههه
يصحتك اممممممم جاو صح

 

[faloussa]

فلوسة هبلتيلي عيسى من كان عامل حالة على البراونيز راهو دار في حالو
حايب الكاب كيك علاش ديرولي هكا ههههه
يصحتك اممممممم جاو صح

الله يسلم راجية تعيشى اختى
يا عمري عليك يا بسومة والله كون جيتى حدايا رانى هنيتك ودرتهملو انا :shay:

 

[روز]

جاووك هايلييين فلوسة شهيتيني غدوة نخدمهم ان شاءلله
يعطيك الصحة يالغالية على التطبيق الناجح
عندي ملاحظة لي كيسات نتوعك كبار شوية كن كثرتي الكمية باش يجوك منفخين أكثر
مي خرجولك روعة باين خفاف

 

[faloussa]

جاووك هايلييين فلوسة شهيتيني غدوة نخدمهم ان شاءلله
يعطيك الصحة يالغالية على التطبيق الناجح
عندي ملاحظة لي كيسات نتوعك كبار شوية كن كثرتي الكمية باش يجوك منفخين أكثر
مي خرجولك روعة باين خفاف

الله يسلمك اختى روز ليك الفضل :shay:
وي صح ليكيسات كبار ودرت في كل واحدة زوج مغارف كبار

 

[روز]

اووف زوج..؟؟
تعرفي انا المادلين مانديرهمش في كيسات المادلين
نديرهم في الكيسات نتاع القاطو المتوسطين برك
يرفدو مغرف وحدة برك
ويجو متحوفين ومنفوخين
هكذا وجاوك روعة تستحقي التقييم

 

[nada242008]

جاوك تحفة .. تسلم الايادي فلوسة
شهيتينا باش نجربوهم
وكل الشكر لصاحبة الوصفة ولك:sheer:

 

[ام منصف]

يعطيك الصحة جاك هايل
بصحتكم ​

 

[imane27]

جاوك هايلين فلوسة يعطيك الصحة
عندى وصفة مليحة تاني تاع مدلان كش نهار ندرهم ونحطهم موضوع

 

[ISMA.dz]

ربي يحفظك اختي جاتك روعة

لكن الخليط يكون سائل او عجينة طرية أرجو ان تفيديني هاكا باش نجربها ان شاء الله

​

 

[عاشقة الوردة]

اممممممممممممممممممممممممممم
هايلة
تطبيق رائع

 

[كوثر الوهرانية]

تطبيق ممتاز اختي فلوسة جاك المادلان هااايل بصحتكم

 

[حكيك]

يعطيك الصحة جاك هايل
بصحتكم

 

[cherine]

ماشاءالله جاك يهبل
يعطيك الصحة​

 

[ام ايناس]

امممممم فلوسة جاك هايل يعطيك الصحة

 

[Djazaire-El-Ghalia]

:re_gards:امممم خرجتلك روعة سلمت الأيادي يالغالية

 

[faloussa]

ربي يحفظك اختي جاتك روعة​

لكن الخليط يكون سائل او عجينة طرية أرجو ان تفيديني هاكا باش نجربها ان شاء الله​

الله يسلمك اختى ايه الخليك يجي سائل بحيث انك تسكبيه في ليكيسات بالمغرف نتاع الاكل
انا استعملت دي كسيات كبار نورمالمون يجى طالع شوية

شكرا لكم خبيباتى على المرور العطر

 

[wa hiba]

ماشـاء الله عليـكـ مـوضـوع وتقديـم قيـم...
ووصفـة راااائـعة وفــي المتنــاول ...
شكــرا لـك اخــ(ت)ـي علـى الوصفـة المميـزة..
وواصـلـ(ي) معنـا ولا تحرمـ(ي)ـنا مـن جديـدك..
تقبلـ(ي) مـروري..
تحيــاتي..

​

 

[ندى الورود]

يعطيك الصحة اختي خرجلتلك هايلة وشكرا للاخت روز
فعلا هذه الوصفة بالذات تجي بنينة بزاف وخفيفة
الوصفة عندي من فترة طويلة
اخدتها من الاذاعة من حصة دليلة سليماني وجربتها اكثر من مرة
​