لي خاف سلم...................!!!!!!!! !!!!!!!!

[سلفي والحمد لله]

السلام عليكم ورحمة الله وبركاته
كيف الحال اخوتي ان شاء الله انتم بخير وعافية
====
ساحكي لكم القصة وستفهموا الموضوع
القصة نرويها بالدارجة
باش نعبر مليح ونوصل الفكرة مليح اعتذر على ذلك...

البارحة كنت انا والاخ سفيان مكانش والاخ لاجودان شاف ومعانا واحد الصديق ماعندوش عضوية هنا كنا نمشيو بالسيارة في وقت متاخر من الليل
وحنا نمشيو لقينا واحد السيارة متوقفة والبيبان تاعها مفتوحين ونزلو منها واحد زوج ولا ثلاث رجال وهبطوا لواحد كشغل يضربو فيه وهو دايخ فنقصنا من السرعة وبقينا نشوفو ... حنا شكينا كامل بلي راهي اgريسيو يعني حبو يسرقوه...
فاذا به ينطق لاجودان شاف قالنا راهو باين صاحبهم راهو شارب يعني سكران
فنطقت انا وقلتلو هيه صح باين لو كان جاو يسرقو فيه راهو يعيط ومن بعد نطق سفيان زعمة هو الواعر فينا قالنا نحبسو نشوفو
انا قلتلو اوااااااااااااااااه باين صاحبهم
ومن بعد زاد نطق لاجودان قال كيفي باينة باينة بلي صاحبهم وقلت انا لماكانش لوكان نحبس يكسرولي لباربريز تاع السيارة ويحاوزني الحاج من الدار المهم كملنا طريقنا وقاعدين غير ندورو لورى ونشوفو
ايا رحنا وصلنا صاحبنا هذاك وفي طريقنا كملنا وصلنا لاجودان وجيت مولي انا وسفيان وحدنا( باينة في الطريق لحكاية معاه على الزواج ههه)المهم حنا في طريقنا وكان شوي المطر يسقط لقينا سيارة تظهر من بعيد وكانه وقع لها حادث
ايا كملنا طريقنا حتى وصلنالها لقيناها طالعة فوق الرصيف وكاين فيها 3شباب
هنا سفيان ماقاليش احبس قالي فوت فوت باين عليهم كوالى
وكوالى بالباتنية تاعنا يعني شباب تاع خمر ومخدرات وغيرها نسال الله العافية المهم مع وصنالهم واحد فيهم شورلي بيدو باش نحبسلو فاذا بيا لعبتها ماشفتوش ومررنا خلصت لحكاية
من بعد في الطريق كي زدت وصلت سفيان للدار بقيت نخمم وحدي ونقول
هل ما صدر منا يعتبر خوف؟؟؟؟
هل حكاية لي خاف سلم صحيحة؟؟؟
هل حكاية هات برك تخطي راسي حقيقة؟؟؟؟؟
هل الامن في بلادنا راح حتى الانسان ولا يخاف يهز معاه اجنبي في السيارة ؟؟؟؟
هل انت اخي الكريم لوكان جيت في بلاصطنا تحبس وتتشوف وش صاري؟؟؟
هل مازال الناس لي تنهى عن المنكر في بلادنا ؟؟؟
ام ان الرجال ماتو كامل في الثورة وبقينا حنا........
صراحة اسالة كثيرة بادرت ذهني لم اجد لها اجابة
فاتمنى ان اجد لها جوابا هنا معكم
وفي نقاشاتكم ..
اترك لكم النقاش والكلام اخوتي...
حفظكم الله


اخوكم زكريا..​

 

[ماكانش]

أهلا بيك زاكي
ههههههههههههههههههههه
واش راح يجيك سهرانين على 2 تاع الليل راح نلقاو غير الماشاكل
مانزيدش نسهر للوقت هذاك هههههه
والله ياخويا هكذا ولات الدنيا الواحد يهز واحد معاه يعشي لايح فيه موس وماديلو الطوموبيل
الوقت صعاب ​

 

[شيزوفرينيا]

