الله يعطيكم ماتتمناوه في الدنيا عاونوني

[amira style]

سلام انا صبية 17 سنة نقرا 2 ثانوي شعبة ادب و فلسفة
اااااانييييي كارهاااا حيااااتي
بزاف مشاكل صراولي و عدت نخاف من شيء واسمو غدوا
:sadwalk::sadwalk::sadwalk::sadwalk:
المهم انا طالبة عادي نقرا مليح و نتبع و مانحبش نداصر بنات ماشي مربيات
و مام كي يجو يعيطولي مانخبش نخرج ليهم هوما 2 واحدة فيهم تحب واحد في الشارع تاعنتا
و هو يعرفنيييي مليح و اني خايفا كاش ماتقولو عليا و لا كاش ماتكذب انا كرهتها هاد الطفلة تبدلت بزااااف :sad::sad:
و ساعات نحس روحي وحدي خاطرش كامل صحاباتي كيما يقولو عندهم سوابق و هدرو فيهم الناس
انا تخدعت بزززاااف من طرف هاذ 2 بنات لي دخلتهم داري و درتهم كي خواتاتي ولا كثر
خطرا سرقولي تيليفون و كانت غير هيا معايا قلت بالاك ربي شاف فيها خير و بعد عليا التيليفون
==انا كان يعجبني واحد كي كنت ف المتوسطة و دوكا ولا يحبني و حاب يكمل معايا هو لاعب كرة قدم مايقراش عمرو 19 سنة يحبني و يخترمني و حاب يخرج معايا خطرة طرحت عليه سؤال قتل اذا انت تقبل تشوف اختك مع كاش واحد قالي لا لا بصراح وانا ماسيفتش عليك بالعكس انت ماشي كيما لبنات لوخرين
دوكا انا حرت مانقدرش نقول لماما بلي اهو خاب يجي يخطب صغير بزااف
و مع العلم انا كنت نحب واحد اخر مايعرفنيش 23 سنة
انا اني حابة نركز في قرايتي و غير هيا لي تخرجني لهاذ الدنيا
خاطر انا اهلي صعاب بزاف و مايخلونيش ندخل و نخرج كيما نحب
و ماشي دايرين فيا ثقة مع انو جامي سمعو عليا حاجة برك خطرة ف النت مع احد اقاربي هوما حسبوها حاجة اخرى
انا كررررهت اصدقائي كرهت الثانوية كرهت الدااارر

ماقدرتش خلااااص

 

[ياسمين عنابة]

السلام عليكم ورحمة الله تعالى وبركاته
حبيبتي أختي الغالية
انت مقبلة على مرحلة مهمة وهي الباك العام الجاي ان شاء الله
ومازلت صغيرة عن هذه الامور
فانشغلي بقرايتك وركزي ياسر فيها
اما صحابات حاولي تبعدي عليهم وماتكثرش الاحتكاك بهم
وربي يستر عليك ويوفقك
حط راسك اكثر في القراية وتفوقي وانجحي والدنيا باذن الله مفتوحة قدامك
هكا تفرحيوتفرحي مواليك

 

[يا تعب قلبي]

حبيبتي الله يحميكِ،

لا زلت صغيرة ولازال العمر أمامك ،

الدراسة لن تعوض إذا أهملتها ، صدقيني عندما ترين زميلاتك تخرجن وأنتِ أضعتِ سنتك الأخيرة

ستندمين حيث لا ينفع الندم!

هذه هي المهمة في كلامك السابق ماكان بيدك أجتهدي فيه ،،

وأما المستقبل حبيبتي أمره لله ،،

فلا تجهدي نفسك كثيرا ، أنتِ شجاعة من قدرتك على طرح المشكلة ،

فاستغلي همتك في دراستك وابتعدي عن أي شي يضايقك أو يشتت ذهنك_

وأتركِ المستقبل حت يأتي ،،

ولا تقولي كرهت الحياة فتكرهك ،،

أحبي الحياة وقولي الحمد لله وأسألي الله التوفيق.

لا لا ،، ما نحبش اليأس !!

