هدا مرة واحد السيد فقير و مزلوط بصح كانت عندوا ارض و معندوش الدراهم باه يزرعها امالا جا عنده ولده و قاله بابا علاه مديرش السلفية و تزرعها راح هدا السيد و دار السلفية و زرع لرض من بعد جا الدعم و دعماته الدولة هدا السيد ولا بخير عليه يعني رجع غني بالبزاف ايا البلدية لي يسكن فيها قروا يبنوا جامع و كان خصهم شكون لي يعطيهم الدراهم امالا راحوا لعنده و قالوله عونا قالهم صح قد ما تلموا دراهم ارواحوا نعطيكم الدوبل تبرعلهم هدا السيد فقروا حق لي هو تبرعلهم بدراهم بزاف قالوله انت سمي الجامع فسماه *سليف بن دعيم *امالا كي جا الامام يفتاتح المسجد قالهم شكون هدا *سليف بن دعيم* عمري ما سمعت بيه قالوله حنا منعرفوش بصح السيد لي تبرع للجامع هو لي سماه راح لعندوا و سقساه شكون هدا *سليف بن دعيم * جاوبه و قاله انت متعرفهش بصح انا نعرفه مليح هدا هو الصحابي الجليل لي قضى على الطاغية لي كان هنا و لي هو *زليط بن فقير*