السلام عليكم ورحمة الله
للأسف هدا هو حالنا لكل .....الخوف من أكبر أسباب ضعف الايمان
تصور انو هدوك الناس كانو عاملين حادث وكان بينهم واحد مجروح ويحتاج لاسعاف أولي ...لكن الخوف في بلادنا او بالأحرى في لعالم لكل مخلاش الانسانية في قلوب البشر ...
ومانلومك ومانلوم اي انسان يخاف لأنو صح في وقتنا هذا لي خاف سلم
أخي الكريم والله توحشت نشوف انسان يطبق قول الرسول صلى الله عليه وسلم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان"
في بلادنا عدلو هذا الحديث بما يناسبهم ...رجعو يستشهدو فقط بالجزء الأخير من الحديث
لكن ماباليد حيلة نت تخاف وأنا نخاف وهو يخاف وأصدقائك يخافو والامام يخاف والامام ماشي غير يخاف في بلادنا رجع ينصح ناس بلعو بيبانكم وماتفتحوش في الليل لأي واحد (ندير عليه أنا خويا يبات برى مسكين ) ولكل يخاف اذا شكون راح ينصحنا اذا كان حتى لي ينصح يخاف
ربي يهدينا باش ناحيو هذا الخوف من قلوبنا ونساعدو بعضنا دون اي حسابات او تفيكر او خوف ​

 

[virus2015]

واش تحبني نقولك خويا، صح بالاك يأنبك ضميرك، وتبدا تقول بالاك كاش ما يصرى لهاداك الراجل، وأنا ما عاونتوش،
بصح راك تقول عليهم كوالى، وزيد في الليل، و ماراكش عارف واش راهم دايرين،
المهم، سلامة راسكم خاوتي،
الرجال الحمد لله مازالو كاينين، بصح الإنسان لازم يعرف يقدر الأمور، هوما في ثلاثة شاربين، واش من منكر رايح تغيرو؟؟؟
والحمد لله ثاني كي ربي رحمنا وعلمنا أضعف الإيمان...​

مي نقص عليك السهرات يا خويا، ياو راهي ما فيهاش الخير
صحيت على الموضوع​

ا​

 

[دروب الرحمة]

كون جيت فبلاصتكم هذاك واش ندير
الله غالب مابقاش لامان فالدنيا
ربي يحفظكم ويستركم........سلام​

 

[nina bonoise]

هههه حتى انا كون جيت في بلاصتكم نحرقها في الفيتاس منحبس ما والوا
زيد الوقت عاد يخوف و كاينة منها لي خاف سلم

 

[adel-mz]

هل ما صدر منا يعتبر خوف؟؟؟؟
اخي هدا ليس خوفا بل طلبت السلم
هل حكاية لي خاف سلم صحيحة؟؟؟
صحيحة وناس بكري ميغلطوش وهاك شفت لابروف
هل حكاية هات برك تخطي راسي حقيقة؟؟؟؟؟
لوكان جات حقرة وباينة وتيقنت معليش تنهى على النكر قدر المستطاع مي في هادي بيان سير تخطي راسك لسبب بسيط لوكان تنترفوني تولي انت في مشكل والقانون ضدك ويقلك بلغ ومعندو مادخلك!!!!!!!! وادا كنت تعرف القوانين ،تخاف اكتر من هدا ،على سبيل المثال مثلا لو تجد شخص تعرض لحادث المرور وتجد واحد مايقربو ،تطرح سؤال وتقول علاش ،لكن لو تعلم الاجراءات القانونية بعد نجدتك اليه ،تولي تقول واش داني ......
هل الامن في بلادنا راح حتى الانسان ولا يخاف يهز معاه اجنبي في السيارة ؟؟؟؟
كترو المجرمين والاجرام والله الامن ملحقش روحو ههه،
هل انت اخي الكريم لوكان جيت في بلاصطنا تحبس وتتشوف وش صاري؟؟؟
منكدبش عليك اذا الاحساس نتاعي قالي بلي اgــريسيو وتيقنت من ذالك ممكن جدا نعين الضحية بقدر المستطاع اذا كان العكس
حد ماشاف حد ممكن جي دير الخير ينقلب عليك وهذا كيما تعرف دير حساب للقانون لانه لايحمي المغفلين.