الله يوفقك صغيرتي ~​

 

[مابقاش بزاف.Dz]

السلام عليكم اختي
صح فهمتك من هدرتك رانا محسوب فاللاج نفسو غير نتي كتر مني بعام مي شوفي نقولك بعدي على هاد البنات هو صح راكي في سن المراهقة و ماشي عيب انو الوحده تحب و لا تنحب لانو هدي ما تقدريش يكمي فيها مي كاين حدود
حاولي انك تبعدي على الميليو باسكو راهو فاسد و ما يرحمش و مازالك صغيرة على العلاقات هدي غير اخطيك سع و ربي يكل اذا كان حابة تاع الصح
انا في بالي كملي قرايتك و اتلهالي بالباك العام الجاي ان شاء الله و بالتوفيق

 

[الظل الطويل]

بصـــح بالرغم من ـالمشاكل لي راكي تحكي فيها
وينوا ـالمشكل لي ملقيتيلوش حـــل ؟؟
يعني كيما يقلكــ بعد عن ـالشر وغنيلو
و متزيديش تقولي دارنا صعـــاب بزاااف
قولـــي دارنا يخافو عليا
ثانيا متقوليش مش دايرين فيا ـالثقة قولي
خايفين تغر بيكــ ـألدنيا
و لـــا تحبي ولــا تكسري راسكــ مازلتي صغيرة
ـأتلاهاي بقرايتكــ ونصيبكــ جايكـ جايكـــ ان شاء الله
ـالمهم في ـالسمعة ـالطيبة ..
​

 

[virus2015]

انا اني حابة نركز في قرايتي و غير هيا لي تخرجني لهاذ الدنيا
خاطر انا اهلي صعاب بزاف و مايخلونيش ندخل و نخرج كيما نحب
و ماشي دايرين فيا ثقة مع انو جامي سمعو عليا حاجة برك خطرة ف النت مع احد اقاربي هوما حسبوها حاجة اخرى

ربي يستر وما يسمعوش بالزوج اللي حكيتيلنا عليهم :sad:​

معليش نسقسيك؟؟؟ هادي الحلقة الثانية من المسلسل اللي كتبتيه:
كيفاش ندير هو يحبني انا نحب وحداخر
https://www.4algeria.com/vb/showthread.php?t=289000​

 

[شيزوفرينيا]

والله يا ختي مافهمت حاجة ........سمحيلي حبيت نعاونك وما عرفتش منين تبدا مشكلتك​

 

[دروب الرحمة]

فالحب الله غالب واحد مايقدر يحكمو قلبو مي متخليش هاذ الحب يتطور لعلاقه لانك والله الخاسره فلافار وكيما قلتي داركم صعاب مالا غير مكلاه تخرجي مع واحد ولا دوري مع بنات خاطيين الطريق لانو مادام صعاب قادرين يحبسولك لقرايه وقبل هذا كامل خافي ربي قبل ماديري أي حاجه
أما حكاية هاذ الطفل فوتي لباك وقراي فالجامعه عالاقل عام ولا عامين ومبعد يسهل ربي
بالتوفيق ختي​

 

[amira style]

merci pour tous
شكرااااااااااا لكم جميعا

 

[امل2823]

rabi ynajhaki fi keraytek nchaleh l 3ame l jaye
w akhetiki ya kheti manou hada ma yaredi nbiy ma yardi rabi
waleh nansahe fiki kima kheti
w salami

 

[رقة الاحساس]

اهلا يا الغالية و ربي يوفقك في قرايتك
وانا ننصحك بلي مديري والو في بالك ولا بهذوك لبنات ولا الي تحبيهم سيرتو كي ولو داركم صعاب و صراحة اهلك مش صعاب لكن خفين عليك من الحوايج الخايبة الي منتشرة حاليا
تلاهاي بقرايتك لا اكثر
والشاب الي حابك اذا كان صح ناوي على الخير يجي ديريكت لداركم بلا مايشاورك​

 

[amira style]

