واش رايكم في هاد القضية الخطيرة؟؟

[السلطانة]

السلام عليكم ورحمة الله وبركاته
شحال توحشت نكتب في الركن هادا
اليوم قلت نرجع بموضوع نتمنى يعجبكم
بون

هو محيرني بزاف
....................
في بلادي كثرو العلماء والمفتتين
ماوش قصدي المتخصين في هاد المجال حاشا هادوك الله يعطيهم ويرضيهم
وعمري لانغلط عالم او فقيه
باسكو منيش في مرتبتو باه نتجرأ عليه.

قصدي الناس لي تجيب من راسها وتحط
بدون ادلة وبراهين
ولايجيبولك من اللخر ويجيو
.
....بون واش تقصدي؟

نقصد لي خاطيهم الدومان ويفتو فيه
تهدري على الدين؟
:mellow:
راه القذافي وفتاو فيه
كاشما بقى؟

وي منيش نغلط في لي قرا لكتب
نغلط في لي قراها ومفهمش محتواها ولاطبق لي فيها
يعني انت تنصح وانت ماكش ناصح روحك
الحالة توسعت ووصلت حتى للنت
تلقاهم دايرين فتوى في المنتديات
وانا وانا
وهوما في الواقع لوكان تطل تلقاهم
اورشون
اكيد نهدر على البعض وليس الجميع


ياسلام على الروعة على قول الاشقاء
يعني هنا قضية تضارب
وتناقص نفسي
والمشكل الاكبر
يظهر هذا كله في شكل تعصب
يتبين من خلال نقاشات الشخص
الذي يظن نفسه في قمة الصح _o:
يعني متعولش تناقشو
في ظنو انت جاهل وديفوا توصل بيه
حتى يقولك راك كافر :scared:

يعني نساو بلي ديننا دين رفق
تحب توصل معلومة لواحد استعمل الرفق
باه يفهمك وتفهمو
ماش تشعل فيه


هذا موضوعي
نتمنى تناقشونا
وعندكم تكسلوني بطريحة

راني غير شوشو
برك

تحياتي
:crying:






​

 

[السلطانة]

شكرا على الاعتماد

​

 

[ALEXIS SANCHEZ]

شوفي نقولك
انا مايقنعني حتى واحد كي يعود يفتي لا بغى يكون اكبر علماء المسلمين
انا الحاجة لي تقنعني هي كل شيء مكتووب في القرآن وبس
بويسك رانا نشوفو شي ناس حاطين رواحهم يفقهو في كلشي ومن عندو تحبس
وكيما قالك تفلسف الحمار مات جوعا
وديجا نقولك
هاذو لي لي حاطين رواحهم وكيما حكيتي كامل منافقين
عمري راسك
ونظن فالدنيا هاذي ماكاش لي عندو الصح يعني الحقيقة
واللي عندو الحقيقة راه عندو نصف الحقيقة
بويسك الحقيقة الكاملة هي الله

صحيتي
​

 

[الورد الأحمر]

والله يا شوشو عاش من شافك هنايا وعندي مدة
حتى الدورة هنا ما ضربتهاش مي نضربها في خاطر
الموضوع هذا ... واش نقولك تلقاهم دايرين رايهم
يضحكو ويشيخو كان طفل راه شايخ مع لبنات وكان
طفلة راها شايخة مع الذكور ويديرو قعدات من بعد
يجيو اللولين يفتيو ... والله لا عجب في ناس كيما هاك
ولا يهدرو ويطيحو ويققلو أدب واحترام ويدخلوا
مدخل الوقاحة ويديرو رايهم من بعد يتفكرو ربي
ويقولك خاطيني ويهمني ربي والدنيا فانية و و و
ربي يهديهم ناس كيما هاك ومنين تروحي تلقاي
الشكالات هذو الله لا يكثر منهم وربي ينقص منهم
نعافهم ناش هكا ونشوفهم أحقر الناس هذو عندهم
تعريف واحد ناس مراض عندهم عقد نفسية وارتجاجات
في الشخصية منين تحصلهم يجيبو الدين كذريعة ويتخباو
ورا الدين زعمة وهوما غير كي يزيدو الطين بلة كيما
يقولو في التعبير الكتابي تاع العربية خخخ ... الله لا
يطيحنا في ناس هكا وربي يبعدهم علينا ...