هل مازال الناس لي تنهى عن المنكر في بلادنا ؟؟؟
مازال اخي ولكن قلة قليلة والاسباب دوما معروفة.
ام ان الرجال ماتو كامل في الثورة وبقينا حنا........
وقت الثورة شيء والوقت الحالي شئء ومازال رجال ياخي .
صراحة اسالة كثيرة بادرت ذهني لم اجد لها اجابة
بالتجربة تكون اقتنعت وجاوت نفسك
فاتمنى ان اجد لها جوابا هنا معكم
هادي اجابتي
وفي نقاشاتكم ..
اترك لكم النقاش والكلام اخوتي...
حفظكم الله

بارك الله فيك

اخوكم زكريا..
شكرا
​

 

[نسيم الربيع]

أي عاقل فبلاصتكم يدير نفس الشيء​

 

[الورد الأحمر]

واش لافاغ تاع سفيان هذا جاب لكليكة تاعو وجا هنايا
زيدو جيبولنا صاحبكم لي ما عندوش عضوية يشارك
معانا ووين راح فقير صغير عندو مدة ما بانش هو تاني
من جماعتكم ؟ هههه
آه يا خوافين ووينو سفيان نضحك عليه شوية وربي
يعينكم عليه خويا باين عندو موضوع واحد يحكي فيه
...
اممم والله يا خهويا واش نقولك في الموضوع هذا تاعك
ياو صح تحبس تحصل وتندم مالا كي ما حبستوش خير
لوكان وخدونا في سفيان ولا في واحد منكم يا خوافين
ههههه ... هيا على سلامتكم وما تسهروش بزاف
واتولهو في الليل وما تحبسوش ياو يسلم راسكم
وسلملي على سفيان قولو السكيكدية برك
سلامو

​

 

[الورد الأحمر]

نسيت حاجة موضوعك زعمة ساعات فيه العربية خخخ
ميلونج نقرا ونضحك ... سلام
​

 

[ensam]

يقلك ثانيك الخواف معيشتو قليلة
كون نضت الصباح و سمعت خبر بلي واحد مات مقتول في هديك البلاصة ؟
مايجيكش تأنيب الضمير
صح عملت مليح كي رحت صنت روحك مي نفترضو بلي صرات كريم و يبداو يحكو الصباح بلي جماعة قتلو واحد لثمة
كيما دير تحصل ههه على الاقل كنت تقرعج مليح

 

[hadil2044]

في اوقات يكون الخوف جيد واحيانا لا

 

[سلفي والحمد لله]

أهلا بيك زاكي​

ههههههههههههههههههههه
واش راح يجيك سهرانين على 2 تاع الليل راح نلقاو غير الماشاكل
مانزيدش نسهر للوقت هذاك هههههه
والله ياخويا هكذا ولات الدنيا الواحد يهز واحد معاه يعشي لايح فيه موس وماديلو الطوموبيل​

الوقت صعاب

خواف هههههه
شفت لبارح لكلاب هاذوك وش دارولنا هههههه شعرة كلاونا هههه
ليوم الحرب مافيهاش هههه​

 

[سلفي والحمد لله]

السلام عليكم ورحمة الله

​

أخي الكريم والله توحشت نشوف انسان يطبق قول الرسول صلى الله عليه وسلم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان"
في بلادنا عدلو هذا الحديث بما يناسبهم ...رجعو يستشهدو فقط بالجزء الأخير من الحديث

​

وعليكم السلام ورحمة الله وبركاته
بارك الله فيكم على المرور
صح مابقاش ذرك لي ينهى عن المنكر قليل وقليل بزاف ولو كان شفتي ختي كيفاش المعاصي نتاشرو امام الاعين بكري باش واحد يشرب الخمر يروح يتخبى في مكان واحد ما يشوفو ذرك ولاو يشربو امام الناس جهارا نهارا وهذا كامل السبب تاعو ولينا ماننهاوش عن المنكر وربي قال لعن الذين كفروا من بني اسرائل على لسان داوود وعيسى بن مريم كانو لا يتناهون عن منكر فعلوه ...الاية

وربي سبحانو زكانا في قوله تعالى كنتم خير أمة أخرجت للناس تأمرون بالمعروف وتنهون عن المنكر
ربي فضلنا على الامم في هاذ الامر وهو النهي عن المنكر والامر بالمعروف بصح ذرك الله المستعان عليها سلط علينا ربي الذل والمذلة بقاو المسلمين هوما لخرين والله المستعان​

 

[سلفي والحمد لله]

واش تحبني نقولك خويا، صح بالاك يأنبك ضميرك، وتبدا تقول بالاك كاش ما يصرى لهاداك الراجل، وأنا ما عاونتوش،

بصح راك تقول عليهم كوالى، وزيد في الليل، و ماراكش عارف واش راهم دايرين،
المهم، سلامة راسكم خاوتي،
الرجال الحمد لله مازالو كاينين، بصح الإنسان لازم يعرف يقدر الأمور، هوما في ثلاثة شاربين، واش من منكر رايح تغيرو؟؟؟
والحمد لله ثاني كي ربي رحمنا وعلمنا أضعف الإيمان...​