اهلا يا الغالية و ربي يوفقك في قرايتك
وانا ننصحك بلي مديري والو في بالك ولا بهذوك لبنات ولا الي تحبيهم سيرتو كي ولو داركم صعاب و صراحة اهلك مش صعاب لكن خفين عليك من الحوايج الخايبة الي منتشرة حاليا
تلاهاي بقرايتك لا اكثر
والشاب الي حابك اذا كان صح ناوي على الخير يجي ديريكت لداركم بلا مايشاورك​

شكراااااااااااااااااااا لك جزيلا معك حق

 

[naGam]

اختي ربي يعينك
وكلنا مرت علينا المرحلةهاذي والتجارب هاذي
وكرهنا كلشي
المهيم يكون ايمانك بربي قوي
والطفل هذا انتاع كرة القدم مازالوا صغير 19عام وانتي كذلك مازالك صغيرة على الصوالح هاذي راكي دوك تلحقيها وتجيك
ودوكا خممي في حاجة وحدا برك في قرايتك ومستقبلك ومن بعد كل شي رايح يجيك بوحدواورايح يجيك ولد لحلال اللي يصر قلبك وخاطرك
واختي نصيحة من عندي احكي لماماك كلشي وماكانش ماخير من والدتك ديريها صديقتك لانها هي اللي تعرف مصلحتك وماراحش ضرك واذا صرات حاجة من طرف لبنات تكون عارفة بنتها وتكوني حكيتيلها عليهم يعني يكون عندها علم مسبق
وصدقيني انا امي عندي هي صديقتي وماعنديش اصدقاء خلااص
وربي يبعد عليك الضر وولاد الحرام ان شاء الله
​

 

[°NeSriNe°]

نقولك واش ديري ارواحي انا وياك نحرقو لاسبانيا نعيشوا عيشة هانيا هادا الحل الوحيد هههه لا راني نزعق مي انت واش داك ديري هاد المشاكل كامل مع انو والديك صعاب.....الخ يا ختي لتهاي في قرايتك وخلاص ما هاد الحب غي شكيل فالشكيل وبالاكي يديوها بيك انا حذرتك و دبري راسك هاكا رايحة طيحي كامل في قرايتك حنونة حذاري من الحب .... الخ هاد الصوالح كامل شكيل انا راني نقولك وتفكري دوك مين تكبري تقولي لا كنت غير نشكل و العلم لله بااااااي
​

 

[amira style]

اختي ربي يعينك
وكلنا مرت علينا المرحلةهاذي والتجارب هاذي
وكرهنا كلشي
المهيم يكون ايمانك بربي قوي
والطفل هذا انتاع كرة القدم مازالوا صغير 19عام وانتي كذلك مازالك صغيرة على الصوالح هاذي راكي دوك تلحقيها وتجيك
ودوكا خممي في حاجة وحدا برك في قرايتك ومستقبلك ومن بعد كل شي رايح يجيك بوحدواورايح يجيك ولد لحلال اللي يصر قلبك وخاطرك
واختي نصيحة من عندي احكي لماماك كلشي وماكانش ماخير من والدتك ديريها صديقتك لانها هي اللي تعرف مصلحتك وماراحش ضرك واذا صرات حاجة من طرف لبنات تكون عارفة بنتها وتكوني حكيتيلها عليهم يعني يكون عندها علم مسبق
وصدقيني انا امي عندي هي صديقتي وماعنديش اصدقاء خلااص
وربي يبعد عليك الضر وولاد الحرام ان شاء الله
​

صح عندك الحق شكرا

 

[amira style]

نقولك واش ديري ارواحي انا وياك نحرقو لاسبانيا نعيشوا عيشة هانيا هادا الحل الوحيد هههه لا راني نزعق مي انت واش داك ديري هاد المشاكل كامل مع انو والديك صعاب.....الخ يا ختي لتهاي في قرايتك وخلاص ما هاد الحب غي شكيل فالشكيل وبالاكي يديوها بيك انا حذرتك و دبري راسك هاكا رايحة طيحي كامل في قرايتك حنونة حذاري من الحب .... الخ هاد الصوالح كامل شكيل انا راني نقولك وتفكري دوك مين تكبري تقولي لا كنت غير نشكل و العلم لله بااااااي
​

شكرااا على النصيحة عندكم الحق