الرجاء الدخول موضوع مهم جدا اريد مساعدتكم فيه

[مشاعر كاذبة]

السلام عليكم ورحمة الله تعالي وبركاته​

اليوم حبيتكم تساعدوني في وحد الموضوع وهو اختيار الشعبة اليوم اعطانا المدير بطاقة الرغبات باش نعمروها مكتوب فيها
-جذع مشترك اداب
-جذع مشترك علوم وتكنولوجيا
-تعليم مهني
-تكوين مهني
وانا مفهمتش وش فيهم هد التعليم المهني والتكوين المهني وممكن تساعدوني في الاختيار مع العلم انا من محبي المواد الاجنبية خاطيني ادب وفلسفة وش ممكن نختار من هد ال4باش نديره رقم 1
بلييييييز الي يعرف يفهمني ومراحش ننسا خيركم وشكرا....:re_gards:​

 

[•мϊѕŝ Šрέсǐάł•]

هيههيهيهي راني في نفس الوضع اختي ,, ما علاباليش واش نخير
مي حنا مازال ما عطاولناش لااستمارة
ان شاء الله يعاونوك ناس اللمة ^^

 

[يوسےفے]

جذع مشترك علوم وتكنولوجيا
الافضل .....و تمكنك من الدراسه تقريبا كل التخصصات في الجامعه بحول الله

اما التكوين و التعليم المهني أول مره نسمع بيهم
موفقه

 

[سجينة الصمت]

ديري رقم 1 في حدع مشترك اداب ورقم 2 في جدع مشترك علوم وتكنولوجيا ورقم 3 للتكوين المهني ورقم4 لتعليم المهني
والتكوين المهني والتعليم المهني هادو خاطيك انت
مدام حابة لغات اجنبية خيري جدع اداب وفي السنة التانية ان شاء الله تخيري لغات اجنبية

 

[amira style]

شوفي اختي التكوين المهني الى مايجيبش الباك يروح يديرهم
انت دوكا خيري بين فلسفة و علوم واش تحبي انت المواد الى يساعدوك
اذا تحبي اللغات خيري شعبة ادب و كي تطلعي السنة الثانية ثانوي
روحي لغاااااات و ربي يوفقك

 

[assinat]

التكوين و التعليم المهني خاطيك اذا حابة تديري لغات خيري شعبة الاداب و الفلسفة ديري شرطة و لا رقم 1 عند شعبة الاداب و الفلسفة

 

[tayeb1960]

سلام
شوفي اختي انا ننصحك ديري جذع علوم مشترك
ومباعد كي تطلعي ان شاء الله اذا ماعجبتكش بدلي ادبية
تقدري من علوم تبدلي ادب
بصح مكانش منها تبدلي من ادبية الى علمية
نصيحة لوجه الله
سلام

 

[ђĩหđǿĉħǻ]

لا اعلم سوف اعود
​

 

[ياسمين عنابة]

السلام عليكم ورحمة الله تعالي وبركاته​

اليوم حبيتكم تساعدوني في وحد الموضوع وهو اختيار الشعبة اليوم اعطانا المدير بطاقة الرغبات باش نعمروها مكتوب فيها
-جذع مشترك اداب
-جذع مشترك علوم وتكنولوجيا
-تعليم مهني
-تكوين مهني
وانا مفهمتش وش فيهم هد التعليم المهني والتكوين المهني وممكن تساعدوني في الاختيار مع العلم انا من محبي المواد الاجنبية خاطيني ادب وفلسفة وش ممكن نختار من هد ال4باش نديره رقم 1
بلييييييز الي يعرف يفهمني ومراحش ننسا خيركم وشكرا....:re_gards:​

عليكم السلام ورحمة الله تعالى وبركاته
تختارين جذع مشترك علوم وتكنولوجيا
وسيتم توجيهك اوليا بعد معدل الثلاثي الاول
ويتم التوجيه حسب معدل المجموعتين
مجموعة الاداب وتدخل ضمنها اللغات الاجنبية وكذا اللغة العربية والتاريخ والجغرافيا
ومجموعة العلوم وتدخل ضكمنها ايضا اللغات الفيزياء العلوم والرياضيات
وحسب المعدل يتم تحديد الشعبة مؤقتا
ليتم توجيهك بشكل نهائي بعد الشهادة والنجاح ان شاء الله
ملاحظة اذا كنت من المتفوقات ومعدلك من 15فأكثر فستلبى رغبتك

اما التكوين المهني والتعليم المهني فهي اختيارات يوجه اليها من لم يسعفه الحظ في النجاح
او رغب في الانفصال عن الدراسة
أسأل الله لكم جميعا التوفيق

 

[عربية6]

-تعليم مهني
-تكوين مهني

هادو خاطيينك انتي....هادو زوج للي مايربحوش البيام

اما زوج اللي بقاو...يليق تعرفي في راسك واش حابة تقراي ولاواش باغية تكوني مستقبلا
و ثاني تشوفي روحك المواد اللي مسلكة روحك فيهم بزاف

يل جايبتها فالمواد العلمية اختاري جذع مشترك علوم و تكنولوجيا...انا نظن انو افضل من الاخر
بويسك فيه بزاف اختيارات بعد الباك ان شاء الله

و يل تسلكي روحك فالمواد الادبية اكثر تختاري جذع مشترك اداب و تقراي فالليسي العام الاول عادي حتى للعام الثاني يعطيوك تختاري شعبة لغات اجنية ولا اداب و فلسفة

ان شاء الله ربي ينجحك اختي

و يوفقك في مشوارك الدراسي

تحياتي
​

 

[βǻŋǾừŧά ₡ǖŦё]

انا تاني او كيفك مي احنا اعادا ما عطاولناش بطاقة الرغبات
بسح نقلك خيري جدع مشترك علوم و تكنولوجيا
وكي تطلعي للثانوية تقدري تبدلي الادب لكان لقيت روحك
ما تساعدكش بسح او مستحيل ترجعي من الادب الى العلمي
واختاري
​

 

[مشاعر كاذبة]

مرسي بزاااااااااااف ليكم عاونتوني ربي يحفظكم انا رح ندير جذع مشترك اداب و ان شاء الله في السنة 2ثانوي ندير لغات اجنبية انا ضعيفة فالرياضيات والتكنولوجيا اعلابيها الجذع علوم وتكنولوجيا خاطيني
ربي ينجحنا كامل الله يحفظكم