مي نقص عليك السهرات يا خويا، ياو راهي ما فيهاش الخير
صحيت على الموضوع​

ا​

يعطيك الصحة خويا لعزيز
وربي يصلح بلادنا ويصلحنا حنا ثاني
ربي يخليك​

 

[سلفي والحمد لله]

كون جيت فبلاصتكم هذاك واش ندير

الله غالب مابقاش لامان فالدنيا

ربي يحفظكم ويستركم........سلام​

اللهم امين بارك الله فيكم
الله غالب تخافي تهبطي تفكي تعشي في الحبس
ربي يسترنا​

 

[nawal 88]

باين قلقك الاخ ماكانش فالطريق على الموضوع هذاك ههههه

يا اخي الحذر واجب مع الوقت لي رانا فيه​

 

[سلفي والحمد لله]

هههه حتى انا كون جيت في بلاصتكم نحرقها في الفيتاس منحبس ما والوا
زيد الوقت عاد يخوف و كاينة منها لي خاف سلم

شكرا بارك الله فيك على المرور
بصح منعرف علاش الشعب تاعنا ولا كامل هاك راح الامن من البلاد ولا كيفاش؟؟؟؟​

 

[سلفي والحمد لله]

هل ما صدر منا يعتبر خوف؟؟؟؟

اخي هدا ليس خوفا بل طلبت السلم
هل حكاية لي خاف سلم صحيحة؟؟؟
صحيحة وناس بكري ميغلطوش وهاك شفت لابروف
هل حكاية هات برك تخطي راسي حقيقة؟؟؟؟؟
لوكان جات حقرة وباينة وتيقنت معليش تنهى على النكر قدر المستطاع مي في هادي بيان سير تخطي راسك لسبب بسيط لوكان تنترفوني تولي انت في مشكل والقانون ضدك ويقلك بلغ ومعندو مادخلك!!!!!!!! وادا كنت تعرف القوانين ،تخاف اكتر من هدا ،على سبيل المثال مثلا لو تجد شخص تعرض لحادث المرور وتجد واحد مايقربو ،تطرح سؤال وتقول علاش ،لكن لو تعلم الاجراءات القانونية بعد نجدتك اليه ،تولي تقول واش داني ......
هل الامن في بلادنا راح حتى الانسان ولا يخاف يهز معاه اجنبي في السيارة ؟؟؟؟
كترو المجرمين والاجرام والله الامن ملحقش روحو ههه،
هل انت اخي الكريم لوكان جيت في بلاصطنا تحبس وتتشوف وش صاري؟؟؟
منكدبش عليك اذا الاحساس نتاعي قالي بلي اgــريسيو وتيقنت من ذالك ممكن جدا نعين الضحية بقدر المستطاع اذا كان العكس
حد ماشاف حد ممكن جي دير الخير ينقلب عليك وهذا كيما تعرف دير حساب للقانون لانه لايحمي المغفلين.​

هل مازال الناس لي تنهى عن المنكر في بلادنا ؟؟؟
مازال اخي ولكن قلة قليلة والاسباب دوما معروفة.
ام ان الرجال ماتو كامل في الثورة وبقينا حنا........
وقت الثورة شيء والوقت الحالي شئء ومازال رجال ياخي .
صراحة اسالة كثيرة بادرت ذهني لم اجد لها اجابة
بالتجربة تكون اقتنعت وجاوت نفسك
فاتمنى ان اجد لها جوابا هنا معكم
هادي اجابتي
وفي نقاشاتكم ..
اترك لكم النقاش والكلام اخوتي...
حفظكم الله ​

بارك الله فيك​

اخوكم زكريا..
شكرا​

بارك الله فيك خويا يعطيك الصحة
وكيما قلت ذرك قادر دير الخير تولي نتى في المحكمة تتحاسب
ربي يستر برك وين راهي لبلاد رايحة بالعقلية هاذي
حتى لوكان تلقى زوج يتشاجرو لوكان تلوح روحك نتى لي تباصي​

 

[ماكانش]

خواف هههههه

شفت لبارح لكلاب هاذوك وش دارولنا هههههه شعرة كلاونا هههه

ليوم الحرب مافيهاش هههه​

هههههههههههههههه
اسمع قول لأكرم يجيب معاه 200 ألف نديوهملو في لبرو هههههه​