ماذا ستطبخين اليوم سيدتي الجزء 7

[حكيك]

بسم الله الرحمان الرحيم
نفتحوا جزء 7 على بركة الله
​

 

[ŚσÚмĨÁ.Ďz]

مبروووك الافتتآح
حكيك شكرا ليك على طرح الموضووع
اهلا واش راكم ؟؟.كاش غداا اليوووم ؟
كوثر مابانتش اليووم وين راها

 

[M!ss D!or]

مبرووووك الافتتاح
اللهم صلي على النبي
​

 

[روز]

مبروك افتتاح الجزء7
ام كوثر يسقسي عليك الخير مرسي خية
ندوشة لبراج روعة بالاك نخدمهم هذ الايامات
كوثر ديك لاتارت هايلة وايمان عشاك روعة بصحتك
نانوس وش راني نسمع معولة توصليها لل90؟؟؟ههه استحفظي على روحك يابنتي
بسومة وسمورة ومريمواختي حكيك والكل ان شاءلله بخير

 

[ŚσÚмĨÁ.Ďz]

اهلا سافيناز كيراكي انتى وروز ؟؟؟
واش معوليين تخدموا في هآد العيد بديتو ولامزال القاطو ؟؟
نححب التقرعيج بزاااف ههه
​

 

[حكيك]

اهلا راني صايمة مع ولدي صايمكم في الجنة لراه صايم
راني نعمل الفطور تقولي رمضان راه عندي كلشي نجبد حسبت روحي وحدي نسلك بصاح مين مع ولدي منفدرش تحياتي ليكم

 

[imane27]

اهلا اختي حكيك شكرا الجزء السابع واش درتي لفطور واش معولة لقاتو عيد وانشاء الله حطيلنا اطباقك تاع عيد اضحى نشفوها

 

[momoude]

بصحتكم لغدى وبصحتكم الصايمات ربي يتقبل ان شالله

 

[عفاف الجزائرية]

اني جاية نحط كل واش فات من اطباق
اني درت الكوراج
​

 

[ام ابتسام]

مبروك الافتتاح السابع عتبة خير علينا


ibtesem, ‏imane27, ‏حكيك

واش احوالكم لبنات ان شالله بخير كاش كبش ولامازال كيما اختكم

ام كوثر لعزيزة ماتنسينيش بوصفة الطورنوا عججبني بزاف وخاصة القلاصاج انا مايصلحليش مانعرفش وعلاش السر وين يافريدة اختي اممممم؟

انا اليوم البرد والامطار مشاء الله هذا وين رزقنا الله

عملت حريرة

وبيتزا

بصحتكم كامل واش طيبتوا


شفت اكلاتم مشاء الله تحفة الله يبارك عليكم
ندى اختي البراج يشهي ابتسام الله يدم المحبة بينك وبين جارتك طعام رائع

وكل اكلات البنات تسلم الايادي هذي البيتزا تاعي جات روعة هشيشة والطعم ولا الذ

وهذا الطبسي للي يرد الاول

تحياتي

 

[ŚσÚмĨÁ.Ďz]

صحاا صياامكم احنا يما راهي صايمة تانى
وتسلم عليكم بزاف
انا هاد العيد حابة نخدم المخبز والقاطو نتاع حلاوة الترك والمخيدات
والله ماعلبالى باغسك ماعنديش 10 ايام خدمتوا نحب ندير حاجة جديدة
وكاش انواع جديدة اخرى منعرف

 

[ŚσÚмĨÁ.Ďz]

ههههه امممم ام ابتسام انا الاولى رديت تسمحيلي نديه ولالا ؟
كيرااكي وكيراها بسومة بنتك ؟

 

[ŚσÚмĨÁ.Ďz]

لڪْبريآئيْ روْآيہَ, ‏السلفية الصغيرة, ‏ام ابتسام, ‏بلادي نبغيك, ‏ibtesem, ‏كوثر الوهرانية
وراكي متخبية اهلا نورتي الموضوع
كيرااكي اليووم واش راهم ولادك وراجلك ؟ ان شاءالله غايا