أسرعكم للفتوى أقربكم إلى النار

​

 

[adel-mz]

سلام
والله عندك حق اختي ولا كل من هب ودب يفتي في الدين ،والمشكل كاينة ناس ادا هدرنا على الدين هو الاول وادا هدرت على السياسة ديما هو الاول هههه
يفهم في كلش !!!!!؟؟؟
الله يداوي الاحوال
بارك الله فيك الاخت

على ادا جاب فتوى
​

 

[الجزائري05]

اولا السلام عليكم ورحمة الله وبركاته

هذي غيبة يا اخت العرب في هاذ المنتدى

يعني في حقيقة الأمر نقدر نقولك ان الامة العربية عامة
وشعب الجزائري خاصة
tout térain
tt options
يعني وين ترميه تلقاه
ميكانيسان ويعرف للطب
pلومبي ويعرف للتريسيتي
دونتيست ويعرف للفلاحة

كفاكم تخلاط

نتمنى نكون ماخرجتش من اطار الموضوع

​

 

[الورد الأحمر]

سلام
والله عندك حق اختي ولا كل من هب ودب يفتي في الدين ،والمشكل كاينة ناس ادا هدرنا على الدين هو الاول وادا هدرت على السياسة ديما هو الاول هههه
يفهم في كلش !!!!!؟؟؟
الله يداوي الاحوال
بارك الله فيك الاخت

على ادا جاب فتوى
​

واش بيك انتا خويا تضحك عليهم ؟
يام هذو دخر البلاد يفهمو في كلش
في الدين في السياسة في لاماسونغي في الطب في التعليم في كلش في كل الميادين
وين تحطهم تلقاهم وما تناقشهمش برك سي نو يتفكرو ربي ويجبدولك كاش حديث
ولا وهوما لا علاقة ... ربي يبعدنا من مراض كيما هذو وراني شفتلي وحايد
في المنتدى هنا كيما هذو ... الله لا يجعلهم يدورو جيهتنا
سلامو
​

 

[شيزوفرينيا]

تلقاهم دايرين فتوى في المنتديات
وانا وانا
وهوما في الواقع لوكان تطل تلقاهم
اورشون
اكيد نهدر على البعض وليس الجميع ​

:showoff::santa_1:........... :sad:​

 

[ensam]

تقدري تسميهم دعاة العصر هه كيما هكدا صرا ما صرا في التسعينات كل واحد يحب يمشي الناس على حساب قوسطوه
و هدا نوع من النفاق شوية او الإستذئاب ههه يخرجو من الذئاب و منطبقة على الطفلة ولا الطفل هذا على النت يبان شخصية فور بزاف غير باه يوصل كي يوصل يخرج النيبان ههههه ايه باه يجبد يلزم يخلط في الدين يروح لمحرك البحث و يحط فتوى من و رد من و ينسى بلي راهم كل الاصناف يحطو على هدا النت خلاط كبير الله ينجينا برك

 

[ensam]

والله يا شوشو عاش من شافك هنايا وعندي مدة
حتى الدورة هنا ما ضربتهاش مي نضربها في خاطر
الموضوع هذا ... واش نقولك تلقاهم دايرين رايهم
يضحكو ويشيخو كان طفل راه شايخ مع لبنات وكان
طفلة راها شايخة مع الذكور ويديرو قعدات من بعد
يجيو اللولين يفتيو ... والله لا عجب في ناس كيما هاك
ولا يهدرو ويطيحو ويققلو أدب واحترام ويدخلوا
مدخل الوقاحة ويديرو رايهم من بعد يتفكرو ربي
ويقولك خاطيني ويهمني ربي والدنيا فانية و و و
ربي يهديهم ناس كيما هاك ومنين تروحي تلقاي
الشكالات هذو الله لا يكثر منهم وربي ينقص منهم
نعافهم ناش هكا ونشوفهم أحقر الناس هذو عندهم
تعريف واحد ناس مراض عندهم عقد نفسية وارتجاجات
في الشخصية منين تحصلهم يجيبو الدين كذريعة ويتخباو
ورا الدين زعمة وهوما غير كي يزيدو الطين بلة كيما
يقولو في التعبير الكتابي تاع العربية خخخ ... الله لا
يطيحنا في ناس هكا وربي يبعدهم علينا ...