 

[oumniati]

مبروك العتبة الجديدة

 

[كوثر الوهرانية]

الف مبروك البيت الجديد
مشكورة اختي حكيك و صيامكم فالجنة و صح فطورم
اسمهان راني نا حبيبتي
الميكروا جاي فالصالة و كي يجوا رجال يطلوا على راجلي نروح ملهيه بينتنا نبقى نقول وقتاش يروحوا هدوا ههههههه سلميلي على ماماك و قوليلها صح فطورك
روزيتا وين كنتي اختي هدي غيبة
باقي رغودة تدخل
ندوشة لبراج يشهوا نديرهم هدوا ليا ان شاء الله و بصحتك الحوت
ام ابتسام بصحتك البيتزا جاتك روعة و هاكي وصفة الطورنوا

6 حبات بيض +5 كيسان تاع اتاي سكر+4 كيسان تاع اتاي زيت+4خمارة الحلوة+ 250غ مايزينة+ فاني و مبشور الليمون فرينة على حسب الخلط تكون العجينة طرية مثل عجية الصابلي
القلاساج
750غ سكر قلاسي+بياض بيضة و عصير ليمونة نخلطهم و نضيف ماء زهر و نخلك بملعقة خشب حت تحصل على قلاساج
ادا جراتلك زيدي شويا سكر قلاسي و ديري الملون الي تحبيه

 

[كوثر الوهرانية]

لڪْبريآئيْ روْآيہَ, ‏السلفية الصغيرة, ‏ام ابتسام, ‏بلادي نبغيك, ‏ibtesem, ‏كوثر الوهرانية
وراكي متخبية اهلا نورتي الموضوع
كيرااكي اليووم واش راهم ولادك وراجلك ؟ ان شاءالله غايا

ه اسمهان كنت مخب الرجال كانوا نا يطلوا على راجلي كي راحوا جيت نجري
ربي يخليك ليا يا الغالية
مقلتيليش وين تسكني في وهران
انا ن حي الصباح و نتي ?

 

[momoude]

بصحتك ام ابتسام لبيتزا تشهي

 

[كوثر الوهرانية]

اهلا مامود كي صبحتي كاش نو راهي تصب عندكم
امابتسام الكاس الي تعبري بيه تا لتاي هدوك الي يجوا دوري

 

[حكيك]

اهلا اختي حكيك شكرا الجزء السابع واش درتي لفطور واش معولة لقاتو عيد وانشاء الله حطيلنا اطباقك تاع عيد اضحى نشفوها

درت حريرة وفلفل تورت طاجيين سفرية وطاجين حلو سفرجل
اما سلاطة ميحبهاش الا الروز
بالنسبة للقاطو معولة نعمل غير ساهليين وتاع زمان مع المسمنة راهي فالكونجلتور مين نعملهم نصورهم
بصاحتكم الغداء

 

[عفاف الجزائرية]

اني درت الكوراج وهبطت نص الفوطوات قصدي الاكلات
المهم نبداو
من مدة جاوني حباباتي يطلو على ماما
بعد العصير والفواطه لقيت عندي ياوورت نتاع توجة اللي من الاسفل شوكولا ومن الفوق كريمة شانتيي وعندي دي سيقار
المهم نحيت لاشنتيي كامل بحذر
وخلطت الياوورت وكسرة فيه دي سيجار باه يجي يتقرمش
وحطيته في كيسان وزينته

بعده درت سباقيتي نتاع القمح بلاصوص مع صدور دجاج
هاهي ليكم

وهذا كان عشايا انا ريجيم

ولبارح للغدا درتلهم مهراس سلاطة

كيما تقولها حبيبتي ام ندوش زوووووووم

وللعشاء درتلهم بربوشة سخفوني فيها البنات

وهذا ليوم للغداء

وهذي خضرة ليا رحيتها بيون

وربي يدومها نعمة
مازال مقروط الطاجين كي نعسله ونزينه نحطهولكم في مضووع
غدوا كي يجي خويا ان شالله
​