أسرعكم للفتوى أقربكم إلى النار

​

باين بلي قلبكم راه خرج منهم هههههه ربي يكون في العون

 

[nina bonoise]

ايه وش نكره لي يجي يفتيلي و حاط روحوا امام و هو والوا
يشوفوا تدير في حاجة يخرجلك علاها فتوى تحريم
تعشي تقوليلوا اخطيني راني عارفة وش قاعدة ندير
مالة ماذا بيه ما يتفلسف ما يولي حمار
​

 

[ماكانش]

أهخلا بيك شوشو
نورتي المنتدى
والله مشكل صح
غير الدين ألي الناس كامل تحكي فيه وتلبز كيما تحب لاخاطر لقاو الحالة فارغة وماكانش ألي يكسلهم ويويفقفهم عند حدهم بل لقاو التشجيع ...
هل يقدرو هذ الناس يهدرو في الطب ؟؟؟ لالا لاخاطر يهدر يخلص، بصح الدين لبز برك
بصح ربي سبحانو يقول " ولا تقف ماليس لك به علم إن السمع والبصر والفؤاد كل أؤلائك كان عنه مسؤولا "
يعطيك الصحة​

 

[الورد الأحمر]

باين بلي قلبكم راه خرج منهم هههههه ربي يكون في العون

ههه ههه هاو هذا يفهم شوشو ههه فاق
آمين خويا غير دور برك في كاغتيك تلقى الصنف هذا
واتمعن مليح في المنتدى تلقى تاني ما تتحيرش
وكل شيء ممكن :re_gards:
سلام
​

 

[hadil2044]

عندك الحق اختي وربي يهدي ما خلق

 

[ensam]

ههه ههه هاو هذا يفهم شوشو ههه فاق
آمين خويا غير دور برك في كاغتيك تلقى الصنف هذا
واتمعن مليح في المنتدى تلقى تاني ما تتحيرش
وكل شيء ممكن :re_gards:
سلام
​

:um_sh: شكون شوشو هه مالقيت عضو مشارك بهدا الاسم
فايق ؟ ههه لالا باين من كلامك باسكو حمقتي بزاف كيما نقولو :det_ective:
و المنتدى هدا ولا غيرو فيه ناس كيما هكدا و بلا حساب ربي يهدي ماخلق ...
و كل شي واضح بلا ما تتمعن ...الواحد رايح يكبر في المنتديات ههه:thumb_up1:
سلام

 

[الجزائري05]

اتحداك تحكم ضرك وليد حومتك و تدير هذه الخطوات

1-اهدرلو سياسة و ليبيا...وقذافي....يجاوبك و كانه محلل سياسي
2-اقلبلو الsujet اهدرلو بالون يوليلك سعدان
3-اهدرلو انترنت كيفكيف tjr présent
4-اهدرلو فالدين بابابابا ماشاء الله يفتيلك sans voire
.....الخ

مازالني في رحلة البحث عن اسئلة تعجيزية لوليد الحومة لكن بدون جدوى :/


اقتباسات فايسبوكية

​

 

[miss meryy]

الرجال أربعة​

فرجل يدري ويدري انه يدري

فذلك عالم فاعرفوه​

ورجل يدري ولا يدري انه يدري

فذلك غافل فأيقظوه​

ورجل لا يدري ويدري انه لا يدري​

فذلك جاهل فعلموه​

ورجل لا يدري ولا يدري انه
لا يدري

فذلك أحمق فاجتنبوه​

 

[meriem150491]

انا منستعرف حتى بواحد غير بربي سبحانو والرسول صلى الله عليه وسلميعني واش كان في القران والسنة خلاص وتالي يجي واحد يدير روحو يفتي عليا غير يزيدها في روحو




​

 

[Melia azedarach]

وشحال نكره هذي العقليّـة
انا مني من المفتين وما نحب يلي يدير روحو مفتي
خيته انا نتقلق منهم سيرتو يلي يلعبوها ينصحوا وهوما مش لاحقين برواحهم
يقالك شاعر
لا تنه عن خلق وتأتى مثله ...عار عليك إذا فعلت عظيم
وحنا رانا نشوفو في الجماعة كامل ولاو مفتين ماشاء الله
ثابت انا كي نتقلق نضربه نطيره

مارسي سيجي مليح

 

[barca.moha]

يا لالة
العباد نتاوعنا وخصوصا ليزاراب ولاو يفهمو في كلش في الدين في السياسة في البالون في كلش
يتفرج ربع ساعة في الجزيرة ولا كاش قناة دينية
وكيخرج يدير درس نتاع ساعتين
عن نفسي منسمعش كيما هاد لحديث مام نجوز على ناس مي نبعد عليهم
...​

الله غالب القتيلة مش حلال لوما منخلي حتى واحد عايش​